မြန်မာအမည် - သဘောင်္သီး
ရုက္ခဗေဒအမည် - ကာရီကာဖာပယာ
သင်္ဘောသီးသည် မြန်မာ့ဆေးကျမ်းများ အလိုအရ အေး၏။ ချို၏၊ အတန်ငယ် ငန်၏။ ဓာတ်ဆုံး၌ အတန်ငယ်ခါး၏။ အာပေါရသာ အစာမျိုးတည်း၊ သလိပ်ခြောက်နာ၊ ချောင်းဆိုး သွေးပါနာတို့နှင့် သင့်၏။ ဆီးဝမ်းကို မှန်စေသည်ဟု ဆိုပါသည်။ ထို့အပြင် ဥတုဘောဇနကျမ်း၌ သင်္ဘောသီး မှည့်သည် လေ၊ သည်းခြေကို နိုင်၏။ ချို၏။ ၀မ်းကို ရွှင်စေတတ်၏ဟု ဆိုထားပါသည်။ သင်္ဘောသီး အပင်တစ်ပင်လုံးသည် ဆေးဘက်ဝင်ကြသည်။ အသီးခွန်မှ ထွက်သော အစေးသည် ဆေးဖက်တွင် အထူးအသုံးဝင်ကြသည်။ ထိုအစေးသည် အစာကို ကြေချက်ရာ၌ အလွန်အာနိသင် ကြီးမားသည်။
အိန္ဒိယ ဆေးကျမ်းများ အလိုအရမူ အစေး လတ်လတ် ဆတ်ဆတ်ကို ပွေးနာများ၌ သုတ်လိမ်းပေးလျှင် ပျောက်ကင်းနိုင်သည်။ ကင်းကိုက်၍လည်း သင်္ဘောစေးကို သုတ်လိမ်းနိုင်သည်။ အစေ့နှင့် အစေးကို ကလေး သန်ချဆေးအဖြစ် အသုံးပြုနိုင်သည်။ အသီးမှည့်မှ ညှစ်ယူရရှိသော အရည်သည် တင်းတိပ်များကို ပျောက်ကင်းစေနိုင်သည်ဟု ဆိုပါသည်။ အသီး ရင့်ရင့်ကို ဆားနယ်၍ နေလှန်းထားသော သင်္ဘောသီးခြောက်သည် သရက်ရွက်နှင့် သည်းခြေကြီးသော ရောဂါများအတွက် ဆေးတစ်ပါးဖြစ်သည်။
သားသည် အမေများအတွက် အသီးအရင့်များကို ဟင်းချက်၍ စားသုံးပေးပါက အလွန် သင့်လျော်ကြောင်း၊ သို့သော် ကိုယ်ဝန်ဆောင်များ သင်္ဘောသီးစိမ်းကို မစားသင့်ချေ။ မြန်မာ လူမျိုးတို့သည် သင်္ဘောသီးစိမ်းကို သား၊ ငါးနှင့် ရော၍ ဟင်းလျာအဖြစ် ချက်ပြုတ် စားသုံးကြသည်။ လက်သုပ် သုတ်၍လည်း စားကြသည်။ သင်္ဘောသီးစိမ်းကိုထည့်၍ ချက်ပြုတ်ပါက အမဲသားကဲ့သို့ မာကျောသော အသားများ ပိုမို နူးလွယ် ကျက်လွယ်၍ အရသာလည်း ပိုမို ကောင်းမွန်သည်။
သင်္ဘောရွက်ဖြင့် သားငါးကိုထုတ်၍ ချက်ပြုတ်က ပိုမိုနူးနပ်လွယ်စေသည်။ အရွက်တွင် ဗီတာမင်စီနှင့် အခြားသော အဟာရဓာတ် ခြောက်မျိုးပါဝင်သည်။
ဝမ်းချုပ်သူများ သင်္ဘောရွက်ကို စားပေးသင့်သည်။ အကြောအခြင် နာကျင်သော ဝေဒနာနှင့် ဆင်ခြေထောက် ရောဂါများအတွက် သင်္ဘောရွက်မှာ ဆေးဖက်ဝင်သည်။ သင်္ဘောမြစ်သည် ဖက်ဖုနာနှင့် လိပ်ခေါင်းရောဂါများအတွက် ဆေးဖက်ဝင်သည်။
မြန်မာနိုင်ငံ အရပ်ရပ်ရှိ အိမ်ဝင်း၊ ခြံဝင်းနှင့် ဥယျာဉ်များတွင် စိုက်ပျိုး တွေ့ရှိရသည်။ မိသားစု စားသုံးသီးနှံ
အပြင် စီးပွားဖြစ် သီးနှံအဖြစ်ပင် စိုက်ပျိုး ထုတ်လုပ်လျက် ရှိကြသည်။
သင်္ဘောသီးမှာ အလွန် အာဟာရဓာတ် ကြွယ်ဝသော အသီးဖြစ်သည်။ သင်္ဘောသီးမှည့်ကို မှန်မှန် မှီဝဲစားသုံးသူသည နုပျို စိုပြည်ပြီးလျှင် ကျန်းမာရွှင်လန်းနိုင်သည်။ ရောဂါများကိုလည်း ခုခံနိုင်စွမ်းရှိ၍ ရောဂါကျရောက်ခဲ့သည့် တိုင်အောင် လျင်မြန်စွာ ပျောက်ကင်းနိုင်သည်ဟု ဆိုကြသည်။
Saturday, 30 October 2010
သင်္ဘောသီးပင်
Subscribe to:
Post Comments (Atom)
No comments:
Post a Comment