အဒိန္နာဒါန အကုသိုလ်ကံ၏ အပြစ်

ပါဏာတိပါတကံ၏ အပြစ်ကို ပြတော်မူပြီး၍ သူတစ်ပါးတို့၏ ဥစ္စာကို ခိုးယူခြင်းဟု ဆိုအပ်သော အဒိန္နာဒါန အကုသိုလ်၏ အပြစ်ကိုလည်း ပြတော်မူခြင်းငှာ -

အဒိန္နာဒါနံ ဘိက္ခဝေ အာသေ၀ိတံ ဘာဝိတံ ဗဟုလိကတံ နိရယသံဝတ္တနိကံ တိရစ္ဆာနယောနိသံဝတ္တနိကံ ပေတ္တိဝိသယသံဝတ္တနိကံ ယော သဗ္ဗလဟု၊ သော အဒိန္နာဒါနဿ ၀ိပါကော၊ မနုဿဘူတဿ ဘောဂ။

ဗျာသနံ သံဝတ္တနိကော ဟောတိ။

ဟူ၍ ဟောတော်မူ၏။

ဘိက္ခဝေ၊ သံသရာညွန် လေးသောာဝန်ကို အလွန်ကြောက်တတ်သော သူတော်ကောင်း အပေါင်းတို့။ အဒိန္နာဒါနံ၊ ဥစ္စာရှင်တို့သည် မပေးအပ်သော သူတစ်ပါးတို့၏ ဥစ္စာကို ခိုးယူခြင်းဟုဆိုအပ်သော အဒိန္နာဒါန အကုသိုလ်သည်။ အာသေ၀ိတံ၊ အဖန်ဖန် အထပ်ထပ် မှီဝဲအပ်သည်ရှိသော်။ ဘာဝိတံ၊ ပွားများအောင် အားထုတ်၍ ပြုအပ်သည်ရှိသော်။ ဗဟုလိကတံ၊ အကြိမ်များစွာ ပြုအပ်သည်ရှိသော်။ နိရယသံဝတ္တနိကံ၊ ငရဲ၌ခံရခြင်းကိုလည်း ဖြစ်စေတတ်၏။ တိရစ္ဆာနယောနိသံဝတ္တနိကံ၊ တိရစ္ဆာန်မျိုး၌ လည်း ဖြစ်စေတတ်၏။ ပေတ္တိဝိသယသံဝတ္တနိကံ၊ ပြိတ္တာဘုံ၌လည်း ဖြစ်စေတတ်၏။ အဒိန္နာဒါနဿ၊ အဒိန္နာဒါန အကုသိုလ်ကံ၏။ ယောဝိပါကော၊ အကြင်အကျိုးသည်၊ သဗ္ဗလဟု၊ အလုံးစုံသော ငရဲ, တိရစ္ဆာန်, ပြိတ္တာဟူကုန်သော အကျိုးတို့အောက် အယုတ်ဆုံး အပေါ့ဆုံး ဖြစ်၏။ သောဝိပါကော၊ ထိုအကျိုးသည်။ မနုဿဘူတဿ၊ လူဖြစ်၍ ဖြစ်သောသူအား။ ဘောဂဗျသနသံဝတ္တနိကော၊ စည်းစိမ်ဥစ္စာ၏ ပျက်စီးခြင်းကို ဖြစ်စေတတ်သည်။ ဟောတိ၊ ဖြစ်၏။

အဓိပ္ပာယ်ကား - အရှင်သည် မပေးအပ်သော သူတစ်ပါးတို့၏ ဥစ္စာကို ခိုးလိုသောစိတ်ဖြင့် ခိုးယူခြင်းသည် အဒိန္နာဒါနမည်၏၊ ယုတ်သော အပိုင်းအခြားအားဖြင့် သစ်သီး တစ်လုံး ပန်း တစ်ပွင့်၊ ဟင်းရွက် တစ်ညွှန့်၊ ၀ါးချမ်း တစ်စိတ်မျှကို သော်လည်း ခိုးယူခြင်းသည် အဒိန္နာဒါန အကုသိုလ်မည်၏။

