၇ - ဥပေါသထာဝိမာန၀တ္ထု

၂၂၉။ နတ်သမီး သောက်ရှူးကြယ်သည် အရပ်မျက်နှာ အားလုံးတို့ကို ထွန်းလင်းစေဘိသကဲ့သို့ ထို့အတူ သင်သည် အလွန်နှစ်လိုဖွယ်သော အရောင်အဆင်းဖြင့် အရပ်မျက်နှာ အားလုံးတို့ကို ထွန်းလင်းစေလျက် တည်ဘိ၏။

၂၃၀-၁။ အဘယ်ကုသိုလ်ထူးကြောင့် သင့်အား ဤသို့သော အရောင်အဆင်း ဖြစ်သနည်း။ပ။ အဘယ်ကုသိုလ်ထူးကြောင့် သင်၏ အရောင်အဆင်းသည်လည်း အရပ်မျက်နှာ အားလုံးတို့၌ ထွန်းလင်း တောက်ပဘိသနည်း။

၂၃၂။ ထိုနတ်သမီးသည် အသျှင်မောဂ္ဂလ္လာန်က မေးအပ်သည်ဖြစ်၍ ၀မ်းမြောက်ဝမ်းသာ။ပ။ ဤ အကျိုး၏ အကြောင်းကံ ပြဿနာကို မေးသည်အားလျော်စွာ ဖြေကြားလျှောက်ထား၏။

၂၃၃။ သာကေတမြို့၌ ဥပေါသထာ အမည်ရှိသော ဥပါသိကာမဟူ၍ အကျွန်ုပ်ကို လူများသိကြပါကုန်၏၊ အကျွန်ုပ်သည် ယုံကြည်မူ (သဒ္ဒါ)၊ စောင့်ထိန်းမူ (သီလ)နှင့် ပြည့်စုံခဲ့ပါ၏၊ အခါခပ်သိမ်း ခွဲဝေပေးကမ်းမူ၌ မွေ့လျော်ခဲ့ပါ၏။

၂၃၄။ ဖြောင့်မတ်ခြင်းသို့ ရောက်ကုန်သော ရဟန်းတို့၌ အထူးသဖြင့် ကြည်လင်သောစိတ်ဖြင့် အ၀တ်အရုံကို၎င်း၊ ဆွမ်းကို၎င်း၊ ကျောင်းအိပ်ရာနေရာကို၎င်း၊ ဆီမီးတန်ဆောင်ကို၎င်း ပေးလှူခဲ့ပါ၏။

၂၃၅။ အကျွန်ုပ်သည် လဆန်းပက္ခ လဆုတ်ပက္ခ၏ တဆယ့်လေးရက်မြောက်သော နေ့၌၎င်း၊ တဆယ့်ငါးရက်မြောက်သော နေ့၌၎င်း၊ ရှစ်ရက်မြောက်သော နေ့၌၎င်း၊ ဥပုသ်နေ့တို့၏ အကြိုနေ့ အပိုနေ့၌၎င်း အင်္ဂါရှစ်ပါးရှိသော ဥပုသ်နှင့် ပြည့်စုံခဲ့ပါ၏။

၂၃၆။ ဥပုသ်ကို ကျင့်သုံးခဲ့ပါ၏၊ အခါခပ်သိမ်း သီလတို့ကို ကောင်းစွာ စောင့်ထိန်းခဲ့ပါ၏၊ (ကိုယ်နှင့်နူတ်ကို) စောင့်စည်းခဲ့ပါ၏၊ ခွဲဝေလှူဒါန်းခဲ့ပါ၏၊ (ထို ကုသိုလ်ကြောင့်) ဗိမာန်၌ အကျွန်ုပ် နေရပါ၏။

၂၃၇။ အကျွန်ုပ်သည် အသက်သတ်ခြင်းမှလည်း ရှောင်ကြဉ်ခဲ့ပါ၏၊ မမှန်စကား ပြောဆိုခြင်းမှ၎င်း၊ မပေးသည်ကို ခိုးယူခြင်းမှ၎င်း၊ လင်ကိုကျော်လွန်၍ ယောက်ျားတပါးနှင့် သွားလာ လွန်ကျူး၍ ကျင့်ခြင်းမှ၎င်း၊ သေရည်သေရက် သောက်ခြင်းမှ၎င်း ဝေးစွာ ရှောင်ကြဉ်ခဲ့ပါ၏။

