သဖန်းပင်

မြန်မာအမည် - သဖန်း

သဖန်းပင်သည် ညောင်ပင်၊ ခအောင်းပင်တို့နှင့် မျိုးရင်းတူအပင်မျိုး ဖြစ်သည်။ သဖန်းပင်သည် ပင်ငယ်မျိုးမှ ပေ ၄၀-ခန့်အထိ မြင့်သော အပင်ကြီးမျိုးအထိ မျိုးကွဲများစွာ ရှိသည်။ အထင်ရှားဆုံး သဖန်းပင်မှာ ညောင်သဖန်းမျိုးနှင့် ရေသဖန်းမျိုးတို့ ဖြစ်ကြသည်။

သဖန်းပင်ကို မြန်မာနိုင်ငံတွင် ရေနီးစပ်ရာ ဒေသများ၌ တွေ့ရှိရတတ်သည်။ ထို့ကြောင့် သဖန်းပင်ရိုးရိုးကို ရေသဖန်းဟုလည်း ခေါ်ကြသည်။

ရေသဖန်းသည် အမြဲစိမ်းလန်းသော အပင်ငယ်မျိုးဖြစ်သည်။ ၅-ပေ မှ ၈-ပေအထိ မြင့်တတ်သည်။ ရေနိးကမ်းစပ်တွင် ပေါက်ရောက်သည်။

သင်္ဘောသဖန်းသည် ပင်ပျပ်သစ်ပင်ငယ်မှ အပင်ကြီးမျိုးအထိ ရှိသည်။ ၁၅-ပေ မှ ပေ-၃၀ခန့်အထိ မြင့်တတ်သည်။ ၎င်းမှာ ရွက်ကြွေပင်မျိုး ဖြစ်သည်။ သင်္ဘောသဖန်းသည် မိုးအနည်းငယ်သာ၍ ရေမ၀ပ်သည့် နှုန်းဆန်မြေပွမျိုးတွင် ကောင်းစွာဖြစ်ထွန်း၍ မြန်မာနိုင်ငံ အထက်ပိုင်းရှိ မိုးပါးသော အရပ်ဒေသတို့တွင်သာ စိုက်ပျို ဖြစ်ထွန်းသည်။

ဆင်သဖန်းပင်သည် ပင်ငယ်မျိုးဖြစ်၍ မြန်မာနိုင်ငံတွင် တနင်္သာရီတိုင်းမှအပ နေရာအနှံ့အပြားတွင် တွေ့ရှိနိုင်သည်။

သဖန်းသီးများမှာ မျိုးကိုလိုက်၍ အရွယ်အစား အမျိုးမျိုးရှိသည်။ ဇီးဖြူသီး အရွယ်မှ သစ်တော်သီး အရွယ်အထိ ရှိသည်။ အရောင်အသွေးမှာလည်း နက်ပြာ၊ အနီ၊ အစိမ်း၊ အ၀ါရောင်များ အဖြစ်တွေ့ရသည်။ သဖန်းသီး၏ ထူးခြားချက် တစ်ရပ်မှာ ယင်းသည် သစ်သီးဟု အမည်တွင်စေကာမူ စင်စစ်အားဖြင့် သစ်သီးမဟုတ်ပေ။ အပွင့်ကလေးများကို ဖုံးအုပ် ကာကွယ်ထားသည့် အပွင့်အိမ်မ မျှသာ ဖြစ်ချေသည်။ အသီးအစစ်သည် ထိုအပွင့် အိမ်အတွင်းရှိ အစေ့များခေါ်သော အရာ ဖြစ်သည်။

သဖန်းပင်များကို အကိုင်းဖြတ် စိုက်နည်းဖြင့် အလွယ်တကူ မျိုးပွားယူနိုင်သည်။ သဖန်းသီးမှ ညှစ်ယူရရှိသော အရည်ကို လူတို့စားသုံးရန် ဖြစ်စေ၊ အ၀တ်အထည် ဆိုးဆေးအဖြစ် ဖြစ်စေ အသုံးပြုကြသည်။

သဖန်းရွက်ကို ဆင်စွယ်များ အရောင်ထွက်စေရန် ပွတ်တိုက်ရာ၌ အသုံးဝင်သည်။ သဖန်းခေါက် ကိုလည်း ကြိုးအဖြစ် ကျစ်၍ သုံးနိုင်သည်။

မြန်မာ ဆေးကျမ်းများ အလိုအရ သဖန်းသည် ဖန်၏။ အေး၏။ နူတ်ကို မြိန်စေ၏။ ၀မ်းမီးကို တောက်စေတတ်၏။ သွေးကို ပျက်စေတတ်၏။ ၀စေတတ်၏။ ပိုးကို ဖြစ်စေတတ်၏။ ရတ္တပိန်နာ၊ မူးဝေသော ရောဂါ၊ ကိုယ်ပူနာတို့ကို နိုင်။ ရေငန်ခြင်းကို ပျောက်စေ၏။

သဖန်းသီး၏ အာဟာရတန်ဖိုးသည် သဖန်းသီး တစ်ပေါင်လျှင် ကယ်လိုရီ-၁၅၀၀ ပါရှိသဖြင့် အာဟာရဓာတ် ကြွယ်ဝသော အသီးဖြစ်သည်။ သဖန်းသီးတွင် ကာဗိုဟိုက်ဒရိတ် ၇၄ ဒသမ ၂၊ရေ-၁၈ ဒသမ ၈၊ ပရိုတင်း ၄ ဒသမ ၃၊ အဆီ ၀ ဒသမ ၃၊ ပြာဓာတ် ၂ ဒသမ ၄ ရာနူန်းအသီးသီး ပါရှိသည်။

သဖန်းသီး စိမ်းကို ဆားရည်စိမ် အမှည့်ကို နဂိုအတိုင်း သို့မဟုတ် ယိုထိုး၍ ဖြစ်စေ အခြောက်လှန်း၍ ဖြစ်စေ စားသုံးနိုင်သည်။ သဖန်းရွက်ကိုလည်း ပြုတ်၍ သုပ်စားခြင်း၊ ဟင်းချက်၍ စားခြင်းများ ပြုလုပ်စားသောက်နိုင်ကြောင်း သိရှိရပါသည်။