မြတ်စွာဘုရား ပရိနိဗ္ဗာန်စံတော်မှုလို့ မီသဂြိုလ်တဲ့အခါ ကြွင်းကျန်ရစ်တဲ့ ဓာတ်တော်တွေကို ဓာတုစေတီလို့ ခေါ်တယ်။ ဘုရားရှင်ရဲ့ အရိုးတော်မှ ဖြစ်လာတဲ့အတွက် သာရီရိက စေတီလို့ ခေါ်တယ်။ မြန်မာတွေကတော့ စေတီဆိုတဲ့ ဝေါဟာရ မပါဘဲ ဓာတ်တော်လို့ ခေါ်ကြတယ်။
အနာဂတ် လူသားတွေ ကိုးကွယ်ဆည်းကပ်ဖို့ ဘုရားရှင်ရဲ့ အမွေပစ္စည်းအဖြစ် ထားခဲ့တာဖြစ်လို့ မွေတော်လို့လဲခေါ်ကြတယ်။ ဓာတ်တော်တွေကို စေတီပုထိုးထဲမှာ ငှာပနာပြီး ပူဇော်ကြတဲ့အတွက် စေတီကို ပူဇော်မှုဟာ ဓာတ်တော်ကို ပူဇော်ရာ ရောက်တယ်။ ဓာတ်တော်ကို သီးသန့် ပူဇော်မှုကတော့ အတော်နည်းပါတယ်။
မြန်မာဗုဒ္ဓဘာသာတွေ အနေနဲ့တော့ စေတီနဲ့ဘုရားဟား မတူပါဘူး။ ရွှေမောဓော၊ ရွှေတိဂုံ၊ ဆူးလေ၊ ဗိုလ်တထောင်စတဲ့ စေတီတွေကို စေတီလို့လဲ ခေါ်တယ်။ ဘုရားလို့လဲ ခေါ်တယ်။ ဒါပေမယ့် မဟာမြတ်မုနိ၊ ခြောက်ထပ်ကြီး၊ ငါးထပ်ကြီး စတဲ့ ရုပ်ပွား ဆင်းတုတော်တွေကိုတော့ ဘုရားလို့သာခေါ်တယ်။ စေတီလို့ မခေါ်ကြဘူး။
ဒါကြောင့် ရွှေတိဂုံဘုရား၊ ရွှေတိဂုံစေတီလို့ နှမျိုးသုံးပေမယ့် မဟာမြတ်မုနိဘုရားလို့သာသုံးပြီး မဟာမြတ်မုနိစေတီလို့တော့ မသုံးကြဘူး။ အမှန်မှာတော့ ရုပ်ပွားဆင်းတုတော်တွေဟာ ဥဒ္ဒိဿစေတီခေါ် စေတီတစ်မျိုး ဖြစ်ပါတယ်။ မှုလကျမ်းဂန်အလို အတူတူပါပဲ။ မြန်မာလူမျိုးတွေအခေါ်မှာတော့ မတူပါဘူး။
စေတီဆိုတဲ့ ဝေါဟာရက စေတိယဆိုတဲ့ ပါဠိစကားလုံးကို မြန်မာမှုပြုထားတဲ့ ပါဠိသက်ဝေါဟာရ ဖြစ်တယ်။ မှုရင်းပါဠိ စေတိယရဲ့ အဓိပ္ပာယ်ကတော့ ပူဇော်စရာပစ္စည်း၊ ပူဇော်ပသရာ နေရာလို့ အဓိပ္ပာယ် ရတယ်။ ဘုရားရှင် လက်ထက်တော်မှာ ဘယ်စေတီမှာ ဘာတရားဟောတယ်ဆိုတာဟာ အဲဒီခေတ်က လူတွေ ပူဇော် ပသနေကြတဲ့ နတ်ကွန်းတွေကို စေတီလို့ ခေါ်ထားတာ ဖြစ်တယ်။ အဲဒီအချိန်အခါမှာ ဘုရားရှင်ရဲ့ ကိုယ်စား အုတ်ကျောက် သံတွေနဲ့ တည်ထားကိုးကွယ်တဲ့ စေတီဆိုတာမရှိသေးဘူး။ ဗုဒ္ဓသက်တော်ထင်ရှား ရှိတော်မှုစဉ်မှာ ရံဖန်ရံခါ မိမိရှေ့တော်မှောက်တွင် ပရိနိဗ္ဗာန်ပြုတော်မှုတဲ့ သာဝကတွေရဲ့ ဓာတ်တော်တွေကို စေတီတည်ထားစေတော်မှုတယ်။ ဘုရားရှင် ပရိနိဗ္ဗာန်စံပြီးတဲ့ အခါမှာတော့ ဘုရားရှင်ရဲ့ စေတီ (၄)မျိုးနဲ့ ရှေးခေတ် ကိုးကွယ်ခံပစ္စည်း၊ နတ်၊ ဗြဟ္မာတွေနဲ့ နတ်ကွန်းတွေကို စေတီလို့ ခေါ်ခဲ့ကြတယ်။
ဒါပေမယ့် ဝေါဟာရတစ်ခုဟာ ကာလ ဒေသ အခြေအနေအလိုက် အဓိပ္ပာယ် ပြောင်းလဲတတ်တဲ့ သဘောအရ မြန်မာလူမျိုးတွေဟာ အုတ်၊ ကျောက်၊ သဲ၊ အင်္ဂတေတွေနဲ့ အထက်ကို ချွန်ချွန်တည်ထားတဲ့ အဆောက်အုံ စေတီတွေကိုမှ စေတီလို့ ခေါ်တယ်။ ကျန်စေတီ(၃)မျိုးကို စေတီလို့ မခေါ်ကြတော့ဘူး။ မြန်မာပြည်မှာတော့ နတ်ကွန်၊ ဓမ္မာရုံတွေကိုလဲ စေတီလို့မခေါ်ကြတော့ပါဘူး။
