သီးပင်

မြန်မာအမည် - သီးပင်

ရုက္ခဗေဒအမည် - ၀ဖားရိုးနီးယား အဲလီဖန်တမ်

သနပ်ခါးခေါက်နှင့် ဆင်တူရိုးမှား တူသော သီးခေါက်ရရှိသည့် သီးပင်သည် သနပ်ခါး၊ ရှောက်၊ သံပရာ၊ ဥသျှစ်တို့နှင့် မျိုးရင်းတူ အပင်ဖြစ်သည်။

မြန်မာနိုင်ငံ မိုးပါးရေရှားဒေသများတွင် စားသုံးသီးနှံပင်အဖြစ် စိုက်ပျိုးကြသည်။ သီးပင်သည် သနပ်ခါးပင်နှင့် ဆင်တူသော်လည်း ပို၍ အပင်ကြီးသည်။ လှပ၍ စိန်းလန်း စိုပြည်သည်။ ရွက်ကြွေပင်မျိုး ဖြစ်ပြီး ပင်စည်ဖြောင့်မတ်သည်။ သို့သော် ပင်စည်တို၍ လုံးပတ် ၂-ပေ မှ ၄-ပေအထိရှိပြီး အမြင့်ပေ-၃၀ မှ ၄၀-အထိ မြင့်တတ်သည်။ သီးပင်၏ အကိုင်းအလက်များတွင် ဆူးများရှိသည်။ သီးရွက်သည် ရွက်လက်တစ်ခုတွင် ဆိုင်၍ ထွက်ကြသော ရွက်မြွှာ တစ်စုံမှ လေးစုံအထိ ပါရှိတတ်သည်။ ရွက်လတ်ရိုးတံ၏ ဘေးတစ်ဘက်တစ်ချက်တွင် သေးငယ်သော အရွက်ကလေးများနှင့် တူသည့် လည်တောင်များ ပါရှိသည်။ ရွက်လက်များသည် တစ်ချက်ကျော် တစ်ရွက်ကျ လွှဲ၍ ထွက်သည်။

သီးပင်၏ ပွင့်ချပ်သည် သေးငယ်၍ အသွား ၅-ခု ပါရှိသည်။ ပွင့်ထတ်သည်များသောအားဖြင့် ငါးခုရှိပြီးလျှင် ပြည့်နေသည့် ၀တ်ဆံတံ ၁၁-ခု မှ ၁၂-ခုထိ ရှိသည်။ အပွင့်များသည် အကိုင်းများမှ ဖြစ်စေ၊ အရွက်ရင်းမှဖြစ်စေ ပွင့်သော ပန်းခိုင်များ ဖြစ်သည်။

သီးသီးသည် ဥသျှစ်သီးအငယ်စား သို့မဟုတ် ပန်းသီး အရွယ်ခန့် ရှိသည်။ ဥသျှစ်သီးကဲ့သို့ပင် အခွံမာ၍ ထူသည်။ အသီး၏ အတွင်းသာသည် ပျော့၍ အစေ့များသည်။ အစေ့သည် ရှည်လျှားလျား ပုံသဏ္ဌာန် ရှိသည်။ အသီး၏ အတွင်းသားကို စားသုံးကြသည်။

အသီးသီးကို အသီးသေ၍ ချဉ်သော အမျိုးဟူ၍ နှစ်မျိုးခွဲနိုင်သည်။ အသီးမှည့် အတွင်းမှအသား အနှစ်ကို ထန်းလျက်၊ သကြားတို့နှင့် ရော၍ စားသုံးကြသည်။ ဥသျှစ်ဖျော်ရည်ကဲ့သို့ အဖျော်ရည် ပြုလုပ်လည်း သုံးဆောင်နိုင်သည်။ ကောင်းစွာ မမှည့်သေးသော အသီးရင့်များကို ဆားရည်စိမ်၍ လည်းကောင်း ချပ်တနီးပြုလုပ်၍ လည်းကောင်း စားသုံးနိုင်သည်။ သီးသီးသည် လန်းဆန်းသော သတ္တိရှိသဖြင့် အားဆေးအဖြစ်လည်း စားသုံးကြသည်။ မမှည့်သေးသော အသီးကို ချုပ်ဆေးအဖြစ်လည်းကောင်း၊ နှလုံးဆေးအဖြစ်လည်းကောင်း အသုံးဝင်သည်ဟု ယူဆကြသည်။ ၀မ်းကိုက်ရောဂါများအတွက် ဥသျှစ်သီးအစား သီးသီးကို အသုံးပြုနိုင်သည်ဟု ဆိုသည်။ သွားဖုံး ရောဂါ၊ လည်ချောင်းရောဂါများ အတွက်လည်း ဆေးဖက်ဝင်သည်ဟု ဆိုကြသည်။

သီးသီး၏ အတွင်းသားများ အစေ့များ၏ အာဟာရဓာတ်ကြွယ်ဝမူမှာ မီလီဂရမ်အားဖြင့် ရေ-၆၉ ဒသမ ၅၊ ပရိုတင်း ၇ ဒသမ ၉၊ ဖော့ဖရပ်စ် ၀ ဒသမ ၁၁၊ သံ ၀ ဒသမ ၆၊ ဗီတာမင်စီ ၂ ဒသမ ၀ ပါရှိသည်ကို တွေ့ရသည်။ အချဉ်ဓာတ်နုန်းသည် မမှည့်သေးသော အသီးများတွင် ရ ဒသမ ၆ ရာခိုင်နူန်းမှ အသီးမှည့်များတွင် ၂ ဒသမ ၃ ရာခိုင်နူန်းအထိ လျော့နည်းသွားသည်။

သီးသီး အတွင်းသားကို ကျောက်ကျော(ဂျယ်လီ) လည်း ပြုလုပ်ကြရာ ပန်းသီးဂျယ်လီ အနံ့မျိုးနှင့် တူသည်။