အပြင်နားရောင်ရမ်းတာဟာ အသက်အရွယ်မရွေးဖြစ်တတ်ပြီး အထူးသဖြင့် ရေကူးသမားတွေမှာ ပိုဖြစ်ပါတယ်။ နားအပြင်နေရာမှာ ရောဂါပိုးဝင်နေတာ၊ ဒါမှမဟုတ်နားပြွန်အတွင်း ပြည်တည်နာရှိတာလိုမျိုးကြောင့် ဖြစ်တတ် ပါတယ်။ အထူးသဖြင့် ကုတ်ခြစ်ရာတွေရှိနေရင်ပါ။
ရောဂါလက္ခဏာ
- ရောဂါပိုးဝင်တဲ့နားမှ အရည်(ပြည်)တွေထွက်ကျနေတတ်ပါတယ်။ အရည်အနည်းငယ်စထွက်ရာမှ အရည်များများထွက်လာတဲ့အထိ ဖြစ်တတ်ပါတယ်။ နားပြွန်အတွင်းမှ ပြည်တည်နာ ပေါက်ထွက်သွားမှသာ အရည်(ပြည်) ထွက်လာပါတယ်။
- နားကိုက်နေခြင်း
- နားပေါက်ဝမှာ နှင်းခူလိုမျိုး အဖုအပိမ့်တွေရှိနေတတ်ပါတယ်။
- ယာယီနားလေးနေခြင်း
ရောဂါကြာချိန်
- ကုသမူခံယူပါက ရက်အနည်းငယ်အတွင်း သက်သာသွားပါတယ်။
- ကုသမူမခံယူရင် လပေါင်းများစွာထိ ရောဂါရှိနေတတ်ပါတယ်။
ဘာကြောင့်ဖြစ်သလဲ
- ဘက်တီးရီးယား ဒါမှမဟုတ် မိူပိုးကြောင့်
- ကလိုရင်းခတ်ထားတဲ့ ရေကူးကန်မှာ ရေကူးတာကြောင့်
- ရေကန်ထဲမှာ ရေချိုးတာကြောင့်
အိမ်မှာ ဘယ်လိုကုမလဲ
- နားမှစီးကျတဲ့ ပြည်အရည်တွေကို သုတ်သင်သန့်ရှင်းပေးပါ။
- နားအတွင်းထဲသို့ သန့်ရှင်းရေးမလုပ်ပါနဲ့။
-နားမှပြည်ရည်တွေစီးကျအောင်တစ်ဖက်စောင်းအိပ်ပေးပါ။ ခေါင်းအုံးမှာ ပြည်ရည်တွေမစွန်းအောင် ခေါင်းအုံးစွပ်နဲ့ ခေါင်းအုံးကြားမှာ ပလတ်စတစ်ခင်းထားပေးပါ။
- နားထဲရေမ၀င်ပါစေနဲ့။
- လိုအပ်ရင် အကိုက်အခဲပျောက်ဆေးသောက်ပါ။
ဆရာဝန်နဲ့ ဘယ်အချိန်ပြမလဲ
- ရောဂါဝေဒနာစတင်ခံစားရပြီး ၄၈နာရီအတွင်း ပြပါ။
ဆရာဝန်က ဘာလုပ်ပေးမလဲ
- နားအတွင်းပိုင်း သန့်ရှင်းရေးလုပ်ပေးပါမယ်။
- နားအတွင်းထည့်ဖို့ဆေးရည်ညွှန်ပေးပါမယ်။
- လိုအပ်ရင် နား၊ နှာခေါင်းအထူးကုဆရာဝန်နဲ့ ပြသဖို့ ညွှန်ပေးပါမယ်။
ဘယ်လိုကာကွယ်မလဲ
- ၀ါဂွမ်းနားကြပ်တံနဲ့ နားအတွင်းပိုင်းကို အတင်းထိုးပြီး နားမကျပ်ပါနဲ့။ နားအပြင်ဘက်မှ နားဖားချေးတွေကို တစ်သျှူး ဒါမှမဟုတ် လက်ကိုင်ပ၀ါနဲ့သာ သန့်ရှင်းပေးပါ။
- သံလွင်ဆီနှစ်စက်မှ သုံးစက်ကို ရေမကူးခင် နားတစ်ဖက်တစ်ချက်စီ ထည့်ပေးပါ။
ရောဂါအခြေအနေ
- အန္တရာယ်သိပ်မများပေမယ့် မကြာခဏပြန်ဖြစ်တတ်ပါတယ်။
No comments:
Post a Comment