ဝိတ်လျှော့မလား (အတွေးအမြင်ပုံပြင်)

“မျက်နှာကြီးလဲပြဲ၊ ဗိုက်ကြီးလဲပိုရွှဲလာတယ်"

လန်ဘားကိုကြည့်ပြီး မဲတူက ပြောတယ်။

သူတို့အုပ်စုဟာ ကျမ်းမာရေးအတွက် မနက်တိုင်းလမ်းလျှောက်ကြတယ်။

လမ်းလျှောက်ပြီးရင် လက်ဖက်ရည်ဆိုင်တစ်ဆိုင်မှာ စုထိုင်ပြီး မုန့်စားတယ်။

အားကစားလုပ်တာ နည်းနည်း အစားစားတာ များများမို့ တစ်ဖွဲ့လုံး ၀ဖြိုးပြီး ကိုယ်အလေးချိန်တက်လာနေတယ်။

“ငါလဲ ဘယ်လို ၀ိတ်လျှော့ရမှန်းတောင် မသိတော့ပါဘူး" လို့ လန်ဘားက ပြောတယ်။

“အကောင်းဆုံးဝိတ်လျှော့နည်း ပုံပြင်တစ်ပုဒ်ရှိတယ်ကွ" လို့ဆိုပြီး ရွှီး က ပြောတော့ သူငယ်ချင်းအားလုံးက စိတ်ဝင်တစားနားစွင့်တယ်။

“ မြန်မြန်ပြောစမ်းပါ" လို့ ဘဲဥမ က တောင်းဆိုတယ်။

“အမျိုးသားတစ်ယောက်က အားကစားကုမ္ပဏီတစ်ခုကို ဖုန်းဆက်ပြီး ငါးရက်နဲ့ ၀ိတ် ဆယ်ပေါင်ကျသွားမဲ့အစီအစဉ် ရချင်ပါတယ် ပြောသတဲ့"

“တကယ်လား"

"နောက်နေ့မနက်မှာတော့ သူ့အိမ်တံခါးကို ဖွင့်ပေးလိုက်တော့ ၁၉ နှစ်အရွယ် လုံးကြီးပေါက်လှ အားကစားမယ် အမျိုးသမီးဟာ Nike အပြေးဖိနပ်လေးဝတ်ပြီး ရပ်နေတာကိုတွေ့သတဲ့။ မိန်းကလေးက သူဟာ ၀ိတ်လျှော့ပေးတဲ့အားကစားကုမ္ပဏီကဖြစ်ကြောင်း မိတ်ဆက်ပြီးပြောသတဲ့"

“နာပါ့ကွာ"

“အဲဒီကောင်မလေးပဲ လေးရက်ဆက်တိုက် သူ့ဆီလာပြီး ပြေးတမ်းလိုက်တမ်း ကစားသတဲ့။ ပွဲသာပြီးသွားရော ကျွဲမြီးတို ဟောဟဲလိုက်ပြီး စခမ်းသိမ်းသွားတာချည်းပဲ"

“ညံ့လိုက်တဲ့လူကွာ"

“ငါးရက်နေတော့ ၀ိတ်လျှော့ချင်တဲ့လူက သူ့ဟာသူပေါင်ချိန်ကြည့်တာ ကုမ္ပဏီကအာမခံထားတဲ့အတိုင်း
ဆယ်ပေါင်လောက်ကျသွားလို့ ကျေနပ်သတဲ့"

“တစ်ဖက်မှာတော့ မဆိုးပါဘူး"

“ ဒါနဲ့ ကုမ္ပဏီကို ဖုန်းဆက်ပြီး ငါးရက်နဲ့ ပေါင် ၂၀ ကျမယ့်အစီအစဉ်ပေးပါလို့ သူမှာတယ်တဲ့"

“ စိတ်ဝင်စားစရာဘဲ"

“ နောက်တစ်နေ့မှာတော့ သူ့အိမ်တံခါးခေါက်လို့ ဖွင့်လိုက်တော့ ...

