ဟင်းနုနယ်ပင်

မြန်မာအမည် - ဟင်းနုနယ်

ဆေးဖက်လည်းဝင်၊ ပေါပေါများများလည်း ရရှိနိုင်ပြီး ချိုမြိန်သောဟင်းလျှာတစ်မည်အဖြစ် စားသုံးနိုင်သည်။ မြန်မာနိုင်ငံ ဒေသအနှံ့အပြားတွင် ပေါက်ရောက် စိုက်ပျိုး ဖြစ်ထွန်းသည်။ အထူးသဖြင့် အပူပိုင်းဒေသများတွင် ပိုမိုဖြစ်ထွန်းသည်။ ဟင်းနုနယ်မှာ မျိုးစိတ်အများအပြားရှိ၍ အကြမ်းအားဖြင့် ဟင်းနုနယ်အယဉ်နှင့် ဟင်းနုနယ် ဆူးပေါက်ဟူ၍ ခွဲခြားကြသည်။

ယင်းဟင်းနုနယ်ပင်မှာ တစ်နည်းအားဖြင့် အပင်ပျော့မျိုးသာဖြစ်သည်။ အမြင့် တစ်ပေမှ ငါးပေအထိ ရှိသည်။ အရွက်များသည် ရွက်လွှဲထွက်၍ အနားညီသည်လည်း ရှိသည်။ အကိုက်ပါသည်လည်း ရှိသည်။ ထိပ်အနည်းငယ်ချွန်၍ ရွက်ညှာဘက်သို့ ကျဉ်းသွားသည်။ အပွင့်များမှာ သေး၍ အဖိုအမ နှစ်မျိုးလုံး ပါဝင်သည် ။ပင်တံနှင့် ရွက်ညှာရင်းမှ အစု အခဲလိုက် ထွက်၍ ပွင့်သည်။ ဟင်းနုနယ် အနီမျိုးလည်း ရှိသည်။ ၎င်းမှာ ပင်စည်တုတ်ခိုင်၍ သံးပေအထိ မြင့်သည်။ အရွက်များမှာ အစိမ်းရောင်၊ အနီရောင် ရှိကြ၍ ရွက်လှကဲ့သို့မြင့်သည်။ ယင်းအပင်မှာ ဇူလိုင်လမှ ဧပြီလအတွင်း အပွင့်များ ပွင့်၍ လယ်မြေနှင့် လူနေအိမ်ခြေ အနီးအနားများ၌ အလေ့ကျပေါက်သည်။ ဟင်းနုနယ်အရွက်နှင့် အရိုးတံတို့တွင် အရသာတစ်မျိုး ထူးသော အချိုဓာတ်တစ်မျိုး ပါရှိသဖြင့် ကြော်ချက် ချက်၍ စားသည့်အခါ ချိုဆိမ့်ဆိမ့်နှင့် ခံတွင်းတွေ့စေပါသည်။

ဟင်းနုနယ်တွင် ဗီတာမင်အေ၊ ဗီတာမင်ဘီ(၁)၊ ဗီတာမင်စီနှင့် ထုံးဓာတ်၊ သံဓာတ်တို့ ပါရှိသဖြင့် လူ၏ခန္ဓာကိုယ် တည်ဆောက်မူ ဖွံ့ဖြိုးမူကိုအားပေး၍ ပြင်ပရောဂါများ တားဆီးကာကွယ်မူနှင့် ကျန်းမာကြံ့ခိုင်မူကို အားပေးသော အပင်မျိုးဖြစ်သည်။

မြန်မာ့ဆေးကျမ်းများ၏ အလိုအရမှာ ဟင်းနုနွယ်သည် ချို၏၊ အနည်းငယ် ငံ၏၊ သွေး၊ သည်းခြေကို နိုင်၏၊ ဆီးဝမ်းကို ရွှင်စေတတ်၏၊ အဆပ်သင့်နာတို့ကို ပျောက်ကင်းစေသည်ဟု ဖော်ပြပါရှိသည်။ ၀မ်းမီးတောက်ခြင်း၊ အသားမာပေါက်ခြင်းကို လည်းကောင်း၊ တေဇောကြောင့် ဖြစ်ပေါ်သော အပူကို လည်းကောင်း၊ အောက်သို့ သက်သော လေကို လည်းကောင်း၊ အထက်သို့ ဆတ်တက်သော လေကို လည်းကောင်း၊ မီးယပ်၌ မြွေဆိပ်နှင့် တူသော သွေးကို လည်းကောင်း ကြေစေတတ်သည်ဟု ဆိုထားပါသည်။ အိန္ဒိယ ဆေးကျမ်းများ အလိုအရ ဟင်းနုနယ်သည် သွေးသားကို သန့်ရှင်းစင်ကြယ် စေသည်။ လိပ်ခေါင်းရော၈ါ၊ ဆီးရောဂါတို့အတွက် သင့်သည်ဟု ဖော်ပြထားပါသည်။