ကျေးဇူးရှင် ဝေဘူဆရာတော်ဘုရားကြီး ညွှန်ပြတော်မူလေ့ရှိသော သန္ဒိဋ္ဌိက ဓမ္မလမ်းစဉ်

၁။ ဘုရားအဆုံးအမဖြစ်တဲ့ ပိဋကတ်သုံးပုံ အကုန်လုံးဟာ “ဆင်းရဲမှလွတ်မူတစ်ခု” ဖြစ်လို့ နည်းတွေများသော်လည်း အားလုံးအတူတူပဲ၊ အကုန်လုံးလိုက်ပြီး လုပ်စရာမလိုဘူး၊ အများကြီးထဲက ကြိုက်ရာတ်စခုကို ၀ီရိယမှန်မှန်နဲ့ သန်သန်လုပ်ဖို့ အရေးကြီးတယ်။

၂။ စရဏ(အကျင့်)နဲ့ ၀ိဇ္ဇာ(အသိ) တပြိုင်နက်ဖြစ်အောင် လုပ်ရတယ်၊ တစ်ချိန်တည်းမှာ အလုပ်နှစ်ခုပြီးတာ ဒါပဲရှိတယ်။ (အလုပ်လုပ်ရင်း ရအောင်ရူပါ)။

၃။ ဘုရားစကား၊ ဆရာ့စကား၊ တစ်ထစ်ချနာယူ၊ အရာရာရိုသေ၊ ကိုယ်ကိုနှိမ့်ချ၊ ခန္တီနဲ့မေတ္တာ များများထားပြီး လုပ်ရတယ်။

၎။ “၀ိပဿနာတရား” ဆိုတာ ထင်ရှားတဲ့တရားကိုမြင်အောင် ရူမှတ်ခြင်းပင်ဖြစ်တယ်၊ ထင်ရှားရှိတဲ့ တရားကို မြင်အောင် မရူနိုင်ရင် ၀ိပဿနာမဖြစ်ဘူး။

၅။ ထင်ရှားရှိတဲ့တရားဆိုတာ တခြားမှာသွားပြီး ရှာရတာမျိုးမဟုတ်၊ ရှောင်မရ၊ တိမ်းမရ မမြင်ချင်လို့ မနေရအောင် ကိုယ်မှာ အမြဲထင်ရှားရှိနေတဲ့ ရုပ်နာမ်တရားတွေပဲ ဖြစ်တယ်။

၆။ ကိုယ်မှာအမြဲထင်ရှားရှိတဲ့ ရုပ်နာမ်တရားတွေထဲမှာ လူတိုင်းနားလည် လွယ်ကူတာဟာ “အာနာပါန” ၀င်လေထွက်လေ ရူမှတ်မူဖြစ်တယ်။

၇။ “ထွက်လေ ၀င်လေ”ဆိုတာ အမိဝမ်းမှ မွေးကတည်းက သေသည်အထိ အမြဲမပြတ် တရစပ်ရှိနေတဲ့ တရားသဘောဖြစ်တယ်၊ အလုပ်လုပ်နေရင်း၊ စကားပြောနေရင်း၊ စာကျက်နေရင်း၊ အိပ်ပျော်နေရင်းလဲ ရှိနေတာပဲ။

၈။ ထွက်လေ ၀င်လေဟာ အမြဲမပြတ်ရှိနေသော်လည်း အမှတ်တမဲ့နေကြလို့ “သတိမမူ ဂူမမြင်” ဖြစ်နေကြတယ်၊ “သတိမူရင် မြူကိုတောင်မြင်ရတယ်” ဆိုတာလို ဂရုစိုက်ပြီး ကြည့်ရူနေမှ ရှိမှန်းသိကြတယ်။

၉။ “ကြည့်” ဆိုရာမှာ ၀ိပဿနာဖြစ်ဖို့ရာအတွက် ထွက်လေ ၀င်လေ ထိရာ နှာဖျားနှာဝမှာ ၀င်တိုင်းထွက်တိုင်း ရိပ်ရိပ် ရိပ်ရိပ်နဲ့ တထိထဲ ထိနေတာကို တသိထဲသိနေအောင်၊ တရစပ် သိမြင်အောင် ကြည့်ရူနေရမယ်၊ အိမ်အမိုးကို စပ်အောင် ထူထူမိုးမှ နေပူဒဏ်၊ မိုးရွာဒဏ်ကို ခံနိုင်တယ်။ (၂၄ နာရီ အမြဲမပြတ် တစပ်တည်း ရပါစေ)

၁၀။ တစ်ရက် ၂၄ နာရီ တစပ်တည်းရလျှင် အလွန်သိသာပါတယ်၊ (နိသဇ် = လျောင်းစက်၍ မအိပ်သော၊ ဓုတင် = အကျင့်ကိုဆောင်) ဘုရားဆုံးမတာမှန်သမျှ ဆင်းရဲအောင် မဆုံးမဘူး၊ ချမ်းသာဖို့ချည်းပဲ၊ ဘုရားလက်ထက်က နိသဇ်ဆောင်တဲ့ ပုဂ္ဂိုလ်များ ပိုပြီးတော့တောင် အသက်ရှည်ကြ၊ ကျန်းမာကြတယ်၊ အိပ်ချင်လို့ အိပ်ရင် တစ်သံသရာလုံး နိုးတော့မှာ မဟုတ်ဘူး၊ အိပ်ချင်ရင် မအိပ်ချင်တဲ့ နေရာရှိတယ်၊ အဲဒီကိုရောက်အောင်သွား။

၁၁။ ထိတာကို သိနေရင် သိက္ခာသုံးပါး၊ မဂ္ဂင်ရှစ်ပါးမှအစ ဗောဓိပက္ခိယတရား ၃၇-ပါး၊ ပိဋကတ်သုံးပုံ အလုံးစုံတစ်ပြိုင်နက် ပါဝင်ပြီး ဖြစ်တယ်။

၁၂။ ထိတာဟာ ရုပ်သဘောဖြစ်တယ်၊ သိတာဟာ နာမ်သဘောဖြစ်တယ်။

၁၃။ တရိပ်ရိပ်နဲ့ထိတိုင်း၊ ပျောက်တိုင်း(ရုပ်နာမ်) ဖြစ်မူပျက်မူတွေ ဖြစ်ပျက်ပြီးနေခြင်း ဖြစ်တယ်။

၁၄။ တရိပ်ရိပ်နဲ့ နှာဖျားဝမှာ ထိလိုက်၊ ပျောက်လိုက် နေတာတွေကိုသာ တစ်ဆက်တည်း သိအောင်မြင်အောင် ကြည့်ရူနေရင် ကြာရင် ၀ိပဿနာ သမာဓိ တစ်စထက် တစ်စ၊ တစ်ခဏထက် တစ်ခဏ တိုးတက်ပြီး အားကြီးလာတဲ့အခါ နှာဖျား၊ နှာဝတွင်သာမက၊ ခန္ဓာကိုယ်မှာလည်း အလိုလို တရိပ်ရိပ်၊ တရွရွ ဖြစ်ပျက်နေတာကို တွေ့ရမယ်။

၁၅။ တစ်ကိုယ်လုံး တရိပ်ရိပ်၊ တရွရွ အမြဲမပြတ် ဖြစ်ပျက်နေတာကို တွေ့လာရတဲ့အခါ (အနိစ္စကို ကောင်းစွာ မြင်သောကြောင့်) ဒုက္ခနဲ့ အနတ္တဟာ အလိုလို ထင်မြင်လာလိမ့်မယ်၊ ပါးစပ်ကဆိုနေဖို့ မလိုဘူး၊ ၀ိပဿနာအလုပ်ဟာ ထိမူကို ကြည့်ရူသိနေရုံသာ ဖြစ်တယ်၊ ကြည့်ရူနေရင် ရူမှတ်နေရင်း သိထိုက်သမျှကို အလိုလို တစ်နေကထက်တစ်နေ့ တိုးပြီး တိုးပြီး သိလာလိမ့်မယ်။

၁၆။ အဲဒီလို တရိပ်ရိပ်နဲ့ ထိမူ၊ သိမူတို့ကို ကြည့်ရူနေရင်း မဂ်ဉာဏ်၊ ဖိုလ်ဉာဏ်ဆိုက်လာပြီဆိုရင် အလွန်သိသာလှပါတယ်။ ဘယ်လိုသိသာသလဲဆိုတော့ “ရေငတ်၍နေသော သူသည် ရေကိုသောက်ရသည်ရှိသော် ရေငတ်ပြေသကဲ့သို့” ဖြစ်သွားတော့တယ်။ သူများမေးစရာမလို ကိုယ်တိုင်သိမယ် (သိန္ဒိဋ္ဌိကော)။
(သိန္ဒိဋ္ဌိကော = ချမ်းသာအစစ်ကို ကိုယ်တိုင်လက်ငင်းတွေ့နေရတယ်)

၁၇။ မဂ်ဉာဏ်၊ ဖိုလ်ဉာဏ်ကိုရပြီး ရောက်ပြီးလို့ ဖလသမာပတ်ကို ၀င်စားချင်ရင် မိမိလာခဲ့ဖူးတဲ့ ၀ိပဿနာလမ်းကို ပြန်ကြည့်ရတယ်၊ ဖလသမာပတ်ဟာ ကိုယ်ပိုင်အိမ်နဲ့ တူတယ်။

၁၈။ ယုံယုံကြည်ကြည် လုံ့လ၀ီရိယရှိရှိနဲ့ ထိမူ၊ သိမူတို့ကိုသာ တစ်ဆက်တည်းဖြစ်အောင် ကြည့်ရူနေ၊ ထွေလီကာလီတွေကို လိုက်မလုပ်နဲ့၊ အခုလုပ်၊ အခုမီးငြိမ်း၊ အခုချက်ချင်းပဲ ချမ်းသာတယ်။ (အကာလိကော)။
(အကာလိကော = ကာလမခြားအကျိုးရှိတယ်)

သတိမမူ ဂူမမြင်
သမ္မာ သတိ သတိ မမူ၊
ခဲခဲ ခက်ခက် ဉာဏ်နက် မကူ၊
ခန္ဓာ ခေါ်ထား ကြီးမား ပြူပြူ၊
ရုပ်ပေါင်း နာမ်ပေါင်း ကိန်းအောင်းငူငူ၊
မမြင်အား ထင်ရှား ထိုသည့် ဂူ။

သတိမူက မြူမြင်ရ
သမ္မာ သတိ စောင့်သိမူလျှင်၊
ရုပ် နာမ် ဖြစ်ပျက် ဉာဏ်ထက်ကြည်လင်၊
ခန္ဓာ မူံမွှား စုံပြား ကွယ်ဝင်၊
ပရမာစု မြူနုကိုပင်၊
ထင်ထင်ရှား ပိုင်းခြား ရူသိမြင်။

နူတ်ခွန်းဆက်စကား

ဖော်ပြခဲ့ပြီးသော တရားရူမှတ်နည်း အဆင့်ဆင့်တွင် အခြေခံ တရားရူမှတ်ခြင်းဖြင့် တရားရူမှတ်ခြင်း ပထမဆင့်တွင်သာ မိနစ် ခွဲခြား ပိုင်းခြား၍ မထည့်သွင်းခဲ့ပါ။

ဦးစွာသော အဆင့်များတွင်သာ အချိန်ပိုင်းခြားမူနှင့် အချိန်၏ တန်ဖိုးကို သိမြင်၍ တရားရူမှတ်ခြင်းအလုပ်ကို စတင်ပြုလုပ်စေရန် နိူးဆော်မူပြုရခြင်း ဖြစ်ပါသည်။

ထိုအဆင့်များကို စိတ်ဝင်စားစွာ ပြုလုပ်လေ့ကျင့်မူပြီးစီးသွားလျှင် အဆင့်မြင့်တရားရူမှတ်ခြင်း အဆင့်ဆင့်တွင် အချိန်ပိုင်းခြားရန် မလိုပါ၊ မိမိတို့ကိုယ်တိုင် ချင့်တွက် သိရှိနိုင်ကြပြီ ဖြစ်ပါသည်။ ဘာဝနာကျင့်စဉ်တရား အလုပ်ကိုလည်း စွဲမြဲသွားပြီဖြစ်ပါသည်။

ထို့ကြောင့် ဤညွှန်ပြချက်များကို တစ်ဆင့်စီ တစ်ဆင့်စီ သဘောပေါက်နားလည်အောင်ဖတ်ရူ၍ (ကိုယ်တွေ့ဉာဏ်မြင်)အောင် ကြိုးစားအားထုတ် ကျင့်ဆောင်ကြရပါမည်။

