မြန်မာအမည် - သစ်ဆိမ့်ပင်
မြန်မာနိုင်ငံရှိ မြေညီသစ်တောနှင့် တောင်ကုန်း သစ်တောများ၌ ပေါက်ရောက်သည်။ ဗာဒံရိုင်းပင်နှင့် တူသည်။ နွေရာသီတွင် အရွက်ဖြူသော အပင်မျိုး ဖြစ်သည်။ အမြင့်ပေ ၆၀ မှ ၇၀ အထိ မြင့်သည်။ ပင်စည်လုံးပတ် ခြောက်ပေ မှ ခုနှစ်ပေ အထိ ရှိသည်။ ပင်စည်သည် ဖြောင့်မတ် မြင့်မားပြီး အကိုင်းအခတ်များသည် ဘေးသို့ ပြန့်ကားလျက် ခန့်ညားလှပေသည်။
အသီးခြောက်များသည် ဆေးဖက်ဝင်သည်။ အသီးအတွင်းမှ အစေ့အဆံကို စားကြရသော်လည်း များများစားပါက မူးစေတတ်သည်။ မြန်မာနိုင်ငံတွင် သစ်ဆိမ့်သီးကို လှော်၍ လည်းကောင်း၊ ပြုတ်၍ လည်းကောင်း၊ သစ်ဆိမ့်ဆီ အဖြစ်လည်းကောင်း။ အသီးမှည့်များကို အစိမ်းစားသုံးနိုင်သည်။ သစ်ဆိမ့်သီးကို အလွန်အကျွံ စားသုံးပါက မူးဝေအော့အန်တတ်သည်။ အသီးရင့်သည် ၀မ်းလျှော၍ အမှည့်ခြောက်သည် ၀မ်းကိုချုပ်စေသည်။ ဆောင်းရာသီတွင် အသီးမှည့်ကိုစားသုံးနိုင်သည်။
မြန်မာဆေးကျမ်းများ အလိုမှာ သစ်ဆိမ့်သီးသည် အသံကို ပျက်စေတတ်သည်။ ပူသဖြင့် လူကို ခြောက်သွေ့စေတတ်သည်။ ဖန်၏။ သုက်နာ၊ ပိုးနာတို့ကိုလည်း နိုင်၏။ မျက်စိနှင့်လည်း သင့်၏။ သလိပ်နာ၊ သည်းခြေနာ တို့ကိုလည်း ပယ်နိုင်သည်ဟုဆိုသည်။
အိန္ဒိယ ဆေးကျမ်းများအရ သစ်ဆိမ့်သီးသည် ချောင်းဆိုရောဂါ၊ အသံဝင်ရောဂါ၊ မျက်စိရောဂါ၊ ကင်းကိုက်ခြင်းအတွက် ဆေးဖက်ဝင်သည်။ ချောင်းဆိုးခြင်း။ အသံဝင်ခြင်း၊ လည်ချောင်းနာခြင်း၊ အသက်ရူကျပ်ခြင်း ဖြစ်ပါက သစ်ဆိမ့်ဆီ အတွင်းသားကို ဆား၊ ငရုတ်ကောင်းတို့နှင့် ရော၍တေပြီး စားသုံးနိုင်သည်။ သိုပမဟုတ် နို့ရည်နှင့် ရော၍ လျက်ပေးရသည်ဟု ဆိုပါသည်။ သစ်ဆိမ့်သီးကို သွေး၍ မျက်စိကို ကွင်းပေးပါက မျက်စိနာ ပျောက်သည်။ အသီးမှ မှည့်ခြောက်ကို ချုပ်ဆေး။ ၀မ်းနူတ်ဆေး၊ အားတိုးဆေးတို့၌ အသုံးပြုကြသည်။
Saturday, 30 October 2010
သစ်ဆိမ့်ပင်
Subscribe to:
Post Comments (Atom)
No comments:
Post a Comment