ဘုရားရှင်ဟာ သင်္ခါရတွေရဲ့ မမြဲတဲ့ အနိစ္စသဘော၊ အစိုးမရ မပိုင်ဆိုင်တဲ့ အနတ္တသဘောအရ ပရိနိဗ္ဗာန်စံဝင်သွားတာ မှန်ပါတယ်။ ဒါကြောင့် ဗုဒ္ဓဘာသာမှာ သက်တော်ထင်ရှား ဘုရားမရှိတာမှန်ပါတယ်။ ဘုရားသခင်ဟာ နေ့မအား ညမအား ဟောကြားကယ်တင်ရရုံနဲ့ အားရ တင်းတိမ်တော် မမှုသေးတဲ့ အတွက် ပရိနိဗ္ဗာန်စံပြီးတဲ့နောက် လူ၊ နတ်၊ ဗြဟ္မာတွေ ပူဇော်ကိုးကွယ်ဖို့ သူရဲ့ ကိုယ်စား(၁) ဓာတုစေတီ၊ (၂) ဓမ္မစေတီ၊ (၃)ဥဒ္ဒိဿစေတီ၊ (၄) ပရိဘောဂတေီဆိုပြီး ပူဇော်စရာ (၄)မျိုး စေတီလေးမျိုးကို ထားခဲ့ပါတယ်။
ဒီစေတီလေးမျိုးစလုံးပဲ ဖြစ်ဖြစ်၊ (၄) မျိုးထဲက တစ်မျိုးပဲဖြစ်ဖြစ် ရှိနေသေရင် သက်တော်ထင်ရှား ဘုရားရှိတယ်လို့ ဆိုနိုင်ပါတယ်။ ထေရ၀ါဒ ဗုဒ္ဓဘာသာ နိုင်ငံတေါမှာ ဒီ စေတီ(၄)မျိုး အထင်အရှားရှိနေတဲ့အတွက် ဘုရား ပရိနိဗ္ဗာန်စံသွားပေမယ့် ဘုရားမရှိဘူးလို့ မပြောနိုင်ပါဘူး။ ဒီစေတီတစ်မျိုးမျိုးရှိနေသရွေ့ သက်တော်ထင်ရှား ဘုရားရှိနေတတ်လို့ပဲ ဆိုရပါမယ်။
ဘုရားဆိုတာက မြန်မာတွေခေါ်တဲ့ အမည်ဖြစ်တယ်။ ဗုဒ္ဓဆိုတာ ပိဋကတ်တော်ထဲမှာပါတဲ့ အမည်ဖြစ်တယ်။ တရားအားလုံးကို ကိုယ်တိုင်လဲ သိပြီးသူ၊ အခြား လူနတ်ဗြဟ္မာတွေကိုလဲ သိအောင် ဟောနိုင်သူလို့ အဓိပ္ပာယ်ရတယ်။
ဗုဒ္ဓဆိုတဲ့အမည်ဟာ ကမ္ဘာသိတဲ့သုံးတဲ့နာမည်ဖြစ်တယ်၊ ဗုဒ္ဓဆိုတဲ့ ဝေါဟာရဟာ ဗုဒ္ဓဘာသာ ဘုရားတစ်ဆူတည်းက ပိုင်တဲ့အမည်ဖြစ်တယ်။ ဘုရားဆိုတဲ့ မြန်မာဝေါဟာရကတော့ ဟိန္ဒူ၊ မဟာမေဒင်၊ ခရစ်ယာန်၊ ဗုဒ္ဓဘာသာ ဘုရားလေးမျိုးနဲ့ဆိုင်တဲ့ သာမညအမည် ဖြစ်တယ်။
ပိဋကတ်မှာ တိုက်ရိုက်လာတဲ့ အမည်လဲဖြစ်၊ အခြားဘာသာတွေနဲ့ မဆိုင်တဲ့ သီးခြားနာမည်လဲဖြစ်လို့ ဘုရားကို ဗုဒ္ဓလို့ ခေါ်ကြခြင်း ဖြစ်တယ်။
ပူဇော်အထူးကို ခံထိုက်လို့ ဘုရားလို့ ခေါ်တယ်။ ဘုရားဆိုတဲ့အမည်ဟာ ပူဇာနဲ့ အရဟဆုတဲ့ ပါဠိ စကားနှစ်လုံးကို ပေါင်းစပ်ပြီး ပုဂံခေတ် မြန်မာများတီထွင်ထားတဲ့ ပါဠိသက်ဝေါဟာရတစ်ခု ဖြစ်တယ်။ ပူဇာ အရဟက=ပူရဟာ=ပုရှာ=ဖုရား=ဘုရား-ဆိုပြီး အသံထွက် အဆင့်ဆင့်နဲ့ စာလုံးပေါင်းအမျိုးမျိုး ပြောင်းလာတဲ့ နာမည်ဖြစ်တယ်။
လွန်ခဲ့တဲ့ နှစ်ပေါင်း ၂၅၀၀-ကျော်တုန်းက အိန္ဒိယနိုင်ငံ ကပိလ၀တ်နေပြည်တော် ဘုရင်သုဒ္ဓေါဒနနဲ့ မိဖုရားကြီး မာယာတို့ရဲ့သား ၂၉-နှစ်အရွယ်မှာ ထီးနန်းကိုစွင့်ပြီး တောထွက်၊ ခြောက်နှစ်တိုင် လူသာမန်တို့ ကျင့်နိုင်ခဲသော အကျင့်ကို အားထုတ်ကျင့်ကြံခဲ့သဖြင့် သစ္စာလေးပါးကို ဆရာမပါဘဲ ကိုယ်ပိုင်ဥာဏ်ဖြင့် ထိုးထွင်းသိမြင်ခဲ့တဲ့ ပုဂ္ဂိုလ်ထူးဟာ ဘုရားပဲ။
ရတနာသုံးပါး ဆည်းကပ်သူကို သမ္မာဒိဌိ=အမြင်မှန်ရှိသလို့ လဲခေါ်တယ်၊ ဥပသက=ရတနာသုံးပါး ဆည်းကပ်ကိုးကွယ်သူလို့လဲ ခေါ်တယ်။ ဥပသကာဆိုတဲ့ အမည်ကို အများဆုံး သုံးကြတယ်။
