ထိုမကောင်းမူ ပြုကုန်သော သူတို့၏ ခံစားရာဖြစ်သော ငရဲများ

ထိုမကောင်းမူပြုကုန်သော သူတို့၏ ခံစားရာဖြစ်သော ငရဲတို့သည် -

၁။ သိဉ္စိုး ငရဲ။

၂။ ကာလသုတ် ငရဲ။

၃။ သံဃာတ ငရဲ။

၎။ ရောရုဝ ငရဲ။

၅။ မဟာရောရုဝ ငရဲ။

၆။ တာပန္န ငရဲ။

၇။ မဟာတာပန္န ငရဲ။

၈။ အ၀ီစိ ငရဲ။

ဟူ၍ ငရဲကြီးတို့သည် ရှစ်ထပ်ရှိကုန်၏။ ထိုငရဲကြီး ရှစ်ထပ်တို့တွင် တစ်ထပ်တစ်ထပ်သော ငရဲကြီးလေးမျက်နှာ အရပ်တို့တွင် တစ်မျက်နှာ တစ်မျက်နှာအရပ်၌ စပ်လျက်တည်သော ဥဿဒငရဲငယ် တို့သည် လေးလုံး၊ လေးလုံးစီ ရှိကုန်၏။

လေးလုံးဟူသည်ကား -

၁။ မစင်တို့ဖြင့် ပြည့်သော ဂူထငရဲ။

၂။ ပြာပူတို့ဖြင့် ပြည့်သော ပြာပူငရဲ။

၃။ သံလျက်သွားရှိသော အရွက်၊ ဆူးညှောင့်တို့ဖြင့် ထူထပ်သော အရွက်၊ ထူထပ်သော ဆူးရှိသော သစ်ပင်တို့ ပေါက်ရောက်ရာဖြစ်သော အသိပတ္ထငရဲ။

၎။ ထက်လှစွာသော ဆူးရှိသော ကြိမ်နွယ်တို့ ပေါက်ရောက်ရာဖြစ်သော ၀တ္ထရဏီ ကြိမ်ပိုက်တောငရဲ။

ဤလေးလုံးတို့တည်း။

ငရဲကြီး တစ်ထပ်တစ်ထပ်ဝယ် တစ်မျက်နှာ တစ်မျက်နှာ၌ လေးလုံး လေးလုံးစီ ရှိသောကြောင့် ငရဲကြီးတစ်ထပ်တစ်ထပ်၌ လေးမျက်နှာရေသော် ဥဿဒငရဲငယ်ပေါင်း တစ်ဆယ့်ခြောက်လုံးစီ ရှိ၏၊ ငရဲကြီးရှစ်ထပ်လုံးတို့၌ ရှိသော ဥဿဒငရဲငယ်တို့ကို ပေါင်းသော် တစ်ရာ့နှစ်ဆယ့်ရှစ်လုံး ရှိ၏၊ ငရဲကြီးရှစ်ထပ်နှင့် ပေါင်းပြန်သော် တစ်ရာ့သုံးဆယ့်ခြောက်လုံး ရှိ၏။

ဤသို့ ငရဲကြီးရှစ်ထပ်၊ ငရဲငယ် တစ်ရာနှစ်ဆယ့်ရှစ်လုံး ရ၏ ဟူ၍ ရေတွက်ခြင်းသည် ထင်ရှားကြီးကျယ်သော ငရဲတို့ကိုသာ ရေတွက်ခြင်း ဖြစ်သည်၊ မထင်ရှားသော မိမိတို့၏ ကံအားလျော်စွာ ခံစားသော ငရဲတို့ကား ရေတွက်၍ မဆုံးနိုင်လောက်အောင်ရှိကြောင်း နေမိဇာတ်တော်၌ လာသည်။

