၈။ အဉ္စလိကရဏီယဂုဏ်တော်

အနက်

ဘဂ၀တော - ရွှေဘုန်းတော်သခင် ရှင်တော်မြတ်ဘုရား၏။ ဧသ = ဧသော သာဝကသံဃော - အစုံလေးပါး သီးခြားရှစ်ဖော် သံဃာတော်အပေါင်း ဤအရိယာ သူတော်ကောင်းသည်။ အဉ္စလိကရဏီယော - တလောကလုံး ကိုင်းညွတ်ရုံးလျက် ရွှင်ပြုံးကြည်ညို ရိုသေမြတ်နိုး လက်အုပ်မိုး၍ ရှိခိုးခြင်းငှာလည်း ထိုက်တော်မူပါပေ၏။

အဉ္စလိကရဏီယော = လက်အုပ်ချီမိုး ရှိခိုးထိုက်သော အရိယာ သံဃာတော်မြတ်ပါပေတည်း။


အဓိပ္ပာယ်

အရိယာသံဃာတော်မြတ်များသည် သုပ္ပဋိပန္န၊ ဥဇုပ္ပဋိပန္န စသော ဂုဏ်တော်များနှင့် ပြည့်စုံတော်မူကြသဖြင့် သီလ၊ သမာဓိ၊ ပညာ အကျင့် သိက္ခာသုံးပါးတို့ ပြည့်စုံပြီး ဖြစ်ကြသည်။ ထိုအရိယာ သံဃာတော်များအား တစ်ကြိမ်ရှိက ကောင်းကျိုးအနန္တကို ရနိုင်၏။

လောက၌ လူတို့သည် တစ်ဦးနှင့်တစ်ဦး ဂုဏ်သတ္တိစွမ်းရည်မတူကြ၊ အသက်သိက္ခာဂုဏ်ဝါကြီးသူ၊ စွမ်းရည်သတ္တိကြီးမားသူတို့အား အသက်သိက္ခာ ဂုဏ်ဝါငယ်သူ၊ စွမ်းရည်နိမ့်ကျသူတို့က အရိုအသေပြုရသည်မှာ လောက၀တ်၊ လောကဓမ္မတာဖြစ်၏။ ကမ္ဘာ့လူမျိုးတိုင်းလည်း မိမိတို့ ဓလေ့ထုံးစံအရ တစ်နည်းမဟုတ် တစ်နည်း အရိုအသေ ပေးနေကြရသည်ပင်ဖြစ်၏။ ယုတ်စွအဆုံး အလေးဂရုပြုရမည့် ပုဂ္ဂိုလ်ကြီး အသက်ထင်ရှား မရှိတော့စေကာမူ ဓာတ်ပုံရုပ်တုစသော အထိမ်းအမှတ်များကိုပင်လျှင် ရိုသေသမူ ပြုနေကြရသည်။ စကြ၀ဠာဖွဲ့စည်းပုံကို ကြည့်လျှင်လည်း သက်မဲ့များပင် အားကြီးရာအလိုက် ဦးတိုက်နေကြရသည်မှာ နိယာမပင် ဖြစ်သည်။ ထိုလောက၀တ် နိယာမကို နားမလည်ဘဲ” လူလူချင်း ဦးတိုက် ရိုကျိုးရှိခိုးဖို့ မလို” ဟု ပြောဆိုထင်မြင်သူထက် မိုက်မဲသူကား မရှိပြီ။

လူလူချင်း ဖြစ်စေ၊ ထိုသူတို့အား ကိုယ်စားပြု ရည်ညွန်းထားသော ဓာတ်ပုံ ရုပ်တု အမှတ်လက္ခဏာတစ်ခုကို ဖြစ်စေ အရိုအသေပြုခြင်း၊ ဦးတိုက်ရှိခိုးပြုကြရာ၌ ပြုထိုက်သောကြောင့် ပြုနေကြရသည်ဖြစ်ရာ ပြုထိုက်သော ကျေးဇူးဂုဏ်စွမ်းရည်သတ္တိကို မြင်အောင်ကြည့်ဖို့ လို၏။ ရတနာသုံးပါး မိဘ ဆရာ အသက်သိက္ခာကြီးသူတို့၌ အဘယ်ကျေးဇူး၊ အဘယ်ဂုဏ် စွမ်းရည်သတ္တိ အနန္တရှိရာတွင် စောင့်ထိန်းသော သီလဂုဏ်တစ်ခုတည်းဖြင့်ပင် တလောကလုံး ရှိခိုး ဦးတိုက်ထိုက်၏။ ရဟန်းသံဃာတော်များ စောင့်ထိန်းထားသော အကျင့်သီလကို သိသာရုံပြရသော် -

(၁) ရဟန်းတော်များအတွက် မြတ်စွာဘုရား ပညတ်တော်မူထားသော သိက္ခာပုဒ် အကျဉ်းအားဖြင့် (၂၂၇)သွယ်၊ အကျယ်အားဖြင့် ကဋေကိုးထောင် ကိုးရာ ရှစ်ဆယ့် ငါးသန်း သုံးသောင်း ခြောက်ထောင် ရှိ၍ ထိုသိက္ခာပုဒ်များကို လုံခြုံအောင် စောင့်ထိန်းခြင်း ဟူသော ပါတိမောက္ခသံဝရသီလ၊

