လူချမ်းသာဟူ၍ အမွှမ်းတင်ကြရသော ယခုကာလ လူ့လောက၌ စားသောက်နေထိုင်ရေးအတွက် မပူမပင်ရသူ နည်းပါးလှ၏။ ထိုကျပ်တည်း ကျဉ်းမြောင်းနေကြရှာသော ဒုက္ခိတ စာရင်းတွင် ပါဝင်သူများသည် ရှေးရှေးဘ၀က ဒါနချို့တဲ့သူများသာ ဖြစ်၏။ လူ့ချမ်းသာ စာရင်းဝင်သူတို့ကား ယခုဘ၀ဓနရှင် ဖြစ်လာက်အောင် ရှေးရှေးဘ၀က ဒါနရှင်လည်း ဖြစ်ခဲ့ကြပေသည်။ ထိုဓနရှင်များသည် ဤဘ၀တွင် ဓနရှင်ဖြစ်ရုံနှင့် ကျေနပ်ထိုက်ပါမည်လော။ ယခုဘ၀ မျက်စိမှိတ်လိုက်သည်နှင့် တစ်ပြိုင်နက် လက်ရှိနေများ လက်မဲ့ဖြစ်ကြပြီးလျှင် အသစ်ဘ၀တွင် အသစ်ဓနနှင့် စခန်းသွားကြရလိမ့်မည်။
ထို့ကြောင့် သူတော်ကောင်းဓနရှင်တို့သည် လက်ရှိဓနများကို (အမွေခံများအတွက် သင့်အောင်ချန်ထား၍) ဆင်းရဲသူများကို ဖြန့်ဖြူးနိုင်မှသာ “ရှေးဘ၀ ဒါနရှင်၊ ယခုဘ၀ ဓနရှင်။ ယခုဘ၀ဒါနရှင်၊ နောင်အဆက်ဆက် ဓနရှင်”ဟု နိဗ္ဗာန်စံဝင်သည့်တိုင်အောင်အမြဲဓနရှင်များ ဖြစ်နိုင်ကြပေမည်။ ထို့ကြောင့် တစ်ဘ၀မျှပင် ခေတ္တပိုင်ရသော ဓနကို “ငါပိုင်”ဟု သဘောမထားဘဲ “ဆင်းရဲသား အများဆိုင်သော ငါပိုင်”ဟု သဘောထား၍ ဒုက္ခိတအများကို ဖြန့်ဖြူးနိုင်စေရမည်။
အရှင်ဇနကာဘိဝံသ ကိုယ်ကျင့်အဘိဓမ္မာစာအုပ်မှ ထုတ်နူတ်ဖော်ပြပေးထားပါသည်။
No comments:
Post a Comment