ဝီထိ (စိတ်ဖြစ်စဉ်) ခေါ်ပုံ

လူတို့၏သွားရာ လာရာလမ်းခရီးကို ၀ီထိဟုခေါ်သကဲ့သို့ စိတ်စေတသိက်တို့၏ ဖြစ်စဉ်ကို ၀ီထိဟု ခေါ်သည်။

ထိုဝီထိသည် -

(၁) စက္ခုဒွါရ၀ီထိ - စက္ခုဒွါရ၌ဖြစ်သော မြင်သိစိတ်ဦးဆောင်သော စိတ် စေတသိက်တို့၏ဖြစ်စဉ်၊

(၂) သောတဒွါရ၀ီထိ - သောတဒွါရ၌ဖြစ်သော ကြားသိစိတ် ဦးဆောင်သော စေတသိက်တို့၏ဖြစ်စဉ်၊

(၃) ဃာနဒွါရ၀ီထိ - ဃာနဒွါရဖြစ်သော နံသိစိတ်ဦးဆောင်သော စိတ်စေတသိက်တို့၏ဖြစ်စဉ်၊

(၄) ဇိဝှါဒွါရ၀ီထိ - ဇိဝှါဒွါရ၌ဖြစ်သော အရသာသိစိတ် ဦးဆောင်သော စိတ်စေတသိက်တို့၏ဖြစ်စဉ်၊

(၅) ကာယဒွါရ၀ီထိ - ကာယဒွါရ၌ဖြစ်သော ထိသိစိတ်ဦးဆောင်သော စိတ်စေတသိက်တို့၏ဖြစ်စဉ်၊

(၆) မနောဒွါရ၀ီထိ - မနောဒွါရ၌ဖြစ်သော သိစိတ်ဦးဆောင်သော စိတ် စေတသိက်တို့၏ဖြစ်စဉ် အားဖြင့် (၆)မျိုး ရှိသည်။

အဆင်းအာရုံ (ရူပါရုံ)စသော အာရုံ (၆)မျိုးနှင့် မျက်စိ စသော ဒွါရ (၆)မျိုးတို့ တွေ့ဆုံသောအခါ မြင်သိစိတ် စသော စိတ်၊ စေတသိက်တရားများ ဖြစ်ပေါ်လာကြသည်။

ထိုအခါ အာရုံ ရုပ်တရားတို့သည် စိတ္တက္ခဏ (၁၇)ချက် အသက်ရှည်သောကြောင့် ယင်းအာရုံရုပ်နှင့် စပ်၍ ဖြစ်ပေါ်လာရသော စိတ်တရားတို့သည်လည်းဖြစ်၊ တည်၊ ပျက် (၁၇)ချက်ကြာအောင် ဖြစ်ရလေသည်။

ဤသို့ ရုပ်တရားတို့နှင့် အညီအမျှ စိတ်တရားတို့၏ စိတ္တက္ခဏ (၁၇)ချက် ကြာအောင်ဖြစ်မူကိုပင် တစ်ဝီထိဟု ခေါ်ဝေါ်သတ်မှတ်သည်။

ပြည်ထောင်စု မြန်မာနိုင်ငံတော်အစိုးရ သာသနာရေးဝန်ကြီးဌာန ဗုဒ္ဓဘာသာတရားတော် (အဆင့်မြင့်) စာအုပ်မှ ထုတ်နူတ်ဖော်ပြသည်။