ဖော်ပြခဲ့ပါ ပဋိဘာဂနိမိတ်ထင်သည့် အဆင့်သို့ ရောက်ဖို့ရန်မှာ လွယ်ကူလှသည်မဟုတ်၊ သက်စွန့်ကြိုးပမ်း အားထုတ်မှ ထိုဆင့်သို့ ရောက်ရှိနိုင်ပေသည်။ ထိုပဋိဘာဂနိမိတ်ကို ရလျှင်ရချင်း ထိုရော၌ပင် တစ်တိုင်တည်းဖြင့် ဈာန်ရရှိအောင် အာထုတ်သင့်သည်။ ဈာန်ရရှိအောင် မစွမ်းနိုင်သေးလျှင် စကြ၀တေးမင်းလောင်း ကိုယ်ဝန်ကို တယုတယ စောင့်ရှောက် ထိန်းသိမ်းသော မိခင်ကဲ့သို့ ရရှိပြီး ပဋိဘာဂနိမိတ်ကို မပျောက်မပျက်အောင် သတိဝီရိယဖြင့် အထူးဂရုစိုက်၍ စောင့်ရှောက်ရမည်။
စောင့်ရှောက်ရမည့်နည်းကား ရှောင်သင့်သည့် အချက်များကို ရှောင်၍ ဆောင်သင့်သည့် အချက်များကို ဆောင်ရန်ပင်ဖြစ်သည်။
အကျယ်ဖော်ပြရလျှင် သတိ-သမာဓိ-ပညာ တိုးပွားမူမရှိသော ကျောင်း၊ အာဝါသ အဆောက်အဦး တို့ကို ရှောင်၍ သတိ-သမာဓိ-ပညာ တိုးပွားစေသော ကျောင်း အာဝါသတို့၌ နေထိုင်ရမည်။ အလွန်နီးလွန်း၊ အလွန်ဝေးလွန်းပြီး ဆွမ်းကွမ်းခက်ခဲသော ဆွမ်းခံရွာကို ရှောင်၍ မနီးလွန်း မဝေးလွန်း၊ သွားရာပြန်ရာတွင် မျက်နှာကို နေရောင်မထိုးသော တောင်မြောက်စူးစူးတွင်ရှိ ဆွမ်းရလွယ်သည့် ရွာကို အမှီပြုရမည်။ မဂ်ဖိုလ် နိဗ္ဗာန်နှင့် ဖီလာဆန့်ကျင်သော စကားပြောဆိုခြင်းကို ရှောင်၍ အလို နည်းခြင်း၊ ရောင့်ရဲလွယ်ခြင်း၊ ဆိတ်ငြိမ်ခြင်းနှင့် စပ်သော စကား၊ ကာမဂုဏ်နှင့် မစပ်သော စကား၊ သီလ-သမာဓိ-ပညာနှင့် စပ်သော စကားတို့ကို ပြောဆိုရမည်။ ပေါင်းသင်းဆက်ဆံရေးတွင်လည်း မဂ်ဖိုလ် နိဗ္ဗာန်နှင့် ဖီလာဆန့်ကျင်သည့် စကားကို ပြောတတ်သော ဒုဿီလပုဂ္ဂိုလ်မျိုးကို ရှောင်၍ သမာဓိဖြစ်ပေါ် တိုးပွားလာအောင် ပြောဆိုတတ်၍ မဂ် ဖိုလ် နိဗ္ဗာန်နှင့် ဖီလာဆန့်ကျင်သော စကားကို မပြောတတ်သော သီလ-သမာဓိ-ပညာနှင့် ပြည့်စုံသည့် ပုဂ္ဂိုလ်ကိုသာ မှီဝဲဆည်းကပ်ရမည်။ သမာဓိ မဖြစ်ပေါ် မတိုးပွားစေသည့် အစားအစာ၊ ရာသီဥတု၊ သွား ရပ် ထိုင် လျောင်းခြင်းကို ရှောင်၍ သမာဓိဖြစ်ပေါ် တိုးပွားစေသည့် အစားအစာ၊ ရာသီဥတု၊ သွား ရပ် ထိုင် လျောင်းခြင်းကို မှီဝဲရမည်။ ဤသို့ ရှောင်ရန် အချက်များကို ရှောင်ကာ ဆောင်ရန်အချက်များကို ဆောင်ပြီး ပထ၀ီကသိုဏ်းကို ဆက်လက်၍ အဖန်ဖန် ပွားများပါက ဈာန်ရရှိမည်ဖြစ်ပါသည်။
