၁၉၅။ စဏ္ဍာလီဒါယိကာမကြီး အခြံအရံ အကျော်အစောရှိတော်မူသော ဂေါတမမြတ်စွာဘုရား၏ ခြေတော်တို့ကို ရှိခိုးလော၊ အမြတ်ဆုံး ဣသိဖြစ်တော်မူသော မြတ်စွာဘုရားသည် သင့်ကိုသာလျှင် ချီးမြှောက်တော်မူခြင်းငှါ ရပ်တည်တော်မူ၏။
၁၉၆။ တာဒိဂုဏ်နှင့် -၁ ပြည့်စုံတော်မူသော ပူဇော်အထူးကို ခံတော်မူထိုက်သော မြတ်စွာဘုရား၌ စိတ်ကို ကြည်လင်စေလော့၊ လျင်မြန်စွာ လက်အုပ်ချီ၍ ရှိခိုးလိုက်လော့၊ သင်၏ အသက်သည် အလွန်တိုတောင်းလှ၏၊ (ဟု အသျှင်မောဂ္ဂလ္လာန် မိန့်တော်မူ၏)။
၁၉၇။ ပွါးအပ်ပြီးသောစိတ်ရှိသော အဆုံးဖြစ်သော ကိုယ်ခန္ဓာကို ဆောင်သော အသျှင်မောဂ္ဂလ္လာန်က တိုက်တွင်းသဖြင့် စဏ္ဍာလီဒါယိကာမကြီးသည် အခြံအရံ အကျော်အစော ရှိတော်မူသော ဂေါတမမြတ်စွာဘုရား၏ ခြေတော်တို့ကို ရှိခိုးလေ၏။
၁၉၈။ အမိုက်တိုက်လောက၌ ဉာဏ်အလင်းကို ပြုတော်မူတတ်သော မြတ်စွာဘုရားကို လက်အုပ်ချီမိုး ရှိခိုးလျက် တည်သော ထိုစဏ္ဍာလီဒါယိကာမကြီးကို နွားမသည် ဝှေ့သတ်လေ၏။
၁၉၉။ နတ်တန်ခိုးအာနုဘော်နှင့် ပြည့်စုံခြင်းသို့ရောက်သော စဏ္ဍာလီနတ်သမီးသည် အာသဝေါကုန်ပြီး၍ ကိလသာမြူကင်းပြီးသော တဏှာမရှိသော ဆိတ်ငြိမ်ရာ တောအရပ်၌ တယောက်ထီးတည်းနေသော အသျှင်မောဂ္ဂလ္လာန်ထံသို့ ချဉ်းကပ်၍ ကြီးသော လုံ့လရှိသော အရှင်ဘုရား အာနုဘော်ကြီးတော်မူသော အရှင်ဘုရားကို အကျွန်ုပ်ရှိခိုးပါ၏ (ဟု လျှောက်၏)။
၂၀၀။ တင့်တယ်ခြင်း ဂုဏ်နှင့် ပြည့်စုံသော နတ်သမီး ရွှေစင်အဆင်းနှင့် တူသော အဆင်းရှိသော ထွန်းလင်းတောက်ပ၍ များသော အခြံအရံရှိသော အမျိုးမျိုးသော ဆန်းကြယ်ခြင်းရှိသည်ဖြစ်၍ နတ်သမီးအပေါင်းခြံရံလျက် ဗိမာန်မှသက်ဆင်းကာ ငါ့အား ရှိခိုးသော သင်သည် အဘယ်သူနည်း (ဟု အသျှင်မောဂ္ဂလ္လာန်မေး၏)။
၂၀၁။ အရှင်မြတ်ဘုရား ထိုအကျွန်ုပ်သည် မြတ်စွာဘုရား၏ ခြေတော်တို့ကို ရှိခိုးခြင်းကြောင့် ဒွန်းစဏ္ဍားအမျိုးမှ စုတေခဲ့သည်ရှိသော် နှစ်သက်စဖွယ် တာဝတိံသာနတ်ပြည်ဝယ် အလုံးစုံ ကောင်းမြတ် တင့်တယ်သော ဗိမာန်၌ ဖြစ်ရပါ၏။
၂၀၂။ နတ်သမီးတသိန်းတို့သည် အကျွန်ုပ်ကို ခြံရံ၍ တည်ပါကုန်၏၊ အကျွန်ုပ်သည် ထိုနတ်သမီး တသိန်းတို့ထက် အရောင်အဆင်းအားဖြင့်၎င်း အခြံအရံအားဖြင့်၎င်း အသက်အားဖြင့်၎င်း မြတ်ပါ၏၊ အထူးသဖြင့် ချီးမွမ်းအပ်ပါ၏။
-------------------------------------------------------------------------------------------------
၁-တာဒိဂုဏ် = လောကဓံနှင့် ကြုံသော်လည်း တုန်လူပ်ခြင်းမရှိ သည်းခံနိုင်သော ဂုဏ်။
၂၀၄။ အရှင်ဘုရား လောက၌ အကျွန်ုပ်သည် ပြုအပ်ပြီးသော ကုသိုလ် အများရှိပါ၏၊ ပညာ အဆင်အခြင်နှင့် ပြည့်စုံပါ၏၊ အောက်မေ့မူသတိနှင့် ပြည့်စုံပါ၏၊ မုနိဖြစ်တော်မူသော သနားခြင်း ရှိတော်မူသော ထိုအရှင်ဘုရားကို ရှိခိုးခြင်းငှါ လာရောက်ပါ၏။
၂၀၅။ သူတပါးကျေးဇူးကို သိတတ်သော သူတပါးကျေးဇူးကို ထင်စွာပြုတတ်သော စဏ္ဍာလီနတ်သမီးသည် ဤစကားကိုဆိုပြီး၍ ကိလေသာတို့မှ ကင်းဝေးခြင်းစသော ဂုဏ်နှင့် ပြည့်စုံသော အသျှင်မောဂ္ဂလ္လာန်၏ ခြေတို့ကိုရှိခိုးပြီးလျှင် ထိုအရပ်၌ပင်လျှင် ကွယ်ပျောက်လေ၏။
လေးခုမြောက်သော စဏ္ဍာလိဝိမာန၀တ္ထု ပြီး၏