ဤငရဲတွင် အ၀ီစီငရဲသည် ဥဒဿငရဲငယ်တို့နှင့် တကွ ယူဇနာတစ်သောင်း ကျယ်၏၊ ထိုအ၀ီစီ ငရဲကြီးထောင်မသည် အတွင်း၌ ယူဇနာတစ်ရာ ကျယ်၏၊ မီးလျှံပြောင်ပြောင်တောက်သော အထု ကိုးယူဇနာထူသော တံတိုင်းလေးဘက် ရှိ၏၊ လေးမျက်နှာတို့၌လည်း တံခါးလေးပေါက် ရှိ၏၊ အထူ ကိုးယူဇနာရှိသော တံခါးရွက်တို့ဖြင့် ပိတ်အပ်၏၊ အောက်၌လည်း မီးလျှံပြောင်ပြောင်တောက်သော အထူ ကိုးယူဇနာ ရှိသော သံမြေအခင်း ရှိ၏၊ အထက်ကလည်း မီးလျှံပြောင်ပြောင် အထူ ကိုးယူဇနာရှိသော သံအမိုးလည်း ရှိ၏၊ အရှေ့တံတိုင်းမှ ထွက်သော မီးလျှံသည် အနောက်တံတိုင်းကို ဖောက်ပြီးလျှင် အပသို့ ယူဇနာတစ်ရာတိုင်တိုင် ထွက်သွား၏။

ဤအတူ အနောက်တံတိုင်း၊ တောင်တတိုင်း၊ မြောက်တံတိုင်း၊ အောက်သံမြေ၊ အထက်သံအမိုးမှ ထွက်သော မီးလျှံတို့သည်လည်း အပသို့ ယူဇနာ တစ်ရာတိုင်တိုင် ထွက်သွားကြကုန်၏။

မီးလျှံတည်ရာနှင့်တကွ ဖြစ်သော အ၀ီစီငရဲကြီးထောင်မသည် ယူဇနာ သုံးရာ့တစ်ဆယ့်ရှစ်ယူဇနာ ကျယ်၏၊ ကြွင်းသော ငရဲကြီးတို့၏ အကျယ်ကို ကျမ်းကြီးကျမ်းခိုင်တို့၌ အသေအချာ မလာ၊ ဆဂတိဒီပနီကျမ်း၌ကား အ၀ီစိငရဲနှင့် အတူတူ ကျယ်ကြောင်းလာ၏၊ ငါတို့ကျေးဇူးရှင် မိုးနံကုန်းဆရာတော်ကား ငရဲသက် အတိုအရှည်ထောက်၍ အ၀ီစိငရဲမှ အထက်သို့ တစ်ဝက်စီယုတ်၍ ယုတ်၍ ကျယ်ကြောင်းမိန့်တော်မူ၏။

တိရစ္ဆာန်ဘုံ, ပြိတ္တာဘုံ, အသူရကာယ်ဘုံ ဤသုံးဘုံတို့မှာ မိမိတို့၏ ဘုံဟူ၍ အသီးတည်ရာ ဘုံမရှိ၊ မိမိတို့၏ နေရာ တောတောင်စသော အရပ်သည်ပင် ဘုံဖြစ်ကြောင်း ကျမ်းဂန်တို့၌ လာ၏။


ဤဆိုပြအပ်ခဲ့ပြီးသော ငရဲကြီးငရဲငယ် တိရစ္ဆာန်, ပြိတ္တာ, အသူရကာယ် တည်းဟူသော အပါယ်လေးဘုံ တို့တွင် ပါဏာတိပါတစသော အကုသိုလ်ကံကိုပြုလျှင် မည်သည့်ဘုံ၌သာ ခံရ၏ ဟူ၍ အမြဲမရှိ၊ မိမိတို့၏ အကုသိုလ်ကံ အလေးအပေါ့ အားလျော်စွာသာ ခံရကြကုန်၏၊ ပါဏာတိပါတကံတစ်ပါးကိုပင် ပြုမိသော်လည်း အချို့ကား သိဉ္စိုးငရဲ၊ အချို့ကား ကာလသုတ်ငရဲစသည်တို့၌ ခံရကြကုန်၏ဟု မှတ်ရာ၏၊ ပြဆိုအပ်ခဲ့ပြီးသော ပါဠိတော်နှင့်အညီ သူတစ်ပါးတို့၏ အသက်ကို သတ်ခြင်းကြောင့် ငရဲကိုရောက်ကြောင်း ၀တ္ထုကို အနည်းငယ် ဆက်လက်ဖော်ပြဦးအံ့။