ချိန်ခွင်မမှန်၊ တောင်းမမှန်၊ အလေးမမှန်၊ ငွေမမှန် သုံးစွဲခြင်းသည်လည်း အဒိန္နာဒါန အကုသိုလ်မည်၏။

ငါးပိကို ဖွဲနု စသည်ရော၍ ရောင်းခြင်း၊ ဆားကို ရေပက်၍ ရောင်းခြင်း၊ စပါးကို အဖျင်း အမှော်ရော၍ ရောင်းခြင်းစသည်လည်း အဒိန္နာဒါန အကုသိုလ်မည်၏။

ထိုအဒိန္နာဒါနအမူကို အကြိမ်ကြီမ် အဖန်ဖန် အတန်တန် အားထုတ်၍ ပြုအပ်သည် ရှိသော အောက်၌ ပြဆိုအပ်ခဲ့ပြီးသော ငရဲကြီးရှစ်ထပ်၊ ငရဲငယ် တစ်ရာ့နှစ်ဆယ့်ရှစ် စသော ငရဲဘုံတို့တွင် အမှတ်မရှိသော ငရဲဘုံ၌ ခံရခြင်း၊ တိရစ္ဆာန်မျိုး၌ဖြစ်၍ ဆင်းရဲစွာ ခံရခြင်း၊ ပြိတ္တာဘုံ၌ဖြစ်၍ ဆင်းရဲစွာ ခံရခြင်းကိုလည်း ဖြစ်စေတတ်၏။

အကြင်အဒိန္နာဒါန၏ အကျိုးသည် အပေါ့ဆုံး အယုတ်ဆုံးဖြစ်၏၊ ထိုအဒိန္နာဒါန အကုသိုလ်၏ အကျိုးသည် လူပင် ဖြစ်ငြားသော်လည်း ရွှေငွေ ဥစ္စာဘဏ္ဍာမရှိ၊ ကိုယ်တည်းဗလာ လွန်စွာဆင်းရဲခြင်း၊ ရှားပါး ငတ်မွတ်ခြင်း၊ ပစ္စည်းဥစ္စာရှိပြန်ပါ လျှင်လည်း မီးလောင်ခြင်း၊ ရေမျောခြင်း၊ မင်းဘေးသင့်၍ ကုန်ဆုံးခြင်း၊ သူခိုးခိုး၍ ကုန်ဆုံးခြင်း၊ မချစ်မနှစ် လိုအပ်သော အမွေခံသားသမီးတို့ ဖြုန်းတီး ဖျက်ဆီးခြင်းကြောင့် ပျက်ဆီးဆုံးရူံးခြင်း စသည်ကိုလည်း ဖြစ်စေတတ်၏ ဟုဆိုသည်။

ဤသို့ ဟောတော်မူသော ပါဠိတော်နှင့်အညီ သူတစ်ပါးတို့ ဥစ္စာကို ခိုးယူခြင်းဟု ဆိုအပ်သော အဒိန္နာဒါန အကိုသိုလ်ကြောင့် -

ငရဲ၌ခံရသောဝတ္ထု အမြွက်
နေမိဇော်တော်၌ နေမိ မင်းကြီးကို မာတလိ နတ်သားသည် သိန္ဓောမြင်း တစ်ထောင်ကသော နတ်ရထားဖြင့် တင်ယူ၍ ငရဲပြည်သို့ လှည့်လည်၍ ပြသောအခါ ငရဲထိန်းတို့သည် ငရဲသူ သတ္တ၀ါတို့ကို မြားဖြင့် ပစ်ခြင်း၊ လှံမ, လှံသေ စသော အထူးထူးသော လက်နက်တို့ဖြင့်တော၌ သမင်ကို ထိုးပြစ် ရိုက်နှက်ကုန်သကဲ့သို့ ထို့အတူ နံပါးနှစ်ဖက်တို့၌ ထိုးပြစ်ရိုက်နှက်ကုန်သည် ဖြစ်၍ ပြင်းပျစွာ ဆင်းရဲသော ငရဲသူ သတ္တ၀ါတို့ကို မြင်လေလျှင် ကြင်နာသော စိတ်နှလုံးရှိသည်ဖြစ်၍ ထိုငရဲသူ သတ္တ၀ါတို့၏ ငရဲ၌ ခံရခြင်း၏ အကြောင်း ဖြစ်သော မကောင်းမူ အကုသိုလ်ကံကို မေးရာတွင် -