ဖော်ပြခဲ့ပါအတိုင်း ပွားများအားထုတ်ပါလျက် ဈာန်မရရှိနိုင်သေးပါလျှင် -
(၁) ခန္ဓာကိုယ်တွင်းပ စင်ကြယ်သန့်ရှင်းအောင် ပြုလုပ်ရမည်။
(၂) သဒ္ဓါ၊ ပညာ၊ သမာ၊ ၀ီရိ၊ စောင်းနှယ်ညှိလေ ဆိုသည့်အတိုင်း သဒ္ဓါနှင့် ပညာ၊ သမာဓိနှင့် ၀ီရိယတို့ ညီညီမျှမျှ ဖြစ်စေရမည်။
(၃) နိမိတ်စောင့်ရှောက်မူ၌ ကျွမ်းကျင်လိမ္မာရမည်။
(၄) စိတ်ဆုတ်နစ်နေလျှင် စိတ်တက်ကြွအောင် အားထုတ်ရမည်။
(၅) စိတ်ပျံ့လွင့်နေလျှင် ငြိမ်သက်အောင် အားထုတ်ရမည်။
(၆) ဇာတိ ဇရာ ဗျာဓိ မရဏ စသည်တို့ကို ဆင်ခြင်၍ ဖြစ်စေ၊ ရတနာသုံးပါး၏ ဂုဏ်ကျေးဇူးကို အောက်မေ့၍ ဖြစ်စေ၊ စိတ်ကြည်လင် ရွှင်လန်းအောင် ပြုလုပ်ရမည်။
(၇) မြှောက်ခြင်း၊ နှိပ်ခြင်း၊ ရွှင်လန်းခြင်းတို့၌ ကြောင့်ကြစိုက်မူ ကင်းအောင် စိတ်ကို လျစ်လျူရူရမည်။
(၈) ဈာန်ရကြောင်း အကျင့်ကို မကျင့်ဖူးသော အလုပ်ကိစ္စ များပြားလျက် စိတ်မတည်ကြည်သည့် ပုဂ္ဂိုလ်ကို ရှောင်ရှားရမည်။
(၉) ဈာန်ရကြောင်း အကျင့်ကို ကျင့်ဖူးသော သမာဓိ ခိုင်မြဲသည့် ပုဂ္ဂိုလ်ကို မှီဝဲဆည်းကပ်ရမည်။
(၁၀) ဈာန်(အပ္ပနာသမာဓိ) ရရှိစေရန် အမြဲမပြတ် စိတ်ညွတ်နေရမည်။
ဤသို့ အထက်ပါအချက်များ ပြည့်စုံစေ၍ သက်စွန့်ကြိုးပမ်း ပွားများအားထုတ်ပါလျက် ဈာန်မရရှိ နိုင်သေးသော်လည်း ဇွဲ လုံ့လ ၀ီရိယကို မလျော့သင့်။ မြင်းမိုရ်တောင်ကို တူးဖြိုအံ့၊ မြေဆီလွှာကို တူးယူအံ့၊ မဟာသမုဒ္ဒရာ၏ ဟိုမှာ ဘက်ကမ်းကို ကူးအံ့၊ စကြာမင်းစည်းစိမ်ကို ရယူအံ့ဟု ကြံဆောင် ကြိုးစားသူ၏ အာသာဆန္ဒ လုံ့လ ၀ီရိယမျိုးဖြင့် ကြိုးကြိုးစားစား ဆက်လက် ပွားများအားထုတ်ရမည်။
ပြည်ထောင်စု မြန်မာနိုင်ငံတော်အစိုးရ သာသနာရေးဝန်ကြီးဌာန ဗုဒ္ဓဘာသာတရားတော် (အဆင့်မြင့်) စာအုပ်မှ ထုတ်နူတ်ဖော်ပြသည်။
No comments:
Post a Comment