၎- လတာဝိမာန၀တ္ထု

၃၁၆။ တင့်တယ်ထွန်းပသည်ဖြစ်၍ ပညာရှိသော လတာနတ်သမီးသည်၎င်း၊ သဇ္ဇာနတ်သမီးသည်၎င်း၊ ပ၀ရာနတ်သမီးသည်၎င်း၊ အစ္စိမတိနတ်သမီးသည်၎င်း၊ သုတာနတ်သမီးသည်၎င်း ဘုန်းကျက်သရေရှိသော မင်းမြတ်ဖြစ်သော ဝေဿ၀ဏ်နတ်မင်း၏ သမီးတော်တို့ပါတည်း၊ ဟုတ်မှန်တိုင်းသော ဂုဏ်တို့ဖြင့် တင့်တယ်ကြပါကုန်၏။

၃၁၇။ ဤဟိမ၀န္တာတော၌ အေးမြသော ရေရှိသော ကြာတောရှိသော ဘေးမရှိသော (အနောတတ္တအိုင်မှ စီးဆင်းသော) မြစ်သို့ နတ်သမီး ငါးယောက်တို့သည် ရေချိုးရန် လာရောက်ကြပါကုန်၏၊ ထိုနတ်သမီးတို့သည် ထိုမြစ်၌ ရေချိုးကြကုန်ပြီးလျှင် မွေ့လျော်ပျော်ပါးကြကာ ကကုန် သီချင်းဆိုကုန်ကြပြီးလတ်သော သုတာနတ်သမီးသည် လတာနတ်သမီးကို မေးမြန်းပြောဆို၏။

၃၁၈။ ကြာပန်းတို့ကို ပန်ဆင်ထားသော ဦးစိုက်ပန်းလည်းရှိသော ရွှေစင်ရောင်ကဲ့သို့ ပြောင်ပြောင်ထွန်းပသည့် ကိုယ်ရောင် အဆင်းလည်းရှိသော နီနီတွေးတွေး မျက်ရေးတို့နှင့် ပြည့်စုံသည့် မျက်စိလည်းရှိသော ထက်ကောင်းကင်ဘုံဗိမာန်ဝယ် တင့်တယ်သော ရှည်သော အသက်ရှိသော အစ်မကြီးလတာ သင့်ကို အကျွန်ုပ်မေးပါ၏။ အဘယ်သို့သော ကုသိုလ်ကံက သင့်အား ကျော်စောခြင်း အခြံအရံများခြင်းကို ပြုပါသနည်း။

၃၁၉။ ကောင်းမြတ်သော အစ်မကြီးလတာ အဘယ်ကုသိုလ်ထူးကြောင့် သင်သည်လင်၏အထူး ချစ်မြတ်နိုး ခံရသူ ဖြစ်ရပါသနည်း၊ အဆင်းအားဖြင့် အလွန်အကျူး အထူးကောင်းမြတ်ခြင်းရှိသူ ဖြစ်ပါသနည်း၊ ကခြင်း သီခြင်း တီးမူတ်ခြင်း၌ လိမ်မာသူဖြစ်သနည်း၊ နတ်သား နတ်သမီးတို့က (လတာ အဘယ်မှာနည်း စသည်ဖြင့်) အမေးအမြန်း ခံနေရနသော သင်သည် အကျွန်ုပ်တို့အား ဖြေကြားပါလော့ (ဟု သုတာနတ်သမီးက မေး၏)။

၃၂၀။ အကျွန်ုပ်သည် လူတို့ပြည်ဝယ် လူဖြစ်ခဲ့စဉ်အခါက များမြတ်သော စည်းစိမ်ရှိသော အမျိုး၌ ချွေးမ ဖြစ်ခဲ့ဘူးပါ၏၊ အမျက်မထွက်တတ်ပါ၊ လင်၏အလိုသို့ လိုက်ခဲ့ပါ၏၊ ဥပုသ်စောင့်သုံးခြင်း၌ မမေ့ မလျော့ခဲ့ပါ။

