ဘုရားဖြစ်ကြောင်း ၀န်ခံမိန့်ကြားတော်မူခြင်း

ရဟန်းတို့ ----- အရိယာပုဂ္ဂိုလ်တို့ သိအပ်သော အမှန်တရားများဖြစ်သည့် အရိယသစ္စာလေးပါး၌ (သစ္စာတစ်ပါးလျှင် သစ္စဉာဏ်၊ ကိစ္စဉာဏ်၊ ကတဉာဏ်) ၃-ပါးသောအပြန်၊ (သစ္စာလေးပါးကို ဉာဏ်သုံးပါးဖြင့် မြှောက်ပွားလျှင်) ၁၂-ပါးသော အခြင်းအရာတို့ဖြင့် မှန်ကန်တိကျ ပြည့်စုံစွာသိသော ဉာဏ်အမြင် မစင်ကြယ်သေးသမျှ၊ ဖြစ်ပေါ်မလာသေးသမျှ ကာလပတ်လုံး ငါဘုရားသည် နတ် မာရ်နတ် ဗြဟ္မာအပါအ၀င် နတ်လောကနှင့် သမဏ ဗြဟ္မဏ မင်း ပုဏ္ဏား လူမျိုးအားလုံးအပါအ၀င် လူ့လောကတို့၌ “တရားအားလုံးကို ကိုယ်တိုင်ကိုယ်ကျ မှန်ကန်စွာ ထိုးထွင်း၍သိသည့် အမြင့်မြတ်ဆုံး အရဟတ္တမဂ်ဉာဏ်ကို သိပြီ (သဗ္ဗညုဘုရားဖြစ်ပြီ)ဟု ၀န်မခံခဲ့ချေ။

ရဟန်းတို့ ----- အရိယသစ္စာ လေးပါးတို့၌ (သစ္စာတစ်ပါးလျှင် သစ္စာဉာဏ်၊ ကိစ္စဉာဏ်၊ ကတဉာဏ်) ၃-ပါးသောအပြန်၊ (သစ္စာလေးပါးကို ဉာဏ် ၃-ပါးဖြင့် မြှောက်ပွားလျှင်) ၁၂-ပါးသောအခြင်းအရာတို့ဖြင့် မှန်ကန်တိကျ ပြည့်စုံစွာသိသော ဉာဏ်အမြင် စင်ကြယ်ကာ ဖြစ်ထွန်းပေါ်ပေါက်လာသည့် ယခုအခါမှသာလျှင် ငါဘုရားသည် နတ် မာရ်နတ် ဗြဟ္မာအပါအ၀င် နတ်လောကနှင့်သမဏ ဗြဟ္မဏ မင်း ပုဏ္ဏား လူမျိုးအားလုံး အပါအ၀င် လူ့လောကတို့၌ တရားအားလုံးကို ကိုယ်တိုင်ကိုယ်ကျ မှန်ကန်စွာ ထိုးထွင်း၍ သိတော်မူသည့် အမြင့်မြတ်ဆုံး အရဟတ္တမဂ်ဉာဏ်ကို သိပြီး(သဗ္ဗညုဘုရားဖြစ်ပြီ) ဟု ၀န်ခံခဲ့၏။

ငါဘုရား၏ ကိလေသာတို့မှ ကင်းကွာလွတ်မြောက်မူ (အရဟတ္တဖိုလ်)သည် မပျက်စီးနိုင်တော့ပြီ၊ ယခုဘ၀ ယခုခန္ဓာကား သံသရာဝယ် နောက်ဆုံးဘ၀ နောက်ဆုံးခန္ဓာတည်း၊ နောက်ထပ်ဘ၀သစ် ခန္ဓာသစ် ထပ်မဖြစ်တော့ပြီဟု ဆင်ခြင်အောက်မေ့နိုင်သော ပစ္စဝေက္ခဏာဉာဏ်အမြင် ထင်ရှားစွာ ဖြစ်ပေါ်လာခဲ့ပြီဟု မိန့်တော်မူ၏။

မြတ်စွာဘုရားသည် ဤတရားတော်ကို ဟောကြားတော်မူသည်ရှိသော် ပဉ္စ၀ဂ္ဂီရဟန်းတို့သည် နှစ်သက်ကျေနပ်ကြကုန်၏၊ မြတ်စွာဘုရား၏ တရားတော်ကို ၀မ်းမြောက်ဝမ်းသာ လက်ခံကြကုန်၏။

ဓမ္မစကြာ ဒေသနာတော် ပြီးဆုံးသည်ရှိသော် အရှင်ကောဏ္ဍညအား သောတာပတ္တိမဂ်ဉာဏ် ဖြစ်ပေါ်၏၊ “ဖြစ်လာသမျှတရားအားလုံးတို့သည် ပျက်ပြုန်းရမည်သာတည်း”ဟု၍ ကိလေသာမြူ အညစ်အကြေးကင်းလျက် သန့်ရှင်းစင်ကြယ်သော တရားမှန်ကို မြင်သိသည့် သောတာပတ္တဉာဏ် မျက်စိအမြင် ဖြစ်ပေါ်လာ၏။ အရှင်ကောဏ္ဍညနှင့်အတူ ဗြဟ္မာ(၁၈)ကုဋေနှင့် နတ်ပေါင်များစွာတို့ သောတာပန် အရိယာဘ၀သို့ ရောက်ကြကုန်၏။

ပြည်ထောင်စု မြန်မာနိုင်ငံတော်အစိုးရ သာသနာရေးဝန်ကြီးဌာန ဗုဒ္ဓဘာသာတရားတော် (အဆင့်မြင့်) စာအုပ်မှ ထုတ်နူတ်ဖော်ပြသည်။