၁။ ငါတို့ မြတ်စွာဘုရားသခင်သည် ရာဇဂြိုဟ်ပြည် ဝေဠုဝန်ကျောင်းတော်၌ နေတော်မူသောအခါ ရာဇဂြိုဟ်ပြည်သား စုန္ဒသူကရိက အမည်ရှိသော ၀က်သတ်သမား ယောက်ျား တစ်ယောက်သည် အနှစ် ငါးဆယ်ပတ်လုံး ၀က်ကိုသတ်ပြီး ထိုဝက်သားတို့ကို မိမိလည်းစား၊ သူတစ်ပါးတို့ကိုလည်း ရောင်းချလျက် အသက်မွေးသတဲ့။

ထိုသူ ၀က်သတ်ဟန်ကား ၀က်ရှိရာသို့သွား၍ ၀က်ငယ် ၀က်ကြီးတို့ကို ဆန်စပါး စသည်တို့ကိုပေး၍ ၀ယ်ယူပြီးလျှင် လှည်းဖြင့် မိမိအိမ်သို့ ဆောင်ယူ၍ ၀က်ခြံတွင်းသို့ သွင်းထားပြီးမှ ဖွဲနု၊ ဆန်ကွဲ၊ ဟင်းရွက်နု မစင်-ဘင်ချောက် စသော အစာကိုကျွေးသဖြင့် မွေးလေ၏၊ ယင်းသို့ ကျွေးမွေး၍ အသား အသွေး ပွားလက်သော် ထိုဝက်တို့တွင် အကြင် အကြင်ဝက်ကို သတ်လို၏၊ ထိုထိုဝက်ကို မြဲစွာသောတိုင်၌ မလူပ်မရှားနိုင်အောင် ချည်ထားပြီးလျှင် အသား အသွေး၏ ပွားစေခြင်းငှာ လည်းကောင်း၊ အရေအခေါက်၏ ထူထဲစေခြင်းငှာလည်းကောင်း၊ လေးထောင့်ဆောက်ပုတ်ဖြင့် အကြိမ်ကြိမ်အဖန်ဖန် မသေရုံမျှ ရိုက်နှက်၍ ကိုယ်သား ကိုယ်ရေ ထကြွ ယောင်ယမ်း၍ လာသည်ရှိသော် ခံတွင်းကို ဖွင့်၍ ထားပြီးမှ သွားကြား၌ တုတ်ထောက်၍ ပါးစပ်ကို ဖွင့်ပြီးလျှင် သံအိုးဖြင့် ချက်ပြီး၍ ကျိုက်ကျိုက်ဆူသော ရေနွေးပူ ပွက်ပွက်ကို ၀က်၏ ခံတွင်းသို့လောင်း၏၊ ထိုရေနွေးပူပွက်ပွက်သည် ၀က်၏ ခံတွင်းသို့ ၀င်ပြီးလျှင် ကျင်ကြီးကို ယူဆောင်လျက် အောက်ဒွါရသို့ ထွက်လာ၏၊ အကြင်မျှလောက် ကျင်ကြီးသည် ၀မ်းတွင်း၌ ရှိသေး၏၊ ထိုမျှလောက် ရေသည် နောက်ကျိလျက် ထွက်လာ၏၊ ၀မ်းခေါင်း ၀မ်းတွင်း စင်ကြယ်သည်ရှိသော် ရေသည် ကြင်လင်လျက် ထွက်လာ၏။

ထိုအခါ ရေနွေးပူကိုလောင်းပြီးမှ အရေနက်၊ အရေညစ်တို့ကို ခွာပြီး၍ အမွေးအမျှင်တို့ကို ကုန်စင်အောင် မြက်မီးရှူးဖြင့် မြိုက်၏၊ ရင်ဝသို့ မြိုက်ပြီး၍ ကုန်စင်သော အမွေးရှိသောဝက်ကို ထက်လှသော သံလျက်ဖြင့် ဦးဆက်၌ ဖြတ်တောက်၍ ပေါက်ပေါက်ကျသော သွေးရည်သွေးစက်ကို ခံယူပြီးသော် အသားပေါ်မှာ လောင်းပြီးမှ ပေါင်းစုနယ်ပြီးလျှင် ရွှင်လန်းစွာ သားမယားနှင့် ချက်ပြုတ်၍ စားလေ၏။

