မြန်မာအမည် - သပြုပင်
ရုက္ခဗေဒ အမည် - ဒီလင်နီးယား အင်ဒီးကား
သပြုပင်သည် အမြင့် ပေ-၃၀ မှ ပေ-၈၀အထိ မြင့်၍ အပင်ကြီးမျိုးဝင် ဖြစ်သည်။ အရွက် မပြတ်ဘဲ အမြဲစိမ်းလန်း နေသည်။ ပူအိုက် စွတ်စိုသော ရာသီဥတုကို ကြိုက်နှစ်သက်သည်။ မြန်မာနိုင်ငံတွင် မိုးများသော ဒေသသစ်တောများ၌ ပေါက်ရောက်သည်ကို တွေ့ရှိရသည်။ အထူးသဖြင့် မြစ်ချာင်းကမ်းပါး အနီးဒေသတွင် အထူးပေါက်ရောက်သည်။ သပြုပင်၏ ရွက်အုပ်သည် ၀ိုင်းနေ၍ အရွက်များသည် အကိုင်းများတွင် စုရုံးထွက်ကြသည်။ အရင်းကား၍ လှံသွား ပုံသဏ္ဌာန်ရှိသော အရွက်များသည် ၈-လက်မ မှ ၁၄-လက်မအထိ ရှည်လျား၍ ၂-လက်မ မှ ၄-လက်မအထိ ဗြက်ကျယ်သည်။
တစ်ပွင့်ချင်း ပွင့်သော အဖြူရောင် ပန်းပွင့်များသည် ၅-လက်မ မှ ၈-လက်မအထိ ကြီးမား၍ ပွင့်ချပ်များလည်း ကြီး၍ ထူထဲသည်။ အနံ့မှာ သင်းပျံ့ပျံ့မွှေးသည်။ အသီးများမှာ အချင်း ၃-လက်မ မှ ၅-လက်မအထိ ရှိသည်။ အပွင့်၏ ထူးကဲသော ပွင့်ဖတ်များသည် ကြီးရင့်လာသောအခါ စိမ်းလာ၍ အသားထူသော အဖတ်များ ဖြစ်လာပြီး ထိုအဖတ်များသည် အစေ့များပါသော အိမ်ကို အုံဖွဲ့ကာ ကြီးထွားပြီးလျှင် အသီးဖြစ်လာသည်။ အစေ့များသည် ကျောက်ကပ်သဏ္ဌာန် ရှိ၍ သေးငယ်သည်။ ရင့်သော အသီးများမှ အဖတ်များကို ခွာယူ၍ အချဉ်ဟင်း ချက်စားနိုင်သည်။ အချိုသုပ်၍လည်း စားကြသည်။ လေသလိပ်ကို နိုင်သည်။ သွေးသည်းခြေကို ပျက်စေတတ်သည်။ သုက်ကို ခန်းခြောက် စေတတ်သည်ဟု ဆိုသည်။
အိန္ဒယ ဆေးကျမ်းများ အလိုအရ ဖျားနာသူ ချောင်းဆိုသူများကို သပြုသိးမှည့် အခွံ၏ အရည်ကို သကြားနှင့် ဖျော်ပြီးလျှင် အဖျော်ရည် တစ်မျိုး အဖြစ် တိုက်ကျွေး နိုသသည်ဟု ဆိုသည်။ များများသောက်လျှင် ၀မ်းသွားတတ်သည်။ အသီးမှည့်၏ အခွံရည်ကို ကျောက်ကျောယိုစသည်ဖြင့် ပြုလုပ်စားးသုံးနိုင်သည်။ အခေါက်နှင့် အရွက်များကို ချုပ်ဆေး အဖြစ် သုံးနိုင်သည်။
Saturday, 30 October 2010
သပြုပင်
Subscribe to:
Post Comments (Atom)
No comments:
Post a Comment