(၂) အကုသိုလ်မဖြစ်ရအောင် မျက်စိ၊ နား၊ နှာခေါင်း၊ လျှာ၊ ကိုယ်၊ စိတ် ဟူသော ဣနြေ္ဒခြောက်ပါးတို့ကို လုံခြုံအောင် စောင့်ထိန်းခြင်းဟူသော ဣန္ဒြိခြောက်ပါးတို့ကို လုံခြုံအောင် စောင့်ထိန်းခြင်းဟူသော ဣနြေ္ဒယသံဝရသီလ၊

(၃) ရဟန်းတော်များ၏ အသက်မွေးဝမ်းကျောင်းမူနှင့် စပ်၍ မြတ်စွာဘုရား ပညတ်တော်မူထားသော သိက္ခာပုဒ်များကို လုံခြုံအောင် စောင့်ထိန်းခြင်းဟူသော အာဇီဝပါရိသုဒ္ဓိသီလ၊

(၄) ဆွမ်း၊ သင်္ကန်း၊ ကျောင်း၊ ဆေးဟူသော ပစ္စည်းလေးပါးတို့ကို ဉာဏ်ဖြင့် ဆင်ခြင်၍ သုံးဆောင်ခြင်းဟူသော ပစ္စည်းလေးပါးတို့ကို ဉာဏ်ဖြင့် ဆင်ခြင်၍ သုံးဆောင်ခြင်းဟူသော ပစ္စယသန္နိဿိတ သီလ ဟူ၍ လေးမျိုးရှိသည်။

ဤဖော်ပြပါ သီလလေးပါးတို့ကို လုံခြုံအောင် စောင့်ထိန်းနိုင်မှ စတုပါရိသုဒ္ဓိသီလ၌ သမာဓိ၊ ပညာ တရားများ ဖြစ်ပွားနိုင်သည်။
ရဟန်း သံဃာတော်များ သီလတစ်ခုတည်း ပြည့်စုံအောင် ဖြည့်ကျင့်ဖို့ပင် မည်မျှ ခက်ခဲ ကြပ်တည်းကြောင်း သိသာလှပေ၏။ ထိုသီလ ပြည့်စုံခိုင်မြဲအောင် ပူးတွဲဖြည့်ကျင့်ရသော ကျင့်ဝတ်များ၊ အမွှမ်းတင်သီလ (ခုတင်အကျင့်) များလည်း ရှိပေသေးသည်။ ထို့ကြောင့် ကိုယ်ကျင့်သီလနှင့်စပ်၍ လောက၌ ပြိုင်ဘက်မရှိ စင်ကြယ်မြင့်မြတ်သူများ ဖြစ်တော်မူကြ၏။

ရဟန်းသံဃာတော်များ သီလ သမာဓိ ပညာတရားတို့ကို ထိုသို့ ဖြည့်ကျင့်ခြင်းမှာ တကိုယ်ရေ ချမ်းသာရေးအတွက်သာ မဟုတ်ချေ။ “မြတ်သော အလှူကို ခံထိုက်သည်၊ ရှိခိုးထိုက်သည်” စသော ဂုဏ်များဖြင့် သတ္တလောကကြီးအား ချမ်းသာစီးပွားများအောင် ဆောင်ရွက်ပေးတော်မူနေကြသည် ဟူသော အဓိပ္ပာယ်လည်း ပါဝင်ပြီး ဖြစ်တော့သည်။ ထိုသို့ ကျင့်ကြံတော် မူနေကြခြင်းပင်လျှင် လောကကြီးအား ချမ်းသာစီးပွားများအောင် ဆောင်ရွက်ပေးတော်မူနေကြခြင်းပင် ဖြစ်၏။

ဘုရားရှင်လက်ထက်တော်အခါက ခုနှစ်ရက်မျှသာ အသက်ရှည်တည်နေရန်ရှိသော ဒီဃာဝု သတို့သားငယ်သည် ထိုသို့သော သီလ သမာဓိ ပညာဂုဏ်ရှိသည့် ဘုရားအမူးရှိသော ရဟန်းသံဃာတော်များကို ရှီခိုးဦးချရခြင်း စသော ကုသိုလ်ကြောင့် အသက် ၁၂၀-ထိ ရှည်ခဲ့ဖူး၏။

ဤသို့ သံဃာတော်၏ ကျေးဇူး၊ ရှိခိုးရသော ကျေးဇူးတို့ကို သိရှိအောင် လေ့လာ၍ လက်အုပ်ချီမိုး ရှိခိုးခြင်း (အဉ္စလီ) အမျိုးမျိုးရှိရာတွင် နူတ်ဆက် ရှိခိုးခြင်းမျိုးမျှသာ မဖြစ်စေရ၊ ထိုင်လျက် ရှိခိုးလျှင် ထိခြင်းငါးပါးဖြင့် ရှိခိုးခြင်း၊ မတ်တပ်ရပ်လျက် ရှိခိုးလျှင် ဦးထိပ်ပြင်၌ လက်ဆယ်ချောင်းလုံး ပေါင်းရုံးယှက်တင်၍ ကိုယ်ကို ညွတ်ကိုင်းလျက် ရှိခိုးခြင်းဖြင့် ရှိခိုးရမည်။