ဤညွှန်ပြချက်တို့၌ ရူခိုက်မြင်ခိုက်အချိန်ကာလတွင် တည်ရှိနေ အံ့သော ကိုယ်၊ နူတ်၊ စိတ်တို့၏ စင်ကြယ်နေမူ အပြစ်ကင်းနေမူ တို့ကိုယူ၍ အခြေခံသီလ(စိတ်၏ကျင့်စဉ်) အပြစ်ကင်းနေမူ တို့ကိုယူ၍ အခြေခံသီလ(စိတ်၏ကျင့်စဉ်)များ စောင့်ထိန်းခြင်းတို့ကို ထည့်သွင်းဖော်ပြမူ မပြုခဲ့ပါ။

တရားရူမှတ်ခြင်းအပေါ်တွင် စိတ်ဝင်စား ယုံကြည်လေးစားခြင်း၊ ဖြောင့်မှန်သော စိတ်နှလုံးထားရှိခြင်း၊ တရားရူမှတ်နိုက်လောက်သော ကိုယ်၊ စိတ်၊ ကျန်းမာမူရှိခြင်းတို့က ဤတရားရူမှတ်မူ ကျင့်စဉ်နှင့် ဉာဏ်အမြင်ရရှိမူကို အထောက်အကူပြုပါလိမ့်မည်။

ဤညွှန်ပြချက်တွင် ပကတိရှိနေသော မိမိတို့၏ အတွင်းခန္ဓာနှင့် ပြင်ပမှ ထိတွေ့ခံစားရအံ့သော အာရုံတို့ကိုသာ ရူမှတ်ရန် ညွှန်ပြခဲ့ပါသည်။ မိမိ၏ စိတ်တည်ကြည်မူအလျောက် မနောအာရုံတွင် ပေါ်ထင်လာတတ်သော ပုံရိပ်၊ ပုံဟန်၊ အရောင်၊ အလင်း၊ သဏ္ဌာန် အဆင်းအမျိုးမျိုးတို့ကို ရူမှတ်ရန် မဖော်ပြခဲ့ပါ။ ထိုထိုအာရုံနိမိတ်တို့သည် စိတ်၏တည်ကြည်မူ အတိတ်စွဲလမ်းမူအလျောက် ခေတ္တခဏမျှ ပေါ်ပေါက်လာတတ်သော ပုံရိပ်များသာ ဖြစ်ကြပါသည်။ ကြာရှည်တည်တံ့ စွဲမြနေသော ပကတိအရူခံများ မဟုတ်ကြပါ၊ ထိုအရာများကို အာရုံယူ၍ နှလုံးသွင်းရန်မဟုတ်ဘဲ ဖြစ်ပျက်ဟုသာ ရူမှတ်ရပါမည်။

အကယ်တန္တု မိမိ၏စိတ်တည်ကြည်မူ ကြီးမားခြင်းအလျောက် ထိုအရာများသည် စိုးစိုးမိုးမိုး ပေါ်လွင်ထင်ရှား နေပါက (မမြဲ) (ဖြစ်-ပျက်) ဉာဏ်ဖြင့် နှလုံးသွင်းစိုက် ကြည့်ရူမှတ်ပါလျှင် ဖြုန်းဖြုန်း ရုန်းရုန်း ပြိုပျက်နေကြသည်ကို စူးစိုက်မူအလျောက် ရူမြင်နိုင်ကြပါလိမ့်မည်။

ဤညွှန်ပြချက်သည် ထင်ရှားသော အတွင်းရုပ်-ရုပ်ဓာတ် သဘာဝ အမူအရာ လက္ခဏာကို စတင်ရူမှတ်၍ ခန္ဓာကိုယ်တစ်ခုလုံးကို ခြုံငုံသုံးသပ်သော နည်းကျင့်စဉ်ဖြစ်ရာ စိတ်တရား၏ သဘော သဘာဝများကိုထင်ရှား မြင်သာအောင် ဖော်ပြခဲ့ခြင်းမရှိပါ။

ဤရုပ်သဘာဝကို ပိုင်နိုင်စွာ ရူမှတ်နိုင်လျှင် စိတ်သဘာဝကိုလည်း ကိုယ်တိုင်ကိုယ်ကျ သဘောပေါက် ရူမှတ်လာနိုင်ကြပါလိမ့်မည်။

အကယ်စင်စစ် ဤညွှန်ပြချက်သည် ဆင်းရဲမူ လွန်ကင်းရန် ချမ်းသာကြောင်းအကျင့်၏ အကျိုးမျှသာ ဖြစ်ပါသည်။

ဤရူမှတ်မူ အဆင့်ဆင့်တို့ကို စိတ်ဝင်စား စူးစိုက်လျက် လေ့ကျင့်မူပြီးစီးအောင်မြင်ခဲ့ပါလျှင် ချမ်းသာမူအကျင့်မှန်ကို သဘောပေါက် သိမြင်လာနိုင်ပါလိမ့်မည်။

မိမိတို့၏ တစ်နေ့တာ အချိန်ကာလများမှ (ငါးမိနစ်)မျှသော အချိန်ကို လက်တွေ့အသုံးချ၍ ဤကျင့်စဉ်ကို ကျင့်ဆောင်ခြင်းဖြင့် ဆင်းရဲမူအားလုံးကုန်ဆုံးရာ ချမ်းသာမူ ပကတိ ပြည့်ဝသော အသိဉာဏ်ပညာကို အဖိုးအနဂ္ဃထိုက်တန်မွန်မြတ်လှစွာ ရရှိခံစားနိုင်ကြပါလိမ့်မည်။

ဤညွှန်ပြချက်တို့ကို ကျင့်ဆောင်ပြီး၍ အသေးစိတ် ပိုမိုရှင်းလင်းစွာ သိရှိလေ့လာလိုပါက ထေရ၀ါဒ ပိဋကတ်တော်လာ (ကမ္မဋ္ဌာန်း ဘာဝနာကျင့်စဉ်) များကို ဆက်လက်လေ့လာ၍ ရူမြင်ပွားများ အားထုတ်နိုင်ကြပါသည်။

ထိုထိုကျင့်စဉ်တို့၏ အခြေခံသဘောသဘာဝတို့ကို မိမိတို့ကိုယ်တိုင် (ကိုယ်တွေ့၊ စိတ်တွေ့၊ ခန္ဓာတွေ့) အားဖြင့် သဘောပေါက် ဉာဏ်မြင် နားလည်ပြီးဖြစ်နေကြောင်း ၀မ်းမြောက်ဖွယ်ရာ သိရှိလာကြမည် ဖြစ်ပါသည်။

အကျင့်မှန်ဖြင့် အသိမှန် အမြင်မှန် ရကြပါစေ။ ဆင်းရဲမူအပေါင်းမှ လွန်မြောက်သော ချမ်းသာမူ ပကတိ အသိဉာဏ်ကို မျက်မှောက်ဘ၀မှာပင် တပ်အပ်သေချာ ရရှိခံစားနိုင်ကြပါစေ။

နူတ်ဆက်လင်္ကာ
နူတ်ဆက်စကား ပြောကြားရလျှင်,
ရုပ်နာမ်ရူကွက် ဖြစ်ပျက်ထင်ထင်၊
တွင်းပနှစ်မျိုး ပိုင်စိုးသိမြင်,
ခန္ဓာဆိုမြဲ ဆင်းရဲမူပင်၊
လွတ်မြောက်ရေး မျှော်တွေး ကျင့်စေချင်။

ကျမ်းကိုး။ ။စက္ကန့် သုံးရာ ဘာဝနာ စာအုပ်မှ ကိုးကား ရေးသား ဖော်ပြထားပါသည်။

အဆင့်မြင့်တရားရူမှတ်ခြင်း (တတိယဆင့်)

မိမိ၏ ခန္ဓာကိုယ်တွင်းရှိ သဘာဝဖြစ်မူပျက်မူ လက္ခဏာများကို သိမြင်မှတ်ရူနိုင်လျှင် မိမိခန္ဓာကိုယ်မှ အပဖြစ်သောအရာများ (အဆင်း၊ အသံ၊ အနံ့၊ အရသာ၊ အတွေ့) အာရုံများကို သိမြင်ရူမှတ်နိုင်အောင် တစ်ဆင့်ကျင့်ဆောင်ရပါသည်။

အတွင်းအာရုံကို ဖြစ်-ပျက် လက္ခဏာတင်၍ ရူမှတ်သကဲ့သို့ အပြင်အာရုံများကိုလည်း ရူမှတ်တတ်ရန် လိုပါသည်။

ဤရူမှတ်ခြင်းတွင် (အဆင်း၊ အသံ၊ အနံ့၊ အရသာ၊ အတွေ့) ဟူသော အာရုံငါးခုမှ မိမိနှင့် အတွေ့အထိများ ထင်ရှားသော အာရုံတစ်ခုကို ရူကွက်အဖြစ် ဦးစွာထားရပါမည်။

အိပ်ပျော်နေသော ကာလမှလွဲလျှင်(အသံဓာတ်)သည် မိမိတို့ အထံသို့ အစဉ်အမြဲ တွေ့ထိတိုးခတ်၍ ပြင်ပအာရုံအဖြစ် ထင်ရှားပေါ်လွင်သော အရာတစ်ခုဖြစ်ပါသည်။ မျက်စိကို ပိတ်ထားသော်မှ အသံကိုကား ကြားနေရတတ်ပါသည်။

ထိုအသံဓာတ်ကို ရူကွက်အဖြစ် ထားပါလျှင် မျက်စိကို ပိတ်၍ အမြင်အာရုံကို ခေတ္တဖျောက်ထားရပါမည်။ အသံကို ရူမှတ်မူ ရှင်းလင်းစေရန် ဖြစ်ပါသည်၊ ထိုအခါ အကြားအာရုံဖြစ်သော (အသံဓာတ်) တစ်ခုတည်းကို အာရုံပြုမိလာပါလိမ့်မည်။ မိမိ၏ ပြင်ပမှ အသံပေါင်းစုံလင်စွာ ကြားနေကြရပါသည်၊ လူသံ၊ ငှက်သံ၊ ခွေးသံ၊ ကားသံ၊ နာရီသံ၊ ပိုးမွှား ပုရစ်မည်သံ စသည်ဖြင့် အသံမျိုးစုံစွာ ကြားရတတ်ပါသည်။ ဤ အသံများထဲမှ ထင်ရှားသော အသံတစ်ခုကို ဦးစွာ အမှတ်ထားလိုက်ပါ၊ အသံတစ်ခုတည်းကို စူးစိုက်မိလျှင် ကျန်သောအသံများကို မှတ်သိမူ မူန်ဝါးသွားပါလိမ့်မည်။ အသံချဲ့စက်၊ ကက်ဆက်တို့မှမြည်သော သီချင်း၊ ဂီတ၊ တီးလုံးသံ တို့ကိုလည်း ထင်ရှားပေါ်လွင်လာပါက မှတ်ရူနိူင်ပါသည်။

မိမိမှတ်ယူသည့်အသံကို အစဉ်တစိုက်လိုက်၍ (ဖြစ်-ပျက်) ရူဉာဏ် ကပ်လိုက်ပါ။

(ဤအချိန်၌ ၀င်လေ ထွက်လေကိုသော်လည်းကောင်း၊ မိမိ၏ခန္ဓာကိုယ်တွင်းဓာတ် အမူအရာများကိုသော် လည်းကောင်း လုံးဝမှတ်ရူရန် မလိုပါ။)

“အသံကိုသာ တအာရုံတည်း ရူမှတ်နိုင်ရန်ဖြစ်၏”

မိမိ၏ စူးစိုက်မူ ရူဉာဏ်နှင့် စိတ်၏တည်ကြည်မူ အားလျော်စွာ ထိုအသံသည် တစ်ခုပြီးတစ်ခု ဆင့်၍ဆင့်၍ နားထဲသို့ တိုးထိလာသည်ကို သိမြင်လာရမည်။ အသံတစ်ခုနှင့်တစ်ခုအကြားတွင် ပြတ်၍ပြတ်၍ နေသည်ကို တွေ့မြင်လာရသည်။ အစဉ်အတန်းအားဖြင့် ရှည်လျှားနေသောအသံကို ပိုင်းလျက် ပိုင်းလျက် ရူမှတ်ပေးရပါမည်၊ အသံတန်းကြီးကို ဖြတ်၍ဖြတ်၍ ရူမှတ်ပေးရမည်။

