နှစ်သက်ဝမ်းမြောက်ပီတိကို ဖြစ်စေတတ်တဲ့အရာဝတ္ထုတွေကို ရတနာလို့ ခေါ်တယ်။ ရွှေ၊ ငွေ၊ စိန်၊ ကျောက်၊ သားသမီးတွေကို ရတနာလို့ ခေါ်တယ်။ ဒါပေမယ့် အထက်ပါ ရွှေ၊ ငွေ၊ စိန်၊ ကျောက်၊ သားသမီးရတနာတွေက နှစ်သက်မှုကို ဖြစ်စေသလို စိတ်ဆင်းရဲမှုကိုလဲ ရံဖန်ရံခါ ဖြစ်စေတတ်ကြသေးတယ်။
ဘုရား၊ တရားနဲ့ အရိယာသံဃာတော်တွေကတော့ သူတို့ကို ကိုးကွယ်ဆည်းကပ်သူ သူတို့ရဲ့ဂုဏ်တွေကို ပွားများအောက်မေ့သူတွေရဲ့ နှစ်သက်မှုကိုသာ အမြဲဖြစ်စေတယ်။ စိတ်ဆင်းရဲမှု၊ နှလုံးမသာယာမှုကို ဘယ်တော့မှ မဖြစ်စေဘူး။
ဒါကြောင့် ရွှေ၊ ငွေ၊ စိတ်၊ ကျောက်ဆိုတဲ့ ရတနာတွေထက် မြတ်လို့၊ ဘုရား၊ တရား၊ သံဃာကို ရတနာမြတ်သုံးပါးလို့ ခေါ်ပါတယ်။
No comments:
Post a Comment