အဒိန္နာဒါန အကုသိုလ်ကံကြောင့် ပြိတ္တာဖြစ်ရသော ၀တ္ထု

သာဝတ္ထိပြည်၏အနီး ရွာငယ်တစ်ခု၌ ကောက်ကျစ်စဉ်းလဲသော ကုန်သည်တစ်ယောက် သည် ချိန်စင်းလဲ၊ တောင်းစင်းလဲ၊ အသပြာစင်းလဲတို့ဖြင့် အသက်မွေး၏၊ ထိုကုန်သည်လည်း သလေးစပါးပြင်းတို့ကို မြေနီဖြင့်ဆိုးလျက် သလေးနီပြု၍ နီသော စပါးတို့နှင့် ရော၍ ရောင်းစား၏။

ထိုကုန်သည်၏သားသည် အိမ်သို့ လာလတ်သော် ငါ၏ အဆွေခင်ပွန်းတို့အား ကောင်းသော စပါးကို ပေး၍ မြတ်နိုးခြင်းကို မပြုဟု အမျက်ထွက်ရကား သားရေးထမ်းပိုးကို ကိုင်ပြီးလျှင် အမိ၏ထိပ်၌ ရိုက်ခတ်၏။ သား၏ မယားဖြစ်သော ချွေးမသည် ခပ်သိမ်းသောသူတို့၏ အကျိုးငှာ ထားအပ်သော အမဲသားကို စားသောက်သောကြောင့်၊ တစ်ဖန် ထိုသူက မေးသောအခါ အကယ်၍ ငါသည် ထိုအမဲသားကို စားမိငြားအံ့၊ ဘ၀တိုင်း ဘ၀တိုင်း၌ ငါ၏ ကျောသားကို ခွါနူတ်၍ စားရစေသားဟု မုသားဝှက်ကွယ် ကြိမ်တွယ်ဆို၏၊ ကုန်သည်၏ မယားသည်လည်း သူတစ်ပါးတို့က စိုးစဉ်းသော ပစ္စည်းတစ်ခုခုကို တောင်းသည်ရှိသော် မရှိပါဟု ဆိုလေလျှင် ထိုသူတို့က အနိုင့်အထက်၊ တောင်းပြန်ရကား အကယ်၍ ထင်ရှားရှိလျက်နှင့် မရှိပါဟု ၀ှက်ကွယ်လေသော် ဘ၀တိုင်း ဘ၀တိုင်း၌ မစင်ကို စားရသည် ဖြစ်ပါစေသားဟု မုသားဝှက်ကွယ် ကျန်တွယ်ဆို၏။

ထိုလေးယောက်ကုန်သော အိမ်သူအိမ်သားတို့သည် အခါတစ်ပါး၌ သေကုန်သည်ရှိသော် ဂိဇ္ဈကုဋ် တောအုပ်၌ ပြိတ္တာဖြစ်ကြကုန်၏။

လေးယောက်သောသူတို့ အကျိုးပေးပုံ

ထိုလေးယောက်ကုန်သော သူတို့တွင် -

၁။ ကုန်သည်ယောက်ျားသည် ကံ၏ အကျိုးကြောင့် အလျှံတပြောင်ပြောင် တောက်သော ဖွဲကို လက်နှစ်ဖက်ဖြင့် ကျုံးယူလျှက် မိမိ၏ ဦးခေါင်းထက်၌ လောင်းကြဲသဖြင့် ထိုဖွဲမီး၏ ပြင်းစွာလောင်ခြင်းကြောင့် ဆင်းရဲပြင်းစွာ ခံရ၏။

၂။ သားသည် အမိကို ရိုက်သော အကုသိုလ်ကံကြောင့် ဆောက်ပုတ်လက်ရိုက်ဖြင့် မိမိအလိုလို မိမိဦးခေါင်းကို ရိုက်ခွဲ၍ ဖြန့်ကြဲသော ဦးနှောက်သွေးရည်ပေါက်တို့ဖြင့် ယိုစီးလျက် ဆင်းရဲပြင်းစွာ ခံရ၏။

