ဗုဒ္ဓမြတ်စွယ်တော်ကို ပူဇော်သော ကုန်းဘောင်ခေတ်မင်းများ

ကုန်းဘောင်ခေတ်မင်းများလက်ထက်တွင် တရုတ်ပြည်နှင့် ဆက်သွယ်မူများခဲ့သည်။ ရတနာသိင်္ခ၊ ရွှေဘို၊ စစ်ကိုင်း၊ အင်းဝ၊ အမရပူရ၊ ရတနာပုံ မန္တလေးဟူသော ရွှေမြို့တော်များအထက် မြန်မာနိုင်ငံတွင် တည်ထားသဖြင့် ကုန်းကြောင်းခရီးမှ တရုတ်နေပြည်တော် ပဲ့ကျင်သို့ စေလွှတ်မူများခဲ့သည်။ အထူးသဖြင့် ဘိုးတော်(ပဒုံမင်း) လက်ထက် (အေဒီ ၁၇၈၂-၁၈၁၉)တွင် မြန်မာ-တရုတ် သံအဖွဲ့အပြန်အလှန်စေလွှတ်မူ များစွာပြုခဲ့သည်။ အေဒီ ၁၇၈၇၊ ၁၇၉၀၊ ၁၇၉၅၊ ၁၇၉၆ နှစ်များအတွင်းက တရုတ်သံအဖွဲ့လေးဖွဲ့ မြန်မာမင်းထံသို့ ရောက်ခဲ့သည်။ အလားတူ ဘိုးတော်ဘုရားကလည်း အေဒီ ၁၇၈၂၊ ၁၇၈၇ နှင့် ၁၇၉၂ နှစ်များအတွင်းက မြန်မာသံအဖွဲ့ သုံးဖွဲ့ကို ပဲ့ကျင်းမြို့တော် တရုတ်ဘုရင်ထံ စေလွှတ်ခဲ့သည်။ ဘကြီးတော်ဘုရား (အေဒီ ၁၈၁၉-၃၇) လက်ထက် အေဒီ ၁၈၂၃ နှစ်တွင် တရုတ်သံအဖွဲ့ ရောက်လာ၍ အပြန်တွင် မြန်မာသံအဖွဲ့ တွဲဖက်ထည့်လိုက်သည်ကို စာဆိုတော် ဒုတိယန၀ဒေးကြီးက တရုတ်သံမော်ကွန်းရေးဖွဲ့၍ မှတ်တမ်းတင်ထားသည်။

ယင်းသံအဖွဲ့များ အပြန်အလှန်စေလွှတ်ကြရာတွင် ဓမ္မလက်ဆောင်တော်များ၊ ရာဇမဟာမိတ်စာများ၊ မင်းအတွက်လက်ဆောင်တော်များ၊ အပြန်အလှန် ပေးခဲ့ကြသည်။ မြန်မာမင်းတို့က တရုတ် ဧကရာဇ်အတွက်ဆင်စွယ်များ၊ အထည်အုပ်များ၊ ကော်ဇောများ ပတ္တမြားနှင့် နီလာ စီခြယ်ထားသော ဆင်စွယ်ဦးထုပ်များ၊ ပုဂံလုပ် ယွန်းထည်များ၊ ပတ္တမြားလက်စွပ်များနှင့် ဒေါင်းမြီးများကို လက်ဆောင်ပေးသည်။ တရုတ်ဧကရာဇ်က တုံ့ပြန်သော လက်ဆောင်တော်များတွင် ယပ်တောင်များ၊ မြင်းကောင်းများ၊ လက်ဖက်ရည်သောက်ကြွေထည်၊ ပန်ကန်စုံများ၊ တော်ဝင်ရွှေဝါရောင်ပိုးနှင့်ချုပ်သော သားမွှေးအင်္ကျီများနှင့် လားကောင်များ ပါဝင်သည်။ ၁၇၉၀ပြည့်နှစ် ဘိုးတော်ဘုရားလက်ထက် ရောက်လာသော တရုတ်သံတော်တို့သည် မြတ်စွယ်တော်ပွား တစ်ဆူနှင့် သမီးကညာသုံးဦးကိုပါ ဆောင်ယူလာသည်။ ထိုမြတ်စွယ်တော်ပွားကို နန်းဦးစွယ်တော်စင်၌ ထားရှိကိုးကွယ်ခဲ့ရာ မြေးတော်ဘကြီးတော် ဘုရားလက်ထက်တွင် အမရပူရရွှေမြို့တော် နန်းဦးစွယ်တော်စင်ကျောင်းက ရွှေခြည်တော်လွှတ်သည်ကို အကြောင်းပြု၍ ဂီတပညာရှင်ကြီး မြ၀တီမင်းကြီးဦးစက “ထူးမခြားနား” အစချီသော “မြတ်စွယ်တော် - ရောင်ခြည်တော်ဖွဲ့” သီချင်းကြီးကို ရေးစပ်တင်ဆက် သီဆိုခဲ့သည်။ ယနေ့တိုင်အောင် မြန်မာ့ဂီတသမိုင်းတွင် မနိူင်းယှဉ်နိုင်သော ဓမ္မတေးသီချင်းကြီးအဖြစ်ရပ်တည်လျက် ရှိသည်။

ဆရာဝန်တင်ရွှေ၊ ဒေါ်အေးသန့် ဗုဒ္ဓ၏ မြတ်စွယ်တော်များ စာအုပ်မှ ထုတ်နုတ်ဖော်ပြထားသည်။