၉ - ပီတ၀ိမာန၀တ္ထု

၇၉၅-၆။ ရွှေဝါရောင်အ၀တ်ကို ၀တ်သော ရွှေဝါရောင် တံခွန်ရှိသော ရွှေဝါရောင် တန်ဆာတို့ဖြင့် တန်ဆာဆင်အပ်သော ရွှေဝါရောင်စန္ဒကူးဖြင့် လိမ်းကျံအပ်သော ကိုယ်ရှိသော ရွှေဝါရောင် ကြာပန်းကို ဆင်မြန်းသော ရွှေဝါရောင်ပြာဿဒ် ရွှေဝါရောင်အိပ်ရာ ရွှေဝါရာင်နေရာ ရွှေဝါရောင်ခွက် ရွှေဝါရောင်ထီး ရွှေဝါရောင် ရထား ရွှေဝါရောင်မြင်း ရွှေဝါရောင်သားမြီးယပ်ရှိသော နတ်သမီး -

၇၉၇။ သင်သည် ရှေးဘ၀က လူ့ပြည်၌ အဘယ်ကုသိုလ်ထူးကို ပြုခဲ့ဘူးသနည်း၊ နတ်သမီး ဤအကျိုးသည် အဘယ်ကုသိုလ်ထူး၏ အကျိုးနည်း၊ သင့်ကိုငါမေး၏၊ ဖြေကြားပါလော့ (ဟု သိကြားမင်းက မေး၏)။

၇၉၈-၉။ အရှင်သိကြားမင်း ခါးသည်ဖြစ်၍လူတို့ အလိုမရှိသော သပွတ်ခါးမည်သော နွယ်သည် ရှိပါ၏၊ အကျွန်ုပ်သည် မြတ်စွာဘုရား၏ သရီရဓာတ်တော်ကို ရည်မှတ်၍ အထူးကြည်လင်သော စိတ်ဖြင့် ထိုသပွတ်ခါးနွယ် ပန်းလေးပွင့်တို့ကို စေတီတော်ဆီသို့ ရှေးရှူဆောင်ယူခဲ့ပါ၏၊ အကျွန်ုပ်သည် ထို(ရန်သူ) နွားမ၌ သတိမထားမိသည် ဖြစ်၍ ထိုနွားအုပ် လာရာလမ်းကို မျှော်မကြည့်မိပါ။

၈၀၀။ ထိုနွားအုပ်မှ နွားသားငယ်ရှိသော နွားမသည် အကျွန်ုပ်ကို စေတီတော်သို့ မရောက်သေးမီ ဝှေ့သတ်ပါ၏၊ အကျွန်ုပ်သည် (စေတီတော်သို့ ကိုယ်တိုင်ရောက်၍ အလိုဆန္ဒအတိုင်း ပန်းကိုပူဇော်သဖြင့်) ထိုကောင်းမူကိုသာ ကောင်းစွာ ဆည်းပူးခဲ့ရပါမူ အကျွန်ုပ်အား ဤစည်းစိမ်ထက် သာလွန်၍ ဖြစ်ရာပါ၏။

၈၀၁။ နတ်တို့ထက် မြတ်တော်မူသော မဃအမည်ရှိသော နတ်တို့အရှင် သိကြားမင်း ထို (စေတီတော်ကို ပန်းတို့ဖြင့် ပူဇော်လို၍ သွားခြင်းတည်းဟူသော) ကောင်းမူကြောင့် လူ့ခန္ဓာကိုယ်ကို စွန့်၍ အရှင်သိကြားမင်း၏ အသင်းဝင် အပေါင်းအဖော်၏ အဖြစ်သို့ ရောက်လာရပါ၏ (ဟုဖြေကြား၏)။

၈၀၂။ နတ်တို့ထက် မြတ်တော်မူသော မဃအမည်ရှိသော တာဝတိံသာနတ်တို့အရှင် သိကြားမင်းသည် ဤစကားကို ကြားရသည်ရှိသော် တာဝတိံသာနတ်တို့ကိုရတနာသုံးပါးတို့၌ ကြည်ညိုစေလိုသော ကြောင့် မာတလိနတ်သားအား ဤစကားကို ပြောဆို၏။

၈၀၃။ မာတလိနတ်သား အံ့ဖွယ်ကောင်းသော ဆန်းကြယ်သော ဤကုသိုလ်ကံ၏အကျိုးကို ရှာစမ်းပါလော့၊ လှူဖွယ်ဝတ္ထု အနည်းငယ်မျှပင် ဖြစ်သော်လည်း ပြုအပ်သော ကောင်းမူသည်ကား များမြတ်သော အကျိုးရှိ၏။

၈၀၄။ ရှေးဘုရားတို့ကဲ့သို့ လာခြင်း ကောင်းတော်မူသော မြတ်စွာဘုရား၌ဖြစ်စေ ထိုမြတ်စွာဘုရား၏ တပည့်သား သံဃာတော်ဖြစ်စေ စိတ်ကြည်လင်သည်ရှိသော် ပေးလှူအပ်သော ဒါနမည်သည် နည်းသည်ဟူ၍ မရှိချေ။

၈၀၅။ မာတလိနတ်သား လာလှည့် ငါတို့သည်လည်း မြတ်စွာဘုရား၏ ဓာတ်တော်တို့ကို အတိုင်းထက်အလွန် ပူဇော်ကြပါကုန်စို့၊ ကောင်းမူတို့ကို ဆည်းပူးခြင်းသည် ချမ်းသာ၏။

၈၀၆။ သက်တော် ထင်ရှားရှိတော်မူသော မြတ်စွာဘုရား၌ဖြစ်စေ ပရိနိဗ္ဗာန်စံတော်မူသော မြတ်စွာဘုရား၌ဖြစ်စေ စိတ်ထားညီမျှသည်ရှိသော် ညီမျှသော အကျိုးကို ပေးနိုင်၏၊ စိတ်ကို ကောင်းစွာ ထားခြင်းတည်းဟူသော အကြောင်းကြောင့် သတ္တ၀ါတို့သည် ကောင်းသောလားရာ သုဂတိကို သွားကြရကုန်၏။

၈၀၇။ မြတ်စွာဘုရားတို့သည် များစွာကုန်သော သူတို့၏ အကျိုးငှါ စင်စစ် ပွင့်တော်မူကြကုန်၏၊ ယင်းမြတ်စွာဘုရား၌ ဒါယကာတို့သည် ပူဇော်သကာကိုပြုသောကြောင့် နတ်ပြည်သို့ သွားကြရကုန်၏ (ဟု သိကြားမင်းကပြောဆို၏)။

ကိုးခုမြောက်သော ပီတ၀ိမာန၀တ္ထု ပြီး၏။