မြန်မာလူမျိုးတွေက ဗုဒ္ဓဘာသာဝင်တိုင်းကို ဥပသကာလို့ အမှန်အတိုင်း မခေါ်ကြဘူး။ ၀တ်ဖြူစင်ကြယ် ၀တ်ပြီး ရတနာသုံးပါး ဝေယျာဝစ္စအတွက် ပိုက်ဆံနဲ့ပစ္စည်း ၀တ္ထုလှည့်လည် အလှူခံသူတွေကိုသာ ဥပါသကာလို့ ခေါ်တယ်။ ဥပါသကဆိုတဲ့ ပါဠိကို ဥပါသကာလို့ မြန်မာမှုပြောင်းလဲ ခေါ်ထားခြင်း ဖြစ်တယ်။
ဗုဒ္ဓဘာသာဆိုတဲ့ ဝေါဟာရဟာ ပိဋကတ်မှာ မရှိပါဘူး။ မြန်မာတွေ တီထွင်မှည့်ခေါ်ထားတဲ့ အမည်ဖြစ်ပါတယ်။ ဗုဒ္ဓဘာသာဆိုတဲ့ ဝေါဟာရဟာ ပုဂ၊ ပင်းယ၊ အင်းဝခေတ်တွင်းမှာ မရှိသေးပါဘူး။ ကုန်းဘောင်ခေတ် (၁၈)ရာစုခေတ်မှာမှ တွင်ကျယ်လာတဲ့ ဝေါဟာရတစ်ခု ဖြစ်ပါတယ်။
ဘုရား၊ တရား၊ သံဃာရတနာသုံးပါးကို ယုံကြည်လေးမြတ် ကိုးကွယ်ဆည်းကပ်၍ကံ ကံ၏အကျိုးကို ယုံကြည်ပြီး ငါးပါးသီလ မြဲသူကို ဗုဒ္ဓဘာသာလို့ ခေါ်ပါတယ်။
ဒီမေးခွန်းရဲ့ အဖြေတိကျမှုအတွက် မြန်မာနိုင်ငံ ဗုဒ္ဓဘာသာနဲ့ မြန်မာတွေရဲ့ ဗုဒ္ဓဘာသာယဉ်ကျေးမှုနှစ်ခု ကိုခွဲခြား ဖြေဆိုပေးရမယ်။ မြန်မာနိုင်ငံ ဗုဒ္ဒ္ဓသာသနာကတော့ တောင်ပိုင်း ထေရ၀ါဒ ဗုဒ္ဓသာသနာအစစ် ဖြစ်တယ်။ သံဃာတွေဟာလဲ ထေရ၀ါဒဂိုဏ်းဝင် သံဃာတွေသာ ဖြစ်တယ်။
မြန်မာတွေရဲ့ ယဉ်ကျေးမှုပုံစံကတော့ ထေရ၀ါဒ ယဉ်ကျေးမှု မဟာနယဂိုဏ်းခွဲဖြစ်တဲ့ တိဗက်တန္တရယာန ဟိန္ဒူ ဗြာဟ္မ၀ါဒ၊ ကမ္ဘာဦး နတ်ကိုးကွယ်မှုနဲ့ မြန်မာတို့ရဲ့ ကိုယ်ပိုင်ဗုဒ္ဓဘာသာ ယဉ်ကျေးမှုတွေကို ရောမွှေထားတဲ့ ညွှန့်ပေါင်းယဉ်ကျေးမှုသာ ဖြစ်တယ်။
ဘာသာယဉ်ကျေးမှုတစ်ခုဟာ ဒေသ ကာလ အလိုက်ပြောင်းလဲသွားရတာ မှုလအခြေခံရှိနှင့်ပြီးတဲ့ ယဉ်ကျေးမှု အဟောင်းတွေနဲ့ပူးပေါင်း ရောယှက် သွားရတာဟာ ဓမ္မတာပါပဲ။ အခြားယဉ်ကျေးမှုဆိုင်ရာတွေဟာ ဘယ်လိုရောယှက်နေနေ ဘာသာရေးတရားဆိုင်ရာ ကျင့်ကြံမှုတွေကတော့ ထေရ၀ါဒပိဋကတ်တော်တွေပေါ်မှာ လုံးဝအခြေခံထားတဲ့အတွက် မြန်မာနိုင်ငံ ဗုဒ္ဓဘာသာဟာ ထေရ၀ါဒ ဗုဒ္ဓဘာသာစစ်တယ်လို့ ဆိုနိုင်ပါတယ်။
မှားတာရှိသလို မှန်တာလဲ ရှိပါတယ်။ သိဒ္ဓတ္ထမင်းသားဟာ ဘုရားစင်စစ်ဖြစ်မယ်လို့ ဗေဒင်ပညာနဲ့ ဟောခဲ့တယ်။ ပုဏ္ဏားအချို့ဟာ ဘုရားရှင်ရဲ့ လက္ခဏာတော်ကို မြင်တာနဲ့ ဘုရားပဲလို့ အတတ်သိပြီး ပူဇော်ကြတာလဲ ရှိပါတယ်။ အခြားမန္တန်ဗေဒင်နဲ့ပတ်သက်ပြီး ဟောထားတဲ့ ပိဋကပါဠိတွေ ဇာတ်ဝတ္ထုတွေလဲ ရှိပါတယ်။ မြေလျှိုမိုးပျံနိုင်တဲ့ ဂန္ဓာရီအတတ်နဲ့ လွဲမှားမှာ စိုးလို့ ရဟန်းတွေတန်ခိုးက္ကုဒ္ဓိပါတ်မပြရဘူးလို့ ဘုရားရှင်ပညတ်ခဲ့တယ်။
ဒါပေမယ့် လူတွေရဲ့ အသိဥာဏ်ခေါင်းပါးမှု၊ ယုံလွယ်တတ်မှု၊ ရာထူးဂုဏ်သိန်၊ လာဘ်လာဘရလိုမှုတွေ ကို အခွင့်ကောင်းယူပြီး ဗေဒင်မန္တန်အတတ်တွေကို တကယ်တတ်မြောက်အောင် မသင်ပဲ လိမ်ညာ ဖြီးဖြန်း စားသောက်နေသူတွေ များကြတဲ့အတွက် သိပ္ပံခေတ်လူငယ်တွေက ဗေဒင်မန္တန်တွေကို အယုံအကြည် နည်းပါးလာခြင်း ဖြစ်ပါတယ်။
