လောက၌ ဆရာ တပည့်တစ်စု၊ မိသားတစ်စု၊ ဆွေမျိုးတစ်စု စသည်ဖြင့် အစုအဖွဲ့ ရှိတတ်လေရာ တစ်ယောက်ယောက်၏ ကုသိုလ်ကံ အကျိုးကို အစုအဖွဲ့ ပါဝင်သူများလည်း ထိုက်တန်သလောက် ခံစားရ၏။ သီဟိုဠ်ကျွန်း ဘာတိကမင်း လက်ထက်၌ နွားသားစားသူများကို ဖမ်းဆီး၍ ဒဏ်တပ်လေရာ ဒဏ်ငွေ မဆောင်နိုင်ကြသဖြင့် နန်းတော်တွင်း၌ အမိူက် သုတ်သင်သူများ ပြုထားလေ၏။
ထိုသူတို့အထဲမှာ အဆင်းလှသူကလေး တစ်ယောက်ကို ရှင်ဘုရင်မြင်၍ ထိုသူကို နန်းတွင်းမှာ “သာမာ ဒေ၀ီ”ဟူသော ဘွဲ့အမည်ဖြင့် အကျွမ်းတ၀င် ထားပြီးနောက် သူ့ကို အကြောင်းပြု၍ သူ၏ ဆွေမျိုးများကိုလည်း အပြစ်မှလွှတ်စေပြီးလျှင်ချမ်းသာစွာ အသက်မွေးနိုင်လောက်အောင် ချီးမြှောက် မ,စလေသည်။ ဤကား တစ်ယောက်ကုသိုလ်ကြောင့် ဆွေမျိုးများ၌ အကျိုးရပုံတည်း။ (ဤနေရာဝယ် “ဆွေမျိုးများမှာလည်း ကုသိုလ်ရှိလို့ပေါ့”ဟု ပြောစရာရှိ၏။ သို့သော် ဆွေမျိုးများ၌ရှိသော ကုသိုလ်ကံမှာ သာမာဒေ၀ီမပါလျှင် အကျိုးပေးနိုင်လောက်သော အခြေအနေ မရှိချေ။)
အရှင်ဇနကာဘိဝံသ ကိုယ်ကျင့်အဘိဓမ္မာစာအုပ်မှ ထုတ်နူတ်ဖော်ပြပေးထားပါသည်။
No comments:
Post a Comment