ဘုရားရှင်နဲ့အတူ အပူဇော်ခံရတဲ့ ရဟန္တာတွေဟာ ဘယ်ရဟန္တာရယ်လို့ အဟိအကျဖော်မပြထားပါဘူး။ ဒါပေမယ့် အခုဘုရားကိုးဆူပူဇော်ပွဲမှာတော့ ရဟန္တာ ၈-ပါးရဲ့ အမည်ကို တိတိကကျကျ ဖော်ပြထားပါတယ်။ ဘယ်ရဟန္တာ ဘယ်အရပ် ဘယ်ထောင့်မှာ နေရမယ်ဆိုတာကိုလဲ အတိအကျ သတ်မှတ်ထားပါတယ်။ အရှေ့မြောက်ထောင့်မှာ ရှင်ရာဟုလာ၊ အရှေ့မှာ ရှင်ကောဏ္ဍည၊ အရှေ့တောင်ထောင့်မှာ ရှင်ရေ၀တက၊ တောင်အရပ်မှာ ရှင်သာရိပုတ္တရာ၊ အနောက်တောင်ထောင့်မှာ ရှင်ဥပါလိ၊ အနောက်မှာ ရှင်အာနန္ဒာ၊ အနောက်မြောက်အရပ်မှာ ရှင်ဂ၀ံပတိက၊ မြောက်အရပ်မှာ ရှင်မောဂ္ဂလာန်ဆိုပြီး နေရာ သတ်မှတ်ထားပါတယ်။ ဘယ်ရဟန္တာကို ဘာ့ကြောင့် ဘယ်အရပ်မှာ ထားတယ်ဆိုတာတော့ အကြောင်း အခိုင်အမာ မတွေ့ရပါဘူး။
တချို့စာအုပ်တွေမှာာက ရဟန္တာ နေ့သင့်အလိုက် နေရာချထားတယ်လို့ ဆိုပါတယ်။ ဥပမာ- ရှင်သာရိပုတ္တရာဟာ ဗုဒ္ဓဟူးသားဖြစ်လို့ တောင်အရပ်မှာ ထားတယ်လို့ ဆိုထားပါတယ်။ ဒါပေမယ့် ရှင်သာရိပုတ္တရာဟာ ဗုဒ္ဓဟူးသားဖြစ်တယ်လို့ ပိဋကတ်မှာ မပါလို့ ယုတ္တိတော့ မတန်ပါဘူး။
No comments:
Post a Comment