ထိုစုန္ဒသုကရိက အမည်ရှိသော ၀က်ထိုးသမားယောက်ျားသည် ဤကဲ့သို့သော အမှတ်ဖြင့် အနှစ် ငါးဆယ်ကျော်ကာလပတ်လုံး ၀က်ကိုသတ်လျက် အသက်မွေးသတည်း၊ လာခြင်းကောင်းသော မြတ်စွာဘုရားသခင်သည် မြို့ဦး မြို့ထိပ်၌ဖြစ်သော ဝေဠုဝန်ကျောင်းတော်၌ သတင်းသုံး နေတော်မူသည်ကို ပန်းတစ်ပွင့် ဆီမီးတစ်တိုင်မျှ မပူဇော်ဘူး၊ တစ်ယောင်းမမျှလောက်သော ဆွမ်းကိုမျှ မလှူဘူးလေ၊ သည်မှတစ်ပါး အခြားကုသိုလ်ကိုလည်း စိုးစဉ်မျှ မပြုဘူးလေ၊ ထိုသူ၏ မေ့လျှော့ခြင်း ပမာဒကို ကြားရသူတို့ နှလုံးမသာ ကြောက်လန့်ဖွယ်ရာ အလွန် ကောင်းသတည်း။

ယင်းသို့ ၀က်ကိုသတ်လျက် အသက်မွေးသော ထိုသူငယ် မဖယ်မလွဲနိုင်သော သေခြင်း၏ အနီးဖြစ်သော ပြင်းပျစွာသော ဝေဒနာ ကပ်ရောက်လာလျှင် အသက် ၀ိညာဏ်ထင်ရှားရှိစဉ်ပင်လျှင် အ၀ီစီငရဲမီးပူသည် လူကို ထ၍ လောင်လေ၏။ ထိုငရဲမီးပူသည် လူကိုလောင်သောအခါ ထိုဝက်သတ်သမား ယောက်ျားသည် ၀က်၏ အသံကဲ့သို့သော အသံကိုမြည်လျက် ၀က်ကဲ့သို့ တောင်ပြေးမြောက်သွား ထွက်ပြေး၍ သွားသောကြောင့် အိမ်တွင်းမှာသွင်းလျက် အတင်းပိတ်၍ ထားပြီးလျှင် ခံတွင်း ပါးစပ်ကို အတင်းအကြပ် ပိတ်ဆို့၍ ထားငြားသော်လည်း ကံ၏အကျိုးကို မည်သူမျှ တားမြစ်ခြင်းငှာ မတတ်နိုင်ရကား လေးဘက်တွားလျက် ၀က်သံကဲ့သို့ အော်ပြီးလျှင် ပြေးမြဲပင် ပြေးပြန်၏၊ အရှေ့ အနောက် တောင် မြောက် ၀န်းကျင် ခုနှစ်အိမ်သားတို့သည် မျက်စိတစ်မှိတ်မျှ မအိပ်ရအောင် ရှိလေ၏။

ထိုဝက်သတ်သမား ယောက်ျားသည် အိမ်ပေါ်မှ အိမ်အောက် ၀က်ခြံတွင်းသို့ ရောက်လေ၍ ၀က်ကဲ့သို့ မြည်လျက် ထွက်၍ပြေးသောကြောင့် အကြင် အချင်းဖြင့် ထွက်၍မပြေးနိုင်၊ ထိုအချင်းဖြင့် ၀က်ခြံကို ပိတ်ဆို့လျက် စောင့်ရှောက်ကြရကုန်၏၊ ထိုဝက်သတ်သမား ယောက်ျားကား ငရဲမီးပူလောင်သောကြောင့် ယောင်ယောင်ကြဉ်ကြဉ် မြည်တမ်းလျက် မထွက်နိုင်ရကား တောင်သွား မြောက်ပြန် လှည့်လည်လျက် ခုနှစ်ရက်မြောက်မှ သေလေ၏၊ ၀က်ကိုသတ်သောကာလ ရေနွေးပူလောင်း၍ သတ်သောကြောင့် ထိုနှင့်တူစွာ အကျိုးမှာလည်း ရောက်လာတတ်၏။

ထို့ကြောင့် မြတ်စွာဘုရားသည် -

ယာနိ ကရောတိ ပုရိသော၊ တာနိ အတ္တနိ ပဿတိ။
ကလျာဏကာရီ ကလျာဏံ၊ ပါပကာရီ စ ပါပတံ။
ယာဒိသံ ၀ပတေ ဗီဇံ၊ တာဒိသံ ဟရတေ ဖလံ။