မတူပါဘူး၊ ဝေဒကျမ်း(၄)မျိုးရှိတဲ့ အနက် နောက်ဆုံးမှပေါ်လာတဲ့ အာထဗ္ဗဏဝေဒကျမ်းတစ်ကျမ်းနဲ့သာ တူပါတယ်။
အာထဗ္ဗဏဝေဒကျမ်းမှာ စုန်း တစ္ဆေ ကဝေ မှော် မယောဂအတတ်၊ ၀ိဇ္ဇာဇော်ဂျီတပသီတွေနဲ့ အင်းအိုင် ခါးလှည့် လက်ဖွဲ့အတတ်၊ မြေလျှိုးမိုးပျံတဲ့ ဂန္ဓာအတတ်တွေ ပါတယ်။ ဒီနောက်ဆုံး အာထဗ္ဗဏဝေဒကြောင့် ဘာသာရေးသက်သက်ဖြစ်ပြီး မွန်မြတ်တဲ့ အခြေားဝေဒသုံးကျမ်းရဲ့ ဂုဏ်သိက္ခာပါ ကျဆင်းခဲ့ရတယ်။
ဒါကြောင့် အချို့ ဗြာဟ္မဏဆရာကြီးတွေက နောက်ဆုံး အာထဗ္ဗဏဝေဒကို မလေ့လာကြဘူး။ ပိဋကသုံးပုံသာရှိသလို ဗေဒင်ဟာလဲ သုံးကျမ်းပဲလို့ အသိအမှတ်ပြုကြတယ်။ ရှေ့ပိုင်းဗေဒင်သုံးကျမ်း ဟာလဲ ဟိန္ဒူဗြာဟ္မဏ ဘာသာရေးဆိုင်ရာ ၀တ်ပြုကိုးကွယ်မှု ပူဇော်ပသမှုတွေကိုပြတဲ့ ကျမ်းတွေဖြစ်ပါ တယ်။
ယနေ့ မြန်မာပြည်မှာ ဟောနေတဲ့ ဗေဒင်မျိုး မဟုတ်ပါဘူး။
ဗုဒ္ဓဘာသာဝင်တွေ ကိုးကွယ်တဲ့ ဘုရားဟာ အခြားဘာသာတွေရဲ့ ဘုရားတွေလို ကယ်တင်မှု မစမှု
လူတွေဟာ မရသေးတဲ့ရာထူးဂုဏ်သိန် စည်းစိမ်ကိုရချင်တယ်။ ရပြီးသား ရာထူးစည်းစိမ်တွေ ဆုံးရှုံးပျောက်ပျက်သွားမှာ စိုးရိမ်တယ်။ ကြောက်တယ်။ ဒီလိုချင်တဲ့ စိတ်နဲ့ ကြောက်စိတ်ကို နတ်တွေ ဗေဒင်အင်းအိုင် မန္တန်တွေကသာ လက်ငင်းဒိဌကူညီမစနိုင်တယ်လို့ ယုံကြည်ကြတယ်။ အဲဒီလို လောလောဆယ် လောကီကောင်းကျိုးတွေရဖို့အတွက် နတ်၊ ဗေဒင်၊ အင်းအိုင် မန္တန်တွေကို ယုံကြည်အားကိုးနေကြခြင်းဖြစ်တယ်။
ဗုဒ္ဓဘုရားရှင်ရဲ့ တရားတော်အနှစ်ချုပ်ကတော့ စတုသစ္စာလို့ခေါ်တဲ့ အမှန်တရား လေးပါးပဲ။ သက်ရှိသက်မဲ့ မြင်မြင်သမျှအားလုံးဟာ အမြဲမရှိဘူး။ အစဉ်တစိုက်ပြောင်းလဲနေတဲ့ ပျက်စီးနေတဲ့ အနိစ္စတရားတွေသာ ဖြစ်တယ်။
မပြောင်းလဲ မပျက်စီးဘဲ တည်မြဲနေအောင်၊ ကိုယ့်ဆန္ဒအတိုင်းဖြစ်အောင် လုပ်လို့မရတဲ့ အစိုးမရတဲ့ အနတ္တတရားတွေသာ ဖြစ်တယ်။ ဒီလိုမမြဲမှု အစိုမရမှုကြောင့် ချစ်သူနဲ့ ကွေကွင်းရမှု၊ လိုချင်တာမရမှု ဒုက္ခ၊ မချစ်တဲ့သူနဲ့ ပေါင်းဖော်ရမှု မလိုအပ်တဲ့ ဘေးဒုက္ခအန္တရာယ်တွေနဲ့ အစဉ်မပြတ် တွေ့ကြုံရမှုတွေဖြစ်တယ်။
ဒါကြောင့် ဘုရားရှင်က မြင်မြင်သမျှသင်္ခါရအားလုံးဟာ ဒုက္ခသစ္စာ ဆင်းရဲမှုအမှန်တရားတစ်ပါး ဖြစ်တယ်လို့ ဟောတယ်။
ဆင်းရဲမှုတွေဟာ လိုချင်တပ်မက် စွဲလန်းမှုဆိုတဲ့ လောဘတရားကြောင့်သာ ဖြစ်တယ်။ ဆင်းရဲကြောင်း လောဘဟာ သမုဒယသစ္စာလို့ ခေါ်တဲ့ ဒုတိယအမှန်တရားတစ်ခု ဖြစ်တယ်။
အဲဒီ လိုချင်တပ်မက်တဲ့ လောဘအကြောင်းတရား မရှိရင် ဆင်းရဲမှုဟာလဲ မရှိတော့ဘူး။ အဲဒီဆင်းရဲ အားလုံးချုပ်ငြိမ်းရာ နိဗ္ဗာန်ဆိုတဲ့ နိရောဓသစ္စာ တတိယအမှန်တရားဟာလဲ အထင်အရှား ရှိတယ်။
ဒီဒုက္ခအားလုံး ချုပ်ငြိမ်းရာ နိဗ္ဗာန်ကို ရစေ ရောက်စေနိုင်တဲ့ ကျင့်စဉ်ရှစ်ပါး အမှန်တရား မဂ္ဂသစ္စာဟာလဲ ရှိတယ်။