ကက်ဆက်၊ အသံချဲ့စက်မှဖွင့်လာသော သီချင်း၊ ဂီတ၊ တီးလုံးသံများသည် ခုန်၍ ကြွ၍ တစ်ခုစီ၊ တစ်ခုစီ ပြိုလျက် ပျက်လျက်နေကြသည်ကို မြင်တွေ့လာရပါသည်။

စက္ကန့်စီ စက္ကန့်စီတွင် အသံကလေးများ တစ်ခုနှင့် တစ်ခုဆက်လျက် ပေါ်ကာ ပျောက်ကာ ဖြစ်ကာ ပျက်ကာ နေကြသည်ကို မှတ်ရူမူနှင့်အမျှ တွေ့လာရလိမ့်မည်။

ဤသို့ဖြင့် အသံဟူသည်လည်း အတည်, အတံ့မရှိ၊ အဓိပ္ပာယ်အနှစ်သာရ ဆိုလိုချက်သဘောများ မရှိ၊ ဖြစ်ပျက်သဘောမျှသာ ဖြစ်သည်ကို တွေ့သိ ရူမြင်လာကြရပေလိမ့်မည်။

အဆင်း၊ အနံ့၊ အရာသာ၊ အတွေ့အထိတို့ကိုလည်း တစ်ခုစီ တစ်ခုစီ အာရုံထား၍ အသေအချာ စူးစိုက်ကာ (ဖြစ်ပျက်) ရူဉာဏ်ကပ်လိုက်ပါက ထိုအရာများသည်လည်း ဖြစ်ပေါ်ပြိုကွဲလျက် မမြဲသောသဘောမျှသာ ဖြစ်ကြောင်း တွေ့သိရူမှတ်လာနိုင်ပေလိမ့်မည်။

အဆင်းရုပ်တစ်ခုကိုကြည့်လျှင် ပကတိအားဖြင့် သာမန် မြင်တွေ့နေရသော ရုပ်ဒြပ်၊ ၀တ္ထု၊ ပစ္စည်း၊ သတ္တ၀ါလူများသည် လူပ်လူပ်ရွရွ ဖြုတ်ဖြုတ်မွ၍ ပွပွကြွကြွ ပြိုလျက် ပျက်လျက်သည်လည်းကောင်း၊ ငွေ့ငွေ့ရွေ့ရွေ့၊ စေ့စေ့ဝှေ့ဝှေ့မျှသာ လူပ်ရှားပြောင်းလဲနေကြသည်ကိုလည်း တွေ့မြင် ရူသိလာနိုင်ရပေမည်။

အနံ့ရုပ်ကို ရူမှတ်ရာတွင် အထူးသတိထားရန် လိုပါလိမ့်မည်၊ ပုပ်၊ ညှီ၊ နံ၊ ဟောင်း၊ မွှေး၊ သင်း၊ ကြိုင်၊ လိူင်၊ ကြူ စသည်ဖြင့် အနံ့ရုပ်၏ သဘာဝများ ကွဲပြား များပြားလာသော်လည်း ရူမှတ်ရမူမှာ သိမ်မွေ့ကွယ်ပျောက် နေတတ်သောကြောင့် အထူးဂရုစိုက်၍ မှတ်ယူရပါမည်။ အနံ့ရုပ်ကလေး၏ သဘာဝ (ဖြစ်-ပျက်) လက္ခဏာကို မြင်အောင် တွေ့အောင် အထူးဂရုစိုက်ရန် လိုပါသည်။

အရသာကို ရူမှတ်ရာတွင် စားသောက်နေသော အခိုက်တွင်သာ ပေါ်လွင်သောအရသာကို ရူမှတ်၍ ရနိုင်ပါလိမ့်မည်။ အလွန်နူးညံ့သိမ်မွေ့သော လျှာပေါ်မှ သရုပ်ရသ ဓာတ်ကလေးကို ရူမှတ်နိုင်အောင် အထူးသတိထားရပါလိမ့်မည်။ ချို၊ ချဉ်၊ ငန်၊ ဖန်၊ ခါး၊ သက်၊ အီ၊ ဆိမ့် စသည်ဖြင့် ကွဲပြားသောရသဓာတ်တို့၏ လျှာပေါ်တွင် ဖြစ်ပေါ်ချုပ်ပျက်သော အမူအရာကို ဖမ်းယူရူမြင်နိုင်ရန် အထူးဂရုပြုရပါလိမ့်မည်။

စူးစိုက်မူအားလျော်စွာ ပေါ်လွင်ထင်ရှားသိရှိ ရူမှတ်နိုင်သော အရာများဖြစ်ကြပါသည်။

အတွေ့ရုပ်ကို ရူမှတ်ရာ၌ ပြင်ပမှ တိုးဝင်သောလေ၏ အတိုးအထိမှအစ မိမိခန္ဓာကိုယ်ပေါ်တွင် ၀တ်ဆင်ထားသော အ၀တ်တို့၏ တိုးထိနေမူ သဘောကလေးများပါမကျန် ရူမှတ်နိုင်ကြပါသည်။ လူလူချင်း ထိတွေ့ပူးကပ်မူမှ ခံစားသိမှတ်ရသော ပူမူ၊ အေးမူ၊ နွေးမူ၊ တင်းမာမူ၊ နူးညံ့မူ၊ သဘောမျှသက်သက်တို့၏ ဖြစ်ခိုက်၊ ပျက်ခိုက် အမူအရာများကိုလည်း ရူမှတ်နိုင်အောင် ကျင့်ဆောင်သတိပြုသင့်ကြပါသည်။

ဤသို့ ပြင်ပအာရုံအမျိုးမျိုးကို တစ်ခုစီ တစ်ခုစီ အမှတ်ထား၍ ရူမှတ်လေ့ကျင့်မူပြုပါက ပိုင်ပိုင်နိုင်နိုင် ရူမှတ်လာနိုင်ပါလိမ့်မည်။

ထိုအခါ မိမိခန္ဓာကိုယ်နှင့် ပြင်ပမှ မြင်၊ ကြား၊ နံ၊ စား တွေ့သိရသော အာရုံအားလုံးတို့ကို အချိန်အခါကာလအလျောက် ရူမှတ်လိုက်တိုင်း တစ်ပိုင်းစီ တစ်စစီ၊ အစုလိုက် အပြုံလိုက်၊ ဖရိုဖရဲ ပြိုကွဲလျက်နေကြသည်ကို ရူအား ဉာဏ်အား ထက်မြက်မူအလျောက် ထင်ရှားတစ်ခါ မထင်ရှားတစ်လှည့် ဖြည်းဖြည်းတစ်မျိုး မြန်မြန်တစ်ဖုံ အမျိုးအမျိုး အစုံစုံဖြင့် ရုပ်ဓာတ်၊ နာမ်ဓာတ်တို့၏ အတွင်းအပြင်နှစ်ဖြာ အမူအရာ သဘာဝ သဘောမှန်တို့ကို ပိုင်နိုင်စွာ တွေ့သိရူမြင်လာနိုင်ကြပေလိမ့်မည်။

ဤကဲ့သို့ မိမိခန္ဓာကိုယ်နှင့် ပြင်ပသဘာဝတို့၏ မူလသဘောမှန် အရှိမှန် တရားတို့ကို ပီပီပြင်ပြင် ကြည်ကြည်လင်လင် မြင်တွေ့ ရူမှတ်လာနိုင်သည်နှင့်အမျှ မိမိတို့၏ ဖြစ်တည်မူ ဘ၀၊ နေထိုင်ရမူ လောကဆက်သွယ်မူ သံသရာတို့၏အကြောင်း၊ အကျိုး၊ အကောင်း၊ အဆိုးတို့ကို ပိုင်နိုင်စွာ ခွဲခြားစိတ်ဖြာ ဝေဖန်မူ ပြုလာနိုင်ကြပေလိမ့်မည်။

ထိုအခါ ဆင်းရဲမူ၏ သဘောအမှန်ဖြစ်တည်ရာ သဘာဝတို့ကို သိရှိနားလည် မြင်တွေ့လာကြပေလိမ့်မည်။

ထို့နောက်တွင်ကား ဆင်းရဲမူအဆုံး၏ လမ်းစဉ်အမှန် ကျင့်စဉ်အမှန်ကို မိမိကိုယ်တိုင်ကိုယ်ကျ ဒိဋ္ဌိမြင်တွေ့ ရူသိလျက် ကျင့်ဆောင် လျှောက်လှမ်းနိုင်ကြပေလိမ့်မည်။

ရုပ်နှင့်နာမ်တို့၏ ဖြစ်ပျက်ဆင်းရဲနေမူများကို အဆက်မပြတ် ဉာဏ် သိဉာဏ်ဖြင့် သုံးသပ်ရူမှတ်သွားလျှင် (မြင်-မုန်း-ဆုံး) ဉာဏ်ရ၍ မဖြစ်မပျက်ရာ (အဖြစ်မရှိ၊ အပျက်မလာ) နိဗ္ဗာန်အာရုံထဲသို့ ကျရောက်ချုပ်ငြိမ်းကြရပေလိမ့်မည်။

အတိုကောက်မှတ်ရန် လင်္ကာ
အတွင်းနိုင်က ပြင်ပတစ်ခါ,
စေ့စေ့ဉာဏ်စိုက် ရူလိုက်ပိုင်စွာ၊
ဆင်း၊ သံ၊ နံ့၊ မွှေ့ ထိတွေ့ရသာ,
တစ်ခုထင်ချက် ရူကွက်တင်ကာ၊
ဖြစ်ပျက်မူ မှတ်ရူမြင်သိပါ။

ကျမ်းကိုး။ ။စက္ကန့် သုံးရာ ဘာဝနာ စာအုပ်မှ ကိုးကား ရေးသား ဖော်ပြထားပါသည်။

အဆင့်မြင့်တရား ရူမှတ်ခြင်း (ဒုတိယဆင့်)

မိမိ၏ ခန္ဓာကိုယ်သဘာဝမှန်ကို အမြင်ဉာဏ်ပေါက်စေရန် အဆင့်မြင့်တရား ရူမှတ်ခြင်းနည်းလမ်း ဒုတိယဆင့်ဖြင့် ကြိုးစား ရူမှတ်နိုင်ကြပါသည်။

ဤအဆင့်ကို မရူမှတ်မီ အကြမ်းအားဖြင့် သဘောပေါက် နားလည်ထားရန် လိုအပ်ချက်များ ရှိပါသည်။

ဆင်းရဲမူအဆုံးသို့ လွန်မြောက်၍ ချမ်းသာမူပကတိကို ခစား ရရှိကြကုန်ပြီးသော ပုဂ္ဂိုလ်တို့၏ အမြင်အရ လောကဟူသော မိမိတို့ နေထိုင်သိမှတ်ရာ ကမ္ဘာကြီးတွင် ဖော်ပြပါအတိုင်း အမှတ်တရားနှစ်မျိုး ရှိပါသည်။

၁။ တကယ်မရှိ ခေါ်ဝေါ်သုံးစွဲ သိမှတ်ရုံမျှဖြစ်သောတရား (မရှိမှန်) နှင့်၊

၂။ စင်စစ် အဟုတ်အမှန်ရှိသော တရား(အရှိမှန်) ဟူ၍ ဖြစ်ပါသည်။

၁။ ခေါ်ဝေါ်သုံးစွဲရုံမျှဖြစ်သောတရား (မရှိမှန်)
မရှိမှန် ဆိုသည်မှာ မိမိတို့မွေးသည်မှအစ သေသည်အဆုံး တစ်လောကလုံး လူသားအားလုံးတို့သည် ဆိုင်ရာဆိုင်ရာ ဒေသကာလ လူမျိုးအလျောက် သိရှိမှတ်သား ခေါ်ဝေါ်သုံးစွဲ ပြောဆိုကြသော အမှတ်အသား စာ၊ စကားများကို ဆိုလိုခြင်းဖြစ်သည်၊ ရေမြေဒေသ၊ အချိန်အခါ၊ လူမျိုးဘာသာကွဲပြား ခြားနားမူအလျောက် မည်တွင်မူ၊ တည်ရှိမူ၊ သုံးစွဲမူ၊ မှတ်သားမူ၊ မတူမညီ ပြောင်းလဲသွားနိုင်သည်။ တစ်သမတ်တည်းအားဖြင့် အမြဲထာဝရ တည်ရှိမှန်ကန် စွဲမြဲနေသော အကြောင်းအခြင်းအရာများ မဟုတ်ကြပါ၊ အသိဉာဏ် ရှိသော လူတို့ ခေါ်ဝေါ်သုံးစွဲမှတ်သားဆက်သွယ်ရုံမျှသာဖြစ်၍ မှန်သည်ဟု အထင်ခံရသော(အထင်မှန်)များ ဖြစ်ကြသည်။

