မြတ်စွာဘုရား၏ လက္ခဏာတော်ကြီးများ

မဟာပုရိသလက္ခဏာကျမ်း

မဟာပုရိသလက္ခဏာကျမ်းသည် ထင်ရှားသော ကျမ်းတစ်စောင်ဖြစ်၏။ ထိုကျမ်း၌ “ဤလက္ခဏာမျိုးနှင့် ပြည့်စုံသူသည် ဘုရားဖြစ်၏။ ဤလက္ခဏာမျိုးနှင့် ပြည့်စုံသူသည် ပစ္စေကဗုဒ္ဓါဖြစ်၏။ “အစရှိသည်ဖြင့် ဘုရားအစရှိသော ယောက်ျားမြတ်တို့၏ ထူးခြားသော အမှတ်အသား လက္ခဏာများကို အတိအကျ ညွှန်ပြထားသည်။


လက္ခဏာစစ်၍ ဘုရားအဖြစ် ဆုံးဖြတ်သူပုဏ္ဏားကြီး

အခါတပါး မြတ်စွာဘုရားသည် ကျွတ်ထိုက်သောသူများကို ချေချွတ်တော်မူရန် ရဟန်းငါးရာ ခြံရံလျက် ကောသလတိုင်းဘက်သို့ ဒေသစာရီ ကြွချီတော်မူခဲ့သည်။ ဣသ္ဆညနင်္ရလပုဏ္ဏားရွာသို့ ရောက်တော်မူ၍ ထိုရွာအနီး ဣစ္ဆာနင်္ဂလမည်သော တောအုပ်ကြီး၌ သီတင်းသုံးနေတော်မူလေသည်။

ထိုအခါ ပသေနဒီကောသလမင်းကြီး ချီးမြှင့်ခန့်ထားသော ဥက္ကဋ္ဌ မြို့စား ပေါက္ခရသာတိပုဏ္ဏားကြီးသည် မြတ်စွာဘုရား၏ ကျော်ကြားလှသော ဂုဏ်ကျေးဇူး သတင်းစကားကို ကြားရလေသည်။ သတင်းစကား ကြားရရုံမျှ ဖြင့်ပင် သွားရောက် ဖူးတွေ့ချင်လှသည်။ သို့သော် လောကမှာ “ငါဘုရား” ဟု ကြုံးဝါး လှည်လေနေကြသူ ပူရဏကဿပ စသော ဘုရားတုဘုရားယောင်များကလည်း ပေါများလှလေရာ သတင်းစကား ကြားရသည့်အတိုင်း မဟာပုရိသကျမ်းလာ ယောက်ျားမြတ်လက္ခဏာနှင့် ပြည့်စုံသူ ဘုရားဟုတ်၊ မဟုတ် သေသေချာချာ ကြိုတင်သိချင်သေးသည်။ ထို့ကြောင့် ချက်ချင်း မသွားသေးဘဲ တပည့်ကြီး အမ္ဗဋ္ဌလုလင်ကို စေလွှတ်ပြီး စစ်ဆေးစုံစမ်းခိုင်းလိုက်သည်။

မဟာပုရိသလက္ခဏာကျမ်း၌ ယောက်ျားမြတ် လက္ခဏာ (၃၂)ပါး တိုက်ရိုက်လာရှိသည်။ ထိုလက္ခဏာ (၃၂)ပါးနှင့် ပြည့်စုံသော ယောက်ျားမြတ်သည် လူ့ဘောင်၌နေလျှင် လေးကျွန်းသနင်း စကြာမင်းဖြစ်၍ ရဟန်းပြုလျှင် သမ္မာသမ္ဗုဒ္ဓ ဘုရားစင်စစ် ဧကန်ဖြစ်သည်ဟု တိတိကျကျ ညွှန်ပြထားသည်။ ထိုယောက်ျားမြတ် လက္ခဏာများ အရှင်ဂေါတမမှာ ပါ၊ မပါ သေချာစွာ စစ်ဆေးကြည့်ရူခဲ့ဖို့ရန် အမ္ဗဋ္ဌလုလင်ကို မှာကြားလိုက်လေသည်။

အမ္ဗဋ္ဌလုလင်သည် အဖော်လုလင်ငယ်များနှင့်အတူ မြတ်စွာဘုရားထံတော်ပါးသို့ သွားရောက်ပြီး (၃၂)ဖြာသော ယောက်ျားမြတ်လက္ခဏာကို စုံလင်စွာ ကြည့်ရူစစ်ဆေးသည်။ မိမိ၏ စစ်ဆေး တွေ့ရှိချက်အရ အရှင်ဂေါတမသည် မဟာပုရိသလက္ခဏာကျမ်းလာ ယောက်ျားမြတ် လက္ခဏာနှင့် ပြည့်စုံသူဖြစ်ကြောင်း ဆရာပုဏ္ဏားကြီးအား ပြန်လည် ပြောကြားလိုက်သည်။