ဆင်းရဲတာကို ရွံ့မုန်းရင် ဆင်းရဲမှုကို ဖြစ်စေတဲ့ လိုချင်မှုလောဘကို ပယ်ရမယ်။ လိုချင်မှု မရှိတော့ရင် ဆင်းရဲမှုမရှိတဲ့ အေးမြချမ်းသာတဲ့ နိဗ္ဗာန်ကို ရောက်နိုင်တယ်။ အဲဒီနိဗ္ဗာန်ရောက်အောင်ကျင့်ကြံနည်း မဂ္ဂင်တရား ရှစ်ပါးကိုလဲ ဘုရားရှင်က ပြသဟောကြားခဲ့တယ်။ ဘုရားရှင်ဟောခဲ့သမျှ ပိဋကသုံးပုံ နိကာယ် ငါးရပ်ကို အကျဉ်းချုပ်လိုက်တော့ ဒီအမှန်တရား ၄-ပါးပဲရှိတယ်။
ဒါကြောင့် စတုသစ္စာ ၀ိနိမုတ္တော ဓမ္မော နာမ နတ္ထိ၊ အမှန်တရားလေးပါးက လွတ်တဲ့တရားရယ်လို့ မရှိဘူးလို့ ဟောတယ်။
ဗုဒ္ဓဘာသာတွေ နေ့စဉ်လုပ်နေတဲ့ ဒါန၊ သီလ၊ ဘာဝနာ ဘာသာရေးကိစ္စမှန်သမျှဟာ ဒီအမှန်တရားလေးပါးကို သိဖို့ပဲ ဖြစ်ပါတယ်။
လူတွေဟာ အသိဥာဏ် မတိုးတက်သေးတော့ အထက်ပါ ပညာရပ်တွေမှာ စွဲလမ်းယုံကြည်ကြတယ်။ မိမိတို့ရဲ့ ပစ္စုပ္ပန်လောလောဆယ် အကျိုးအတွက် ဆရာတွေထံ ချဉ်းကပ်မေးမြန်းကြတယ်။ ညွှန်ကြားတဲ့အတိုင်း လိုက်လုပ်ကြတယ်။ လူတွေရဲ့ ယုံကြည်မှုကို အခွင့်ကောင်းယူပြီး ဆရာလိမ် ဆရာညာတွေလဲ ပေါများလာတယ်။ မိမိတို့ကို ပစ္စည်းလေးပါးထောက်ပံ့လှူဒါန်းနေတဲ့ တကာတကာမတွေရဲ့ အကျိုးအတွက် ဒီပညာတွေကို တချို့ အနည်းငယ်မျှသာ ထေရ၀ါဒရဟန်းတော်တွေက ဆက်လက်လေ့လာကြတယ်။ တကာ တကာမတွေကို ဟောပြောကြတယ်။
နတ်ကိုးကွယ်မှုကို လုံးဝပိတ်ပင်လို့ မရတဲ့အခါမှာ ဘုရားဖူးပြီးရင်တော့ နတ်တွေကို ပူဇော်ရင် ပူဇော်ကြပါစေဆိုပြီး စေတီဘေးမှာ နတ်ရုပ်တွေ ထားပေးသလိုပါပဲ။ အင်းအိုင် မန္တန် ပယောဂတွေကို လုံးဝမယုံကြည်ဖို့ ပိတ်ပင်လို့ မရတော့ လူလိမ် လူညာတွေ ဘေးမှလဲလွတ်စေတော့။ ဒီပညာတွေနဲ့ ပတ်သက်ပြီး သာသနာနဲ့ ဆက်စပ်မှုလဲ ဖြစ်စေတော့ဆိုတဲ့ သဘောနဲ့ ထေရ၀ါဒ ရဟန်းတော်များကလဲ ဒီပညာတွေကို အဆင့်ဆင့် သင်ယူခဲ့ သင်ကြားပိုပချပေးခဲ့ကြတာပါပဲ။
ဘာသာရေး ရူထောင့်နဲ့ဝိနည်း ကျင့်ဝတ်ရူထောင့်အရ မလျော်ပေမယ့် သာသနာပြု ရူထောင့်၊ လူမှုရေး ယဉ်ကျေးမှုရူထောင့်က ကြည့်ပြီး လုပ်ဆောင်ကြခြင်း ဖြစ်ပါတယ်။
သန့်စင် မွန်မြတ်တဲ့ ထေရ၀ဒ ဗုဒ္ဓသာသနာပုဂံကို ရောက်လာတဲ့အခါမှာ အနော်ရထာမင်းစောဟာ အရည်းကြီးရဟန်းတွေကို လူဝတ်လဲပေးတယ်။ ဆင်ချေးကျုံး၊ မြင်းချေးကျုံးစတဲ့ အလုပ်တွေကို လုပ်စေတယ်။
အချို့ အရည်းကြီး လူထွက်တွေကတော့ ဆေးဆရာ၊ ဗေဒင်ဆရာ၊ ပယောဂဆရာ၊ မျက်လှည့်ဆရာအဖြစ်နဲ့ အသက်မွေးကြတယ်။ အရည်းကြီးရဟန်းတွေဟာ အသွင်အားဖြင့် လုံးဝပျောက်သွားပေမယ့် သူတို့ရဲ့ လုပ်ငန်း အမွေအနှစ်တွေကတော့ ယနေ့တိုင် မြန်မာ့ယဉ်ကျေးမှုအဖြစ် ဆက်လက် တည်ရှိနေတယ်။ ဒီပညာရပ်တွေကို ဒီနေ့အထိ ဆက်လက် သယ်ဆောင် ဖြန့်ဖြူးခဲ့သူတွေကတော့ အရည်းကြီး လူထွက်ဆရာတွေပဲ ဖြစ်တယ်။