မိမိတို့သည် မွေးသည်မှ သေသည်အဆုံး ဤအထင်မှန်ဖြစ်သော မရှိမှန်တရားများ နယ်ပယ်သာလျှင်ပြုလုပ်ပြောဆိုကြံစည်တွေတောကြ၍ အချင်းချင်း ဆက်သွယ်နားလည်ကြရသည်။

၂။ စင်စစ် အဟုတ်ရှိသော အမှန်တရား (အရှိမှန်)
အရှိမှန် ဆိုသည်မှာ ပကတိသဘာဝမျက်စိဖြင့် ထင်ရှားမြင်သော သိမှတ်နိုင်သည်မဟုတ်ပေ။ သိမ်မွေ့သောစိတ်(ဉာဏ်မျက်စိ) စူးစိုက်သော စိတ်တို့ဖြင့်သာ ခံစားသိမှတ်ရှိသော အကြောင်း အခြင်းအရာများ ဖြစ်ကြသည်။ ဤတရားမျိုးသည် မည်သူမဆို၊ မည်သည့်သတ္တ၀ါမဆို၊ လူတိုင်း သတ္တ၀ါတိုင်းအတွက် မပြောင်းလဲ မဖောက်ပြန် မရွေ့လျား အစဉ်အမြဲ မှန်ကန်နေသော တရားဖြစ်သည်။ မည်သည့်နေရာ၊ ဒေသ၊ ကာလ လူမျိုးဘာသာ ကျား-မ မရွေး အမှန်အရှိအတိုင်း သဘာဝကို ခံစားသိမှတ်ရသော အရာမျိုးဖြစ်သည်။ ဤအကြောင်းတရားနှင့် ထိစပ်ဆက်ဆံမိသူတို့သည် စာ စကား အမှတ်အသား သုံးစွဲမူ ကွဲပြားသော်လည်း အခြင်းအရာကို သိမှတ်ခံစားမူအားဖြင့် မကွဲမပြားတူနေသည်။ ဤအကြောင်းအခြင်းအရာများသည်သာလျှင် လောက၌ စင်စစ် အဟုတ်တကယ်ရှိသော အမှန်တရား(အရှိမှန်) ဖြစ်သည်။ ဤတရားတို့ကို မြင်သိနိုင်မှသာလျှင် အမြင်မှန်ဖြစ်သည်။

ဤအမြင်မှန် အရှိမှန်တရားကို ထူးသောစိတ်၊ ထူးသောဉာဏ်(တစ်နည်း) စူးစိုက်သောစိတ် စူးစိုက်သောဉာဏ်ဖြင့် သိအပ် မြင်အပ် တွေ့ထိ ခံစားအပ်ပါသည်။

ထိုအရှိအမှန်တရားကို အကြမ်းအားဖြင့် သုံးပိုင်း ခွဲခြားနိုင်ပါသည်။

၁။ ဖောက်ပြန်ပြောင်းလဲတတ်မူသဘော (ရုပ်တရား)

၂။ သိမှတ်ခံစားတတ်မူသဘော (နာမ်တရား)

၃။ ဖောက်ပြန်မူ သိမှတ်ခံစားမူ သဘောများ (ရုပ်နာမ်) အားလုံး ချုပ်ဆုံးမူသဘော (နိဗ္ဗာန်တရား) ဟူ၍ ဖြစ်ပါသည်။

၁။ ရုပ်တရား
ရုပ်တရားကို ထင်ရှား သိသာအောင် ဖွဲ့စည်းဖော်ပြသောအရာတို့မှာ ဓာတ်တရားများ ဖြစ်ကြသည်။

ဓာတ်တရားဟူသည် ရုပ်၏ အခြင်းအရာကို စုစည်းဖွဲ့တည်နေသော အခြေခံ မူလအရာများဖြစ်ကြသည်။ အကြမ်းအားဖြင့် ဓာတ်တရား လေးမျိုးရှိသည်။

(၁) ပထ၀ီ (အခဲဓာတ်) = ခုခံ၊ ခက်မာ၊ ပျောင်းပျော့၊ နူးညံ့သောသဘာဝ မှန်သမျှသည် အခဲဓာတ်(ပထ၀ီ) ဖြစ်သည်၊ အခဲဓာတ်၏ အခြင်းအရာကို ထိတွေ့၊ ကိုယ်တွယ်သောအတွေ့တွင် မာခြင်း၊ ပျော့ခြင်း၊ နူးညံ့ခြင်း စသည်ကဲ့သို့ ခံစားသိမှတ်ရခြင်းဖြင့် တွေ့သိနိုင်သည်။

(၂) အာပေါ (အဖွဲ့ဓာတ်) = ပျော့်ပြေ၊ ယိုစီး၊ ဖွဲ့စည်း၊ ပူးကပ်တတ်သော သဘာဝမှန်သမျှသည် အဖွဲ့ဓာတ်၏ အခြင်းအရာကို ထိတွေ့ကိုင်တွယ် ခြင်းအားဖြင့် ထင်ရှားမသိသာနိုင်ပေ၊ ဓာတ်တို့၏ ပျော့ပြေခြင်း၊ ယိုစီးခြင်း ပူးကပ်ခြင်း၊ အမူအရာတို့ကို မြင်တွေ့ ခံစားရခြင်းဖြင့်သာ သဘောပေါက် သိရှိနိုင်သည်။

(၃) တေဇော (အငွေ့ဓာတ်) = လောင်မြိုက် ရင့်ကျက်စေတတ်သောသဘော မှန်သမျှသည် အငွေ့ဓာတ်(တေဇော) ဖြစ်သည်၊ တေဇောဓာတ်၏ အခြင်းအရာကို ထိတွေ့ကိုင်တွယ်သော အတွေ့တွင် ပူငွေ့ခြင်း၊ အေးငွေ့ခြင်း၊ နွေးငွေ့ခြင်း စသည်ကဲ့သို့ ခံစားရခြင်းဖြင့် တွေ့သိနိုင်သည်။

(၄) ၀ါယော (အဝှေ့ဓာတ်) = လူပ်ရှား ထောက်မ၊ တွန်း သဘာဝမှန်သမျှသည် ၀ါယောဓာတ် ဖြစ်သည်။ ဤဓာတ်သည် အရွှင်ဓာတ်၊ အလန်းဓာတ်ဖြစ်သည်။ လူပ်ရှား ရွေ့ရှား၊ ခါရန်း၊ ခုန်ကြွနေသော သဘောကို တွေ့ထိခံစား ထောက်လှမ်းမှန်းဆခြင်းအားဖြင့် သိမှတ် ခံစားနိုင်သည်။

ဤဓာတ်လေးမျိုးတို့တွင် အာပေါ(အဖွဲ့ဓာတ်) မှလွဲ၍ ကျန်ဓာတ်သုံးမျိုးတို့ကို မိမိတို့၏ ခန္ဓာကိုယ်အတွေ့တွင် ထင်ရှားမြင်သာစွာ တွေ့သိ မှတ်ရူနိုင်ကြသည်။

၂။ နာမ်တရား
သိမှတ် ခံစားမူသဘော (နာမ်တရား) နှစ်မျိုးကွဲပြားသည်။

(၁) စိတ် = ပြညွှန်သောအာရုံ (ခံစားသိမှတ်ဖွယ်ရာ) မှန်သမျှကို ဖမ်းယူ သိတတ် နားလည် ခံစားသော သဘောကို ဆိုသည်။

(၂) စေတသိက် = အာရုံကို ခံစားမူအလျောက် ဖြစ်ပေါ်သော စိတ်၌ယှဉ်သည့် ပုံဟန်အမူအရာ သဘာဝများကို ဆိုသည်။

၃။ နိဗ္ဗာန်တရား
ဖောက်ပြန်မူ (ရုပ်)နှင့် သိမှတ်မူ(နာမ်)တို့မှ လွတ်မြောက်သော၊ ချုပ်ငြိမ်းသော၊ တစ်သီးတခြားဖြစ်သော ဤတရားသည် ဆင်းရဲမူအားလုံး၏ ကုန်ဆုံးမူအားလုံး၏ ကုန်ဆုံးရာဖြစ်သည်၊ ဆင်းရဲမူ၏ အဆုံးဖြစ်သည်။

ရုပ်တရားနာမ်တရားတို့သည် ဖြစ်ပျက်ဆင်းရဲမူနှင့် စပ်ယှဉ်နေကြ၍ နိဗ္ဗာန်တရားသည် ဖြစ်ပျက်ဆင်းရဲမူနှင့် လုံးဝကင်းသော တရားဖြစ်သည်။

ဤတရားကို ရုပ်နာမ်ထင်ရှားသိရှိလျက်ဖြင့် အခိုက်အတန့် အာရုံပြု၍ ရောက်ရှိခံစားနိုင်သည်။

ရုပ်နာမ်ထင်ရှားမဲ့ ချုပ်ငြိမ်လျက် အပြီးတိုင် ပကတိ ရောက်ရှိနိုင်သည်။

ဖော်ပြပါ ရုပ်၊ နာမ်၊ နိဗ္ဗာန် တရားသုံးမျိုးတို့ကို သိရှိနားလည်ထားရန် လိုအပ်သည်။

အဆင့်မြင့်တရား ရူမှတ်ခြင်း (ပထမဆင့်)တွင် နှာခေါင်းဝမှ ထွက်လေ ၀င်လေကို (မမြဲ)ဟု ရူမှတ်ခဲ့သည်။

ယခု ဒုတိယအဆင့် ရူမှတ်ရာတွင် ထွက်လေ ၀င်လေ ရူမှတ်မူကို စွန့်လွှတ်လိုက်ရမည်၊ ခွာလိုက်ရမည်၊ ထွက်လေ ၀င်လေ၏ တိုးထိမူအာရုံကို (သိ) ဟူ၍လည်းကောင်း၊ (မမြဲ) ဟူ၍လည်းကောင်း လုံးဝ မရူမှတ်တော့ပါ။

ထွက်လေ ၀င်လေကို ရူမှတ်စဉ်က စွဲမြဲရရှိခဲ့သော စူးစိုက်မူစိတ်ကို မိမိ၏ ဦးခေါင်းပေါ်မှ ငယ်ထိပ်နေရာ၊ သို့မဟုတ် မိမိ၏ ရင်ဘတ်အလယ် ရင်ညွှန့်နေရာ၊ သို့မဟုတ် သွေးခုန်နူန်း ထင်ရှားပေါ်နေရာတို့မှ တစ်ခုခုသောနေရာသို့ ပြောင်းလဲရူမှတ်ရပါသည်။

ထိုနေရာသုံးခုအနက်မှ မှတ်လွယ်သိလွယ်သော တစ်ခုသောနေရာတွင် ရူမှတ်သောစိတ်ကို စိုက်ထား တည်ထား စွဲထား၍ (ဖြစ်ပျက် ဖြစ်ပျက်) ဟု နှလုံးသွင်းရူမှတ်ပေးရမည်။

ဤကဲ့သို့ စူးစိုက်ရူမှတ်ရာတွင် လောကဝေါဟာရအားဖြင့် ပြောကြဆိုကြသော မရှိမှန် အထင်မှန်များ ဖြစ်ကြသည့် အဟုတ်မရှိ တကယ်မရှိသော ခေါင်း၊ ခါး၊ ကိုယ်၊ လက်၊ ခြေ၊ အသွေးအသား၊ အရိုး၊ အကြော၊ အူသိမ်၊ အူမ၊ ကျောက်ကပ်၊ နှလုံး၊ သည်းခြေ စသည်ဖြင့် ခန္ဓာကိုယ် အစိတ်အပိုင်းများ၏ အမည်နာမ အာရုံ ၀တ္ထုများကို တွေးတော နှလုံးသွင်း မှတ်သိဆင်ခြင် ရူမှတ်၍ လုံးဝမပြုလုပ်ရပါ။

အထက်တွင် ဖော်ပြခဲ့သော အရှိမှန်တရား ရုပ်၏ ဖွဲ့စည်းမူ အမူအရာပြ ဓာတ်သဘောများဖြစ်ကြသော ပထ၀ီ၊ တေဇော၊ ၀ါယောတို့၏ ထင်ရှားသိသာသော သဘာဝများကိုသာ တွေ့သိဖမ်းယူမှတ်ရူနိုင်အောင် စိတ်ဖြင့်ကြံဆ ရှာဖွေ တွေးမြင် ရူသိရပါမည်။

တင်းမူ တောင့်မူ ကိုက်မူ ခဲမူတို့သည် ပထ၀ီဓာတ်၏ ခံစားတွေ့သိရသော အမူအရာများ ဖြစ်ကြသည်။

