သုည၀ါဒ

သုညဆိုတာ အချီးအနှီး ဆိတ်သုဉ်းတယ်၊ ဘာမှမရှိဘူးဆိုတဲ့ အနက်အဓိပ္ပါယ်ရတယ်။ လူဆိုတာမရှိ၊ နတ်, ဗြဟ္မာဆိုတာမရှိ၊ ငရဲ, တိရစ္ဆာန်ဆိုတာလဲမရှိ၊ အဖေအမေ ဆိုတာလဲ မရှိ စသည်ဖြင့် ပညတ်တွေကို ပယ်တာပါဘဲ၊ နောက် ကုသိုလ်, အကုသိုလ်ဆိုတာမရှိ၊ ပညာရှိ ပညာမဲ့ ဆိုတာမရှိ၊ အကောင်းအဆိုးဆိုတာမရှိ စသည်ဖြင့် ဂုဏ်သတ္တိတွေကိုလဲ ပယ်တယ်၊ အားလုံးကို ပယ်တာပါဘဲ၊ အားလုံးဘာမှ မရှိဘူးလို့ ယူဆတဲ့ ၀ါဒပါ။

ဒီဝါဒကို လက်ခံယုံကြည်တဲ့ ပရဗိုဇ်ရဟန်းတစ်ပါးက မြတ်စွာဘုရားကို အရှင်ဂေါတမ ကျွန်ုပ်ရဲ့ဝါဒက “သဗ္ဗံ သုညံ-အရာအားလုံးဟာ ဆိတ်သုဉ်းတယ်” ဆိုတဲ့ ၀ါဒဖြစ်ပါတယ်လို့ လျှောက်တယ်၊ ဒါဆိုရင် မင်းရဲ့ဝါဒဟာလည်း သုညပဲပေါ့ကွလို့ မြတ်စွာဘုရားက ပြောကြားလိုက်တယ်၊ သူ့ရဲ့ အရာအားလုံးဆိုတဲ့အထဲမှာ သူရော သူ့ဝါဒပါ ပါဝင်နေတယ်လေ၊ မြတ်စွာဘုရားရဲ့အဖြေက အတော်ကိုပိုင်ပါတယ်။

ပညတ်နဲ့ ဂုဏ်သတ္တိကိုခွဲခြားပြီး မရူမြင်တတ်တဲ့ ၀ါဒလို့ဆိုရမယ်၊ ဒီဝါဒက အခုလောလောဆယ်တောင် ရန်ကုန်မှာ ပေါ်နေတယ်လို့ကြားပါတယ်၊ ဗုဒ္ဓဘာသာ ရဟန်းအသွင်ယူထားတဲ့ ပုဂ္ဂိုလ်တစ်ဦးက ဒီဝါဒနဲ့ တူတဲ့ တရားတွေ လိုက်ဟောနေတယ်လို့ ကြားတယ်၊ ကမ္ဘာအေး - သာသနာရေးဌာနက ခေါ်ပြီးသတိပေးရတယ်လို့တော့ ကြားရတာဘဲ။

မော်ကွန်းထိန်းဆရာတော် ဘဒ္ဒန္တကေသရ၏ ကမ္မ၀ါဒများနှင့် မိတ်ဆက်ပေးခြင်း စာအုပ်မှ ကောက်နုတ်တင်ပြသည်။