ဝိတက်အကြောင်း

ကြံစည်ခြင်းသဘောသည် ၀ိတက်တည်း။ ထို့ကြောင့် “ထိုထိုကြံစည်၊ ၀ိတက်မည်ရှင့်”ဟု ဆိုခဲ့သည်။ ဤကြံစည်ခြင်းကို “စိတ်ကူးခြင်း=စဉ်းစားခြင်း”ဟုလည်း ခေါ်ကြသည်။ ဤ၀ိတက်သည် ကာမ၀ိတက်၊ ဗျာပါဒ၀ိတက်၊ ၀ိဟိံသာဝိတက်ဟု မကောင်းဝိတက် ၃-မျိုး၊ နေက္ခမ္မ၀ိတက်၊ အဗျာပါဒ၀ိတက်၊ အ၀ိဟိံသာဝိတက် ဟု အကောင်း ၀ိတက် ၃-မျိုးအားဖြင့် ၆-မျိုးပြား၏။

ကာမနှင့် နေက္ခမ္မ၀ိတက်

ရူပါရုံ သဒ္ဒါရုံ စသော ကာမဂုဏ်အကြောင်းအရာ ကာမဂုဏ်အမူကိစ္စတို့ကို ကြံစည် စိတ်ကူးခြင်း။ ပစ္စည်းဥစ္စာ ရှာဖွေမူကို ကြံစည်စိတ်ကူးခြင်း စသော လောဘနှင့် မကင်းသော ကြံစည်စိတ်ကူးခြင်း “ကာမ၀ိတက်”ဟု ခေါ်သည်။ တောထွက်ဖို့၊ ရသေ့ရဟန်းပြုဖို့၊ လှူဒါန်းဖို့၊ ဥပုသ်သီလ ဆောက်တည်နေဖို့၊ တရားအားထုတ်ဖို့စသော လောဘတဏှာမှ လွတ်ကင်းသော ကြံစည်ခြင်းကို “နေက္ခမ္မ၀ိတက်”ဟု ခေါ်သည်။

ဗျာပါဒနှင့် အဗျာပါဒ၀ိတက်

ဗျာပါဒဟူသည် သူတစ်ပါးကို ပျက်စီးစေလို သေစေလိုသော ဒေါသတည်း။ ထိုဒေါသနှင့် ယှဉ်သော အကြံကို “ဗျာပါဒ၀ိတက်”ဟုခေါ်၏။ ထိုမေတ္တာနှင့် စပ်ယှဉ်သောအကြံ (သတ္တ၀ါအများကို ချမ်းသာစေလို ချမ်းသာအောင် ပြုလုပ်လိုသောအကြံ) များကို “အဗျာပါဒ၀ိတက်”ဟု ခေါ်သည်။

ဝိဟိံသာနှင့် အ၀ိဟိံသာဝိတက်

ဝိဟိံသာဟူသည် သူတစ်ပါးကို ညဉ်းဆဲလို နှိပ်စက်လိုသော ဒေါသတည်း။ ထိုဒေါသနှင့် ယှဉ်၍ ရိုက်ပုတ် သတ်ဖြတ်ဖို့ရန် ကြံစည်ခြင်း။ တစ်နည်းနည်းဖြင့် ဆင်းရဲဒုက္ခရောက်သွားအောင် ကြံစည်ခြင်းများကို “၀ိဟိံသာဝိတက်”ဟုခေါ်၏။ အ၀ိဟိံသာဟူသည် ထိုဝိဟိံသာ(ဒေါသ) ဆန့်ကျင်ဘက်ဖြစ်သော ကရုဏာတည်း။ ထိုကရုဏာနှင့် ယှဉ်၍ ဒုက္ခိတ သတ္တ၀ါများကို ဒုက္ခမှ ကယ်ဆယ်ဖို့ရန် ကြံစည်စိတ်ကူးခြင်း၊ တစ်နည်းနည်းအားဖြင့် ဒုက္ခမှလွတ်ကင်းအောင် ပြုရန် ကြံစည်ခြင်းကို “အ၀ိဟိံသာ ၀ိတက်”ဟုခေါ်၏။ မကောင်းသော ၀ိတက်များကို ရှောင်ရှား၍ ကေင်းသော ၀ိတက် ၃-ပါးကိုသာ ဖြစ်စေကြပါကုန်။

အရှင်ဇနကာဘိဝံသ ကိုယ်ကျင့်အဘိဓမ္မာစာအုပ်မှ ထုတ်နူတ်ဖော်ပြပေးထားပါသည်။