သူ့တစ်သက်တာမှာ တစ်ခါမှမမြင်ဘူးတဲ့ အလှပဂေး အချောအလှ ကောင်မလေးတစ်ယောက် တံခါးဝမှာရပ်လို့ Reebok အပြေးဖိနပ်လေးပဲဝတ်ထားတယ်၊ လည်ပင်းမှာ စာဆွဲထားတာက လွတ်အောင်ပြေးမယ်၊ လိုက်ဖမ်းပါ၊ မိတဲ့အခါ ရှင့်သဘော တဲ့"

“တယ် မိုက်ပါလား"

“အဲဒီလူက သေနတ်ကပစ်လိုက်တဲ့ကျည်ဆန်လို ကောင်မလေးရှိရာကို လှစ်ကနဲ တံခါးဝက ပြေးဆင်းလိုက်တယ်။ ကောင်မလေးရဲ့ ခန္ဓာကိုယ်အချိုးအစားကလည်း သိပ်လှတာပဲ။ အဲဒီလူလဲ သူ့အစွမ်းရှိသလောက်တော့ အစွမ်းကုန်ကြိုးစားတာပဲ။ ဒါပေမဲ့ သူ့ခမျာ ကံမလိုက်ရှာဘူး။ နောက်ထပ် လေးရက်တိတိ ကြိုးစားပေမဲ့လဲ အရာမထင်ဘူး။ တစ်ရက်နဲ့တစ်ရက် သူ ပိုပြီး မြန်မြန်ပေးလာနိုင်ပေမဲ့လဲ ကောင်မလေး ကိုတော့ မမှီဘူး။ ငါးရက်မြောက်တဲ့နေ့မှာတော့ သူဟာ ပေါင် ၂၀ ၀ိတ်ထပ်ကျသွားတာ တွေ့သတဲ့"

“လူချင်းလဲလိုက်ချင်သေးတော့ကွာ"

“ဒီတစ်ခါတော့ အပြတ်ချမယ်ဆိုတဲ့ ဆုံးဖြတ်ချက်နဲ့ သူ က ကုမ္ပဏီကိုဖုန်းဆက်ပြီး ခုနစ်ရက်နဲ့ ပေါင် ၅၀ ကျမဲ့အစီအစဉ် လုပ်ချင်တယ်လို့ ပြောတယ်။ ကုမ္ပဏီက ခင်ဗျားဘက်က သေချာရဲ့လား မေးတယ်။ ဒီအစီအစဉ်က အပြင်းထန်ဆုံးနော် လို့လဲ သတိပေးတယ်။ အဲဒီလူကလဲ စိတ်အားထက်သန်စွာနဲ့ လုံးဝဥဿုံ ယုံလိုက်စမ်းပါဗျာ၊ အခုတလောမှာ ကျွန်တော့ ကျမ်းမာရေး အရမ်းကောင်းလာတယ် ဆိုပြီး ပြန်ပြောတယ်"

“ကျားနဲ့ဆင် လယ်ပြင်မှာ တွေ့မယ်ပေါ့"

“နောက်နေ့မှာတော့ ထုံးစံအတိုင်း တံခါးခေါက်သံကြားရတယ်။ တံခါးဖွင့်ကြည့်လိုက်တော့ ကြွက်သားအဖုအဖုနဲ့ လူ့ဘီလူးအမျိုးသားထွားထွားကြီးတစ်ယောက် တံခါးဝမှာရပ်နေတယ်။ ပန်းရောင်အပြေးဖိနပ်ကို စီးထားတယ်။ သူ့လည်ပင်းမှာ ဆွဲထားတဲ့စာက လွတ်အောင်ပြေးပါ။ ဖမ်းမိရင် မသက်သာတဲ့"

“အမယ်လေး ကြောက်စရာကြီးပါလား"

“အဲဒီ သီတင်းပတ်မှာ သူ ၆၃ ပေါင်တောင်မှ ၀တ်လျော့သွားတယ်တဲ့"

ဖေလင်းသစ်