အသည်းရောင် အသားဝါ ရောဂါကို ပျောက်ကင်းစေသော မြန်မာ့သဘာဝ ဆေးဖက်ဝင် အပင်များအကြောင်းကို စုဆောင်း ရေးသား တင်ပြသွားမည်ဖြစ်ပါသည်။
ကျားမုတ်ဆိတ်ပင်
ကျားမုတ်ဆိတ်ပင်ကို မြေမှ နုတ်ယူ၍ ရေဆေးပြီး သန့်စင်သော ရေဖြင့် သုံးခွက် တစ်ခွက်တင် ကျို၍ သောက်ပါက အသည်းရောင် အသားဝါ ရောဂါ ပျောက်ကင်းသည်။ ကျားမုတ်ဆိတ်ပင်၏ ပုသဏ္ဌာန်မှာ အရွက်မှာ ရှည်မျောမျောပုံရှိပြီး နှစ်လက်မမှ လေးလက်မခန့်အထိ ရှည်သည်။ အရွက်မှာ အစိမ်းရင့်ရောင်ရှိပြီး မြောများတွင် ပေါက်ရောက်လေ့ရှိသည်။ အလေ့ကျပေါက်သော အပင်မျိုး ဖြစ်ပြီး သဘာဝ သစ်တောများ အတွင်း အတွေ့များသည်။ အညာဒေသ ကျေးလက် တောရွာ များတွင်လည်း တွေ့ရှိရသည်။
ခရုမင်းပင်ကို သုံးခွက် တစ်ခွက်တင်ကျို၍ သောက်ပါက အသည်းရောင် အသားဝါ ရောဂါ ပျောက်ကင်းစေသည်။ ခရုမင်းအပင်၏ ပုံသဏ္ဌာန်ကို ဖော်ပြရသော် အရွက်မှာ ပုဝိုင်းဝိုင်း သဏ္ဌာန်ရှိပြီး တစ်လက်မ ပတ်လည်ခန့် ရှိသည်။ အရွက်၏ အရောင်မှာ အစိမ်းရောင် ဖျော့ဖျော့ အရောင်ရှိပြီး မြေစေး (သို့) နုန်းခြောက်မြေများးတွင် ပေါက်ရောက်သည်။ အလေ့ကျပေါက်သော အပင်ဖြစ်ပြီး တောစပ် ချုံစပ်တို့တွင် ရောနှောပေါက်ရောက်သည်။
မြေဆီဖြူပင်
မြေဆီဖြူပင်ကို သုံးခွက် တစ်ခွက်တင်အောင်ကျို၍ သောက်ပါကလည်း အသည်းရောင် အသားဝါ ရောဂါ ပျောက်ကင်းသည် မြေဆီဖြူပင်၏ ပုံသဏ္ဌာန်မှာ မြေမှာကပ်၍ ပေါက်ရောက်သော အပင်မျိုး ဖြစ်သည်။ အရွက်သေးငယ်၍ ၇ွက်တံ၏ တစ်ဘက်တစ်ချက်တွင် အရွက်ငယ်များ တန်းစီ၍ ထွက်သည်။ အရွက်အောက်ခြေတွင် အသီးငယ် ကလေးများတန်း၍ ပြွတ်သိပ်စွာ သီးကြသည်။ အရွက်၏ အရောင်မှာ ဖျော့တော့သော အစိမ်းနုရောင်ဖြစ်သည်။ တောင်ခြေ၊ တောစပ် နေရာများသာမက ရွာနီး ၀န်းကျင်တို့တွင်လည်း အလေ့ကျ ပေါက်ကြသည်။
ဝက်ချီးပနဲပင်
ဝက်ချီးပနဲပင်ကို ပြုတ်၍ သောက်ပါက အသားဝါ အသည်းရောင် ရောဂါ ပျောက်ကင်းသည်။ ၎င်းအပင်၏ ပုံသဏ္ဌာန်မှာ အရက်သေးငယ်သော အပင်မျိုးဖြစ်ပြီး အ၀ါရင့်ရောင် အပွင့်သေးလေးများပွင့်သည်ကို တွေ့ရသည်။ အရွက်၏ အရောင်မှာ အစိမ်းရင့်ရောင် ရှိသည်။ ပူအိုက်စွတ်စိုသော ရာသီဥတုကို နှစ်သက်ပြီး ၎င်းရာသီ ရရှိသော ဒေသများတွင် ပေါက်ရောက်သည်။ မြေမာများတွင် ပေါက်ရောက်ပြီး မြန်မာနိုင်ငံ အနှံ့အပြားတွင် တွေ့ရှိရသည်။
