မှန်မှန်တရားထိုင်ရင် ဆင်းရဲချိန် နည်းနည်းလာ

၁၀-ရက်တရားပတ်ပြီးလို့ အိမ်ပြန်သွားကြတဲ့အခါကျတော့ စိတ်ထဲမှာ နောက်ထပ်အကုသိုလ်တွေ မဖြစ်တော့ဘူးလို့ မထင်လိုက်ကြပါနဲ့။ အကုသိုလ်စိတ်တွေက နောက်ထပ် အများကြီးပဲ ဖြစ်နေဦးမှာပါပဲ။ အခုဟာက အစလေးပဲ ရှိနေပါသေးတယ်။ နောက်ပြီးတော့လည်း အကုသိုလ်စိတ်တွေ ၀င်လာတိုင်းလည်း ၀င်သက်ထွက်သက်နဲ့ ဝေဒနာတွေက သတိပေးကြဦးမှာတော့ မဟုတ်သေးပါဘူး။

ယောဂီတို့ဟာ အရင်ကလိုပဲ တုံ့ပြန်ူမူတွေ လုပ်နေကြဦးမှာပဲ။ ဒါပေမယ့် ပြောင်းလဲမူလေးကတော့ အစပြုလာပါပြီ။ ၁၀-ခါမှာဆိုရင် ၉-ခါဟာ ခါတိုင်းလိုပဲ တုံ့ပြန်မူတွေ လုပ်ကြဦးမှာပါပဲ။ ယောဂီတို့ဟာ မနက်တစ်နာရီ၊ ညနေတစ်နာရီ မှန်မှန်တရားထိုင် ၀င်လေထွက်လေနဲ့ ဝေဒနာကို ရူစပြုလာပါလိမ့်မယ်။ ဒီလိုဆိုရင်ပဲ တော်တော်လေး အစကောင်းနေပါပြီ။ ဆက်ပြီး မှန်မှန် တရားထိုင်သွားရင် တစ်ခါကနေပြီး နှစ်ခါ၊ နှစ်ခါကနေပြီး ၃-ခါ၊ ဒီလိုနဲ့ တစ်စတစ်စနဲ့ ယောဂီတို့ဟာ ဆင်းရဲဒုက္ခတွေက လွတ်မြောက်လာကြပါလိမ့်မယ်။

တကယ်လို့ ယောဂီက ခါတိုင်းအတိုင်းပဲ ဆက်ပြီး တုံ့ပြန်နေဦးမှာပဲဆိုရင်တောင်မှ နည်းနည်းတော့ သက်သာရာ ရပါလိမ့်မယ်။ အရင်က ဒေါသထွက်တယ်ဆိုရင် ဒေါသမီးဟာ ရှစ်နာရီလောက် လောင်နေခဲ့ရင် အခုဆိုရင် ၆-နာရီ၊ နောက်ဆိုရင် ၄-နာရီ၊ ၂-နာရီ၊ ၁-နာရီ၊ နာရီဝက်နဲ့ ဒေါသမီးလောင်နေတဲ့ အချိန်တွေဟာ နည်းနည်းလာတာ တွေ့ရပါလိမ့်မယ်။ ဒီတော့ ဆင်းရဲရတဲ့ အချိန်ကလည်း နည်းနည်းလာတာပေါ့။ ဒီလိုဖြစ်တာဟာ မျက်လှည့်မဟုတ်ပါဘူး။ တတန်ခိုးနဲ့ ဖန်ဆင်းတာလည်း မဟုတ်ပါဘူး။ တကယ် တိတိကျကျ နည်းမှန်လမ်းမှန်နဲ့ နေ့တိုင်း မှန်မှန် တရားထိုင်ပေးနိုင်ရင် ဖြစ်လာနိုင်ပါတယ်။

ယောဂီများအတွက် ဆရာကြီးဦးဂိုအင်ကာ၏ အင်္ဂလိပ်ဘာသာဖြင့် ဟောပြောချက်ကို ကြည်ကြည်ဝိန် မြန်မာဘာသာပြန် စာအုပ်မှ ပြန်လည် ဖော်ပြထားသည်။