ပူမူ ရှိန်မူ အေးမူ နွေးမူ သဘာဝငွေ့မူ လောင်မူတို့သည် တေဇောဓာတ်၏ ခံစားတွေ့သိရသော အမူအရာ သဘာဝများ ဖြစ်ကြသည်။

ရွေ့ရွေ့ လူပ်လူပ် ရွရွပွပွ ကြွကြွမွမွ သိမ့်သိမ့်ရန်းရန်း ခုန်ကြွနေသော သဘောများသည် ၀ါယောဓာတ်၏ ခံစားတွေ့သိရသော အမူအရာ သဘာဝများ ဖြစ်ကြသည်။

ယားသည်ဟူသော ခံစားမူမှာ ၀ါယောဓာတ်၏ ခံစားသိမှတ်ရသော သဘာဝလက္ခဏာတစ်ခု ဖြစ်သည်။

ခန္ဓာကိုယ်တွင် ချွေးများစိုရွှဲ စေးထန်းလာခြင်းသည် အာပေါဓာတ်၏ သဘာဝရူမြင်သိနိုင်သော သဘောတစ်ခုဖြစ်သည်၊ အာပေါဓာတ်ကို မြင်သိနားလည်ရုံမျှ ဖြစ်သည်။ ခန္ဓာကိုယ်အတွေ့တွင် အာပေါဓာတ်ကို ရူမှတ်၍ မရပေ။

ခန္ဓာကိုယ်ပေါ်မှ ထင်ရှားပေါ်လာသော ရုပ်ဓာတ်တို့၏ သဘာဝကိုသာလျှင် (ဖြစ်-ပျက်) (ဖြစ်-ပျက်)ဟု စိတ်မှ ရွတ်ဆို၍ စိုက်ကြည့်ရ ရူမှတ်ရသည်။ အမူအရာတစ်ခုကို တွေ့မြင်ရူမိလျှင် ထိုအမူအရာကို မလွတ်တမ်း မလစ်တမ်း စောင့်ကြည့်ရူမှတ်ရသည်။

ထို့နောက် စိုက်ကြည့်ရူမှတ်နေသော နေရာတွင် ဓာတ်အမူအရာများကို ပိုင်ပိုင်နိုင်နိုင် တွေ့မိ ဖမ်းမိ ရူမိလျှင် ထိုနေရာမှ တစ်ဆင့်တိုး၍ ဖြန့်၍ ချဲ့၍ ကား၍ ဖွ၍ နေရာကျယ်ပြန့်အောင် ခန္ဓာကိုယ်တစ်ကိုယ်လုံး နှံ့အောင် ပြန့်အောင် အထက်မှအောက် အောက်မှအထက် စိတ်ဖြင့် စုန်ဆန်းသွားလာ ရူမှတ်ရသည်။

ဦးခေါင်းငယ်ထိပ် ရင်ညွှန့် သွေးခုန်ရာနေရာ စသည်တို့မှာ နေရာပြသော အညွှန်းများ ဖြစ်ကြသည်။ ထိုနေရာများမှ ထင်ရှားသော ဓာတ်အမူအရာများကိုသာ မှတ်ရူရန် ဖြစ်သည်။

မိမိ၏ စူးစိုက်မူနှင့် စိတ်၏ တည်ငြိမ်မူ အလျောက် ခန္ဓာကိုယ် တစ်ကိုယ်လုံး သိမ်းကြုံးလျက်၊ ခြုံငုံလျက်၊ တဖြုန်းဖြုန်း၊ တရုန်းရုန်း၊ တ၀ုန်းဝုန်း၊ တလူပ်လူပ်၊ တဖြုတ်ဖြုတ် ပျက်စီးပြုတ်ကျနေသော ဓာတ်အမူအရာ သဘာဝလက္ခဏာများကို ထင်ရှား တွေ့လာ၊ မြင်လာ သိလာရမည်။ တစ်ကိုယ်လုံး ပူလျက် ရှိန်လျက် အေးလျက် နွေးလျက်လည်း တွေ့လာရမည်၊ ခန္ဓာကိုယ်ကြီး တစ်ခုလုံးသည် ဓာတ်လုံး၊ ဓာတ်ခဲ၊ ဓာတ်တုံး၊ ဓာတ်ရုပ်၊ ဓာတ်ကောင်ကြီးမျှသာဖြစ်သည်ကို တွေ့လာရမည်။

ဤကဲ့သို့ထင်လာလျှင်၊ မြင်လာလျှင်၊ တွေ့လာလျှင်၊ သိလာလျှင်၊ အဆင့်မြင့်ရားရူမှတ်ခြင်း(ဒုတိယအဆင့်) အောင်မြင်ပြီဖြစ်သည်။

မိမိ၏စိတ်မှ (ဖြစ်-ပျက်) (ဖြစ်-ပျက်)ဟု ရွတ်ဆို ရူမှတ်နေမူနှင့် ခန္ဓာကိုယ်အတွင်းမှ ဓာတ်သဘာဝလက္ခဏာများ ပြိုကွဲပျောက်ပ ပျက်စီးနေခြင်းကို ရူမြင်နေရမူ အပ်မိ၊ စပ်မိ၊ ထပ်မိနေလျှင် အဆင့်မြင့်တရား ရူမှတ်ခြင်း (ဒုတိယအဆင့်) အောင်မြင်ပြီဖြစ်သည်။

ဤနေရာ၌ (မမြဲ) ဟူသော စကားနှင့် (ဖြစ်-ပျက်) ဟူသောစကားနှစ်ခု ကွဲပြားနားလည်ရန် လိုပါသည်။

(မမြဲ)ဟူသည် တစ်စုံတစ်ရာ ၀တ္ထုပစ္စည်းများ အကြောင်းအရာများ အတည်မရှိ အတန့်မနေ ပြောင်းလဲ လူပ်ရှား ရွေ့လျားဖောက်ပြန် ပြိုကွဲပျက်စီးနေခြင်းကို ဆိုလိုသည်။

(ဖြစ်-ပျက်) ဟူသည် (ဖြစ်ခြင်း)နှင့် (ပျက်ခြင်း) အမူအရာ အကြောင်းနှစ်ခု၏ စကားစုဖြစ်သည်။ (ဖြစ်ခြင်း) တစ်ခု (ပျက်ခြင်း) အကြောင်းတစ်ခု အသီးအခြား ကွဲပြားသည်။

(မမြဲ) ဟူသောစကားသည် (အဖြစ်-အပျက်) အမူအရာနှစ်ခုကို ပေါင်းစပ်ခေါ်ဆိုထားခြင်းဖြစ်သည်။

(ဖြစ်-ပျက်) ဟူသောစကားသည် (မမြဲ) ဟူသော ပေါင်းစပ်သည့် အကြောင်းတစ်ခုကို အကြောင်းနှစ်ခု နှစ်ရပ်အဖြစ် အမူအရာ သဘာဝလက္ခဏာနှစ်ခုအဖြစ် ခွဲခြားထုတ်ပြ သိမှတ်စေသည်။

ထို့ကြောင့် ဓာတ်အမူအရာတို့၏ ပြိုကွဲ ပျက်စီး ပျောက်ကွယ် နေကြခြင်းကို (ဖြစ်အစပျက်အဆုံး) အမူအရာများ ပိုင်နိုင်ထင်ရှားအောင် ရူမှတ်သိမြင်ကြရမည်။ ( ဖြစ်တစ်ခိုက်-ပျက်တစ်ဖုံ) ဖြစ်-ပျက်ပုံကို မြင်အောင်ရူကြည့်သိမှတ် ကြရမည်။

တစ်ဖန် ထွက်လေ-သင်လေကို ရူမှတ်မူနှင့် ဓာတ်အမူအရာတို့၏ ဖြစ်ပျက်လက္ခဏာကို ရူမှတ်မူနှစ်ခုကို ကွဲပြားအောင် နားလည်ကြရမည်။

စူးစိုက်အား ရူမှတ်အား လျော့ပါးခြင်းကြောင့် စိတ်၏ တည်ငြိမ်မူမရှိပါက ဓာတ်အမူအရာတို့၏ သဘာဝလက္ခဏာများကို ပေါ်လွင်ထင်ရှားစွာ မြင်ရူနိုင်မည်မဟုတ်ပါ။

ထိုအခါ မိမိတို့၏ ရူမှတ်အား ပြန်လည်ပြည့်ဝစေရန် နှာခေါင်းပေါက်ဝမှ ထွက်လေ၀င်လေကို ပြန်လည်၍ ရူမှတ်ကြရပါမည်။

ထွက်လေ ၀င်လေကို ရူမှတ်ခြင်းသည် စိတ်၏ တည်ကြည်မူအတွက် အင်အားစုစည်းခြင်းပင် ဖြစ်သည်။

ဓာတ်သဘာဝ၏ ဖြစ်ခြင်းပျက်ခြင်း အမူအရာများကို တွေ့သိရူမြင်ခြင်းသည် အသိမှန်၊ အမြင်မှန်ကို ရရှိခံစားခြင်း ဖြစ်သည်။

ရူမှတ်မူအချိန်ကာလ ကြာမြင့်မူနှင့် စိတ်၏ စူးစိုက်မူ ကောင်းမွန်ခြင်းအလျောက် ခန္ဓာကိုယ်တွင် ပကတိမှန်ကန်စွာ ရှိနေသော (အရှိမှန်) သဘာဝတရား (ရုပ်နှင့်နာမ်) တို့၏ (ဖြစ်ခြင်း-ပျက်ခြင်း) အမူအရာများကို အသေးစိတ်၍ တွေ့သိ ရူမှတ်လာနိုင်ကြပေလိမ့်မည်။

အရှိမှန်တရားဖြစ်သော ရုပ်၏ ဖောက်ပြားမူ ဓာတ်အမူအရာများ ဖြစ်ပျက်သဘာဝများကို အရှိမှန်တရားဖြစ်သော နာမ်၏ သိမှတ်ခံစားမူဖြင့် ရူမြင်တွေ့သိရ၏။

ရုပ်သည် အရူခံဖြစ်၍ နာမ်သည် ရူမှတ်မူဖြစ်သည်၊ အရာဝတ္ထုတစ်ခုကို ဓားဖြင့်ခုတ်ပိုင်း၏၊ ၀တ္ထုသည် အခုန်ခံ အပိုင်းခံဖြစ်၍ ဓားသည် ခုတ်သူဖြစ်သည်၊ အပိုင်းခံရသောအရာနှင့် ခုတ်သောဓားတို့သည် မမြဲသောသဘောရှိရာ ၀တ္ထုလည်းမမြဲ၊ ဓားလည်းမမြဲ ဖြစ်ပျက်နေကြရုံမျှဖြစ်သည်။ ထို့အတူ အရူခံ ရုပ်နှင့်ရူသော နာမ်တို့သည်လည်း မမြဲ ရုပ်-နာမ် နှစ်ခုစလုံး မမြဲ ဖြစ်ပျက်နေကြရုံမျှ ဖြစ်သည်။ အရူခံလည်းမမြဲ ရူစိတ်လည်းမမြဲ ဖြစ်ပျက်နေကြရုံမျှ ဖြစ်သည်။

ဤသို့ ရူမှတ်သိမြင်မူအလျောက် ပိုင်းခြားဝေဖန် ခွဲခြမ်း၍ သိလာအံ့သော အသိဉာဏ်အမြင်များသည် အဆင့်မြင့် တရားရူမတ်ခြင်းကို ကျင့်ဆောင်သူတို့၏ ရပိုင်မူ ဖြစ်သည်။

အတိုကောက်မှတ်ရန် လင်္ကာ
အဆင့်တိုးမြှင့် ရူလင့်တစ်ခါ,
အမှန်ရှိနှင့် မရှိနှစ်ဖြာ၊
အမှန်ရှိမူ စေ့ငုသေချာ,
ငယ်ထိပ်ရင်ညွှန့် လူပ်လွန့်ခုန်ရာ၊
ပေါ်ထင်ချက် (ဖြစ်-ပျက်) ရူမှတ်ပါ။

ကျမ်းကိုး။ ။စက္ကန့် သုံးရာ ဘာဝနာ စာအုပ်မှ ကိုးကား ရေးသား ဖော်ပြထားပါသည်။

အဆင့်မြင့်တရားရူမှတ်ခြင်း (ပထမအဆင့်)

