၈၂၆။ နတ်သမီး သင်သည် နှစ်သက်ဖွယ်ရှိသော အရောင်အဆင်းဖြင့် တည်၏၊ ကောင်းစွာ တီးမူတ်သည်ရှိသော် လက်ခြေတို့ကို အထူးထူး အထွေထွေ မြှောက်ချီ၍ က၏။
၈၂၇။ သင် ကနေစဉ်အခါဝယ် ထိုသင်၏ အင်္ဂါကြီးငယ်တို့မှ အခါခပ်သိမ်း သာယာနာပျော်ဖွယ် နှလုံးမွေ့လျော်ဖွယ် ရှိကုန်သော နတ်၌ဖြစ်သော အသံတို့သည် ထွက်ပေါ်ကျူးရင့်ကြကုန်၏။
၈၂၈။ သင် ကနေစဉ်အခါဝယ် ထိုသင်၏ အင်္ဂါကြီးငယ်တို့မှ အခါခပ်သိမ်း မွှေးကြိုင်သော အနံ့ရှိ၍ နှလုံးမွေ့လျော်ဖွယ် ရှိကုန်သော နတ်၌ဖြစ်သော အနံ့တို့သည် ပျံ့လိူင်ကုန်၏။
၈၂၉။ နတ်သမီး ကိုယ်ကို လှည့်လည် ယိမ်းနွဲ့ လိုက်သည်ရှိသော် ဆံထုံးတို့၌ ပန်ဆင်အပ်ကုန်သော တန်ဆာတို့၏ အသံကို အင်္ဂါငါးပါးရှိသော တူရိယာ၏ အသံကဲ့သို့ ကြားရ၏။
၈၃၀။ လေညှင်းတိုက်ခတ်သဖြင့် လေကြောင့် ထက်ဝန်းကျင်မှ လူပ်ကုန်သော ဦးဆောက်ပန်းတို့၏ အသံကို အင်္ဂါငါးပါးရှိသော တူရိယာ၏ အသံကဲ့သို့ ကြားရ၏။
၈၃၁။ သင်၏ ဦးခေါင်း၌ မွှေးကြိုင်သော အနံ့ရှိသော နှလုံးမွေ့လျော်ခြင်းကို ဖြစ်စေတတ်သော ပန်းရနံ့သည် မဉ္ဇူသကနတ်ပန်းကဲ့သို့ အရပ်မျက်နှာ အားလုံးတို့၌ ပျံ့လှိုင်၏။
၈၃၂။ နတ်သမီး သင်သည် ထိုမွှေးကြိုင်သော အနံ့ကိုသာ နမ်းရှူနေရ၏၊ နတ်၌ ဖြစ်သော အဆင်းကိုသာ တွေ့မြင်နေရ၏၊ ဤအကျိုးသည် အဘယ်ကုသိုလ်ကံ၏ အကျိုးနည်း၊ သင့်ကိုငါမေးပါ၏၊ ဖြေကြားပါလော့ (ဟု အသျှင်မောဂ္ဂလ္လာန်က မေး၏)။
၈၃၃။ အကျွန်ုပ်သည် ရှေးဘ၀က ဂယာရွာ၌ ပုဏ္ဏား၏ ကျွန်မ ဖြစ်ခဲ့ဘူးပါ၏။ အကျွန်ုပ်သည် ဘုန်းကံ နည်းလှပါ၏၊ ကျက်သရေ မရှိပါ၊ အကျွန်ုပ်ကို ရဇ္ဇုမာလာဟူ၍ လူတို့ သိကြပါကုန်၏။
၈၃၄။ အရှင်သခင်၏ ဆဲရေးခြင်းတို့ကြောင့်၎င်း၊ ရိုက်ပုတ်ခြင်းတို့ကြောင့်၎င်း၊ ခြိမ်းချောက်ခြင်းတို့ကြောင့်၎င်း စိတ်မချမ်းသာသောကြောင့် ရေအိုးကိုယူကာ အိမ်မှ ထွက်ခဲ့၍ ရေခပ်ရန်ကဲ့သို့ပြုကာ သွားခဲ့ပါ၏။