၂၃၈။ အကျွန်ုပ်သည် သိက္ခာပုဒ်ငါးပါး၌ မွေ့လျော်ခဲ့ပါ၏၊ အရိယသစ္စာတို့၌ လိမ်မာခဲ့ပါ၏၊ စက္ခုငါးပါးရှိတော်မူ၍ အကျော်အစော အခြံအရံရှိတော်မူသော ဂေါတမမြတ်စွာဘုရား၏ တပည့် ဥပါသိကာမ ဖြစ်ခဲ့ပါ၏။

၂၃၉-၂၄၀။ ထိုကုသိုလ်ထူးကြောင့် အကျွန်ုပ်အား ဤသို့သော အရောင်းအဆင်း ဖြစ်ပါ၏။ပ။ အကျွန်ုပ်၏ အရောင်အဆင်းသည်လည်း အရပ်မျက်နှာ အားလုံးတို့၌ ထွန်းလင်းတောက်ပပါ၏။

၂၄၁။ နန္ဒ၀န်ဥယျာဉ် (သတင်း)ကို မပြတ်ကြားရခြင်းကြောင့် အကျွန်ုပ်အား ထိုနန္ဒ၀န်ဥယျာဉ်၌ ဖြစ်လိုဆန္ဒ ဖြစ်ခဲ့ပါ၏၊ အကျွန်ုပ်သည် နန္ဒ၀န်ဥယျာဉ်၌ စိတ်၏တောင့်တခြင်းကြောင့် ထိုနန္ဒ၀န်ဥယျာဉ်ရှိသော တာဝတိံသာနတ်ပြည်၌ ဖြစ်ရပါ၏။

၂၄၂။ သစ္စာလေးပါးကို သိတော်မူသော နေမင်း၏ အဆွေဖြစ်တော်မူသော မြတ်စွာဘုရား၏ (ရဟန်းတို့ ငါသည် အနည်းငးယ်သော ဘ၀ကိုမျှ တပ်မက်ခြင်းကိုလည်း မချီးမွမ်း စသော) စကားတော်ကို မလိုက်နာခဲ့မိပါ၊ ထိုအကျွန်ုပ်သည် ယုတ်သော ဘ၀၌ စိတ်၏ တောင့်တခြင်းကြောင့် နောက်မှ နောင်တရသူ ဖြစ်ရပါ၏ (ဟု လျှောက်၏)။

၂၄၃။ ဥပေါသထာမည်သော နတ်သမီး သင်သည် ဤဗိမာန်၌ အဘယ်မျှလောက် ကြာမြင့်စွာ နေရလိမ့်မည်နည်း၊ အသက်ကို အကယ်၍ သိပါမူ ငါမေးအပ်သော သင်သည် ငါ့အား ဖြေကြားလော့ (ဟု အသျှင်မောဂ္ဂလ္လာန် မေး၏)။

၂၄၄။ ရဟန်းမြတ် အကျွန်ုပ်သည် သုံးကုဋေခြောက်သောင်းတို့ပတ်လုံး ဤနတ်ပြည်၌တည်၍ ဤနတ်ပြည်မှ စုတေသည်ရှိသော် လူတို့၏ အသင်းဝင် အဖြစ်သို့ ရောက်ရလတ္တံ့ (ဟု လျှောက်၏)။

၂၄၅။ ဥပေါသထာမည်သော နတ်သမီး သင် မကြောက်ပါလင့်၊ ထူးသော သောတာပန်အဖြစ်သို့ ရောက်၏ဟု မြတ်စွာဘုရား ဟောကြားတော်မူ၏၊ သင်သည် ဒုဂ္ဂတိဘ၀ကို ပယ်ပြီဖြစ်၏ (ဟု မိန့်တော်မူ၏)။

ခုနှစ်ခုမြောက်သော ဥပေါသထာဝိမာန၀တ္ထု ပြီး၏။