အသုဘ၌ သရဏဂုံတင်ခြင်း

သရဏဂုံနှင့်စပ်၍ သိမှတ်ဖွယ်တစ်ခု ရှိသေးသည်။ ဗုဒ္ဓဘာသာဝင် တစ်ယောက် ကွယ်လွန်လျှင် ကျန်ရစ်သူ ဆွေမျိုးများက ကွယ်လွန်သူ အလောင်းအနီး၌ သရဏဂုံ သီလဆောက်တည်ပြီး ကုသိုလ်ပြု အမျှအတန်းပေးဝေလေ့ရှိကြ၏၊ “သရဏဂုံတင်သည်” ဟု ခေါ်တွင်သည်။

ထိုအခမ်းအနား၏ လိုရင်းရည်ရွယ်ချက်မှာ ကွယ်လွန်သူအား အမျှအတန်း ပေးဝေခြင်းသာ ဖြစ်၏။ သေသွားသူအား သရဏဂုံတင်ခြင်းမဟုတ်၊ သရဏဂုံလည်း မယူနိုင်တော့ချေ။ အမျှအတန်းပေးဝေရာ၌ ပို၍ ထိရောက်စေရန် ကျန်ရစ်သူများက ထပ်မံ၍ သရဏဂုံသီလ ဆောက်တည်ခြင်းသာ ဖြစ်သည်။

ကွယ်လွန်သွားသူမှာ အကယ်၍ ပေတဂတိသို့ ရောက်နေခဲ့လျှင် သာဓုခေါ်နိုင်ရုံမျှမက သရဏဂုံ သီလဆောက်တည်ခွင့်ပင် ရရှိသွားနိုင်၏။ သံသရာက တော်စပ်ခဲ့သော ဆွေမျိုးပြိတ္တာများလည်း အလားတူ ရရှိနိုင်ကြသည်ပင်။ ထို့ကြောင့် အသုဘကိစ္စ၌ သရဏဂုံတင်ခြင်းသည် ဗုဒ္ဓဘာသာဝင်တစ်ဦး၏ နောက်ဆုံးခရီးအတွက် အကောင်းဆုံးသော နောက်ဆုံး အကူအညီပေးမူဖြစ်၍ အစဉ်အလာကောင်းတစ်ခုပင် ဖြစ်သည်။

လူတစ်ဦးကွယ်လွန်သွားသောအခါ ခေါင်းထဲ၌ ကူးတို့ခနှင့် အစားအသောက်၊ အဆောင်အယောင်များကို ထည့်ပေးသော မိရိုးဖလာ ရိုးရာအယူအစွဲများ၊ သေသွားသူ ကောင်းရာဘ၀ရောက်စေရန် ၀ိုင်း၍ ဆုတောင်းပေေးသာ သာသနာပ လုပ်ထုံးများ၏ အကျိုးမရှိပုံကို ကောင်းစွာ နားလည်ထားသော ကျန်ရစ်သူ သားသမီးဆွေမျိုးတို့၏ သရဏဂုံတင် အမျှဝေပေးခြင်းသည် သွားလေသူ ဗုဒ္ဓဘာသာဝင်တစ်ဦး၏ နောက်ဆုံး ခရီးအတွက် နောက်ဆုံးကောင်းခြင်းပင် ဖြစ်၏။

- ဗောဓိမင်းသား၏ မယ်တော်ကဲ့သို့ ၀မ်းတွင်းရှိ သားငယ်အတွက် ဘုရားအမှူးရှိသော သံဃာများထံ “သရဏဂုံ”ခံယူပေးခြင်း၊

- ဒီဃာဝုသတို့သား မိဘတို့ကဲ့သို့ သားသမီးငယ်များအတွက် အလှူလုပ်ပေးခြင်း၊ “ဦးတော်” လုပ်ခိုင်းခြင်း၊
- ဒုဋ္ဌဂါမဏိ၊ သဒ္ဓတိဿတို့၏ ဖခင် ကာက၀ဏ္ဏတိဿ မင်းကြီိးကဲ့သို့ ရတနာသုံးပါးဦးတိုက်၍ “ထမင်းခွံ့မင်္ဂလာ” စသည်လုပ်ပေးခြင်း၊

- အနာထပိဏ်သူဋ္ဌေးကြီး သားဖြစ်သူ ကာဠအား ပိုက်ဆံပေး၍ ဥပုသ်စောင့်ခိုင်းသကဲ့သို့ သားသမီးတို့အား “ဘာသာရေးအသိ”သွင်းပေးခြင်း -

တို့သည် မိဘတို့ကျေးဇူးကြောင့် ဗုဒ္ဓဘာသာဝင်တစ်ဦး၏ ကနဦးဘ၀ အစ၏ကောင်းခြင်းကို ရခဲ့ကြသည်။ တာဝန်သိသော သားသမီးတို့၏ ကျေးဇူးကြောင့် ဘ၀နိဂုံးနောက်ဆုံးကောင်းခြင်း ကိုလည်း ရနိုင်ကြ၏။ ကောင်းခြင်း သုံးဖြာနှင့် ပြည့်စုံသော ဗုဒ္ဓဘာသာဝင်တို့၏ ဘ၀သည် အရတော်ပေစွ။

ကောင်းခြင်း သုံးဖြာနှင့် ပြည့်စုံသော ဗုဒ္ဓဘာသာဝင်တို့၏ ဘ၀သည် အရတော်ပေစွ။