အဘိညာအပ္ပနာဝီထိ

ရူပါဝစရကုသိုလ် ပဉ္စမဈာန် အပ္ပနာဝီထိကို အခြေခံ၍ လောကီအဘိညာဉ် ၅-ပါးကိုရအောင် လေ့ကျင့်နိုင်၏။

(၁) ဣဒ္ဓိဝိဓအဘိညာဉ် = ကိုယ်ခွဲတစ်ရာ၊ တစ်ထောင်စသည်ဖြင့် ဖန်ဆင်းနိုင်သော အဘိဉာဏ်အထူး၊
(၂) ဒိဗ္ဗစက္ခုအဘိညာဉ် = နတ်မျက်စိကဲ့သို့ ဝေးလံသောအရပ် သို့မဟုတ် ဖုံးကွယ်ထားသည့်နေရာ၌ရှိသော အဆင်းသဏ္ဌာန်ကို မြင်နိုင်သည့် အသိဉာဏ်၊

(၃) ဒိဗ္ဗသောတအဘိညာဉ် = နတ်နားကဲ့သို့ ဝေးရပ်မှ အသံတို့ကို ကြားနိုင်သည့် အသိဉာဏ်အထူး၊
(၄) ပရစိတ္တ၀ိဇာနနအဘိညာဉ် = သူတစ်ပါးတို့၏ စိတ်အကြံကို သိနိုင်သော အသိဉာဏ်အထူး၊
(၅) ပုဗ္ဗေနိဝါသာနုဿတိအဘိညာဉ် = ရှေးအခါက ပြုခဲ့ဖူးသော ဘ၀များစွာကို အဖန်ဖန် အောက်မေ့နိုင်သည့် အသိဉာဏ်အထူး၊
ဝီထိပုံ။ ။ န-ဒ-`မ-ပ-ဥ-နု-ဂေါ-ဘိ´-ဘွင်-

ကိုယ်ခွဲတစ်ထောင် ဖန်ဆင်းလိုသော ဣဒ္ဓိမာပုဂ္ဂိုလ်သည် ပထ၀ီကသိုဏ်းကိုအာရုံပြု၍ ရူပါဝစရကုသိုလ် ပဉ္စမဈာန် အပ္ပနာကို ခဏမျှကျစေပြီး ဘ၀င်ကျစေလျက် ဈာန်မှထ၏။

ထပြီးလျှင် ဘ၀င်ကို ပြတ်စေ၏။ `ငါ၏ကိုယ်သည်ထပ်တူ ကိုယ်ခွဲတစ်ထောင်ဖြစ်စေသတည်း´ဟု အဓိဋ္ဌာန်လိုက်၊ စေလိုက်၏။ ထို့နောက် ထိုဖြစ်လတ္တံသော နိမ္မိတရုပ် တစ်ထောင်ကို အာရုံပြု၍ မနောဒွါရာဝဇ္ဇန်းဖြစ်၏။

၎င်းနောက် မဟာကုသိုလ် ဉာဏ်သမ္ပယုတ် ဥပေက္ခာဇောသည် ပရိကမ်၊ ဥပစာ၊ အနုလုံ၊ ဂေါတြဘုဟု ၄-ကြိမ်ဖြစ်၍ ချုပ်ပြီးလျှင် ထိုနိမ္မိတရုပ် ၁၀၀၀ကို အာရုံပြုလျက် ရူပါဝစရကုသိုလ် ပဉ္စမဈာန်စိတ်သည် အဘိညာဉ်ကိစ္စတပ်ကာ ၁-ကြိမ်ဖြစ်၍ ချုပ်၏။ ထို့နောက် ဘ၀င်ကျ၍ ဈာန်မှ ထ၏။ ထိုအဓိဋ္ဌာန် အဘိညာဉ်ဇောကျသည်နှင့် တစ်ပြိုင်နက် နိမ္မိတရုပ် ၁၀၀၀ ဖြစ်၏။

ကြွင်းသည့် အဘိညာအပ္ပနာဝီထိတို့လည်း အလားတူဖြစ်ကြ၏။ ဒိဗ္ဗသောတ၊ ပရစိတ္တ၀ိဇာနနှင့် ပုဗ္ဗေနိဝါသာနုဿတိ အဘိညာဉ်တို့ကို အလိုရှိသော် သြဒါတကသိုဏ်းကို အာရုံပြု၍ ပဉ္စမဈာန်ဝင်စားရ၏။ ဒိဗ္ဗစက္ခု အဘိညာဉ်ကို အလိုရှိသော် တေဇောကသိုဏ်းကို အာရုံပြု၍ ပဉ္စမဈာန် ၀င်စားရ၏။ ထို့နောက်ဈာန်မှထ၍ အလိုရှိသည်ကို ဓိဋ္ဌာန်လိုက်၊ စေလိုက်၏။ ထိုအခါ အလိုရှိသော အရာကို အာရုံပြုလျက် ဥပစာရ သမာဓိဇော ၄-ကြိမ်နှင့် ရူပါဝစရပဉ္စမဈာန် အဘိညာဉ်ဇော ၁-ကြိမ်ကျ၏။ အဘိညာဉ်ဇောကျသည်နှင့် တစ်ပြိုင်နက် အလိုရှိသောအရာကို မြင်၏။

ဒေါက်တာမင်းတင်မွန် စတုတ္ထအကြိမ်ထုတ်ဝေသော ဗုဒ္ဓအဘိဓမ္မတရားတော် အနှစ်ချုပ် စာအုပ်မှ ပြန်လည်ထုတ်နုတ် ဖော်ပြပေးသည်။