မေတ္တာပို့လို့ ဘာအကျိုးတွေရသလဲ?

မေတ္တာပို့တဲ့အတွက် ပို့တဲ့လူမှာ အောက်ပါ မေတ္တာအကျိုး ၁၁-မျိုးကို ရပါတယ်။

အိပ်နိူးချမ်းသာ၊ ယုတ်မာမမက်၊ နှစ်သက် လူနတ်၊ စောင့်မှတ် နတ်များ၊ ဆိပ်ကားမနှံ့၊ စိတ်ပြန့်ကြည်ကြည်၊ ရွှင်သည့်မျက်နှာ၊ သေခါမတွေ၊ လားလေဗြဟ္မာ၊ ဆယ့်တစ်ခါဟု၊ မေတ္တာနိသင်၊ ကျိုးဆက်တင်သည်၊ ရှင်လူအများ ကျင့်ရာသော် ---ဆိုတဲ့ ၀ိသုဒ္ဓိမဂ် နိသျှဆရာတော်ရဲ့ လင်္ကာအရ -

၁။ ချမ်းသာစွာ အိပ်ရသည်။

၂။ ချမ်းသာစွား နိူးရသည်။

၃။ အိမ်မက်ဆိုး မမက်ဘူး။

၎။ လူတွေ ချစ်တယ်။

၅။ နတ်တွေ ချစ်တယ်။

၆။ နတ်တွေက စောင့်ရှောက်တယ်။

၇။ မီးမလောင်၊ အဆိပ်မတက်၊ လက်နက်မထိဘူး။

၈။ စိတ်တည်ငြိမ်တယ်။

၉။ မျက်နှာကြည်လင် ရွှင်ပြုံးတယ်။

၁၀။ ကြည်ကြည်လင်လင် သေရတယ်။

၁၁။ သေရင် ဗြဟ္မာပြည် ရောက်နိုင်တယ်။

အဲဒီအကျိုး ၁၁-မျိုးကို ခံစားရပါတယ်။

ပြီးတော့ ဣတိဝုတ် ပါဠိတော် မေတ္တာဘာဝနာသုတ်မှာ ဒါန၊ သီလ စတဲ့ ပုညကိရိယာဝတ္ထု ၁၀-မျိုးကို ပြုလုပ်နေမှုဟာ မေတ္တာဈာန်ကို ပွားများမှုရဲ့ တစ်ဆယ့်ခြောက်စိတ် တစ်စိတ်ကိုပင် မမီဘူး။ မေတ္တာဘာဝနာ အကျိုးကသာ လွှမ်းမိုးတောက်ပြောင် ထွန်းလင်းတင့်တယ်တယ်လို့ ဟောထားတယ်။

ပြီးတော့ မျက်စိတစ်မှိတ် လက်ဖျောက်တစ်တီး ကြားလောက် မေတ္တာဘာဝနာကို ပွားများပြီးတဲ့ ရဟန်းဟာ တိုင်းသူပြည်သား ဒကာ၊ ဒကာမတွေက အမြတ်တနိူး လှူဒါန်းတဲ့ ဆွမ်းကို စားသင့် စားထိုက်ပြီလို့ အင်္ဂုတ္ထိုရ်မှာ ဟောပါတယ်။

အခုကာလ မေတ္တာဘာဝနာ ပွားများပြီး အကြားအမြင်ပေါက်ကာ သတ္တ၀ါတွေကို ကူညီစောင့်ရှောက်နေတဲ့ ပုဂ္ဂိုလ်ထူး ပုဂ္ဂိုလ်မြတ်တွေ အထင်အရှားရှိနေတာဟာလဲ မေတ္တာရဲ့ တန်ခိုးကို ဖော်ပြနေတာ ဖြစ်ပါတယ်။ နွားနို့တစ်ညှစ်၊ နံ့သာတရူပ်ရူသောကာလမျှ မေတ္တာဘာဝနာကို ပွားများတာက ဆွမ်းဟင်းကောင်း အိုးကြီးတစ်ချက် လှူရသည်ထက် အကျိုးများကြောင်း နိဒါနသံယုတ် သြပမ္မသုတ်မှာ ဟောထားတယ်။

အလွန်ထက်လှတဲ့ လှံသွားကို လူတွေမကိုင်ဝံ့သလို မေတ္တာဘာဝနာ ပွားထားသူကို ဘီလူး၊ သရဲတွေက မကပ်ရောက် မနှိပ်စက်နိုင်ကြောင်း နိဒါနသံယုတ်မှာ ဟောထားတယ်။

မေတ္တာအကျိုးနဲ့ ပတ်သက်ပြီး ဟောထားချက်တွေ ပိဋကမှာ အတော်များများ ရှိပါသေးတယ်။