အခြေခံတရားရူမှတ်၍ ကျင့်စဉ်ကို (ဆယ့်နှစ်ရက်) မျှ ရက်ဆက်မှန်စွာပြုလုပ်၍ အချိန်တိုင်း၊ အခါတိုင်း တရားရူမှတ်တိုင်း ထွက်လေ၀င်လေကို ပိုင်ပိုင်ရရ မှတ်သိနိုင်လျှင် ဤ (အဆင့်မြင့်တရား ရူမှတ်ခြင်း) အဆင့်ပြောင်းလဲ ရူမှတ်နိုင်ပါသည်။ ယင်းကိစ္စမှာ (အပြန်အလှန် ၀န်ချတောင်းပန်ကျေအေးခြင်း) ဖြစ်ပါသည်။

မိမိတို့မသိမမြင်နိုင်သော အချိန်ကာလနှင့် ထင်ရှား သိမြင်နိုင်သော အချိန်ကာလနှစ်ခုတို့တွင် မိမိသည် သူတစ်ပါးတို့အား ကိုယ်နူတ် စိတ်ဖြင့် မနှစ်သက်ဖွယ်ရာ မလေးမခန့် ကျူးလွန်ပြောဆို ကြံရွယ် ပြစ်မှားမိခဲ့ကြပေလိမ့်မည်။ မိမိအပေါ်တွင်လည်း သူတစ်ပါးတို့ မလေးမခန့် ကျူးလွန် ပြောဆို ကြံရွယ် ပြစ်မှားမိခဲ့ကြပေလိမ့်မည်။ ယင်းအပြုအမူများအတွက် အပြန်အလှန် ၀န်ချတောင်းပန်ခြင်း ကျေအေးခြင်းအမူ ပြုကြရပါမည်။ ဤသည်ကား အပြန်အလှန် တင်ရှိနေသော စိတ်ပိုင်းဆိုင်ရာ ကြွေးတုံ့ ကြွေးနှောင် စာရင်းများတွင် ရှင်းလင်းစေခြင်းပင် ဖြစ်သည်။

ဤကဲ့သို့ အပြန်အလှန် ၀န်ချမူပြုရန် ဖော်ပြပါအတိုင်း စိတ်ဖြင့်ဖြစ်စေ၊ နူတ်ဖြင့်ဖြစ်စေ၊ ရွတ်ဆိုလိုက်ပါ။

(မိမိနှင့် ဆက်စပ်နေသော တစ်ပါးသူတို့၏ သိအပ်၊ မသိအပ်၊ အချိန်အခါတို့တွင် ပြူမူမိသော ကိုယ်၊ နူတ်၊ စိတ် အပြုမှားတို့ကို အပြန်အလှန် ၀န်ချတောင်း ပန်ပါ၏၊ ကျေအေးပါ၏။)

ထို့နောက် ဆင်းရဲမူအပေါင်းမှ လွတ်မြောက်နိုင်သော ဤကျင့်စဉ်ကို ယုံကြည်မူ အလေးအနက်ထား၍ ဖော်ပြပါအတိုင်း (သုံးကြိမ်) ရွတ်ဆိုမူပြုလိုက်ပါ။

(ငါသည် ဆင်းရဲမူအပေါင်းမှ လွတ်ရာသို့ ရောက်တော့မည်)

ဤသို့ရွတ်ဆိုပြီးလျှင် သင်သည် အဆင့်မြင့် တရားရူမှတ်ရန်အတွက် အဆင်သင့်ဖြစ်လေပြီ။

အခြေခံရူမှတ်မူတွင် မှတ်ရူခဲ့သော ထွက်လေတစ်ချက်လျှင် (သိ) ၀င်လေတစ်ချက်လျှင် (သိ) ဟု မှတ်မူအစား (မမြဲ) ဟူ၍ မှတ်လိုက်ပါ၊ (သိ) နေရာတွင် (မမြဲ)ကို အစား ထိုးလိုက်ပါ။

ဤသို့ (မမြဲ) ရူမှတ်မူကို (ငါးမိနစ်တာ)မျှ ရူမှတ်ပါ၊ အားလပ်တိုင်း အချိန်အခါရတိုင်း ဤသို့ရူမှတ်နေလျှင် အဆင့်မြင့် တရားရူမှတ်ခြင်း(ပထမအဆင့်) အောင်မြင်ပြီ ဖြစ်သည်။

ဤသို့ ထွက်လေ၀င်လေကို (မမြဲ)ဟု ရူမှတ်နေဆဲကာလတွင် ရူမှတ်မူနောက်မှ ဆင်ခြင်ဉာဏ်ဖြည့်စွက်၍ မမြဲသော အတည်မရှိသော ပြောင်းလဲနေသော သဘောတို့ကို သုံးသပ်ဆင်ခြင်နေရမည်။

ဤအဆင့်မြင့်တရားရူမှတ်မူ (ပထမဆင့်)ကို နားလည်သဘောပေါက်၍ ငါးမိနစ် - ငါးမိနစ်မျှ သော်လည်းကောင်း၊ အချိန်အခါ အားလပ်မူအလျောက် နေ့စဉ်ရက်ဆက် အချိန်အတန်ကြာအောင် တစ်စဉ်တည်း တစ်ဆက်တည်း သော်လည်းကောင် ရူမှတ်နေဆဲ၊ ရူမှတ်နေခိုက်၊ နေစဉ်တွင် ကံထူး၊ ဉာဏ်ထူး၊ ၀ီရိယထူး၊ ပါရမီထူး၊ ပုဂ္ဂိုလ်များအတွက် သဘာဝဖြစ်ပျက်ခြင်းရာ (မမြဲသော ဖြစ်မူ ပျက်မူ) သဘောတရားများကို မိမိ၏ ခန္ဓာကိုယ်နှင့် ပြင်ပအာရုံတို့၌ ထင်လာ မြင်လာ သိရှိလာ၍ သဘောပေါက် ဉာဏ်အမြင် ရလာနိုင်ပါသည်။

(၁) ၀င်လေ ထွက်လေက နှာသီးဖျား နူတ်ခမ်းဖျားနေရာအရပ်ကို ထိခတ်နေခြင်းသဘောတစ်ခု၊

(၂) ထိုထိခတ်နေခြင်းကို သိမှတ်နေရမူသဘောတစ်ခု ဟူ၍ ပိုင်းခြားသိမြင်လာနိုင်ပါသည်။

ထိုသဘောနှစ်ခုတို့မှတပါး အခြားမရှိ၊ ထိုသဘောတို့မှာလည်း မမြဲ၊ ဖြစ်ပျက်ဟူ၍ မြင်သိလာခြင်းသည် အမြင်မှန် အသိမှန်ကိုရခြင်း ဖြစ်သည်။

သို့သော် တစ်ရာ၊ တစ်ထောင်၊ တစ်သောင်း၊ တစ်သိန်းလျှင်(တစ်ယောက်)ဟူဘိသကဲ့သို့ အလွန်ထူးသော ပုဂ္ဂိုလ်မျိုးသာလျှင် ဤ အတိတ်ကံ အထောက်အပံ့ထူးဖြင့် တွေ့နိုင်မြင်နိုင် သိနိုင်ပါသည်။

ဤသို့ ရူဆဲ ရူခိုက်တွင် ဉာဏ်အမြင်မပေါက်သော်လည်း ဉာဏ်အမြင်ပေါက်စေရန် မျက်မှောက်ကံဖြင့် အထူးပြု ညွှန်ပြပါက သဒ္ဓါ၊ သတိ၊ ၀ီရိယ၊ ကြီးမားသော စိတ်ဆန္ဒ အားစိုက်မူ ပြင်းထန်သော ပုဂ္ဂိုလ်များလည်း ဧကန်ဧက လွယ်ကူစွာ အမြင်ရနိုင်ကြပါသည်။

အတိုကောက်မှတ်ရန် လင်္ကာ
အခြေတစ်ဆင့် မြှင့်၍ရူရာ,
ပြန်လှန်ဝန်ချ ပြုရမှန်စွာ၊
ဆင်းရဲလွတ်မူ ရှေးရူစိတ်မှာ,
ဝင်ထွက်လေအား ထင်ရား (သိ) ရာ၊
ဆို (မမြဲ) ပြောင်းလဲ ရူမှတ်ပါ။

ကျမ်းကိုး။ ။စက္ကန့် သုံးရာ ဘာဝနာ စာအုပ်မှ ကိုးကား ရေးသား ဖော်ပြထားပါသည်။

အခြေခံတရား စတင်ရူမှတ်ခြင်း

တရားရူမှတ်၍ စတင်ပြုလုပ်ရန် သင်၏ နှာခေါင်းပေါက် နှစ်ပေါက်မ ၀င်ထွက်နေသော ၀င်လေ ထွက်လေ အသက်ရှူရိူက်မူကို သတိထားစောင့်ကြည့်လိုက်ပါ။

ဝင်ခိုက် ထွက်ခိုက်မှာ နှာဖျားအ၀ အသားကို နူးနူးညံ့ညံ့တိုင်း၍ တိုးထွက်နေသည်ကို သတိပြု၍မှတ်ပါ။

အတို့အထိကလေးကို သတိပြုမိသောအခါ ၀င်လျင်(သိ) ဟုမှတ်၍ ထွက်လျှင်(သိ)ဟု မှတ်ပါ။

လျှပ်စစ်နာရီတွင် ပါဝင်သော စက္ကန့်ပြသင်္ကေတ ဂဏန်းကလေးများကို သေချာစွာကြည့်ရင်းမှတ်ပါက (သုံးစက္ကန့်)တွင် ထွက်လေ ၀င်လေ တစ်ကြိမ်စီမျှ ၀င်ကြ ထွက်ကြသည်ကို မှတ်မိသိရှိရပါလိမ့်မည်၊ ထွက်လေတစ်ကြိမ် ၀င်လေတစ်ကြိမ်စီတွင် (တစ်စက္ကန့်ခွဲမျှ) အချိန် ပျမ်းမျှအားဖြင့် ကြာမြင့်သည်ကို တွေ့ရပါလိမ့်မည်။

ဤသို့ဖြင့် ကျန်ရှိနေသော(လေးမိနစ်) တွင် စက္ကန့်ပေါင်း(နှစ်ရာ့လေးဆယ်) ရှိရာ ထွက်လေ၀င်လေကို (သိ) မှတ်မူ အကြိမ်ပေါင်း(ရှစ်ဆယ်မျှ) မှတ်မိပေလိမ့်မည်။

ထွက်လေ အကြိမ်ပေါင်း (ရှစ်ဆယ်)နှင့် ၀င်လေ အကြိမ်ပေါင်း(ရှစ်ဆယ်) တို့ကို ရူမှတ်မူ ပြီးစီးသွားပေလိမ့်မည်။

ဦးစွာအစတွင် အချိန်ဂဏန်းမှတ်ရခြင်း ထွက်လေ ၀င်လေအား သတိပြုရခြင်း (သိ)ဟူ၍ နောက်မလိုက်မှတ်ရခြင်းဖြင့် စိတ်ဆန္ဒစောခြင်းတို့ကြောင့် အံဝင်ခွင်ကျ ရူမှတ်မူ ပြီးစီးချင်မှ ပြီးစီးမည်ဖြစ်သည်။ ထပ်ကာထပ်ကာလေ့ကျင့်မူ ပြုပါက (ငါးမိနစ်)ဟူသော အချိန်ကာလအတွင်း ထွက်လေ ၀င်လေ၏ အတိုးအထိကလေးကို (သိ) ဟူ၍ ရူမှတ်မူအား အောင်အောင်မြင်မြင် ရူတတ်မှတ်တတ် သွးပေလိမ့်မည်။

ဤသို့ (ငါးမိနစ်)တာ အချိန်ကလေးကို တစ်ရက်လျှင် တစ်ကြိမ်မျှ ပြုလုပ်နိုင်လျှင် သင်၏ (ဆယ့်နှစ်ရက်) ပြည့်လျှင် (မိနစ်ခြောက်ဆယ်) တစ်နာရီ ပြည့်၍ တရားရူမှတ်မူ အချိန်ကာလပေါင်း (တစ်နာရီ) တိတိ အောင်မြင်ပြီးစွားသွားပေလိမ့်မည်။

တစ်နေ့လျှင် အနည်းဆုံး တစ်ကြိမ်မျှ ရက်ဆက် မှန်မှန်ပြု လုပ်ပါက (ဆယ့်နှစ်ရက်) ပြည့်လျှင် (မိနစ်ခြောက်ဆယ်) တစ်နာရီ ပြည့်၍ တရားရူမှတ်မူ အချိန်ကာ လပေါင်း (တစ်နာရီ) တိတိ အောင်မြင်ပြီးစီးသွားပေလိမ့်မည်။

