စိတ်၊ စေတသိက်၊ ရုပ်၊ နိဗ္ဗာန်ဟူသော ပရမတ္ထတရားတို့ကို နှစ်စု၊ သုံးစု ခွဲခြမ်းပြု၍ နည်းမျိုးစုံဖြင့် ရေတွက်ပြသော ကျမ်းသည် ဓမ္မသင်္ဂဏီကျမ်းမည်၏။ (ဓမ္မ = တရားများကို + သင်္ဂဏီ = ရေတွက်ပြခြင်း)
ဤဓမ္မသင်္ဂဏီကျမ်း၌ ပရမတ္ထတရားများကို ကုသလာ ဓမ္မာ၊ အကုသလာ ဓမ္မာ၊ အဗျာကတာ ဓမ္မာ စသည်ဖြင့် သုံးစုပြု၍ ဟောကြားထားသည်၊ ယင်းသို့ သုံးစုပြု၍ ဟောခြင်းကို ပါဠိလို တိက၊ မြန်မာလို တိက် ဟုခေါ်၏၊ ထိုသို့သော တိက်ပေါင်း ၂၂-တိက်ရှိသည်။ ပရမတ္ထတရားကို ဟေတူ ဓမ္မာ၊ နဟေတူ ဓမ္မာ စသည်ဖြင့် နှစ်စုပြု၍ ဟောခြင်းသည် ပါဠိလို ဒုက၊ မြန်မာလို ဒုက်မည်၏၊ ထိုသို့သော ဒုက်ပေါင်း ၁၀၀- ရှိသည်။
ဓမ္မသင်္ဂဏီကျမ်းကား ယင်းတိက် ၂၂တိက်၊ ဒုက် ၁၀၀ တို့ကို သရုပ်အားဖြင့် ရေတွက်၍ ဟောပြသော ကျမ်းဖြစ်သည်။
ထို့ကြောင့် ဓမ္မသင်္ဂဏီကျမ်းကို ပရမတ္ထသစ္စာဖြင့် ဟော်တော်မူသည့် ကျမ်းဟု ဆိုရပေသည်။
ပြည်ထောင်စု မြန်မာနိုင်ငံတော်အစိုးရ သာသနာရေးဝန်ကြီးဌာန ဗုဒ္ဓဘာသာတရားတော် (အဆင့်မြင့်) စာအုပ်မှ ထုတ်နူတ်ဖော်ပြသည်။
Wednesday, 16 November 2011
(က) ဓမ္မသင်္ဂဏီကျမ်းနှင့် ပရမတ္ထသစ္စာ
Subscribe to:
Post Comments (Atom)
No comments:
Post a Comment