၈၃၅။ ခရီးလမ်းနဘေး၌ ရေအိုးကို ချထားပြီးလျှင် ငါ့အား အသက်ရှည်ခြင်းဖြင့် အဘယ်အကျိုးရှိအံ့နည်း၊ ဤတောအုပ်၌ပင်လျှင် ငါသေတော့အံ့ (ဟု နှလုံးသွင်း၍) တောအုပ်သို့ ချဉ်းကပ်ခဲ့ပါ၏။
၈၃၆။ ကြိုးကွင်းကို မြဲမြံခိုင်ခံ့စွာပြု၍ သစ်ပင်၌ ဆွဲပြီးနောက်မှ တောတွင်းသို့ ၀င်နေသောသူ အဘယ်သူ ရှိသေးသနည်းဟု အရပ်မျက်နှာတို့ကို လှည့်လည် ကြည့်၏။
၈၃၇။ ထိုတောအုပ်တွင် သစ်ပင်၏ အနီး၌ ထိုင်နေတော်မူသော ခပ်သိမ်းသော သတ္တ၀ါ၏ အစီးအပွါးကို ဆောင်တော်မူသော ဈာန်ဝင်စားလျက် နေတော်မူသော ဘေးမရှိသော မြတ်စွာဘုရားကို မြင်ရပါ၏။
၈၃၈။ တောတွင်းသို့ ၀င်နေသောသူ အဘယ်သူနည်း၊ လူသားလေလော့ နတ်လေလောဟု ထိုအကျွန်ုပ်အား ထိန်လန့်ခြင်းနှင့်တကွ အသိဉာဏ် ဖြစ်ပေါ်လာပါ၏၊ မဖြစ်ဘူးမြဲ ဖြစ်သော ကြက်သီးမွေးညှင်း ထပါ၏။
၈၃၉။ ကြည်ညိုဖွယ်ကို ဆောင်တော်မူသော လူအပေါင်းတို့၏ အကြည်ညိုကို ခံတော်မူထိုက်သော ကိလေသာတောမှ ဖဲကြဉ်၍ နိဗ္ဗာန်သို့ ရောက်တော်မူသော မြတ်စွာဘုရားကို မြင်ရခြင်းကြောင့် အကျွန်ုပ်၏ စိတ်သည် ကြည်လင်ပါ၏၊ ဤပုဂ္ဂိုလ်သည် ဟူးဟူးညားညား (သာမန်လူစား) မဟုတ်။
၈၄၀။ ဤပုဂ္ဂိုလ်သည် စောင့်ရှောက်အပ်သော ဣနြေ္ဒရှိတော်မူသော (အရဟတ္တဖိုလ်) ဈာန်၌ မွေ့လျော်တော်မူသော အပအာရုံသို့ စိတ်မရောက်သော သတ္တ၀ါအားလုံး၏ အစီးအပွါးကို ရွက်ဆောင်တော်မူသော မြတ်စွာဘုရား ဖြစ်ပေလိမ့်မည်။
၈၄၁။ ဂူလိုဏ်၌ နေသော ခြင်္သေ့မင်းကံသို့ (မိစ္ဆာအယူရှိသူတို့) ကြောက်အပ်၍ (ထိုမိစ္ဆာအယူရှိသူတို့၏) ကြောက်ခြင်းကို ဖြစ်စေတတ်သော (ဖောက်ပြန်စိတ်ရှိသူတို့ ချဉ်းကပ်ရန် ခဲယဉ်းသော) မြတ်စွာဘုရားအား ရေသဖန်းပွင့်ကို တွေ့မြင်နိုင်ရန် ခဲယဉ်းလှသကဲ့သို့ ဖူးမြင်ရန် ခဲယဉ်းလှပေ၏။
၈၄၂။ ထိုမြတ်စွာဘုရားသည် နူးညံ့သော စကားတို့ဖြင့် ရဇ္ဇုမာလာ ဟု ခေါ်တော်မူပြီးလျှင် မြတ်စွာဘုရားကို ကိုးကွယ်ရာဟူ၍ ဆည်းကပ်လော့ ဟု အကျွန်ုပ်ကို မိန့်တော်မူ၏။