အနော်ရထာမင်းစောဟာ အလွန်သန့်စင်တဲ့ ထေရ၀ါရဗုဒ္ဓဘာသာကို နိုင်ငံအနှံ ဖြန့်ဝေပေးပေမယ့် လူတွေဟာ ကိုးကွယ်မှု အဟောင်းဖြစ်တဲ့ နတ်တွေကိုလဲ စွဲမြဲကိုးကွယ်နေကြတဲ့အတွက် အနော်ရထာမင်းစောဟာ ပုဂံနေပြည်တော်မှာ ရှိတဲ့ နတ်ကွန်းတွေကို ဖျက်၊ နတ်ရုပ်တွေကို ပိဿနိုးနတ်ကွန်းကြီးထဲ ထည့်ပြီး သော့ပိတ်ထားစေတယ်။ အဲသလို ပိဿနိုးနတ်ကွန်းကြီးကိုလဲ နတ်ရုပ်တွေထည့်လှောင်ထားလို့ နတ်လှောင်ကျောင်းလို့ ခေါ်တွင်ကြတယ်။
ဘုရင်ကိုယ်တိုင်က နတ်ကိုးကွယ်မှုကို နှိမ်နှင်းနေပေမယ့် နတ်ကွန်းနတ်ရုပ်မရှိပေမယ့် နတ်တွေကို တိတ်တဆိတ်ပူဇော် ပသနေကြတယ်။ ဒါကို ဘုရင်အနော်ရထာသိလို့ လူတွေရဲ့ နတ်ကိုးကွယ်လိုတဲ့ ဆန္ဒလဲ ပြည့်ဝစေ၊ နတ်ပူဇော်ဖို့ လာရင်းနဲ့ ဘုရားကိုလဲ ရှိခိုး ပူဇော်ဖြစ်ကြစေတော့ဆိုတဲ့ ရည်ရွယ်ချက်နဲ့ ရွှေစည်းခုံဘုရားတည်တဲ့ အခါ စေတီဘေး တစ်နေရာမှာ မြန်မာနတ်(၃၇)မင်း ရုပ်လုံးပုံတွေကို ထုလုပ်ထားပေးတယ်။ သူရဿတီ၊ မဟာပိန္နဲစတဲ့ ဟိန္ဒူနတ်တွေကိုတော့ လုံးဝ အစဖျောက်ပစ်လိုက်ကြတယ်။ ဒီလိုနဲ့ ထေရ၀ါဒ ဗုဒ္ဓဘာသာ မရောက်ခင်က ထွန်းကားနေတဲ့ နတ်ကိုးကွယ်မှုဟာ ထေရ၀ါဒ ဗုဒ္ဓဘာသာနှင့်အတူ ယှဉ်ပြိုင် ထွန်းကားခဲ့တာ ဒီနေ့အထိပဲ ဖြစ်ပါတယ်။
အရည်းကြီး ရဟန်းတွေဟာ အ၀ါရောင်သင်္ကန်းတွေကို မ၀တ်ကြဘူး။ ဒီနေ့ရသေ့တွေဝတ်တဲ့ အညိုမဲပုပ်ပုပ်အရောင် သင်္ကန်းတွေ ၀တ်ဆင်ကြတယ်။ ဆံပင်တွေကို လက်လေးသစ်ကျော်အထိ အရှည်ထားကြတယ်။ မုတ်ဆိတ်မွေး အရှည်ထားကြတယ်။ ရဟန်းနဲ့မတူဘဲ ရသေ့နဲ့ပိုတူနေတယ်။ သူတို့မှာ ပိဋကတ်စာပေ အခိုင်အမာမရှိဘူး။ သူတို့ကိုယ်တိုင်လဲ နတ်ကိုးကွယ်တယ်။ လူတွေကိုလဲ နတ်ကိုးကွယ်မှုအတွက် ဆောင်ရွက်ပေးတယ်။ ထန်းရည် အရက်တွေလဲသောက်တယ်။ အဂ္ဂရတ်ထိုးတယ်။ ဆေးကုတယ်။ အင်းအိုင်ခါးလှည့်လက်ဖွဲ့၊ မန္တန်တွေကို စီရင်ပေးတယ်၊ ဗေဒင်ဟော ဓာတ်ရိုက်လုပ်ငန်းတွေကို လုပ်ကြတယ်။
မင်္ဂလာဆောင်တော့မယ့် သတို့သမီးကို မင်္ဂလာမဆောင်မီ တစ်ညအရည်ကြီးတွေဆီ လွှတ်ပေးရတယ်။ ဒါကို ပန်းဦးလွှတ်တယ်လို့ ခေါ်ပါတယ်။ အရည်းကြီးဂိုဏ်းရဟန်းတွေရဲ့ အင်အားဟာလဲ မနည်းလှဘူး။ ဂိုဏ်းချုပ် အရည်းကြီး(၃၀)နဲ့ နောက်လိုက် အရည်းကြီး ခြောက်သောင်းကျော် ရှိတယ်။ ဒီအရေအတွက်ကိုကြည့်ရင် ပုဂံနေပြည်တော်မှာ အရည်းကြီးသာသနာ ဘယ်လောက် ထွန်းကားခဲ့တယ်ဆိုတာ ခန့်မှန်းနိုင်ပါတယ်။
ထင်ရှားတဲ့ ဟိန္ဒူဗြာဟ္မဏ အယူဝါဒတွေကတော့ ဘုရားကိုးဆူ ပူဇော်တဲ့အခါ ဂြိုဟ်ကြီိးကိုးလုံး ဂြိုဟ်နတ်ကြီးကိုးပါးတို့ မြန်မာနိုင်ငံ စေတီပုထိုးတွေရဲ့ အရပ်(၈)မျက်နှာမှာ ဂြိုဟ်တိုင်(၈)တိုင်ထားတာတို့၊ ရက်ရာဇာ၊ ပြဿဒါး၊ နဂါးလှည့်စတဲ့ ဗေဒင် အဟောဆိုင်ရာတွေဟာ ဟိန္ဒူဗြာဟ္မဏအယူဝါဒတွေဖြစ်ပြီး ရေမွှေးပုလင်း စသည်တို့၌ ရှင်ဥပဂုတ်ရုပ်တု၊ ရှင်သီဝလိရုပ်တုများ ထည့်ကိုးကွယ်မှု၊ အင်းအိုင်၊ ခါးလှည့်လက်ဖွဲ့နဲ့ မှော်အတက်ပညာတွေဟာ မဟာယာနတန္တရယာနရဲ့ အယူအဆတွေ ဖြစ်တယ်။ ဒီအယူအဆတွေနဲ့ ပတ်သတ်ပြီး နောက်မှ ထပ်ရှင်းပြပါဦးမယ်။
