ဗီယက်နမ်နိုင်ငံကို ရှေးခေတ်က စမ္ပာဟူ၍လည်းကောင်း၊ အာနမ်ဟူ၍ လည်းကောင်း ခေါ်တွင်ခဲ့ကြသည်။ နေထိုင်ခဲ့သော လူမျိုးများမှာ ခမာလူမျိုးများ ဖြစ်ကြ၏။
အိန္ဒိယပြည် အမရ၀တီခေတ်၌ ထုလုပ်သော ကြေးဆင်းတုတော်များကို ဗီယက်နမ်တွင် တွေ့ရှိခဲ့ရသောကြောင့် ၃-ရာစု မတိုင်မီကပင် စမ္ပာနိုင်ငံသို့ ဗုဒ္ဓဘာသာ ရောက်ရှိနေပြီဟု ယူဆရသည်။ ၆-ရာစုနှစ် အကုန်၌ စမ္ပာကို ၀င်ရောက်တိုက်ခိုက်ခဲ့သော တရုတ်တို့သည် ဗုဒ္ဓဘာသာ အနုပညာ လက်ရာများစွာကို တွေ့ရှိခဲ့ရသည်ဟု ဆိုသည်။
ကျောက်စာများအဆိုအရ ၈-ရာစုနှစ်၌ ကုန်ကင်ပြည်နယ်မှ မဟာယာန ဗုဒ္ဓဘာသာဝင် တရုတ်များ စမ္ပာနိုင်ငံထဲသို့ ၀င်ရောက်လာခဲ့ကြကြောင်း သိရသည်။ ထိုအချိန်မှစ၍ ဗီယက်နမ်၌ မဟာယာန ဗုဒ္ဓဘာသာ စတင်ပြန့်ပွားခဲ့သည်။ ဈင်ဗုဒ္ဓဘာသာကား ဗီယက်နမ်နိုင်ငံသို့ ၆-ရာစုမှ စ၍ ရောက်ရှိခဲ့သော်လည်း ပြန့်ပွားခြင်း မရှိခဲ့။ ၁၆-ရာစုတွင်မူ တဖြည်းဖြည်း ပြန့်ပွားလာခဲ့ရာ ယခုအချိန်တွင် အင်အားကောင်းသော ဂိုဏ်းတစ်ဂိုဏ်း ဖြစ်လျက် ရှိပေသည်။
ယခုအခါ ဗီယက်နမ်နိုင်ငံ၌ ထေရ၀ါဒ ဗုဒ္ဓဘာသာသည်လည်း တစ်စတစ်စ ပြန့်ပွားလျက်ရှိကြောင်း ထေရ၀ါဒ ဗုဒ္ဓဘာသာဝင်ဦးရေ တစ်သိန်းမျှ ရှိနေပြီဖြစ်ကြောင်း သိရှိရပါသည်။
ပြည်ထောင်စု မြန်မာနိုင်ငံတော်အစိုးရ သာသနာရေးဝန်ကြီးဌာန ဗုဒ္ဓဘာသာတရားတော် (အဆင့်မြင့်) စာအုပ်မှ ထုတ်နူတ်ဖော်ပြသည်။
Friday, 11 November 2011
ဗီယက်နမ်နိုင်ငံ၌ ဗုဒ္ဓသာသနာ စတင်ပြန့်ပွားပုံ
Subscribe to:
Post Comments (Atom)
No comments:
Post a Comment