အခြင်းအရာ (၂၀) ပါး

အခြင်းအရာတို့သည် -

(၁) အတိတ်အကြောင်း (၅)ပါး

(၂) ပစ္စုပ္ပန်အကျိုး (၅)ပါး

(၃) ပစ္စုပ္ပန်အကြောင်း (၅)ပါး

(၄) အနာဂတ်အကျိုး (၅)ပါးအားဖြင့် အခြင်းအရာ (၂၀) အင်္ဂါ (၂၀) ဖြစ်ပါသည်။

ထိုတွင် -

(၁) အ၀ိဇ္ဇာ၊ တဏှာ၊ ဥပါဒါန်၊ သင်္ခါရ၊ ကမ္မဘ၀အားဖြင့် (၅)ပါးတို့သည် အတိတ်အကြောင်းမည်၏။

(၂) ၀ိညာဉ်၊ နာမ်ရုပ်၊ သဠာယတန၊ ဖဿ၊ ဝေဒနာအားဖြင့် (၅)ပါးတို့သည် ပစ္စုပ္ပန်အကျိုးမည်၏။

(၃) အ၀ိဇ္ဇာ၊ တဏှာ၊ ဥပါဒါန်၊ သင်္ခါရ၊ ကမ္မဘ၀အားဖြင့် (၅)ပါး တို့သည် ပစ္စုပ္ပန်အကြောင်းမည်၏။

(၄) ၀ိညာဉ်၊ နာမ်ရုပ်၊ သဠာယတန၊ ဖဿ၊ ဝေဒနာအားဖြင့် (၅)ပါး တို့သည် အနာဂတ်အကျိုးမည်၏။

ဤသို့အားဖြင့် အခြင်းအရာ(၂၀) အင်္ဂါ(၂၀) ဖြစ်ပါသည်။

အခြင်းအရာ(၂၀)နှင့် စပ်လျဉ်း၍ အတိတ်အကြောင်းဟုဆိုအပ်သော အ၀ိဇ္ဇာ၊ သင်္ခါရနှစ်ပါးတွင် မကင်းကောင်းသော တဏှာ၊ ဥပါဒါန်၊ ဘ၀တို့ကို ထည့်သွင်းရေတွက်လျှင် အတိတ်အကြောင်း (၅)ပါး ဖြစ်၏။

ဝိညာဉ်၊ နာမ်ရုပ်၊ သဠာယတန၊ ဖဿ၊ ဝေဒနာ (၅)ပါးသည် အတိအကြောင်းကြောင့် ဖြစ်သော ပစ္စုပ္ပန်အကျိုး (၅)ပါးမည်၏။

တဏှာ၊ ဥပါဒါန်၊ ကမ္မဘ၀တို့တွင် မကင်းကောင်းသော အ၀ိဇ္ဇာ၊ သင်္ခါရတို့ကို ထည့်သွင်းရေတွက်လျှင် အနာဂတ်အကျိုးကို ဖြစ်ပေါ်စေကြောင်းဖြစ်သော ပစ္စုပ္ပန်အကြောင်း (၅)ပါး မည်၏။

အနာဂတ်အကျိုးဖြစ်သော ဇာတိ၊ ဇရာမရဏအင်္ဂါ၌ ဥပ၀တ္တိဘ၀ကို ထုတ်ဖေါ်၍ သိအပ်၏။ ဇာတိ၊ ဇရာမရဏတို့သည်ကား ဥပပတ္တိဘ၀၏ အမူတို့သာတည်း၊ ဇာတိဆိုလျှင် ၀ိပါက်နာမက္ခန္ဓာ၊ ကဋတ္တာရုပ်တို့လည်း ပါဝင်ကြ၏၊ ယင်းတရားတို့ကိုပင် ဥပပတ္တိဘ၀ဟုဆိုသည်။ ထို့ကြောင့် ဇာတိ၊ ဇရာမရဏတို့၌ ၀ိညာဉ်၊ နာမ်ရုပ်၊ သဠာယတန၊ ဖဿ၊ ဝေဒနာတို့ကို ထုတ်ဖေါ်ယူအပ်၏။ ဤသို့ ယူသဖြင့် အနာဂတ်အကျိုးတရား ငါးပါးဖြစ်၏။

ပြည်ထောင်စု မြန်မာနိုင်ငံတော်အစိုးရ သာသနာရေးဝန်ကြီးဌာန ဗုဒ္ဓဘာသာတရားတော် (အဆင့်မြင့်) စာအုပ်မှ ထုတ်နူတ်ဖော်ပြသည်။