အင်တာနက်မှ အသိဖြစ်ခဲ့သူ အမျိုးသားတစ်ဦးကို ယုံကြည်မိသော မိန်းကလေးငယ်တစ်ဦး သားမယားအဖြစ် လိမ်လည်ပေါင်းသင်းခံရကာ လက်ဝက်လက်စားများ လိမ်လည်ယူဆောင်ခံခဲ့ရကြောင်း သတင်းရရှိသည်။
မုံရွာမြို့နေ မ.....(၁၉)နှစ်သည် နိုဝင်ဘာ ၆-ရက် ညနေ ၄-နာရီက မိဘများအား အင်တာနက်ဆိုင်သို့ သွားရောက်လေ့ကျင့်မည်ဟု ပြောဆိုကာ နေအိမ်ရှိ ၈ယ/...... လော်ဂျာဆိုင်ကယ်နှင့် ထွက်ခွာသွားရာ အချိန်လွန်သည်အထိ ပြန်လည်ရောက်ရှိခြင်းမရှိဘဲ ပျောက်ဆုံးခဲ့သည်။ မ.....၏ ဖခင်ဖြစ်သူက မုံရွာမြို့တွင် လိုက်လံရှာဖွေသော်လည်း မတွေ့ရှိ၍ ရန်ကုန်မြို့ရှိ ဆွေမျိုးများထံ တွေ့ရှိပါက အကြောင်းကြားရန် ဆက်သွယ်မှာကြားခဲ့သည်။
နိုဝင်ဘာ ၁၁-ရက် မွန်းလွဲ ၁-နာရီခွဲတွင် ရန်ကုန်မြို့နေ ဆွေမျိုးတော်စပ်သူများက မ.....အား မင်္ဂလာတောင်ညွန့်မြို့နယ်ရှိ တည်းခိုခိန်းတစ်ခု၌ တွေ့ရှိ၍ နေအိမ်သို့ ပြန်လည်ခေါ်ယူထားခဲ့သည်။ မ.....၏ ပြောပြချက်အရ လွန်ခဲ့သော သုံးလခန့်က အင်တာနက်ဆိုင်တွင် ၁၅-ကြိမ်ခန့် ဆက်သွယ် ပြောဆိုသိကျွမ်းခဲ့သူ ရန်ကုန်မြို့နေ ကို.......သည် နိုဝင်ဘာ ၆-ရက်က မုံရွာမြို့သို့ ရောက်ရှိလာပြီး မ.......အား ရန်ကုန်မြို့သို့ သွေးဆောင်ဖြားယောင်းခေါ်ဆောင်သွားကာ မင်္ဂလာတောင်ညွှန့်မြို့နယ်ရှိ တည်းခိုခိန်းတစ်ခု၌ သားမယားအဖြစ် ပေါင်းသင်းနေထိုင်ပြီး ပါရှိသည့် ဆွဲကြိုး၊ ဆွဲသီး၊ လက်ကောက်၊ နားကပ်နှင့် ဆိုင်ကယ်တို့ကို လိမ်လည်ရယူသွားခဲ့သဖြင့် ဆိုင်ရာသို့ တိုင်တန်းခဲ့ရာ မုံရွာမြို့ အမှတ် ၁ ရဲစခန်းမှ ကို......အား(ပ) အမှတ် ၆၃၇/၂၀၁၁ ပြစ်မူဆိုင်ရာ ဥပဒေ ပုဒ်မ ၃၆၆/၄၂၀ အရ အမူဖွင့် စုံစမ်းဖော်ထုတ်လျက်ရှိသည်။
မိန်းကလေးငယ်ထံမှ လိမ်လည်ရယူသွားသော လက်ဝတ်လက်စားနှင့် ဆိုင်ကယ်မှာ စုစုပေါင်းတန်ဖိုး ကျပ် ၁၇-သိန်းခန့်ရှိသည်ဟုဆိုသည်။
“ဒီနေ့ အသက်အရွယ်ငယ်တဲ့ ကလေးငယ်တွေလည်း အင်တာနက်သုံးတာ ပိုများလာတယ်။ ငယ်ရွယ်သူတွေအနေနဲ့ အင်တာနက်ကို အသုံးပြုတဲ့အခါ လမ်းမှား မရောက်အောင်တော့ မိဘတွေ စောင့်ကြည့်သင့်တယ်လို့ထင်တယ်။ ကလေးက အင်တာနက်အသုံးပြုတတ်တာ တိုးတက်တဲ့လက္ခဏာ ဆိုပေမယ့် အခုလိုအဖြစ်ဆိုးတွေ မကြုံရအောင် ကလေးငယ်တွေကို အင်တာနက်အသုံးပြုချိန်မှာ စောင့်ကြည့်သင့်တယ်”ဟု မုံရွာမြို့ ဒေသခံ မိဘအုပ်ထိန်းသူ တစ်ဦးကပြောသည်။
Vol.10, No.36, NOVEMBER24, 2011 (7 DAY NEWS)
No comments:
Post a Comment