ချွေးမ၏ အကျိုးပေးပုံ
၃။ ချွေးမလည်း ကံ၏အကျိုးကြောင့် ထက်လှသော၊ အလွန်ကြီးကျယ် ရှည်လျားသော လက်သည်းတို့ဖြင့် မိမိ၏ ကျောသားကို ခွာလျက် နူတ်စားသည် ဖြစ်၍ သွေးတို့ဖြင့် နီရဲလျက် ဆင်းရဲပြင်းစွာ ခံရ၏။

ကုန်သည်၏မယား အကျိုးပေးပုံ
၎။ ကုန်သည်၏ မယားမှာကား စင်ကြယ်သော အနံ့ရှိသော သလေးထမင်းသည် ဆောင်ယူကာမျှဖြင့် အထူးထူးသော ပိုးလောက်တို့ဖြင့် နောက်နယ်သော မကောင်းသော အနံ့ရှိသော မစင်ဖြစ်လေ၏။ ထိုပြိတ္တာ မိန်းမကြီးသည် ထိုမစင်ကို လက်တို့ဖြင့် ယူလျက် စားလေ၏။ ထိုမစင်ထဲက ပိုးလောက်တို့သည် အာခံတွင်းကို ကိုက်ခဲလျက် စားကြလေ ကုန်သောကြောင့် အတိုင်းထက် အလွန်သော ဆင်းရဲကို ခံရလေ၏။

ဤသို့ ပြိတ္တာလေးယောက်တို့ ဆင်းရဲခံရကုန်သည် ရှိသော် အရှင်မဟာ မောဂ္ဂလ္လာန်သည် ဒေသစာရီ လှည့်လည်ရာတွင် တစ်နေ့သ၌ ထိုအရပ်သို့ ရောက်၍ ထိုပြိတ္တာတို့ကို မြင်လျှင် သင်တို့တွင် -

၁။ တစ်ယောက်ကား - အလျှံပြောင်ပြောင် တောက်သော ဖွဲကို မိမိဦးခေါင်းထက် ကြဲလျက်။

၂။ တစ်ယောက်ကား - သံဆောက်ပုတ်ဖြင့် မိမိ ဦးခေါင်းကို မိမိရိုက်ခွဲလျက်။

၃။ တစ်ယောက်ကား - မိမိကျောသားကို မိမိခွာစားလျက်။

၎။ တစ်ယောက်ကား - မစင်ကို စားလျက် နေရ၏။

အဘယ်ကံ၏ အကျိုးနည်းဟု မေးတော်မူ၏။

၁။ အရှင်ဘုရား၊ အကျွန်ုပ်ကား စဉ်းလဲသောကုန်သည် လုပ်ခဲ့ဖူးပါသည်။

၂။ ဤသူကား - မိခင်၏ဦးခေါင်းကို ရိုက်နှက် ခဲ့ဖူးပါသည်။

၃။ ဤသူကား - အမဲသားကို စားလျက် မစားဟု မုသားဝှက်ကွယ် ကျန်တွယ်ခဲ့ဖူးပါသည်။

၎။ ဤသူကား - ထင်ရှားရှိလျက် မရှိဟု မုသားဆို၍ ကျိန်တွယ်ခဲ့ဖူးပါသည် ဘုရား

ဟု နားတော်လျှောက်လေ၏။

မထေရ်လည်း သင်တို့၏ အမူကား ၀န်လေးစွာဟု မိန့်တော်မူ၏။

ဤကား အဒိန္နာဒါန အကုသိုလ်ကြောင့် ပြိတ္တာဘုံ၌ ဖြစ်၍ ခံရကြောင်း ၀တ္ထု အမြွက်တည်း။

အနန္တကျေးဇူးတော်ရှင် ညောင်လွန်တောရ ဆရာတော်ဘုရားကြီး ရေးသားပြုစုတော်မူသော ဒုဿီလ၀ဇ္ဇပကာသနီ စာအုပ်မှ ထုတ်နုတ်ဖော်ပြသည်။