အပါယ်လေးပါးဆိုတဲ့ မကောင်းတဲ့ဘုံ ဘ၀အဖြစ်ဆိုးတွေမှာ လွတ်မြောက်ဖို့နဲ့ ကောင်းမြတ်တဲ့ နိဗ္ဗာန်ကို ရဖို့ ဆုတောင်းရုံသက်သက်နဲ့ မရပါဘူး အပါယ်လေးပါးစတဲ့ မကောင်းတဲ့ ဘုံဘ၀အဖြစ်ဆိုးတွေကို ရောက်စေဖြစ်စေမယ့် အပြုအမှု အပြောအဆို အကြံအစည်တွေကို မပြု မပြောမကြံစည်မိအောင် ရှောင်ကြဉ်စောင့်ထိန်းခြင်းဖြင့် အပါယ်စတဲ့ မကောင်းတဲ့ ဘုံဘ၀ဌာနတွေက လွတ်မြောက်နိုင်ပါတယ်။
နိဗ္ဗာန်စတဲ့ ကောင်းမြတ်တဲ့ အရာကိုရဖို့ဟာလဲ ဆုတောင်းလို့မရဘူး။ နိဗ္ဗာန်ရောက်စေနိူင်တဲ့ သီလ၊ သမာဓိ၊ ပညာ စခန်းသုံးဆင့်ကို လက်တွေ့ကျင့်ကြံ အားထုတ်ခြင်းဖြင့်သာ နိဗ္ဗာန်ကို ရနိုင်ရောက်နိုင်ပါတယ်။
ဗုဒ္ဓဘာသာဘုရားဟာ လူသားတွေအတွက် လမ်းမှန်ကိုသာ ညွှန်ပြတယ်။ အပါယ်ဆင်းရဲရောက်မယ့်လူကိုလဲ ကိုယ်တိုင် မကယ်နိူင်ဘဲ လူ့ပြည်၊ ဗြဟ္မာပြည်၊ နတ်ပြည် ရောက်အောင်လဲ မပို့ဆောင်ပေးနိူင်ဘူး။ ဆင်းရဲဒုက္ခတွေက လွတ်ကင်းပြီး ချမ်းသာသုခကို ခံစားနိူင်ဖို့အတွက် လူသားဟာ သူကိုယ်တိုင် ကိုယ့်အားကိုယ်ကိုစနစ်နဲ့ ကြိုးစားအားထုတ်ကျင့်ကြံယူရမှာ ဖြစ်ပါတယ်။
No comments:
Post a Comment