ခေါ်ဆိုနိုင်ပါတယ်။ မြန်မာနိုင်ငံဟာ ထေရ၀ါဒ ဗုဒ္ဓဘာသာနိုင်ငံဖြစ်တယ်လို့ မြန်မာလူမျိုးတွေကလဲ ခံယူတယ်။ ကမ္ဘာကလဲ အသိအမှတ်ပြုတယ်၊ ရဟန်းတော်တွေဟာ ထေရ၀ါဒ ၀ိနည်းတော်အတိုင်း ကျင့်သုံးနေထိုင်ပြီး ထေရ၀ါ၏ ပိဋကတ်တွေကိုသာ သင်အံဟောကြားတဲ့အတွက်ကြောင့် ဖြစ်တယ်။
ဒါပေမယ့် ကမ္ဘာက ဘယ်လိုပဲ အသိအမှတ်ပြုပြု မြန်မာဗုဒ္ဓဘာသာ ယဉ်ကျေးမှုထဲမှာ နတ်ဟိန္ဒူနဲ့မဟာယာန ယဉ်ကျေးမှုတွေ ရောနှောနေတယ်ဆိုတာကိုလဲ အသိအမှတ်ပြုရမှာပဲ။ ဟိန္ဒူဗြာဟ္မဏအယူဝါဒနဲ့ မဟာယာန ဗုဒ္ဓဘာသာတွေကို လက်ခံကျင့်သုံးခဲ့တာ နှစ်ကာလကြာညောင်း လာတဲ့အတွက် ထေရ၀ါ၏ဗုဒ္ဓဘာသာ အယူလို့ပဲ မှတ်ထင်နေကြပါတယ်။
ဒီလိုအမှန်ကို မသိကြတော့လို့လဲ မြန်မာ့ယဉ်ကျေးမှုဟာ ထေရ၀ါဒဗုဒ္ဓဘာသာယဉ်ကျေးမှုစစ်စ် ဖြစ်တယ်လို့ ယုံကြည် မှတ်ယူနေကြခြင်း ဖြစ်ပါတယ်။
အသစ်ရောက်လာတဲ့ ထေရ၀ါဒဗုဒ္ဓဘာသာဟာ ကိုးကွယ်မှုအဟောင်းတွေထက် အဘက်ဘက်က သာလွန်ပြီးဟောကြားတဲ့ တရားတော်တွေဟာ ပိဋကတ် အခိုင်အမာရှိတယ်။ ရဟန်းတော်တွေရဲ့ နေထိုင်ကျင့်ကြံမှုတွေဟာ ၀ိနည်းတော်နဲ့အညီဖြစ်တယ်။
ဒါကြောင့်လဲ မင်းနှင့်တကွပြည်သူလူထုက ထေရ၀ါ၏ ဗုဒ္ဓသာသနာအသစ်ကို အင်တိုက်အားတိုက် လှိုက်လှိုက်လှဲလှဲ ကြိုဆိုလက်ခံပြီး လေးလေး စားစား ကြည်ညိုကိုးကွယ်ကြတယ်။
ဒါပေမယ့် ဘိုးဘေးအစဉ်အဆက်က ကိုးကွယ်ဆည်းကပ်လာတဲ့ ရိုးရာနတ်ကိုးကွယ်မှု၊ ဟိန္ဒူဗြဟ္မဏအယူတွေကို အလွယ်တကူ မစွန့်လွှတ်နိုင်ကြပါဘူး။
ဒါကြောင့် ထေရ၀ါဒ ဗုဒ္ဓဘာသာ အသစ်ဟာ အဟောင်းဖြစ်တဲ့ နတ်ကိုးကွယ်မှုနဲ့ ဟိန္ဒူဗြဟ္မဏ ကိုးကွယ်မှု မဟာယာနကိုးကွယ်မှုတွေနဲ့ ယှဉ်တွဲထွန်းကားခဲ့တာဟာ ယနေ့တိုင် ဖြစ်ပါတယ်။L
အနော်ရထာမင်းစော ထေရ၀ါဒဗုဒ္ဓသာသနာကို မဖြန့်မီ မြန်မာလူမျိုးတွေကား…..
(၁) ကမ္ဘာ့အစောဆုံး ကိုးကွယ်မှုဖြစ်တဲ့ နတ်နဂါးတွေကို ကိုးကွယ်နေကြတယ်။
(၂) အိန္ဒယပြည် ဟိန္ဒူကုန်သည်တွေဆီကတစ်ဆင့် ရရှိတဲ့ ဟိန္ဒူနတ်တွေ ဘုရားတွေနဲ့ ဟိန္ဒူဗြာဟ္မဏ၀ါဒတွေကို ကိုးကွယ်နေကြတယ်။
(၃) မြောက်ပိုင်း ဗုဒ္ဓဘာသာလို့ခေါ်တဲ့ မဟာယာနဂိုဏ်းရဲ့ ဂိုဏ်းခွဲတစ်ခုဖြစ်တဲ့ တန္တရယာနတိဗက်ဗုဒ္ဓ ဘာသာကိုလည်း ကိုးကွယ်နေကြတယ်။
(၄) မဟာဂီရိ၊ မြင်းဖြူရှင်စတဲ့ မြန်မာပြည်ဖြစ် နတ်တွေကိုလဲကိုးကွယ်နေကြတယ်။
ဗုဒ္ဓသည် ဘုရားဖြစ်ပြီးလို့ (၄၉)ရက် အရ လင်းလွန်းပင်ရင်းမှာ စံနေတော်မှုစဉ် မြန်မာပြည်သား တပုဿနဲ့ ဘလ္လိကကုန်သည်ညီနောင်ဟာ ဘုရားရှင်ထဲရောက်သွားတယ်။ မုန့်ကြွက်ကျစ် လှူဒါန်းတော်မှုလို့ ဘုရားရှင်က ဆံတော်(၈)ဆူ ချီးမြှင့်လိုက်တယ်။ အဲဒီအချိန်မှာ သံဃာမရှိသေးဘူး။ ဘုရားနဲ့တရားကို ကိုးကွယ် ဆည်းကပ်သူတွေထဲမှာ အစောဆုံးပုဂ္ဂိုလ်တွေအဖြစ်နဲ့ ပိဋကတ်မှာ မှတ်တမ်းတင်ခံရတဲ့ ပုဂ္ဂိုလ်တွေပဲ။ တပုဿနဲ့ ဘလ္လိကတို့ဟာ မြန်မာပြည် ပြန်လာပြီး ဥက္ကလာပမင်းကြီးနဲ့ တိုင်ပင်ကာ ရွှေတိဂုံစေတီတော်ကို တည်ထားကိုးကွယ်ကြတယ်။ ဂေါတမဘုရားရှင်ရဲ့ ဆံတော်ပါတဲ့ စေတီထဲမျာတော့ သက်တမ်းအကြီးဆုံးစေတီပဲ။