မက်လင်သီး
မက်လင်သီး အခြောက်ကို ဘယဆေးဆိုင်များတွင် ၀ယ်ယူရရှိနိုင်သည်။ ၎င်းအသီးခြောက်ကို ထန်းလျက်နှင့် ရောကျိုပြုတ်၍ သောက်ပါက အသည်းရောင် အသားဝါ ရောဂါ ပျောက်ကင်းစေသည်။ မက်လင်သီးခြောက် နှစ်ကျပ်ခွဲသားခန့်ကို ထန်းလျက်ကြမ်း ငါးလုံးထည့်၍ ရေကိုသင့်လျော်ရုံထည့်၊ ကျက်ကျက်ပြုတ်၍ သောက်ပါက အသည်းရောင် အသားဝါ ရောဂါ ပျောက်ကင်းကြောင်း တွေ့ရှိရသည်။ မက်လင်သီး၏ ပုံသဏ္ဌာန်မှာ ပန်းသီး၊ သစ်တော့သီး ကဲ့သို့ ရှိသည်။
ငုပင်
ငုပင်မှာ အပင်လတ်ပင်မျိုးဖြစ်၍ ပန်း၏ ပသာဒကြောင့် အလှအပအဖြစ် ဥယျာဉ်ခြံများ။ လူနေအိမ်များတွင် အလှစိုက်ကြသည်။ ငုပင်၏ ပင်စည်မှ အခေါက်ကို ခွာယူ၍ လည်းကောင်း မြေတွင်းရှိ အမြစ်ကို တူးယူ၍ လည်းကောင်း သုံးခွက်တစ်ခွက် တင်ကျို၍ သောက်ပါက အသည်းရောင် အသားဝါ ပျောက်ကင်းသည်။ ငုပင်သည် အခက်အလက် ဝေဆာစွာ ထွက်ရှိပြီး ပန်း အ၀ါရောင်များ ပွင့်သည်။ အပင်အကိုင်း အခက်များမှ ပွင့်ညှာတံများ ထွက်ရှိကာ ယင်း ပွင့်ညှာာတံများတွင် အပွင့်များ တွဲလဲခို၍ အစီအရိ ပွင့်ကြသည်။ မြန်မာနိုင်ငံ အပူပိုင်းဒေသများတွင် ပေါက်ရောက် ဖြစ်ထွန်းသည်။ ငု အခေါက်၊ သို့မဟုတ် အမြစ်ကို ပြုတ်၍ သောက်ပါက ၀မ်းအနည်းငယ်သက်မည် ဖြစ်ပါသည်။ တစ်နေ့လျှင် သုံးကြိမ် ရက်သတ္တတစ်ပတ် ဆက်၍ သောက်ပါက အသည်းရောင် အသားဝါ ရော၈ါသည် ယူပြစ်သကဲ့သို့ ပျောက်ကင်းကြောင်း တွေ့ရသည်။
ကျောက်ဖရုံသီး
ကျောက်ဖရုံသီးကို အရည်ညစ်ကာ သကြားနှင့် ရော၍ သောက်ပါက အသည်းရောင် အသားဝါ ရောဂါ ပျောက်ကင်းသည်။ ကျောက်ဖ၇ုံသီးကို သင်္ဘောခြစ်ဖြင့် ခြစ်၍ ပိတ်ပါးစနှင့် ထုတ်ပြီး အရည် ညှစ်ယူရပါမည်။ အရည်သည် ၀ါကျင့်ကျင့် အရောင်ရှိပြီး စိမ်းရွှေရွှေ အနံ့ ရရှိသည်။ ထိုအရည်ကို သာကား သင့်လျှော်ရုံ ထည့်၍ သောက်ရပါမည်။ တစ်ရက်လျှင် ငါးကြိမ်ကို သောက်ပါက အသည်းရောင် အသားဝါရောဂါ ပျောက်ကင်းစေပါသည်။
Saturday, 30 October 2010
အသည်းရောင် အသားဝါရောဂါကို ပျောက်ကင်းစေသော မြန်မာ့သဘာဝ ဆေးဖက်ဝင် အပင်များ
Subscribe to:
Post Comments (Atom)
No comments:
Post a Comment