ရှိရှိသမျှ ရုပ်နာမ်ဓမ္မ သင်္ခါရတွေဟာ အမြဲမရှိ ဆင်းရဲ၏၊ အစိုးမရဟု အဖန်ဖန် ရူမြင်သုံးသပ်မှုကို ၀ိပဿနာလို့ ခေါ်ပါတယ်။ ဒီလက္ခဏာသုံးပါးကို အထပ်ထပ်ရူမြင် သုံးသပ်ရင် ရုပ်နာမ်တရားတွေကို တပ်မက်စွဲလမ်းမူ မဖြစ်တော့ဘူး၊ မတပ်မက်ရင် ငြီးငွေ့လာမယ်။ ငြီးငွေ့ရင် ဒီရုပ်နာမ်တွေ ချုပ်ငြိမ်းရာ နိဗ္ဗာန်ကို မျက်မှောက်ပြုနိုင်တဲ့ သောတာပန်၊ သကဒါဂါမ်၊ အနာဂါမ် ရဟန္တာအဆင့်ဆင့် ဖြစ်သွားနိုင်တယ်။
ရဟန္တာဖြစ်ပြီးရင်တော့ ဘာသာရေးကိစ္စလမ်းဆုံးပြီ၊ နောက်မဂ်ကိစ္စနဲ့ပတ်သက်ပြီး ဘာမှလုပ်စရာ မလိုတော့ဘူး။ လောကီဈာန် အကြားအမြင်တွေလိုလဲ တစ်ခါပြန်ပျောက်သွားရိုး မရှိဘူး၊ ဒါ ၀ိပဿနာ ရူလို့ရတဲ့ အကျိုးဖြစ်ပါတယ်။ အရဟတ္တမဂ်ကိုရမှု ရဟန္တာဖြစ်မှုဟာ ဗုဒ္ဓဘာသာတွေရဲ့ နောက်ဆုံးရည်မှန်းချက် ပန်းတိုင်ပါပဲ၊ ရဟန္တာ အဖြစ်ထက်ပိုမြင့်တဲ့ ဘာသာရေးရည်မှန်းချက် မရှိတော့ပါဘူး။
Saturday, 25 September 2010
ဝိပဿနာ ကမ္မဌာန်းဆိုတာဘာလဲ၊ ၀ိပဿနာအားထုတ်ရင် ဘာဖြစ်မလဲ?
Subscribe to:
Post Comments (Atom)
No comments:
Post a Comment