ပါဏာတိပါတာစတဲ့ ငါးပုဒ်ကို ဘာလို့ခေါ်သလဲ ?
ပါဏာတိပါတာစတဲ့ ငါးပုဒ်ကို ငါးပါးသီလလို့ ခေါ်ပါတယ်။ တစ်သက်ပတ်လုံး စောင့်ထိန်းရတဲ့ သီလဖြစ်လို့ နိစ္စသီလလို့ ခေါ်ပါတယ်။ သူတော်ကောင်းတို့ အမြဲအလေးဂရုပြုရလို့ ဂရုဓမ္မသီလလို့လဲ ခေါ်ပါတယ်။
ပါဏာတိပါတာ ဝေရမဏိသိက္ခာပဒံသမာဒိယာမိဆိုတဲ့ ပါဠိက ဘာဆိုလိုသလဲ?
အဲဒီပါဠိက သူတစ်ပါးအသက်ကို သတ်ခြင်းမှ ရှောင်ကြဉ်ကြောင်းဖြစ်သော သိက္ခာပုဒ်ကို ငါဆောက်တည် ပါ၏လို့ ဆိုလိုပါတယ်။
ကာမေသုမိစ္ဆစာရာစတဲ့ ပါဠိက ဘာဆိုလိုသလဲ ?
သူတစ်ပါးသားမယားနှင့် ဖောက်ပြား ကျူးလွန်ခြင်းမှ ရှောင်ကြဉ်ကြောင်းဖြစ်သော သိက္ခာပုဒ်ကို ဆောက်တည်ပါ၏လို့ ဆိုလိုပါတယ်။
မုသာဝါဒါ စတဲ့ ပါဠိက ဘာကို ဆိုလိုသလဲ ?
မဟုတ်မမှန်ပြောဆိုခြင်းမှ ရှောင်ကြဉ်ကြောင်းဖြစ်သော သိက္ခာပုဒ်ကို ဆောက်တည်ပါ၏လို့ ဆိုလိုပါတယ်။
သုရာမေရယစတဲ့ ပါဠိရဲ့ အဓိပ္ပာယ်က ဘာလဲ ?
အရက်သေစာ သောက်စား မှုးယစ်ခြင်းမှ ရှောင်ကြဉ်ကြောင်းဖြစ်သော သိက္ခာပုဒ်ကို ဆောက်တည်ပါ၏လို့ ဆိုလိုပါတယ်။
No comments:
Post a Comment