၂ - ဥစ္ဆုဒါယိကာဝိမာန၀တ္ထု

၂၉၆။ လ, နေတို့သည် ကောင်းကင်နှင့် တကွ ဤမြေကြီးကို ထွန်းပစေကုန်လျက် အလွန်တင့်တယ်ကြကုန် သကဲ့သို့ သင် နတ်သမီးသည် အလွန် တင့်တယ်ဘိ၏၊ ဗြဟ္မာမင်းသည် တာဝတိံသာနတ်ပြည်၌ နေကုန်သော သိကြားမင်းနှင့်တကွ နတ်တို့ကို သာလွန်၍ တင့်တယ်သကဲ့သို့ သင်သည် အသရေဖြင့်၎င်း၊ အရောင်အဆင်းဖြင့်၎င်း၊ အခြံအရံများဖြင့်၎င်း၊ တန်ခိုးအာနုဘော်ဖြင့်၎င်း သာလွန်၍ တင့်တယ်၏။

၂၉၇။ ကြာပန်းတို့ကို ပန်ဆင်သော (ရတနာဖြင့်ပြုသော) ဦးစိုက်ပန်းလည်း ရှိသော ရွှေရောင်စင်ကဲ့သို့ ပြောင်းပြောင်ထွန်းပသည့် ကိုယ်ရေအဆင်းလည်း ရှိသော တန်ဆာတို့ဖြင့် ဆင်ယင်သော ကိုယ်ရှိသော မြတ်သော အ၀တ်အရုံတို့ကိုလည်း ၀တ်ရုံသော တင့်တယ်သော နတ်သမီး သင့်ကို ငါမေးပါ၏၊ ငါ့ကို ရှိခိုးသော သင်ကား အဘယ်သူနည်း။

၂၉၈။ နတ်သမီး သင်သည် ရှေးက အဘယ်ကံကို ကိုယ်တိုင် ပြုခဲ့သနည်း၊ သင်သည် ရှေးဘ၀ လူဖြစ်ခဲ့စဉ်က အလှူပေးမူကိုလည်း လေ့ကျက်ခဲ့သလော၊ သို့မဟုတ် သီလစောင့်စည်းမူကိုမူလည်း ပြုခဲ့ဘူးသလော၊ အဘယ်ကုသိုလ်ထူးကြောင့် သင်သည် နတ်ရွာ သုဂတိဘုံ၌ ပဋိသန္ဓေအားဖြင့် ဖြစ်၍ များသော အခြံအရံ ရှိသနည်း၊ ဤအကျိုးသည် အဘယ်ကုသိုလ်၏ အကျိုးနည်း၊ နတ်သမီး သင့်ကို ငါမေးပါ၏၊ ဖြေကြားပါလော့။

၂၉၉။ အရှင်ဘုရား ယခုအခါ ဤရာဇဂြိုဟ်ပြည်၌ပင်လျှင် (အရှင်ဘုရားသည်) ဆွမ်းခံခြင်းငှါ အကျွန်ုပ်တို့၏ အိမ်သို့ ကပ်ရောက်ခဲ့ပါ၏၊ ထိုသို့ ကပ်ရောက်ခြင်းကြောင့် အကျွန်ုပ်သည် ကြည်ညိုသော စိတ်ရှိသည်ဖြစ်၍ အတိုင်းအရှည်မရှိသော နှစ်သက်ခြင်းဖြင့် ကြံပိုင်းကို အရှင်ဘုရားအား ပေးလှူခဲ့ပါ၏။

၃၀၀။ အရှင်ဘုရား နောင်အခါ ယောက္ခမ (မိန်းမသူ) သည်လည်း “ချွေးမငယ်ကြံကို အဘယ်အရပ်၌ စွန့်ပစ်လိုက်သနည်း” ဟု အကျွန်ုပ်ကို မေးစိစစ်ခဲ့ပါ၏၊ ထိုသို့ မေးသော် “အရှင်မ အကျွန်ုပ်သည် ထိုကြံပိုင်းကို စွန့်လည်း မစွန့်ပစ်ပါ၊ ခဲစားလည်း မခဲစားပါ၊ ကိလေသာ ငြိမ်းပြီးသော ရဟန်းအား အကျွန်ုပ်ကိုယ်တိုင် ပေးလှူလိုက်ပါ၏” ဟု ပြောကြားပါ၏)။

