မော့စ်သင်္ကေတ Morse Code သည် အက္ခရာများနှင့် ဂဏန်းများအစား အစက်များ၊ မျဉ်းတိုများ အစားထိုးစနစ်ပင် ဖြစ်သည်။ တစ်ချိန်သောကာလက ၀ိုင်ယာများ သိုပမဟုတ် ရေဒီယိုများမှ တစ်ဆင့် ကြေးနန်းပို့နည်းစနစ်တစ်ရပ်ဖြစ်ခဲ့သည် အဆိုပါ သင်္ကေတကို ဆင်မြူယယ်မော့စ်ဆိုသူ အမေရိကန်လူမျိုးတစ်ဦးက ၁၈၃၇ ခုနှစ်တွင် စတင်တီထွင်ခဲ့သည်။
မော့စ်သင်္ကေတတွင် အက္ခရာစာလုံးများ၊ ကိန်းဂဏန်းများ၊ ပုဒ်ဖြတ်များကို အစက်ကလေးများ၊ မျဉ်းများဖြင့် အစားထိုးပေးထားသည်။ အစက်ကလေးများသည် အတိုအချက်ပြလက္ခဏာများ၊ မျဉ်းရှည်များသည် အရှည်အချက်ပြလက္ခဏာများအဖြစ် ပေးပို့ခဲ့သည်။ ပို့ရာတွင် ခလုတ်ကလေးတစ်ခုကို ပြောင်းလဲ နှိပ်ပေးရုံဖြင့် လက်ခံသူဘက်တွင် လျှပ်စစ်နှင့် ရေဒီယိုသင်္ကေတများ မြန်မြန်ဆန်ဆန် ပေါ်ထွက် ကြားသိနိုင်သည်။
No comments:
Post a Comment