၃၂၁။ အကျွန်ုပ်သည် လူဖြစ်စဉ်အခါက ငယ်ရွယ်သူပင် ဖြစ်သော်လည်း ယုတ်မာမူ မရှိခဲ့ပါ၊ ကြည်လင်သော စိတ်ရှိသည် ဖြစ်၍ ခဲအို မတ် ယောက္ခမ (ယောက်ျားသူ) ကျွန်ယောက်ျား ကျွန်မိန်းမတို့နှင့် တကွသော လင်ကို နှစ်သက်စေခဲ့ပါ၏၊ ထိုချွေးမဖြစ်စဉ်အခါ၌ အကျွန်ုပ်သည် အကျော်အစော အခြံအရံ ပြည့်စုံကြောင်း ကောင်းမူကို ပြုခဲ့ပါ၏။

၃၂၂။ အကျွန်ုပ်သည် ထိုကုသိုလ်ကံကြောင့် အကြောင်းလေးပါးတို့ဖြင့် အခြားသော နတ်သမီးတို့ထက် ထူးကဲ သာလွန်သော အသက်ရှည်ခြင်းကို၎င်း၊ အဆင်းလှခြင်းကို၎င်း၊ ချမ်းသာကြီးခြင်းကို၎င်း၊ ခွန်အားကြီးခြင်းကို၎င်း၊ ရပါ၏၊ အတိုင်းမသိသော ပျော်မြူးမွေ့လျော်ခြင်းကိုလည်း ခံစားရပါ၏၊ (ဟု လတာနတ်သမီးက ပြော၏)။

၃၂၃။ ဤ အစ်မကြီးလတာ ပြောဆိုသော စကားကို သင်တို့ ကြားကြပြီ မဟုတ်ပါလော၊ အကျွန်ုပ်တို့သည် အကြင်စကားကို မေးကုန်၏၊ ထိုစကားကို အကျွန်ုပ်တို့အား ဖြေကြား၏၊ လင်တို့မည်သည်ကား မိန်းမဖြစ်ကုန်သော အကျွန်ုပ်တို့၏ ထူးကဲသော ကိုးကွယ်ရာလည်း ဖြစ်ကြပါကုန်၏၊ ထိုအကျွန်ုပ်တို့၏ မြတ်သော နတ်လည်း ဖြစ်ကြပါကုန်၏။

၃၂၄။ အကြင်လင်တို့၌ (ကျင့်ရာသောဝတ်နှင့် ပြည့်စုံအောင် ကျင့်သည်ရှိသော်) မိန်းမတို့သည် လင်ကို ရိုသေသူမိန်းမ (ပတိဗ္ဗတာ) မည်ကုန်၏၊ အကျွန်ုပ်တို့အားလုံးသည် လင်တို့၌ ကျင့်အပ်သော တရားကို ကျင့်ကြပါကုန်စို့၊ အကျွန်ုပ်တို့အားလုံးသည်လင်တို့၌ ကျင့်အပ်သော တရားကို ကျင့်ခြင်းကြောင့် ဤအစ်မကြီး လတာပြောဆိုသော စည်းစိမ်မျိုးကို ရကြပါကုန်လတ္တံ့။

၃၂၅။ တောင်စဉ် တောအုပ်၌ ကျက်စားလေ့ရှိသော အသားစားခြင်္သေ့သည် မဟိန္ဓရမည်သောတောင်၌ နေလျက် အခြေလေးချောင်းရှိကုန်ငယ်ကုန်သော သားကောင်းတို့ကို နှိမ်နင်းသတ်ဖြတ်၍ စားသကဲ့သို့ -

၃၂၆။ ထို့အတူသာလျှင် ဤလောက၌ ယုံကြည်မူ (သဒ္ဒါ) ရှိသော အရိယာတပည်မသည် လင်ကို အမှီပြု၍ လင်အားလျော်သော အကျင့်ရှိသည်ဖြစ်လျက် အမျက်ဒေါသကို ပယ်စွန့်ကာ ၀န်တိုမူ (မစ္ဆရိယ) ကို နှိမ်နှင်းပြီးလျှင် တရားကို ကျင့်လေ့ရှိ၏၊ ထိုမိန်းမသည် နတ်ပြည်၌ မွေ့လျော်ရ၏။

လေးခုမြောက်သော လတာဝိမာန၀တ္ထု ပြီး၏။