၃၀၁။ အရှင်ဘုရား ယောက္ခမ (မိန်းမသူ)သည် “ဟယ်...ချွေးမ ဤအိမ်ကို အစိုးရသူသည် သင်ဖြစ်သလော၊ သို့မဟုတ် ငါဖြစ်သလော” ဟု အကျွန်ုပ်ကို ဆိုမြည်းကြိမ်းမောင်း ပါ၏၊ ထိုယောက္ခမ (မိန်းမသူ)သည် အင်းပျဉ်ကို ယူ၍ အကျွန်ုပ်အား ပုတ်ခတ်ပါ၏၊ အကျွန်ုပ်သည်ထို လူ့ဘ၀မှ စုတေ၍ ကွယ်လွန်သည်ရှိသော် နတ်သမီး ဖြစ်ပါ၏။

၃၀၂။ အကျွန်ုပ်သည် အပြစ်မရှိကောင်းကျိုးကို ပေးခြင်းလက္ခဏာရှိသော ထိုကြံပိုင်းလှူသော ကံကိုသာလျှင် ပြုခဲ့ပါ၏၊ ချမ်းသာသော ကုသိုလ်ကံ၏ အကျိုးကိုလည်း ကိုယ်တိုင် သုံးဆောင် ခံစားရပါ၏၊ အကျွန်ုပ်သည် အပေါင်းအဖော် နတ်တို့နှင့်တကွ စမ္ပာယ်ရပါ၏၊ အကျွန်ုပ်သည် ကာမဂုဏ် ငါးပါးတို့ဖြင့် မွေ့လျော် စံပျော်ရပါ၏။

၃၀၃။ အရှင်ဘုရား အကျွန်ုပ်သည် အပြစ်မရှိ ကောင်းကျိုးကို ပေးခြင်း လက္ခဏာရှိသော ထိုကြံပိုင်းလှူသော ကုသိုလ်ကံကိုသာလျှင် ပြုခဲ့ပါ၏၊ ချမ်းသာသော ကုသိုလ်ကံ၏ အကျိုးကိုလည်း ကိုယ်တိုင် သုံးဆောင် ခံစားရပါ၏၊ အကျွန်ုပ်သည် တာဝတိံသာနတ်တို့ စောင့်ရှောက်အပ်သည် ဖြစ်၍ သိကြားမင်းကဲ့သို့ လုံခြုံပါ၏၊ ကာမဂုဏ် ငါးပါးတို့နှင့်လည်း ပြည့်စုံပါ၏။

၃၀၄။ ဤသို့သော ကောင်းမူ၏ အကျိုးသည် များလှပါ၏၊ အကျွန်ုပ်၏ ကြံပိုင်းအလှူသည် ကြီးသော အာနုဘော် ရှိပါ၏၊ တာဝတိံသာနတ်တို့ စောင့်ရှောက်အပ်သည်ဖြစ်၍ သိကြားမင်းကဲ့သို့ လုံခြုံပါ၏၊ အရှင်ဘုရား မျက်စိတထောင် အမြင်ဆောင်သော သိကြားမင်းသည် နန္ဒ၀န်ဥယျာဉ်၌ မွေ့လျော် စံပျော်သကဲ့သို့ (အကျွန်ုပ်) စံပျော်ရပါ၏။

၃၀၅။ ဤသို့သော ကောင်းမူ၏ အကျိုးသည် များလှပါ၏၊ အကျွန်ုပ်၏ ကြံပိုင်းအလှူသည် ကြီးသော အာနုဘော် ရှိပါ၏၊ တာဝတိံသာနတ်တို့ စောင့်ရှောက်အပ်သည်ဖြစ်၍ သိကြားမင်းကဲ့သို့ လုံခြုံပါ၏၊ အရှင်ဘုရား မျက်စိတထောင် အမြင်ဆောင်သော သိကြားမင်းသည် နန္ဒ၀န်ဥယျာဉ်၌ မွေ့လျော် စံပျော်ရပါ၏။

၃၀၆။ အရှင်ဘုရားအကျွန်ုပ်သည် သနားခြင်းနှင့်ယှဉ်သော ပညာရှိသော အရှင်ဘုရားကိုလည်း ဆည်းကပ်၍ ရှိခိုးခဲ့ပါ၏၊ အရှင်ဘုရား၏ အနာရောဂါ မရှိခြင်းကို မေးခဲ့ပါ၏၊ ထိုပြင် အကျွန်ုပ်သည် စိတ်ရှိသည်ဖြစ်၍ အတိုင်းအရှည် မရှိသော နှစ်သက်ခြင်းဖြင့် အရှင်ဘုရားအား ကြံပိုင်းကို ပေးလှူခဲ့ပါ၏။

နှစ်ခုမြောက်သော ဥစ္ဆုဒါယိကာဝိမာန၀တ္ထု ပြီး၏။