မြန်မာနိုင်ငံရောက်တရုတ်ပြည်မှ ဗုဒ္ဓအံတော်ပွားများ

စာဖတ်သူတို့ ကြားသိပြီးဖြစ်သည့်အတိုင်း ယနေ့ကမ္ဘာတွင် ဗုဒ္ဓမြတ်စွယ်တော်အစစ်နှစ်ဆူ ကျန်ရစ်ပါသည်။ တစ်ဆူက သီရိလင်္ကာနိုင်ငံ နောက်တစ်ဆူက တရုတ်နိုင်ငံတွင် ရှိနေကြပါသည်။

မြန်မာနိုင်ငံတွင် သီရိလင်္ကာနိုင်ငံမှ စွယ်တော်ပွားတို့ဖြင့် တည်ထားသော စေတီအများအပြား ရှိနေပါပြီ။ ဥပမာ - အနော်ရထာမင်းစောလက်ထက်က ရလာသောစွယ်တော်ပွား တို့ကို ပုဂံမြို့ရွှေစည်းခုံ စေတီတော်၊ လောကနန္ဒာ စေတီတော်၊ တန့်ကြည့်တောင် စေတီတော်၊ တုရင်းတောင် စေတီတော် စသည်တို့၌ ဌာပနာခဲ့ပါသည်။ နောက်ပိုင်းကာလ၌ရရှိသော စွယ်တော်ပွါးတို့ကို သက်ဆိုင်ရာမင်းများက ပဲခူးမဟာစေတီ၊ စစ်ကိုင်းကောင်းမူတော်စေတီ စသည်တို့၌ ဌာပနာခဲ့ကြပါသည်။

ဗြိတိသျှလက်ထက်၌ သီရိလင်္ကာနိုင်ငံမှ ရရှိလာသော စွယ်တော်ပွား တို့ကို ပြည့်မြို့ရွှေဆံတော်စေတီ၊ ပေါင်းတည်မြို့၊ မင်းလှမြို့ စသည်တို့၌ အများပြည်သူတို့ မြတ်မြတ်နိုးနိုးကိုးကွယ်လျက်ရှိကြပါသည်။

တရုတ်နိုင်ငံမှ စွယ်တော်ပွားကိုတော့ရခဲ့၏။ အနော်ရထာမင်းလက်ထက် ဦးတည်ပွါးထံမှ စွယ်တော်ကိုတောင်းခံခဲ့ရာ ၁၉၉၄-ခုနှစ် တရုတ်စွယ်တော်စစ် မြန်မာပြည်သို့ ကြွလာစဉ် ဖူးတွေ့ရသော ကျောက်စိမ်းဆင်းတုတော်ကိုသာ မေတ္တာလက်ဆောင်အဖြစ်ရရှိခဲ့သည်။ စွယ်တော်ကိုတော့ မရခဲ့ချေ။ ဘိုးတော်မင်းတရားကြီးလက်ထက်ကျမှ တရုတ်နိုင်ငံမှ စွယ်တော်ပွား တစ်ဆူကို မြန်မာတို့ လက်ခံရရှိခဲ့သည်။

ဆရာဝန်တင်ရွှေ၊ ဒေါ်အေးသန့် ဗုဒ္ဓ၏ မြတ်စွယ်တော်များ စာအုပ်မှ ထုတ်နုတ်ဖော်ပြထားသည်။