ကမ္မနိယာမ

ကမ္မနိယာမမှာ သတ္တ၀ါမှန်သမျှ မိမိတို့ ရှေးကပြုခဲ့သော ကံအမူနှင့်တူစွာ အကျိုးပေးမူ မြဲခြင်းဖြစ်၏။

ချဲ့ဦးအံ့ - မြတ်စွာဘုရားလက်ထက်၌ သာဝတ္ထိမြို့တံခါးရွာကို မီးလောင်ရာ မြက်ဖြင့်ပြုလုပ်ထားသည့် ကရွတ်ခွေတစ်ခုသည် မီးစွဲလျက် ကောင်းကင်သို့ လွင့်တက်စဉ် ပျံလာသောကျီး၏လည်၌ စွပ်မိ၏၊ ကျီးသည် မြေသို့ ကျ၍သေလေ၏။

သင်္ဘောကြီးတစ်စင်းသည် သမုဒ္ဒရာ၌ ရွက်စုံလွှင့် စက်ကုန်ဖွင့်ကာ မောင်းနှင်ပါသော်လည်း လုံးဝရွေ့လျားမူမရှိ၊ ရပ်တန့်လျက်နေ၏။ ထိုအခါ သင်္ဘောသားများသည် မိမိတို့သင်္ဘော၌ လူယုတ်မာပါပြီဟု စာရေးတံမဲချကြရာ သင်္ဘောသူကြီး၏ မယားလက်၌သာ သုံးကြိမ်တိုင်တိုင်ကျလေ၏။ ထိုအခါ သင်္ဘောသူကြီးက တစ်ယောက်အတွက်နှင့် အများသူတို့ ပျက်စီးရန်မသင့်ပေဟု ဆုံးဖြတ်၍ သဲအိုးကို မိမိဇနီး၏လည်မှာဆွဲလျက် သမုဒ္ဒရာထဲသို့ ပစ်ချစေ၏။ ထိုသို့ပစ်ချသောခဏ၌ပင် သင်္ဘောကြီးသည် လေးမှ လွှတ်အပ်သည့်မြားအလား တဟုန်တည်းပြေးသွားလေ၏။

ရဟန်းတော်တစ်ပါးသည် လိုဏ်တစ်ခုအတွင်းသီတင်းသုံးနေစဉ် တောင်ထွတ်သည်ပြိုကျလေ၏။ ထိုပြိုကျသော တောင်ထွတ်သည် ရဟန်းတော် သီတင်းသုံးနေသည့် လိုဏ်ဂူပေါက်ကို ပိတ်လျက်တည်ရှိ၏၊ (၇)ရက် ပြည့်သည့်နေ့တွင် သူ့အလိုလို လိမ့်၍ ပွင့်၏။

ဇေတ၀န်ကျောင်းတော်၌ မြတ်စွာဘုရား တရားဟောနေစဉ်အတွင်း ထိုအကြောင်းအရာသုံးမျိုးစလုံး မြတ်စွာဘုရားထံ တပြိုင်နက် ဆိုက်ရောက်လာ၏၊ ထိုအခါ မြတ်စွာဘုရားသည် ထိုသတ္တ၀ါသုံးဦး၏ ရှေးအကြောင်းတရားကို အောက်ပါအတိုင်း ဟောကြားတော်မူ၏။

ထိုသုံးဦးအနက် ကျီးသည် ရှေးဘ၀၌ လူဖြစ်စဉ်အခါ မိမိ၏ ကြမ်းတမ်းလှသော နွားရိုင်းကို ဆုံးမသွန်သင်၍ မရနိုင်သဖြင့် ဒေါသဖြစ်ကာ နွား၏လည်၌ ကောက်ရိုးစည်းကိုဖွဲ့ချည်၍ မီးတိုက်လွှတ်ခဲ့ဖူး၏၊ နွားသည် ထိုမီးကြောင့် သေခဲ့ရ၏၊ ထိုနွားရှင်သည် သေ၍ နောက်ဘ၀တွင် ကျီးသတ္တ၀ါဖြစ်လေရာ ထိုမကောင်းမူ ကံဟောင်းကြောင့် ကောင်းကင်၌ ပျံသွားစဉ် လည်မှာ မီးကွင်းစွပ်မိ၍ သေဆုံးရလေ၏။

လှေသူကြီးကတော်သည် ရှေးဘ၀၌ ခွေးတစ်ကောင်ကို အမျက်ထွက်သဖြင့် ခွေး၏ လယ်ပင်းတွင် သဲအိုးဖွဲ့၍ ရေ၌ပစ်ချသတ်ခဲ့ဘူး၏၊ ထို အကုသိုလ်ကံကြောင့် လှေသူကြီးကတော်ဘ၀၌ ပြုခဲ့သော အကုသိုလ်ကံနှင့်  အလားတူစွာ သဲအိုးဆွဲပြီး သမုဒ္ဒရာထဲ ပစ်ချခံရ၏။

လိုဏ်ဂူပိတ်ခံရသော ရဟန်းသည် ရှေးဘ၀၌ နွားကျောင်းသားဖြစ်စဉ်က ဖွတ်တစ်ကောင် တွင်းထဲဝင်သည်ကိုမြင်လျှင် သစ်ရွက်များဖြင့် တွင်းကို ပိတ်ဆို့ခဲ့၏၊ ခုနှစ်ရက်တိုင်မှ ထိုအရပ်သို့တဖန် ရောက်ပြန် လေသည့်အခါ တွင်းကိုဖွင့်လေလျှင် အစာရေစာငတ်မူကြောင့် အားနည်းလှစွာ ထွက်၍လာသော ဖွတ်ကိုမြင်လျှင် သနားသည့် စိတ်ရှိပြန်သဖြင့် လွှတ်လိုက်၏။ ထိုကံဟောင်းကြောင့် ယခုဘ၀တွင် ခုနှစ်ရက်တိုင်တိုင် လိုဏ်ပိတ်ခြင်းဒုက္ခကို တွေ့ကြုံခံစားရ၏။

ပြည်ထောင်စု မြန်မာနိုင်ငံတော်အစိုးရ သာသနာရေးဝန်ကြီးဌာန ဗုဒ္ဓဘာသာတရားတော် (အဆင့်မြင့်) စာအုပ်မှ ထုတ်နူတ်ဖော်ပြသည်။