ကာမဂုဏ်လိုက်စားသော ကာမသုခလ္လိကအကျင့်သည် ကိလေသာ တဏှာဦးစီးသော စိတ်အလိုသို့လိုက်ကာ ခံစားပျော်ပါးသည့်အကျင့် ဖြစ်သောကြောင့် အောက်တန်းကျ ပျော့ညံ့သော လက်ယာလမ်းကျင့်စဉ်ဖြစ်သည်။
လျော့နေသော စောင်းကြိုးသည် အသံကောင်းကောင်း မမြည်သကဲ့သို့ ထိုအကျင့်အကြံကို လိုက်စားနေပါက မဂ်ဖိုလ်နိဗ္ဗာန်မရနိုင်ပေ။ ခန္ဓာကိုယ်ကို ဒုက္ခပေးသော အတ္တကိလမထအကျင့်ကား လက်ဝဲလမ်းဖြစ်သည်၊ တင်းလွန်း၏၊ ပြင်းထန်လွန်း၏၊ တင်းလွန်းသော စောင်းကြိုးသည် အသံကောင်း အသံမှန် မမြည်နိုင်သကဲ့သို့ မဂ်ဖိုလ်နိဗ္ဗာန်ရဖို့ရန် လမ်းမှန်မဟုတ်သေးချေ။ မလျော့ မတင်း စောင်းကြိုးညှင်းသကဲ့သို့ လျော့လည်းမလျော့၊ တင်းလည်းမတင်းဘဲ ဉာဏ်စက္ခုအလင်းရအောင် ပြုနိုင်၍ နိဗ္ဗာန်ကို ထိုးထွင်းသိမြင်စေနိုင်သော မဇ္ဈိမပဋိပဒါအကျင့်သည်သာလျှင် လက်ဝဲ၊ လက်ယာမှလွတ်၍ မှန်ကန်သော အလယ်လမ်းဖြစ်သည်။
ထိုမဇ္ဈိမပဋိပဒါခေါ် အလယ်လမ်းမှန်ကား အရိယာသူတော်စင်တို့ ကျင့်ကြံအားထုတ် ကြသော မဂ်လမ်းအကျင့်ဖြစ်၏၊ မဂ္ဂင်ရှစ်ပါးဟု ခေါ်ကြ၏၊ ဆင်းရဲချုပ်ရာ နိဗ္ဗာန်သို့ရောက်ကြောင်း အကျင့်မှန်ဖြစ်၏၊ ထိုမဂ္ဂင်ရှစ်ပါးကား -
သမ္မာဒိဋ္ဌိ = ဒုက္ခသစ္စာကိုသိမြင်ခြင်း၊ ဒုက္ခသစ္စာဖြစ်ကြောင်း သမုဒယသစ္စာကို သိမြင်ခြင်း၊ ဒုက္ခချုပ်ငြိမ်းရာ နိရောဓသစ္စာကို သိမြင်ခြင်း၊ ဒုက္ခချုပ်ရာ နိဗ္ဗာန်သို့ရောက်ကြောင်းအကျင့် မဂ္ဂသစ္စာကိုသိမြင်ခြင်း။
သမ္မသင်္ကပ္ပ = ကာမဂုဏ်မှ ထွက်မြောက်ရာကို ကြံစည်ခြင်း၊ သူတပါးတို့ ကောင်းစားရေး ချမ်းသာရေးကို ကြံစည်ခြင်း၊ သနားမူရှေးရူ၍ သတ္တ၀ါတို့၏ ချမ်းသာရေးကို ကြံစည်ခြင်း။
သမ္မာဝါစာ = မဟုတ်မမှန်ပြောခြင်း၊ ကုန်းတိုက်စကားပြောခြင်း၊ ရုန့်ရင်းကြမ်းတမ်းသော စကားပြောဆိုခြင်း၊ အကျိုးမရ ပြိန်ဖျင်းသောစကားကို ပြောဆိုခြင်းတို့မှ ရှောင်ကြဉ်ခြင်း။
သမ္မာကမ္မန္တ = သူ့အသက်သတ်ခြင်း၊ သူ့ဥစ္စာခိုးယူခြင်း၊ ၀တ္ထုကာမဂုဏ်တို့၌ မှားယွင်းစွာ ကျင့်ခြင်းတို့ မှ ရှောင်ကြဉ်ခြင်း။
သမ္မာအာဇီဝ = အသက်မွေးမူနှင့် ပတ်သက်၍ ၀စီဒုစရိုက် ၄-ပါး ကာယဒုစရိုက် ၃-ပါးတို့မှ ရှောင်ကြဉ်ခြင်း။
သမ္မ၀ါယာမ = မဖြစ်သေးသော အကုသိုလ်တရားတို့ကို မဖြစ်ပေါ်စေရန် အားထုတ်ခြင်း၊ ဖြစ်ပြီးသော အကုသိုလ်တရားတို့ကို ဆက်လက်မဖြစ်ပေါ်စေရန် ပယ်ဖျောက်ရန် အားထုတ်ခြင်း၊ မဖြစ်သေးသော ကုသိုလ်တရားတို့ကို ဖြစ်ပေါ်စေရန် အားထုတ်ခြင်း၊ ဖြစ်ပေါ်ပြီးသော ကုသိုလ်တရားတို့ကို တည်မြဲပြန့်ပွားစေရန် အားထုတ်ခြင်း။
သမ္မာသတိ = ကာယ၊ ဝေဒနာ၊ စိတ္တ၊ ဓမ္မ ဟူသော ခန္ဓာငါးပါး ရုပ်နာမ်တရားတို့၌ အကြိမ်ကြိမ် ရူမှတ်ခြင်း အောက်မေ့ခြင်း။
သမ္မာသမာဓိ = သမထဘာဝနာပွားများမူ၊ ၀ိပဿနာရူမှတ်မူ၊ သမာပတ် ၈-ပါး ၀င်စားမူနှင့် မဂ်တရားတို့၌ ဖြစ်ပေါ်သော စိတ်တည်ငြိမ်မူကို သမ္မာသမာဓိဟု ခေါ်၏။
ပြည်ထောင်စု မြန်မာနိုင်ငံတော်အစိုးရ သာသနာရေးဝန်ကြီးဌာန ဗုဒ္ဓဘာသာတရားတော် (အဆင့်မြင့်) စာအုပ်မှ ထုတ်နူတ်ဖော်ပြသည်။
No comments:
Post a Comment