ဘိုးတော်ဘုရားလက်ထက် အေဒီ ၁၇၈၂-၁၇၈၇နှင့် ၁၇၉၂ ခုနှစ်များအတွင်းက မြန်မာသံအဖွဲ့များကို စိနတရုတ်ပြည်သို့ စေလွှတ်ခဲ့သလို တရုတ်ပြည် ပဲ့ကျင်းမြို့မှ ဥဒည်ဘွားမင်းကလည်း ၁၇၈၇-၁၇၈၉-၁၇၉၀ ခုနှစ်များက သံအဖွဲ့များကို မြန်မာနိုင်ငံ အမရပူရရွှေမြို့တော် ဘိုးတော်ဘုရားထံ လေးကြိမ်စေလွှတ်ခဲ့ကြောင်း သိရသည်။ အေဒီ ၁၇၈၉-၁၇၉၀ ခုနှစ်ကရောက်လာသော တရုတ်သံ အဖွဲ့သည် သကျမုနိရုပ်ထုတော်တစ်ဆူနှင့် စွယ်တော်ပွားတစ်ဆူကို ယူဆောင်လာကြသည်။ မင်းတရားကြီးက ရေကြောင်းမှကြိုဆိုခဲ့သည်ဟု ကုန်ေးဘာင်ဆက်မဟာရာဇ၀င်ကြီး ဒုတိယတွဲ စာမျက်နှာ- ၆၁တွင် ဖော်ပြထားသည်။
ဘကြီးတော်ဘုရားလက်ထက်တွင် ရွှေနန်းတော်ဦး စွယ်တော်စင်ကျောင်းက ရောင်ခြည်တော် ကွန့်မြူးသည်ကိုအကြောင်းပြု၍ ဂီတပညာရှင်ကြီး မြ၀တီဦးစက “ထူမခြားနား” အစချီသော မြတ်စွယ်တော်ရောင်ခြည်တော်ဖွဲ့ ဗုဒ္ဓပူဇော်သီချင်းခန့်ကြီးကို ရေးစပ်ခဲ့ကြောင်းသိရသည်။
ဆရာဝန်တင်ရွှေ၊ ဒေါ်အေးသန့် ဗုဒ္ဓ၏ မြတ်စွယ်တော်များ စာအုပ်မှ ထုတ်နုတ်ဖော်ပြထားသည်။
No comments:
Post a Comment