ယော ဇီဝလောကသ္မိံ၊ အသာဓုကမ္မိနော၊ အဒိန္နမာဒါယ ကရောန္တိ ဇီဝိတံ၊ ဓညံ ဓနံ ဇာတရူပဉ္စ အဇေဠကဉ္စာပိ ပသုံး မဟိံသံ၊ တေ လုဒ္ဓကမ္မာ ပသဝေတွာန ပါပံ၊ တေ မေ ဇနာ သတ္တိဟတာ သယန္တိ။
ဟူ၍ မာတလိနတ်သားက ဖြေကြားလေ၏။

မဟာရာဇ၊ မြတ်သောမင်းကြီး။ အသာဓုကမ္မိနော၊ မကောင်းမူကိုပြုတတ်ကိုသော။ ယေ၊ အကြင်လူတို့သည်။ ဇီဝလောကသ္မိံ၊ အသက်ရှည်သောလူ၏ရွာ၌။ အဒိန္နာ၊ အရှင်သည် မပေးအပ် သော။ ဓညံ၊ စပါးကိုလည်းကောင်း။ ဓနံ၊ စပါးမှ တစ်ပါးသောဥစ္စာကိုလည်းကောင်း။ ရဇတံ၊ ငွေကိုလည်းကောင်း။ ဇာတရူပံ၊ ရွှေကိုလည်းကောင်း။ အဇံ၊ ဆိတ်မြန်မာကိုလည်းကောင်း။ ဧဠကံ၊ ဆိတ်ကုလားကိုလည်းကောင်း။ ပသုံ၊ နွားကိုလည်းကောင်း။ မဟိံသံ၊ ကျွဲကိုလည်းကောင်း။ ပသုံ၊ နွားကိုလည်းကောင်း။ မဟိံသံ၊ ကျွဲကိုလည်းကောင်း။ အာဒါယ၊ ခိုးယူ၍။ ဇီဝိတံ၊ အသက်မွေးခြင်းကို။ ကရောန္တိ၊ ပြုကုန်၏။ လုဒ္ဓကမ္မာ၊ ကြမ်းကြုတ်သောအမူကို ပြုကုန်သော။ တေဣမေဇနာ၊ ထိုလူတို့သည်။ ပါပံ၊ မကောင်းမူ အကုသိုလ်ကံကို။ ပသဝေတွာန၊ ပွားစေကုန်သောကြောင့်။ ဆတ္ထိဟတာ၊ လှံစူးကုန်သည်ဖြစ်၍။ သယန္တိ၊ အိပ်ရကုန်၏။