ရဟန္တာ ဂ၀ံပတိထေရ် ပင့်လျှောက်ချက်အရ ဘုရားရှင်ဝါတော်(၈)၀ါ အရမှာ ရဟန္တာနှစ်သောင်းနှင့် အတူ သုဝဏ္ဏဘူမိသထုံကို ဘုရားရှင် ကြွလာပြီး တရားဟောတယ်။
စူလပုဏ်၊ မဟာပုဏ်၊ ကုန်သည် ညီနောင်တို့ကလက်လေးသစ်ကို အဖိုးတစ်သိန်းထိုက်တန်တဲ့ စန္ဒကူး နှစ်ကျောင်းတော်ကြီးကို မင်းဘူးခရိုင် လယ်ကိုင်း ကျောင်းတော်ရာမှာ ဆောက်လုပ်လှူဒါန်းတယ်။ ကျောင်းအလှူရေစက်ချပွဲကို ဘုရားရှင်ကိုယ်တိုင် ၀ါတော်(၂၀)ကျော်မှာ ကြွရောက်လာပြီး တရားဟော ကြားတယ်၊ သစ္စဗန္ဒရသေ့ကြီးတောင်းပန်လို့ မင်းဘူးမှာ ခြေတော်ရာ ချထားခဲ့တယ်။
သာသနာတက္ကရာဇ် ၁၀၁-ခုနှစ်မှာ သရေခေတ္တရာပြည်၌ ဒွတ္တဘောင်မင်းကြီးလက်ထက် ရဟန္တာ ၅၀၀ကို နေ့စဉ်ပစ္စည်းလေးပါး ထောက်ပံ့တယ်။ ဓာတ်တော် ၆-ဆူကို ဌာပနာပြီး “ညည်းညည်း၊ စည်းစည်း၊ ပေါပေါ၊ လျောလျော၊ မြသီတင်း” ဆိုတဲ့ ဘုရားစေတီတွေနဲ့ လက်ရုံးတော် ဓာတ်ကို ငှာပနာတဲ့ မြင်ဗာဟု စေတီတွေဟာ ယနေ့တိုင်ရှိနေတဲ့ ဗုဒ္ဒဘာသာအထိမ်းအမှတ်တွေ ဖြစ်တယ်။
ဒါပေမယ့် အဆက်မပြတ်တည်ရှိပြီး အခိုင်အမာထွန်းလင်းနေတဲ့ ဗုဒ္ဒဘာသာကတော့ သာသနာသက္ကရာဇ် ၂၅၃ခုနှစ်မှာ တတိယသံဂါယနာတင်ပြီး အသောကမင်းကြီး ၉-တိုင်း ၉-ဌာန သာသနာပြု လွှတ်တဲ့အခါမှာ ရှင်သောဏနဲ့ ရှင်ဥတ္တရ တို့ ဦးဆောင်တဲ့ သာသနာပြု အဖွဲ့ဟာ မြန်မာနိုင်ငံ ရှေးက သုဝဏ္ဏဘူမိလို့ခေါ်တဲ့ သထုံမြို့ကိုရောက်လာပြီး သာသနာပြုခဲ့ကြတယ်။
ဘုရားရှင် ပရိနိဗ္ဗာန်စံပြီးလို့ နှစ်ပေါင်း(၄၅၀)နှစ်အကြာ သီဟိုဠ်ကျွန်းမှာ ပိဋကတ်သံးပုံကို ပေရွက်တွေပေါ်မှာ ရေးပြီး စတုတ္ထသံဂါယနာ တင်တော်မှုခဲ့ာကတယ်။ အဲဒီပိဋက သုံးပုံပေစာတွေကို သထုံရဟန်းတော်တွေက ကူးယူလေ့လာကြလို့ အောက်မြန်မာနိုင်ငံမှာ ထေရ၀ါဒဗုဒ္ဓဘာသာ ခိုင်ခိုင်မာမာ ထွန်းကားနေတယ်။ မြန်မာသက္ကရာဇ်(၄၁၉) ၁၁-ရာစု အေဒီမှာ အနော်ရထာ မင်းစောက သထုံမနူဟာမင်းထံက ပိဋကတ်အစုံ(၁၀)နဲ့ ပိဋကတ်ရဟန်းသံဃာတော်တွေကို ပင့်ဆောင်ပြီး တစ်နိုင်ငံလုံးမှာ ဗုဒ္ဓသာသနာတော်ပြန့်ပွားရေးကို ဆောင်ရွက်ခဲ့အတွက် မြန်မာနိုင်ငံဟာ ထိန်တန်းထေရ၀ါဒ ဗုဒ္ဓဘာသာနိုင်ငံကြီး ဖြစ်လာခဲ့တယ်။ အနော်ရထာဟာအကျယ်ဆုံး မြန်မာနိုင်ငံတော်ကြီးကို တည်ထောင်နိုင်ခဲ့သလို ထေရ၀ါဒ ဗုဒ္ဓသာသနာကိုလဲ တနိုင်ငံလုံး ပြန့်အောင် ဖြန့်နိုင်ခဲ့တယ်။ နိုင်ငံတစ်ဝန်းလုံးမှာ ကြီးမားခိုင်ခံ့တဲ့ စေတီပုထိုးတွေကို တည်ပြီး သန့်စင်မွန်မြတ်တဲံ့ ထေရ၀ါဒဗုဒ္ဓဘာသာ အုတ်မြစ်ကို အခိုင်အမာ ချထားခဲ့တယ်။