၈၄၃။ အကျွန်ုပ်သည် အပြစ်ကင်း၍ အနက်နှင့် ယှဉ်သော သန့်ရှင်း သိမ်မွေ့သာယာဖွယ်သော ခပ်သိမ်းသော ပူဆွေးခြင်းတို့ကို ပယ်ဖျောက်တတ်သော ထိုစကားတော်ကို ကြားနာရခြင်းကြောင့် (ကြည်ညိုစိတ် ဖြစ်ခဲ့ပါ၏)။
၈၄၄။ ကြည်လင်၍ စင်ကြယ်သော စိတ်ရှိသော ဘာဝနာကံအားလျော်သော စိတ်ရှိသည်ကို သိတော်မူ၍ သတ္တ၀ါအားလုံး၏ အစီးအပွါးကို လိုလားတော်မူသော မြတ်စွာဘုရားသည် အကျွန်ုပ်အား သွန်သင်ဆုံးမတော်မူပါ၏။
၈၄၅။ ဤတရားသည် ဒုက္ခသစ္စာတည်း၊ ဤတရားသည် ဆင်းရဲဖြစ်ပေါ်ကြောင်း သမုဒယသစ္စာတည်း၊ ဤတရားသည် ဒုက္ခချုပ်ရာ နိရောဓသစ္စာတည်း၊ ဤမဂ္ဂင်ရှစ်ပါးတရားသည် နိဗ္ဗာန်သို့ ရောက်ကြောင်း မဂ္ဂသစ္စာတည်းဟု ဤသို့ အကျွန်ုပ်ကို ဟောကြားတော်မူပါ၏။
၈၄၆။ အကျွန်ုပ်သည် အစဉ်သနားခြင်း ရှိတော်မူ၍ သြ၀ါဒပေးခြင်း၌ လိမ်မာတော်မူသော မြတ်စွာဘုရား၏ အဆုံးအမတော်၌ တည်၍ သေခြင်းကင်းသော ငြိမ်သက်သော မဂ်ဉာဏ်ဖိုလ်ဉာဏ်၏ အကြောင်းဖြစ်သော ရွေ့လျားစုတေခြင်း မရှိသော နိဗ္ဗာန်ကို ရခဲ့ပါပြီ။
၈၄၇။ အကျွန်ုပ်သည် (ရတနာသုံးပါး၌) မဆုတ်မနစ် တည်သော ချစ်ခြင်း ရှိပါ၏၊ သစ္စာလေးပါးကို သိခြင်းဟု ဆိုအပ်သော အကြောင်းမူလကြောင့်ဖြစ်သော သဒ္ဓါတရားဖြင့် (ဘုရားသည် သမ္မာသမ္ဗုဒ္ဓဂုဏ်နှင့် ပြည့်စုံတော်မူ၏၊ သံဃာတော်သည် သုပ္ပဋိပန္နစသော ဂုဏ်နှင့် ပြည့်စုံ၏ - ဟု) သိမြင်မူ၌ တုန်လူပ်ခြင်း မရှိမူ၍ မြတ်စွာဘုရား၏ ရင်နှစ်သမီးစစ် ဖြစ်ပါ၏။
၈၄၈။ ထိုအကျွန်ုပ်သည် တစုံတရာမျှ ဘေးမရှိပဲ မွေ့လျော်ရပါ၏၊ ပျော်ပါးရပါ၏၊ ၀မ်းမြောက်ရပါ၏၊ နတ်၌ဖြစ်သော ပန်းကို ပန်ဆင်ရပါ၏ (ကိုယ်နှင့် အသံနှစ်ပါးကို) နူးညံ့အောင် ပြုတတ်သော ချိုမြိန်သော အဖျော်ကို သောက်ရပါ၏။
၈၄၉-၈၅၀။ အာဠမ္ဗတူရိယာ၊ ဂဂ္ဂတူရိယာ၊ ဘီမတူရိယာ၊ သာဓုဝါဒီတူရိယာ၊ သံသယတူရိယာ၊ ပေါက္ခရတူရိယာ၊ သုဖဿတူရိယာ ဟူသော ခြောက်သောင်းကုန်သော တူရိယာတို့သည် အကျွန်ုပ်၏ နှစ်သက်မူ ၀မ်းမြောက်မူကို နိုးကြားစေပါကုန်၏၊ ၀ီဏာမောက္ခနတ်သမီး၊ နန္ဒာနတ်သမီး၊ သုနန္ဒာနတ်သမီး၊ သောဏဒိန္နာနတ်သမီး၊ သုဘဒ္ဒါနတ်သမီး၊ မုဒုဝါဒီနတ်သမီး ဤဆိုခဲ့ပြီးသော နတ်သမီးတို့နှင့် နတ်သမီးတို့တွင် အထူးသဖြင့် ချီးမွမ်းအပ်ပါကုန်သော အခြားနတ်သမီးတို့သည်လည်း အကျွန်ုပ်၏ နှစ်သက်ဝမ်းမြောက်မူကို နိုးကြားစေပါကုန်၏၊ ထိုနတ်သမီးတို့သည် လျောက်ပတ်သော အခါ၌ အကျွန်ုပ်ထံသို့ ချဉ်းကပ်ကုန်၍ ယခုအခါ အကျွန်ုပ်တို့သည် ကခုန်ပါကုန်အံ့ သီချင်းဆိုပါကုန်အံ့ ယခု သင့်ကို မွေ့လျော်စေကုန်ပါအံ့ဟု ပြောဆိုကြပါကုန်၏၊ စိုးရိမ်ခြင်းမရှိသော နှစ်သက်ခြင်းကို ဖြစ်စေတတ်သော နှလုံးမွေ့လျော် ပျော်ဖွယ်ရာ ဖြစ်သော တာဝတိံသာနတ်သားတိုိ့၏ ဥယျာဉ်ကြီးဖြစ်အောင် ဤအရပ်ဌာနသည် ကောင်းမူ မပြုသောသူတို့အတွက် မဟုတ်၊ ကောင်းမူ ပြုပြီးသူတို့အတွက်သာလျှင် ဖြစ်၏၊ ကောင်းမူကို ပြုခြင်းမရှိသူတို့အား ဤဘ၀၌၎င်း တမလွန်ဘ၀၌၎င်း ချမ်းသာမူ မရှိနိုင်ပါ။
၈၅၅။ ကောင်းမူကို ပြုလေ့ရှိကုန်သော သူတို့အားသာလျှင် ဤဘ၀၌၎င်း၊ တမလွန်ဘ၀၌၎င်း ချမ်းသာခြင်း ရှိပါ၏၊ ထိုထိုတာဝတိံသာနတ်တို့၏ အပေါင်းအသင်းအဖြစ်ကို အလိုရှိကုန်သော သူတို့သည် ကုသိုလ်ကို များစွာပြုအပ်၏၊ ထိုစကားမှန်၏၊ ကောင်းမူကို အလိုရှိကုန်သော သူတို့သည် ကုသိုလ်ကို များစွာပြုအပ်၏၊ ထိုစကားမှန်၏၊ ကောင်းမူကို ပြုပြီးသူတို့သည် နတ်ပြည်၌ နတ်စည်းစိမ်နှင့် ပြည့်စုံကုန်သည်ဖြစ်၍ မွေ့လျော်ရကုန်၏။
၈၅၆။ မြတ်စွာဘုရားတို့သည် များစွာကုန်သော သတ္တ၀ါတို့၏ အကျိုးငှါ ပွင့်တော်မူကြကုန်သည်တကား၊ မြတ်စွာဘုရားတို့သည် လူတို့၏ မြတ်သော အလှူကိုခံခြင်းငှါ ထိုက်တော်မူကြကုန်၏၊ ကောင်းမူတည်းဟူသော မျိုးစေ့တို့၏ စိုက်ပျိုးရာ လယ်တောမြေကောင်းသဖွယ် ဖြစ်သော အရိယာသံဃာ၏ ဖြစ်ရာလည်း ဖြစ်ပေကုန်၏၊ ယင်း ပုဂ္ဂိုလ်၌ ပြုထိုက်သည်ကို ပြုကုန်သောကြောင့် ပေးလှူ ပူဇော်ကုန်သောသူတို့သည် နတ်ပြည်၌ မွေ့လျော်ရကုန်၏ (ဟုလျှောက်၏)။
လေးခုမြောက်သော မဉ္ဇိဋ္ဌက၀ဂ် ပြီး၏။
ဣတ္ထိဝိမာနပါဠိတော်မြန်မာပြန် ပြီး၏။
No comments:
Post a Comment