ဤသို့ ကျင့်ဆောင်ခြင်း၏ အကျိုးအာနိသင်သည် မည်ရွေ့ မည်မျှ ကြီးမားများပြားလှသည်ကို သင်ကိုယ်တိုင်ပင် ကာလမခြား ခံစားသိသရှိလာရပေလိမ့်မည်။

အထူးသဖြင့် ဤသို့ရူမှတ်နေဆဲ ကျင့်ဆောင်နေဆဲ နေ့ရက်များတွင် စိတ်တည်ငြိမ်ခြင်း၊ ကြည်လင်ရွှင်ပျခြင်း အကျိုးများကို မုချခံစားလာရမည် ဖြစ်သည်။

ဤသို့ ကျင့်ဆောင်ခြင်းအမူကို သွား၊ ရပ်၊ ထိုင်၊ လှဲခြင်း စသည့် ခန္ဓာကိုယ်အနေအထား လေးမျိုးစလုံးမှာပင် သက်သာ အေးဆေးစွာ ပြုလုပ်နိုင်သည်။

ဤသို့ ညွှန်ပြချက်ကို သဘောပေါက်ပါလျှင် ယခု ဤပိုစ့်ကို ဖတ်ပြီးခိုက်မှာပင် (ငါးမိနစ်တရား ရူမှတ်မူ) ကို ယနေ့အတွက် စတင် ပြုလုပ် လေ့ကျင့်နိုင်ပါသည်။ နေ့စဉ် နေ့စဉ် ပြုလုပ်ကျင့်ဆောင်မူသည် အကျိုးအာနိသင်ကို ရရှိခံစားရမူ ပိုမို၍ ထင်ရှားသိသာခိုင်မာစေပေလိမ့်မည်။

ပကတိ ဖြည်းညံ့လေးမှန်စွာ ၀င်ထွက်နေသောလေကို တည်ငြိမ်သောစိတ်ဖြင့် ရူမှတ်နိုင်ရန် ကြိုးစားပါ၊ စိတ်လူပ်ရှားမူ၊ တုန်လူပ်မူ၊ ဆန္ဒလွန်မူ၊ သဒ္ဓါလွန်၍ ပီတိဖြစ် နှစ်သက်မူ စသည်တို့ကို ထိန်းချုပ်နိုင်သမျှ ထိန်းချုပ်ပါ။

ထွက်လေ၀င်လေ၏ အတိုးအထိကလေးကို ထင်ရှားသိသာစွာ စိတ်(ဉာဏ်မျက်စိ)ဖြင့် မြင်နိုင်ပါသည်။ မိမိ၏ ခန္ဓာကိုယ်ကို ပြင်ပမှာ လေညင်း လေပြည်များ တိုးခတ်ထိဝေသောအခါ ခံစားသိရသည့် သဘောမျိုးကလေးမျှ ဖြစ်သည်။

ထွက်လေသည် ခန္ဓာကိုယ်တွင်းမှလာသဖြင့် ရှိန်ရှိန်ငွေ့ငွေ့နွေးနွေးမျှ ဖြစ်နေပေလိမ့်မည်။

အကယ်၍ ယင်းပကတိပုံမှန်ထွက်လေ ၀င်လေကို ရှူခြင်း(ရှူမူရိူက်မူ) ကို ပြင်းပြင်းကလေး ပြုလိုက်ပါ၊ နှာခေါင်းပေါက်ဝတွင် မိမိ၏ လက်ဝါး၊ လက်ပြင်၊ လက်ချောင်း စသည်တို့ကို ခေတ္တခဏ ကပ်ထား၍ ကြည့်ပါ၊ ထွက်လေ၏ အတိုးကို လက်ဝါးလက်ပြင်၌ ထင်ထင်ရှားရှား တွေ့ရပါလိမ့်မည်။

ဝင်လေ-ထွက်လေ၏ အတိုးအထိကို ထင်ရှားသိရှိလာသောအခါမှ ရှူရိူက်ပြင်းမူကို ဖြည်းဖြည်းသာသာ ပြန်လျှော့၍ ရူမှတ်မူပြုပါ။

ရူမှတ်နေဆဲကာလ၌ ၀င်လေ-ထွက်လေ၏ တိုးထိမူဖြစ်လတ္တံ့ အကြောင်းအရာများ၊ အကြံအစည်များ၊ စိတ်ကူးအတွေးများကို လုံးဝမတွေးမြင် မကြံဆမရူမှတ်ရပါ၊ စိတ်တည်ငြိမ်မူ အားလျော်စွာ ထင်လာ မြင်လာတတ်သော စိတ်ကူး ပုံရိပ်၊ အာရုံ၊ နိမိတ်၊ အရောင်အဆင်း၊ အလင်း၊ သဏ္ဌာန် အမျိုးမျိုးတို့ကို လုံးဝ အာရုံယူ ရူမှတ်လိုက်ပါမူ မပြုရပါ၊ အထူးသတိထားရပါမည်။

ဝင်လေထွက်လေ၏ တိုးထိမူ သဘောကလေးကို ရူတိုင်း မှတ်တိုင်း သိရှိနိုင်၊ ဖမ်းယူနိုင်၊ မှတ်မိနိုင်သော အချိန်အခါသည် (အခြေခံတရား ရူမှတ်ခြင်း) ၏ ပြည့်ဝအောင်မြင်သော အခြေအနေဖြစ်သည်။

အတိုကောက်မှန်ရန်လင်္ကာ
အခြေခံတရားမှတ်သားသင့်ရာ,
နှာသီးဝဖျား ထင်ရှားသေချာ၊
ဝင်ဘိ ထွက်ဘိ တိုးထိလေမှာ,
ငါးမိနစ်မျှ ကာလချိန်ခါ၊
မလွတ်တမ်း စောင့်ဖမ်း(သိ) လိုက်ပါ။

ကျမ်းကိုး။ ။စက္ကန့် သုံးရာ ဘာဝနာ စာအုပ်မှ ကိုးကား ရေးသား ဖော်ပြထားပါသည်။

ငါးမိနစ် တရားရူမှတ်နည်း ရှေးဦးပြုဖွယ်

(ငါးမိနစ်) မျှသော အချိန်ကာလကို တရားရူမှတ်ရန် ဆုံးဖြတ် မူကို ပိုင်ပိုင်နိုင်နိုင် ချမှတ်လိုက်ပါ။

သင်၏ တရားရူမှတ်ရန်အတွက် ရောက်ရှိနေသော အခြေအနေသည် ဖော်ပြပါအတိုင်း တစ်မျိုးမျိုးမှာ ဖြစ်ပေလိမ့်မည်။

၁။ သင်သည် လမ်းပေါ်၌ လျှောက်လှမ်းသွားလာ နေခိုက် ဖြစ်မည်။

၂။ အလုပ်ခုံ၊ စာရေးစားပွဲ၊ တန်းလျားခုံ၊ မီးရထား၊ မော်တော်ကား၊ လေယာဉ်၊ သင်္ဘော စသည်များ၌ ထိုင်လျက်နေခိုက် ဖြစ်မည်။

၃။ လုပ်ငန်းဆောင်က တစ်ခုခုကိုဆောင်ရွက်နေဆဲအခါ မတ်မတ်ပြေပြေ ရပ်လျက်နေခိုက် ဖြစ်မည်။

၎။ အိပ်ရာခုတင် ညောင်စောင်းစသည့် လဲလျောင်းရာ တစ်စုံတစ်ခု၌ အေးအေးသက်သာလဲလျောင်းနေခိုက် ဖြစ်မည်။

မည်သို့သော အခြေအနေမျိုးမှာပင် ရှိပါစေ ငါးမိနစ်မျှသောကာလကို တရားရူမှတ်ရန် ပြင်ဆင်မူ ပြုရပါမည်။

တရားစတင်မရူမှတ်မီတွင် အလုံးစုံသော သတ္တ၀ါများအား ကိုယ်စိတ်နှစ်ပါး ကျန်းမာချမ်းသာကြစေရန် အာရုံပြု စိတ်ထား၍ မေတ္တာပွားများလိုက်ပါ။

သင်ရောက်ရှိ ရပ်တည်နေသောနေရာမှ လက်ပတ်နာရီ၊ စားပွဲတင်၊ တိုင်ကပ်နာရီစသည်ဖြင့် နီးစပ်သော နာရီတစ်ခုခုကို အချိန်ကာလ မှတ်သားရန် သတိပြုလိုက်ပါ၊ ယခုကာလ ပေါ်ပေါက်သော လျှပ်စစ်ဓာတ်အား၊ နေရောင်ချည်ဓာတ်အားသုံး မိနစ်၊ စက္ကန့်ပြ နာရီများသည် ပို၍ကောင်းမွန်ပါသည်။

အချိန်ကို မှတ်သားထားပြီးလျှင် ဦးစွာဆင်ခြင်အောက်မေ့မူ ပြုရပါမည်။

ဆင်းရဲမူအပေါင်းမှ လွတ်မြောက်ချမ်းသာကုန်သူတို့၏ ဘ၀ကို ရည်မှန်းတွေးမြင်၍ ယုံကြည်လေးစား အားကျ အတုယူလိုစိတ် ထားလိုက်ပါ။

ဆင်းရဲမူအပေါင်းမှ လွတ်မြောက်နိုင်ကြကုန်သော အကြောင်းခြင်းရာ ကျင့်စဉ်များကို ရည်မှန်းတွေးမြင်၍ ပကတိချမ်းသာမူကို တောင့်တမူပြုပါ။

ထို့နောက် အောက်ပါအတိုင်း စိတ်ဖြင့်၊ နူတ်ဖြင့် တိုးတိုးရွတ်ဆိုပါ။

၁။ ဆင်းရဲမူ၏ အဆုံးကို သိမြင်လွတ်မြောက်ကြကုန်သော ပုဂ္ဂိုလ်တို့အား လေးစားပါ၏။

၂။ ဆင်းရဲမူ၏ အဆုံးကို သိမြင်နိုင်သော ကျင့်စဉ်များကို လေးစားပါ၏။

၃။ ဆင်းရဲမူ၏ အဆုံးကို ညွှန်ပြနိုင်သော ပုဂ္ဂိုလ်များကို လေးစားပါ၏။

ဗုဒ္ဓဘာသာဝင်များမှာ (နမော ဗုဒ္ဓဿ၊ နမော ဓမ္မဿ၊ နမော သံဃဿ) ဟူ၍ ရွတ်ဆိုနိုင်ကြပါသည်။

ယခုအခိုက်တွင် မိမိ၏ ကိုယ်၊ နူတ်၊ စိတ် သုံးပါးစလုံး စင်ကြယ်နေမူ၊ အပြစ်ကင်းနေမူကို သတိပြုလိုက်ပါ။

ထို့နောက် (ငါ၏ကိုယ်နူတ်စိတ်သုံးပါး စင်ကြယ်နေသည်) ဟု နူတ်မှ သုံးကြိမ် ရွတ်ဆိုလိုက်ပါ။

ဤအမူနှစ်ခုကို ရွတ်ပွားဆင်ခြင်းနိုင်ပါလိမ့်မည်။

ဤသည်တို့မှာ ဘာဝနာကျင့်စဉ်ကို မကျင့်ဆောင် မရူမှတ်မီ ရှေးဦးစွာ ပြုသင့်၊ ပြုထိုက်၊ ပြုအပ်သော ကိစ္စများ ဖြစ်ပါသည်။

အတိုကောက်မှန်ရန် လင်္ကာ
ရှေးဦးအစ ပြုရဖွယ်သာ,
ဆင်းရဲမူက လွတ်ကြမှန်စွာ၊
ပုဂ္ဂိုလ်အပေါင်း အကြောင်းခြင်းရာ,
ယုံကြည်လေးစား အားထားစိတ်မှာ၊
စင်ကြယ်မူ တွေးရူကံသုံးဖြာ။

ကျမ်းကိုး။ ။စက္ကန့် သုံးရာ ဘာဝနာ စာအုပ်မှ ကိုးကား ရေးသား ဖော်ပြထားပါသည်။

ငါးမိနစ် တရားရူမှတ်နည်း

ခန္ဓာငါးပါး၏ အဖြစ်အပျက်ကိုမမြင်ဘဲ အနှစ်တစ်ရာ အသက်ရှင်နေရခြင်းထက်၊ ခန္ဓာငါးပါး၏ အဖြစ်အပျက်ကို ၀ိပဿနာဉာဏ်ဖြင့် ရူမြင်သောသူ၏ တစ်ရက်မျှ အသက်ရှင်ခြင်းက ပို၍ မြတ်ပေ၏။ ဘုရားသနာနှင့် ကြုံရခိုက်၊ လူ့ဘ၀ရခိုက်၊ တရား အားထုတ်ဖို့ အခွင့်သာခိုက် အမြတ်ဆုံး အသက်ရှည်နည်းကို သိလိုလျှင် ဤပိုစ့်လေးကို ဖတ်ကြည့်ပါ၊ ဖတ်ပြီးလျှင် လက်တွေ့ လေ့ကျင့်ကြည့်လိုက်ပါ၊ ဒိဋ္ဌအကျိုးထူး ခံစားရပါလိမ့်မယ်ရှင်။