ဤကား အနက် -

အချို့သော ငရဲသူတို့သည်ကား မီးလျှံပြောင်ပြောင်တောက်သော သံမြေအရပ်၌ ရေစာငတ်ခြင်း ပူလောင်ခြင်းတို့ဖြင့် နှိပ်စက် အပ်ကုန်သည် ဖြစ်၍ ဆင်း ရဲလှသောကြောင့် တောင်မြောက် လေးပါး ပြေးသွားကြကုန်ရာ အနီးအပါး၌ ကောင်းသော ဆိပ်ကမ်းရှိသော မနက်လွန်း မတိတ်လွန်းသောရေဖြင့် ပြည့်သော မြစ်သို့ ရောက်ကြလေကုန်၍ ၀မ်းမြောက်ဝမ်းသာ ဆင်းသက်ကြကုန်လျက် ရေကို သောက်ချိုးကြကုန်သောအခါ အလုံးစုံသောရေတို့သည် ဖွဲဖြစ်၍ မီးလျှံပြောင်ပြောင်တောက်ကုန်၏၊ ထိုငရဲသူတို့သည်လည်း မွတ်သိပ် ဆာလောင်ခြင်းကို သည်းမခံနိုင်ကုန်သောကြောင့် ထိုမီးလျှံ ပြောင်ပြောင်တောက်သော ဖွဲတို့ကိုပင် သောက်စားကြရကုန်၏၊ ထိုအခါ စားသောက်အပ်သော ဖွဲအစုသည် ထိုငရဲသူ သတ္တ၀ါတို့၏ ကိုယ့်အလုံးကို လောင်ကျွမ်းစေလျက် အောက်ဒွါရမှ ထွက်လာ၏၊ ထိုငရဲသူ သတ္တ၀ါတို့သည်လည်း ဆင်းရဲခြင်းကို သည်းခံခြင်းငှာ မတတ်နိုင်ကုန်သောကြောင့် လက်ကိုမြှောက်လျက် ငိုကြွေး မြည်တမ်းကြကုန်၏၊ ထိုငရဲသူတို့ကို မြင်သောကြောင့် နေမိမင်းဖျားက မာတလိနတ်သားကို မေးလေလျှင် -

ယေ သုဒ္ဓဓညံ ပလာသေနမိဿံ၊ အသုဒ္ဓကမ္ဘာ၊ ကယိနော ဒဒန္တိ၊ ဃမ္မာဘိတတ္တာနံ၊ ပိပါသိတာနံ၊ ပိတဉ္စ တေသံ ဘူသံ ဟောတိ ပါနိ။
ဟူ၍ ဖြေကြားပြန်၏။

မဟာရာဇ၊ မြတ်သော နေမိမင်းကြီး။ ယေဣမေဇနာ၊ အကြင်လူတို့သည်။ ဇီဝလောကသ္မိံ၊ အသက် ရှည်သောလူ၏ ရွာ၌။ သုဒ္ဓံ၊ စင်ကြယ်သော။ ဓညံ၊ စပါးကို။ ပလာသေန၊ အဖျင်းအမှော်ဖြင့်၊ ၀ါ၊ မြေညက်သဲတို့ဖြင့်။ မိဿံ၊ ရောနှောသည်ကို။ ကတွာ၊ ပြုကုန်၍ အသုဒ္ဓကမ္ဘာ၊ မစင်ကြယ်သော ကိုယ်နူတ် နှလုံး ရှိကုန်သည်ဖြစ်၍။ ကယိနော၊ ၀ယ်သောသူအား။ ဒဒန္တိ၊ စင်ကြယ်သောစပါးကို ပေးပါအံ့ဟုဆို၍ တန်ဖိုးကို ယူပြီးလျှင် မစင်ကြယ်သော စပါးကိုပေးကုန်၏။ တေဣမေဇနာ၊ ထိုလူတို့သည်။ တံပါပကမ္မံ၊ ထိုမစင်ကြယ်သော စပါးကို ရောင်းသော မကောင်းမူကံကို။ ပသဝေတွာန၊ ပွားစေကုန်သောကြောင့်။ ဃမ္မာဘိတတ္တာနံ၊ မီးပူသည် ပြင်းစွာ နှိပ်စက်အပ်ကုန်သော။ တေသံ၊ ထိုငရဲသူတို့၏။ ပါနိ၊ သောက်ရေသည်။ ဘူသံ၊ ဖွဲမီးသည်။ ဟောတိ၊ ဖြစ်၏။ ဤကားအနက်။

ဤကား အဒိန္နာဒါန အကုသိုလ်ကံကြောင့် ငရဲ၌ ခံရကြောင်း ပြဆိုအပ်သော ၀တ္ထု အမြွက်တည်း။


အနန္တကျေးဇူးတော်ရှင် ညောင်လွန်တောရ ဆရာတော်ဘုရားကြီး ရေးသားပြုစုတော်မူသော ဒုဿီလ၀ဇ္ဇပကာသနီ စာအုပ်မှ ထုတ်နုတ်ဖော်ပြသည်။