မြန်မာအမည် - ပတဲကောကြီး၊ ပတဲကောလတ်၊ ပတဲကောလေး
အပင်ငယ်မျိုး ဖြစ်၍ အမြဲ စိမ်းလန်းနေသည်။ ၅-ပေမှ ၈-ပေအထိ မြင့်သည်။ ရွက်ဟောင်း ပင်စည် ဖြစ်သည်။ မတ်မတ် ထောင်လျက် ပေါက်ပြီး ပင်စည်လုံး မာကျောသည်။ အရွက်သည် ပင်စည်ကို ပတ်၍ ရွက်လွဲ ထွက်သည်။ ရွက်ညှ တိုသည်။ ရွက်လယ်ကြော ထင်ရှား၍ မြှောင်းပါသည်။ မျက်နှာပြင် နှစ်ဘက်လုံး ချောမွေ့ပြီး ရွက်နား ညီသည်။ ရွက်ပြားကျဉ်း၍ ရွက်ထိပ် ခွှန်သည်။ ရွက်ရင်း သွယ်သည်။ အပွင့်ကလေးများမှာ သေးငယ်ပြီး အဖြူရောင်တွင် နီညိုစင်းကလေးများ ပါရှိသည်။
ပတဲကောလေးမှာမူ ပင်ပျော့ ပင်ငယ်မျိုး ဖြစ်ပြီး အမြင့်၃-ပေ မှ ၄-ပေအထိ ရှိ၏။ ရွက်ရောင်းပင်စည် ဖြစ်၏။ အရွက်မှာ လှံစွပ်ပုံ ဖြစ်၏။ ရွက်ပြားသည်။ သားရေကဲ့သို့ ပျဉ်းတွဲသည်။ ရွက်လယ်ကြော ထင်ရှားသည်။ အပွင့်မှာ စိမ်းဝါရောင် ဖြစ်သည်။ မြန်မာနိုင်ငံ အနှံ့အပြားတွင် တွေ့ရှိနိုင်သည်။ ပူအိုက်စွတ်စိုသော ရာသီရှိသည့် ဒေသတို့တွင် အများအပြားတွေ့ရှိ နိုင်သည်။ ဥတက်ကို အတို့အမြှုပ်အဖြစ် လည်းကောင်း၊ ဟင်းချို ချက်၍ လည်းကောင်း စားသုံးနိုင်သည်။ ပတဲကောမြစ်၊ ဥကို ပြုတ်၍ သောက်ပါက ဆီးရောဂါများ ပျောက်ကင်းသည်။
No comments:
Post a Comment