ဟူ၍ ပဉ္စကနိပါတ် ဝေနသာခ ဇာတ်၌ ဟောတော်မူ၏။

ပုရိသော၊ ယောက်ျားသည်။ ယာန၊ အကြင်ကောင်းမူကံ မကောင်းမူကံတို့ကို။ ကရောတိ၊ ပြု၏။ တာနိ၊ ထိုကောင်းမူကံ, မကောင်းမူကံ အကျိုးတို့လို။ အတ္တနိ၊ မိမိ၌။ ပဿတိ၊ မြင်ရ၏။ ယာဒိသံ၊ အကြင်သို့သဘောရှိသော။ ဗီဇံ၊ မျိုးစေ့ကို။ ၀ပတေ၊ စိုက်ပျိုး၏။ တာဒိသံ၊ ထိုသို့သဘောရှိသော။ ဖလံ၊ အသီးကို။ ဟရတေယထာ၊ ဆောင်သကဲ့သို့။ တထာ၊ ထို့အတူ၊ ကလျာဏကာရီ၊ ကောင်းမူကို ပြုလေ့ရှိသော သူသည်။ ကလျာဏံ၊ ကောင်းကျိုးကို။ လဘတေ၊ ခံစားရ၏၊ ပါပကာရီ၊ မကောင်းမူကို ပြုလေ့ရှိသောသူသည်။ ပါပကံ၊ မကောင်းကျိုးကို၊ လဘတေ၊ ခံစားရ၏။

ထိုဝက်သတ်သမား ယောက်ျား၏ အိမ်တံခါးဖြင့် သွားလာကုန်သော ရဟန်းတို့သည် ၀က်သံဟု မှတ်ထင်ကြကုန်သည်ဖြစ်၍ သဗ္ဗညုမြတ်စွာဘုရားအား ဤသို့ နားတော်လျှောက်ကြကုန်၏။

ဘုန်းတော်ကြီးလှသော အရှင်ဘုရား စုန္ဒ ၀က်ထိုးသမား ယောက်ျားသည် အိမ်ကို ပိတ်လျက် ၀က်ကို နေ့တိုင်းမပြတ် သတ်သည်ကား ယနေ့ ခုနှစ်ရက် ရှိပါပြီ၊ သင့်အိမ်တွင် မင်္ဂလာမူ တစ်စုံတစ်ခု ရှိယောင်တကား ဤမျှ အတိုင်းအရှည်ရှိသော ၀က်တို့ကို သတ်သော ထိုသူအား သနားကြင်နာသော စိတ်သည် တစ်ဆတ်မျှ မရှိယောင်ကား၊ အကျွန်ုပ်တို့သည် ဤကဲ့သို့သော အမူများကို ပြုဝံ့မည်ဝေးစွ၊ ကြားရုံမျှနှင့်ပင် စက်ဆုပ် ၀န်လေးလှပါ၏ ဘုရားဟု လျှောက်ကြလေကုန်၏။

ထိုအခါဘုန်းတော်ကြီးသော မြတ်စွာဘုရားက စုန္ဒ၀က်ထိုးသမား ယောက်ျားသည် ဤခုနှစ်ရက်အတွင်း၌ ၀က်ကို သတ်နေသည် မဟုတ်၊ စင်စစ်မူကား ၀က်သတ်သောကံနှင့် တူစွာ အ၀ီစိငရဲမီးပူသည် လူကို လောင်သောကြောင့် ပြင်းထန်စွာ ဟစ်အော်သော စုန္ဒ၏ အသံတည်း။

ထိုစုန္ဒသည် သေလေ၏၊ ယနေ့ အ၀ီစိငရဲသို့ ကျလေပြိဟူ၍ မိန့်တော်မူ၏။

ဤကား သူတစ်ပါးတို့၏ အသက်ကို သတ်ခြင်းကြောင့် ငရဲသို့ ရောက်ရကြောင်း ၀တ္ထု ပင်တည်း။

အနန္တကျေးဇူးတော်ရှင် ညောင်လွန်တောရ ဆရာတော်ဘုရားကြီး ရေးသားပြုစုတော်မူသော ဒုဿီလ၀ဇ္ဇပကာသနီ စာအုပ်မှ ထုတ်နုတ်ဖော်ပြသည်။