ပေါက္ခရသာတိ ပုဏ္ဏားကြီးသည် ထိုမင်္ဂလာ သတင်းစကားကို ကြားလျှင်ကြားချင်း မိမိအိမ်၌ ခဲဖွယ်ဘောဇဉ်များ ရုတ်တရက် စီရင်ခဲ့ပြီး ဥက္ကဋ္ဌမြို့မှ ဣစ္ဆာနင်္ဂလတောအုပ်သို့ မြည်းရထားစီးလျက် ဘုရားဖူးထွက်ခဲ့သည်။ ဘုရားရှင်ထံမှောက် ရောက်သောအခါ ယောက်ျားမြတ်လက္ခဏာ (၃၂)ဖြာကို မိမိကိုယ်တိုင် ထပ်မံ စစ်ဆေးကြည့်ရူပြန်သည်။ မြတ်စွာဘုရား၏ ကိုယ်တော်ဝယ် သုံးဆယ်သော လက္ခဏာတော်တို့ကိုကား ထင်ထင်ရှားရှားတွေ့မြင်ရ၏။ သို့သော် ကျန်သေးသော လက္ခဏာတော် နှစ်ပါးကိုမူ အသေအချ မမြင်ရသေးသဖြင့် ယုံမှားသံသယ ဖြစ်နေသေးသည်။ လက္ခဏာတော်နှစ်ပါးမှာ ယောက်ျားနိမိတ်လက္ခဏာတော်နှင့် လျှာ်တော်ဖြစ်၏။


လက္ခဏာတော်နှစ်ပါးကို တန်ခိုးဖြင့် မြင်စေခြင်း

မြတ်စွာဘုရားသည် လက္ခဏာတော်(၂)ပါး၌ ပုဏ္ဏားကြီး ယုံမှား သံသယဖြစ်နေသည်ကို သိတော်မူ၏။ ထို့ကြောင့် ပုဏ္ဏားကြီး ယုံမှားကင်းစေရန် ဦးစွာ အအိမ်ဖြင့် ဖုံးအုပ်နေသော ယောက်ျားနိမိတ် လက္ခဏာကို တန်ခိုးတော်ဖြင့် မြစ်စေတော်မူသည်။ လျှာတော်၏ ရှည်လျားသော လက္ခဏာကိုမူ လျှာ်ထုတ်၍ နားတွင်းနှစ်ဘက်ကို အပြန်ပြန် အလှန်လှန် သုံးသပ်ပြတော်မူလိုက်၏။ လျှာတော်၏ နူးညံ့သော လက္ခဏာကိုမူ နှာခေါင်းပေါက်နှစ်ခုအတွင်းကို အပြန်ပြန် အလှန်လှန် သုံးသပ်ပြလိုက်ခြင်းဖြင့် တွေ့မြင်စေတော်မူသည်။ လျှာ်တော်၏ ကျယ်ပြန့်သော လက္ခဏာကိုမူ နဖူးပြင် တစ်ခုလုံးကို ဖုံးအုပ်ပြလိုက်ခြင်းဖြင့် တွေ့မြင်စေတော်မူသည်။


ကောင်းမူကံအလိုက် အကျိုးလက္ခဏာများ ဖြစ်ပေါ်လာပုံ

ပေါက္ခရသာတိ ပုဏ္ဏားကြီးသည် မိမိလေ့လာထားသော မဟာပုရိသ လက္ခဏာကျမ်းလာ လက္ခဏာတော်များအတိုင်း မြတ်စွာဘုရားကိုယ်တော်၌ စုံစုံလင်လင် ပီပီပြင်ပြင် တိတိကျကျ တွေ့မြင်ရသောအခါ အတိုင်းမသိ ၀မ်းသာကြည်နူးနေတော့၏။ ရင်ဖျားတုံ့လှည့် ကြည်ရူဖူးမြော်၍ မ၀၊ “ဒါမှ အာဇာနည်ယောက်ျားမြတ်၊ နတ်နှင့်တကွသော သုံးလောကမှာ နှစ်ယောက် အတူမရှိတဲ့ သယမ္ဘူထွတ်ထား တကယ့် သမ္မာသမ္ဗုဒ္ဓ ဘုရားအစစ်ပါဘဲ” ဟုလည်း ချီးကျူး ရေရွတ်နေ၏။ အဘယ်ကြောင့် ဤမျှထူးခြားသော လက္ခဏာတော်များ ဖြစ်ပေါ်လာရသည်ကိုမူ ပုဏ္ဏားကြီးမသိပေ။

ဘုရားရှင်ကိုယ်တော်မြတ်ကြီး၌ ၃၂-ပါးသော ယောက်ျားမြတ်တို့၏ လက္ခဏာတော်များနှင့်တကွ ထူးခြားအံ့ဖွယ် ကြည်ညိုဖွယ်ရာများ အဘယ်ကြောင့် ဖြစ်ပေါ်လာရသည်ကို ပေါက္ခရသာတိ ပုဏ္ဏားကြီး သာမဟုတ်။ အခြား မည်သူမျှလည်း မသိခဲ့ကြပေ။ သာဝတ္ထိမြို့သူ မြို့သားများပင် သို့လော သို့လော တွေးတောကာ အုပ်စုဖွဲ့ ပြောဆိုနေကြလေသည်။ ထိုသို့ ပြောဆိုနေကြသော စကားကို အရှင်အနာနန္ဒာက ကြားခဲ့သည့်အတိုင်း ဘုရားရှင်အား လျှောက်ထားလေရာ “မည်သည့်ကောင်းမူ မည်သည့် စိတ်ထားကြောင့် မည်သို့သော ယောက်ျားမြတ်လက္ခဏာတော်များ ဖြစ်ပေါ်ရရှိကြောင်း လက္ခဏသုတ္တန်ကို ဟောကြားတော်မူခဲ့ရသည်။