ဤပိုစ့်လေးတင်ရခြင်း ရည်ရွယ်ချက်မှာ -

၁။ အချို့သော ပုဂ္ဂိုလ်များသည် တရားဘာဝနာကိစ္စကို လုံးဝ မသိရှိကြပါ။

၂။ အချို့သော ပုဂ္ဂိုလ်များသည် သိရှိ စိတ်ဝင်စားကြပါသော်လည်း အချိန်ပေး၍ တစ်သီးတစ်သန့် အားမထုတ်နိုင်ကြပါ။

၃။ အချို့သော ပုဂ္ဂိုလ်များသည် စိတ်ဝင်စား၍ အချိန်ပေး အားထုတ်နေကြသော်လည်း နည်းလမ်းကျကျ မှန်ကန်စွာ နားမလည်ကြပါ။

၎။ အချို့သောပုဂ္ဂိုလ်များသည်ကား အယူအဆ အတွေးအမြင်မှောက်မှား၍ “တရား” ဆိုလျှင် ဝေးဝေးကရှောင်၍ ရှား၍ နေကြပါသည်။

ဤသို့အားဖြင့် လေးမျိုးလေးစား ခွဲခြား၍ တွေ့ကြုံရသည်။

အမှတ် ၁ - အခြေအနေပါ ပုဂ္ဂိုလ်မျိုးသည် တရားဘာဝနာရူမှတ်ခြင်း၏ တန်ဖိုးနှင့် အကျိုးအာနိသင်ကို သိရှိနားလည်ခွင့်ရှိပါက ဤကျင့်စဉ်ကို မုချကျင့်ဆောင်လာမည်ဟု မိမိယုံကြည့်ပါသည်။

အမှတ် ၂ - အခြေအနေပါ ပုဂ္ဂိုလ်မျိုးသည် အကြောင်းအမျိုးမျိုးဖြင့် အချိန်မပေးနိုင်ကြသော်လည်း ဘာဝနာကျင့်စဉ်၏ အမှန်တကယ် လိုအပ်သော အချိန်နှင့် တန်ဖိုးများ သဘောပေါက်လာလျှင် လက်တွေ့ကျင့်ဆောင်လာမည်ဟု မိမိယုံကြည်ပါသည်။

အမှတ် ၃ - အခြေအနေပါ ပုဂ္ဂိုလ်မျိုးသည် မှန်ကန်သော နည်းလမ်းနှင့် တိကျသေချာသော ကျင့်စဉ်ကို ဧကန်အမှန်ကို သိရှိရလျှင် လမ်းမှန်နည်းမှန်သို့ ဒိဋ္ဌရောက်ရမည်ဟု မိမိယုံကြည်ပါသည်။

အမှတ် ၄ - အခြေအနေပါ ပုဂ္ဂိုလ်မျိုးသည်ကား အမြင်မှန် အယူမှန်သို့ ကြည်ကြည်လင်လင် မရောက်သရွေ့ တရားကျင့်စဉ်တို့နှင့် ဝေးကွာနေကြဦးမည် ဖြစ်ပါသည်။

ဤသို့တွေ့ကြုံရ ယုံကြည်ရသောကြောင့် မိမိ၏ကိုယ်တွေ့ ကျင့်ကြံကြိုးကုတ် အားထုတ်မူနှင့် စာတွေ့ ဗဟုသုတတို့ ပေါင်းစပ်ကာ ဤ ပိုစ့်ကို ရေးသားခြင်း ဖြစ်ပါသည်။

၁။ တရားဘာဝနာကိစ္စကို မနီးမစပ်မရင်းနှီးသောကြောင့် ခက်ခဲသည်ဟု ထင်မှတ်ကာ ဝေးကွာနေကြသူများ။

၂။ လောက ကိစ္စ လူမူရေးရာ စီးပွားရေးရာ စသည်တို့ဖြင့် မအားမလပ် အချိန်မပေးနိုင်ပါဟု ဆိုကြသူများ။

၃။ လူမူဒုက္ခအပေါင်း ဆုံးရကြုံရသဖြင့် စိတ်ညစ်ညူးကာ လွတ်လမ်း ထွက်ပေါက် ရှာကြံလိုကြသူများအတွက် အလွယ်ဆုံး၊ အရှင်းဆုံး၊ အတိုဆုံးနည်းလမ်းအားဖြင့် တရားဘာဝနာကို ကျင့်ကြံ ရူမှတ်နိုင်ရန် ညွှန်ပြပေးထားပါသည်။

ဤသို့ညွှန်ပြရာ၌ အသိဉာဏ်ရှိသော ထွက်သက် ၀င်သက်ရှိသူ လူအပေါင်းတို့အတွက် “ဆင်းရဲမူအားလုံး ကုန်ဆုံးရာ” သို့ ရည်ရွယ်ညွှန်ပြလိုသည်ဖြစ်ရာ လူမျိုး၊ ဘာသာ စသော အပိုင်းအခြားများ ကင်းလွတ်စေရန် တတ်နိုင်သမျှ ဘာသာစွဲ ၀ါဒစွဲများကို ရှောင်ကြဉ်၍ ရေးသားထားပါတယ်။

ငရုတ်သီးသည် ဘယ်သူစားစား ဘယ်အချိန်မှာစားစား ဘယ်နေရာမှာစားစား စပ်သည့်အရသာကို ကိုယ်တိုင် ခံစားရသကဲ့သို့ -

တရားဘာဝနာကျဉ့်စဉ်သည် ကျင့်သူတိုင်းအား အကျိုးအာနိသင်ကို ခံစားရစေသည်ဖြစ်ရာ လူမျိုးနှင့်ဘာသာ အယူဝါဒများကွဲပြားမူမှာ ဤကျင်စဉ်အား အတားအဆီး အကာအကွယ်တစ်ခုအသွင် မရှိစေလိုပါ။

လူမျိုးမရွေး ဘာသာမရွေး အသက်အရွယ်မရွေး သိတတ်နားလည်သောသူတိုင်း ဤကျင့်စဉ်တရားကို အားထုတ်ကျင့်ဆောင်နိုင်ကြပါသည်။ အားထုတ်ကျင့်ဆောင်၍ ခံစားရရှိစေချင်ပါသည်။

သို့သော် ဤကျင့်စဉ်နည်းလမ်းကို ဗုဒ္ဓဘာသာထေရ၀ါဒ အဆုံးအမတော်များမှ ထုတ်ယူ၍ ရေးသည်ကိုကား ပွင့်လင်းစွာ ၀န်ခံလိုပါသည်။

ဤကျင့်စဉ်ကို လက်တွေ့လိုက်နာကျင့်ဆောင်ရူမှတ်ခြင်းဖြင့် ရရှိခံစားကြရမည့် အကျိုးကို ကိုယ်တိုင်ကိုယ်ကျ သိရှိခံစားကြရမည် ဖြစ်သောကြောင့် အထူး မညွှန်းလိုတော့ပါ၊ အနည်းငယ်မျှ ဖော်ပြရလျှင် -

၁။ စိတ်တည်ငြိမ်းခြင်း။

၂။ မှတ်ဉာဏ်ကောင်းခြင်း။

၃။ ကိုယ်၊ စိတ် ပင်ပန်းနွမ်းလျမူများ ပြေပျောက်ခြင်း။

၎။ ကိုယ်၊ စိတ် ဆင်းရဲမူများဒဏ် ခံနိုင်ခြင်း။

၅။ ကောင်းသောအတွေးအမြင် ကြည်လင်ခြင်း။

၆။ ဖြောင့်မှန် တည့်မတ်သော ဆုံးဖြတ်ချက်ကို ပြုလုပ်နိုင်ခြင်း။

၇။ လေးနက်သော အယူဝါဒကို သိမြင်စွဲမြဲခြင်း စသည့် အကျိုးအာနိသင်များကို ရရှိမည်မှာ ဧကန်ဒိဋ္ဌိဖြစ်ပါသည်။

တစ်နာရီ၊ တစ်မိနစ်၊ တစ်စက္ကန့်စသော အချိန်ကာလ၏ တန်ဖိုးသည် လွန်စွာ ကြီးမားလှပါသည်။ တန်ဖိုးကြီးမားလှသော အချိန်ကို အကျိုးရှိစွာ လက်တွေ့အသုံးချတတ်ရန် ဤပိုစ့်လေးမှ ညွှန်ပြလိုက်ပါသည်။

အသုံးကျသော အရာတို့ကို အသုံးချတတ်ရန်လည်း အထူးလိုအပ်ပါသည်။

အို - မိတ်ဆွေ သင်၏ မအားလပ်ဖူးဆိုသော အချိန်ထဲမှ တစ်နေ့တာမှ (ငါးမိနစ်) မျှသော အချိန်ကာလကို လက်တွေ့ အသုံးချကြည့်စေချင်ပါသည်။

နိူးဆော်လင်္ကာ
ငါးမိနစ်မျှ ခဏချိန်တွင်၊
စိတ်ဝယ်စူးစိုက် ပြုလိုက်ပါလျှင်
ဘာဝနာမျိုး တနိဖိုးထင်ထင်၊
ညောင်စေ့ငယ်မှ ဖြစ်ရညောင်ပင်၊
ပမာထား ကြီးမားအာနိသင်။

ကျမ်းကိုး။ ။စက္ကန့် သုံးရာ ဘာဝနာ စာအုပ်မှ ကိုးကား ရေးသား ဖော်ပြထားပါသည်။

ပါဠိပါဌ်ဆင့်ဖတ်ပုံ အညွှန်း

ပါဠိပါဌ်ဆင့် စားလုံးတွေ ပါဠိစာတွေ ဖတ်ဖို့အတွက် ကိုဇော်ထက်မောင် ရေးပေးထားတာလေးကို ပြန်မျှဝေလိုက်ခြင်း ဖြစ်ပါတယ်။ သိသလောက်လေးပေါ့၊ လိုအပ်တာလေးတွေ ရှိရင် နားလည်ပေးစေချင်ပါတယ်။

သဝေထိုး၊ ရေးချ နှင့် အသတ်ကိုမြင်က ဝဆွဲ သံ ဖတ်ရမည်။

ဥပမာ-ဟောန္တု=ဟွန်တု။ ဗောစ္ဇျင်္ဂ=ဗွစ်ဇျင်ဂ။

သဝေထိုး နှင့် အသတ် ကိုမြင်က စ,သတ်သံဖတ်ရမည်။
ဥပမာ-သေတ္တာ=သစ်တာ။

-ျ ၊ြ - ၊ -ွ ၊ -ှ တွေကိုမြင်ရင် အသံအသတ် ယူပြီးဖတ်ရမည်။
ဥပမာ-သကျ=သက်ကျ ၊ စကြာ=စက်ကြာ ၊ ကတွာ=ကတ်တဝါ ၊ ကဏှ=ကဏ်ဏှ။

ကြားတွင် ‘ - သို့ မဟုတ် , ’ ခြားထားလျှင် အသံအသတ်ယူပြီးမဖတ်ရပါ။
ဥပမာ- သ-ကျ= သကျ ဟုသာဖတ်၊ က,ဏှ= ကဏှ ဟူ၍ မူလအတိုင်းသာဖတ်ရမည်။

ည ဆိုသည်မှာ ဉ + ဉ ပေါင်း၍ ဖြစ်လာသဖြင့် ပုည ကိုဖတ်လျှင် (ပုဉ် ဉ ) ပုံည ဟုသာဖတ်သည်။
ဥပမာ -သုည= (သုဉ် ဉ )သုံည။

ဌဝင်ဘဲ နှစ်မျိုးရှိသည်။ ဌ သည်ရိုးရိုးသာဖြစ်၍ ပါဌ်ဆင့်မပါချေ။
သို့ရာတွင်မူ ဋ္ဌ သည်ကား ( ဋ + ဌ = ဋ္ဌ ) ဋနှင့် ဌဝင်ဘဲနှစ်ခုပေါင်းထားခြင်းဖြစ်သည်။
ဥပမာ- ပဋ္ဌာန်း = ပဋ် ဌာန်း ၊ ကောဋ္ဌာသ= ကွဋ်ဌာသ ဖြစ်သည်။