ပထ၀ီကသိုဏ်းကို ပွားများအားထုတ်သဖြင့် ဈာန်ရရှိလာသူသည် ထိုဈာန်ရရှိသည့် အချိန်မှာပင် “ငါသည် ဤမည်သော အစားအစာ၊ ဤမည်သော ပုဂ္ဂိုလ်၊ ဤမည်သော ကျောင်းနေရာကို မှီဝဲ၍ ဤမည်သော ဣရိယာပုထ်ဖြင့် ဤအချိန်၌ ဤဈာန်ကို ရရှိခဲ့သည်” ဟု ထိုနေ့က စားသုံးခဲ့သော အစားအစာ၊ မှီဝဲခဲ့သော ပုဂ္ဂိုလ်၊ နေရာ၊ ကျောင်း၊ ဣရိယာပုထ်၊ ရာသီဥတု စသည်တို့ကို ပြန်လည် အောက်မေ့၍ မှတ်တမ်းတင်ထားရမည်။ ဤသို့ မှတ်တမ်းတင်ထားခြင်းဖြင့် ဈာန်လျောကျသွားသော် ထိုမှတ်တမ်းကို အသံးပြု၍ ဈာန်ရအောင် ပြန်လည်အားထုတ်နိုင်မည်ဖြစ်သည်။
ပြည်ထောင်စု မြန်မာနိုင်ငံတော်အစိုးရ သာသနာရေးဝန်ကြီးဌာန ဗုဒ္ဓဘာသာတရားတော် (အဆင့်မြင့်) စာအုပ်မှ ထုတ်နူတ်ဖော်ပြသည်။
No comments:
Post a Comment